نقطه من اول السطر

العرض انتهى.. والجمهور هرب قبل التتر!
التأثير كان سحر يا جماعة.. مفعول السحر! بقلم منال علي 
أول واحدة نطت من مكانها كانت سماح
يا لهوي! ده أنا نسيت العيال عند المدرسة، لازم أمشي حالاً!.. وفي ثانية كانت فص ملح وداب، ولا كأنها كانت لسه بتطالب بنصيبها في المكافاه 
بعدها على طول، الست روحية قامت وهي بتنفض عبايتها بعصبية
فلوس إيه يا حسرة؟! ده أنا يادوب ماشية بستر

ربنا وبالعافية! كل ده من وشك الفقر، كنت عارفة إنك فاشلة وهتخربي بيت ابني! قوم يا عصام، لم هدومك وجهز شنطتك!
عصام وقف مبرق ومش فاهم حاجة أجي فين يا ماما؟
تيجي بيت أمك يا ضنايا! قبل ما الحكومة تيجي تحجز على الشقة وعفشها بسب غباوتها! وتطلقها فوراً، إحنا مش ناقصين بلاوي!
ما كملوش دقيقتين، وكان الباب اتقفل وراهم.. بس المرة دي اتقفل بجد.
وقفت قدام الشباك، أتفرج عليهم وهم بيجروا في الشارع وكأن الشقة فيها قنبلة هتنفجر.. بقلم منال علي 
طلعت موبايلي.. فتحت تطبيق البنك..
المبلغ زي ما هو، منور الشاشة 300 ألف جنيه.. جنيه ينطح جنيه 
قلت لنفسي وأنا ببتسم بانتصار تمام قوي.. العرض خلص.. والجمهور خلع قبل النهاية متوفره على روايات واقتباسات 
طلعت رقم الأسطى عبده بتاع الأقفال وكلمته
أيوه يا أسطى عبده.. تيجيلي حالا تغيرلي كل كالون في الشقة، وتعملي نسخة واحدة بس.. ليا أنا.
وفي المسا، قعدت على الكنبة بوقار، وفتحت موقع حجوزات.. وحجزت لنفسي رحلة دهب أسبوع.. لوحدي!
لأن الأعصاب مابتتعوضش..
والرجالة زي ما بان كده كائنات مؤقتة.. خصوصاً لما الديون تظهر وتختفي الأرباح.
والخلاصة يا ستات
قبل ما تفتحي قلبك وجيبك وتشاركي اللي معاكي مع حد.. اتأكدي الأول إنهم مش شايلين مقص ورا ظهرهم عشان يقصوا ريشك أول ما الريح تميل. 
تمت. . بقلم منال علي.