رواية جراح الحياة كاملة بقلم رنا سليمان

_اللي بيني وبينك عمره ما كان حب انا عمري ما حبيتك ولا هفكر في يوم اني احب مريضة بتتعالج عندي انتي اللي وهمتي نفسك بشيء عمره ما هيحصل لان اللي بيني وبينك علاقة دكتور بمريضة عنده لا اكتر ولا اقل
_وهمت نفسي!.انا كنت فاكرة انك بتحبني من تصرفاتك
_تبقي غلطانة يا هاجرانا كل اللي عملته معاكي كان مجرد علاج علشان تخرجي من الحالة اللي انتي فيها لكن انا عمري ما حبيتك ولا هيجي يوم واحبك فيه مكنتش فاكر ان دا ممكن يحصل في يوم انا اسف
_اسف!اسف علي ايه يا ادم..اسف انك خلتني اثق فيك بعد ما كنت فقدت الثقة في الناس كلها ولا اسف انك خلتني احبك واتعلق بيك واقتنع انك غيرهم وانا فعلا بتحبني اسف علي اية ولا اية لا ادم
_مكنتش متخيل انك ممكن تحبيني في يوم يا هاجر انا معملتش حاجة تخليكي تحبيني انا كل اللي عملته اني كنت بحاول اعالجك وبس
_وانت فاكر انك كدة عالجتني تبقي غلطان انت بعد اللي عملته دا رجعتني لنقطة الصفر من تاني اللي انت عملته معايا دا اكدلي ان كلكم واحد واني كنت غلطانة لما فكرت في يوم ان احب تاني واثق في حد تاني انا حقيقي كرهتك وکرهت اليوم اللي حبيتك فيه شكرا لانك خلتني افقد الثقة في كل اللي حواليا تاني يا دكتور ادم..اوعدك انك مش هتشوف وشي تاني واني هنسي في يوم اني عرفت واحد اناني زيك
سابتني وخرجت من المكتب .فضلت باصص عليها وانا بحاول امنع دموعي انها تنزل خرجت من المكتب وقفلت الباب قعدت علي الكرسي وبدات اعيط..مكنش قدامي حل تاني علشان ابعدها عني..كان لازم اعمل كدة علشان تبعد وتنساني ..عملت كدة علشان حبي ليها رجعت راسي لورا وبدات افتكر اول مرة شوفتها فيها
دخلت الاوضة بتاعتها .بصيت عليها من بعيد وهي قاعدة بتكلم نفسها وبتعيط..قربت منها وبدات اتكلم
_انا مش مجنونه مش مجنونه هما المجانين
_صباح الخير يا هاجر
سكتت وبصاتلي پخوف وبعدت عني
_انتي مش عايزه تعرفي انا مين
هزيت رأسها پخوف ب لا وبدات ټعيط سحبت كرسي وقعدت علي الكرسي ال قدام سريرها
_ممكن تهدي علشان نقدر نتكلم..احب اعرفك بنفسي انا دكتور ادم الدكتور بتاعك الجديد 
اية رايك!
فضلت باصه عليا شويه وبعدين اديتني ضهرها ونامت اتنهدت وفضلت باصص عليها .يمكن اكون من اشطر الدكاتره ال نفسين في مصر ودا بشهادة معظم الدكاترة كل ال بيجولي بقدر اعاجهم ودا كان السبب ال خلي دكتور رأفت دكتوري في الجامعة يكلمني و يطلب مني اني اجي واعالج مريضه عنده في المستشفى بقالها خمس سنين في المستشفى وكل الدكاتره فشلوا انهم يعالجوها وافقت علي طلب دكتور رافت وروحت علشان احاول ابدا معاها في العلاج واحاول اخرجها من حالة الصمت اللي هي فيه دا. عدا تلات شهور وانا بحاول اتكلم معاها واخليها تكلمني او ترد عليا بس مفيش فايده كانت طول الوقت باصه للسقف وساكته مش بتتكلم ساعات كنت افضل باصص عليها وافكر في اللي حصلها واللي وصلها للحالة دي .كان نفسي اعرف اي ال خلاها توصل للحالة دي
كنت قاعد معاها في يوم وبحاول اتكلم معاها واحاول اخليها تتكلم
_بس يا ستي ومن ساعتها وانا هو صحاب و
اتكلمت وهي باصه للسقف
_متتعبش نفسك يا دكتور
_ايه دا انتي بتتكلمي زينا كدة ..اومال بقالك تلات شهور ساكتة ليه
_بلاش تتضيع وقتك معايا يا دكتور لان كل محاولاتك هتفشل زي اللي قبلك
_بس انا مش متعود اني افشل في أي حاجة عايز احققها
اتكلمت وعلي وشها ابتسامه
_يبقي هتجرب احساس الفشل دا معايا ل اول مرة
_ال يسمعك دلوقتي ما يسمعكيش اول ما شوفتك وانتي عماله تقولي انا مش مجنونه انا مش مجنونه
_مانا فعلا مش مجنونه بس مش عايزه اتعالج
_ودا ازاي يعني يعني ايه مش مجنونه ومش عايزة تتعالجي
_معني اني اتعالج اني هخرج من هنا للمجانين الحقيقين ال برا
كل ال برا المصحه دول مجانين بدون استثناء مجانين وكذابين ومنافقين انا وجودي هنا ارحم بكتير من خروجي واني ارجع اقابلهم
ف علشان كده بقولك يا
دكتور مغامراتك وقصصك اللي عمال تحكيهالي من الصبح دي مش هتفرق معايا في حاجه وانت بتضيع وقتك على الفاضيروح وقولهم انك فشلت في معالجتي ووفر وقتك
_بصي يا هاجر انا مش عارف ايه اللي حصالك وخلاكي توصلي للمرحلة دي بس انا عايز اقولك ان مفيش حاجه في الدنيا دي تستاهل انك ټحبسي نفسك في اوضه اربع حيطان من غير ما تتعاملي مع البشر اللي برا الاوضه دي .على فكرة يا هاجر زي ما في الۏحش في الدنيا دي فيه الحلو في ناس قلوبها جميله وطيبه غير الناس اللي تعرفيها صدقيني يا هاجر والله
دموعها بدات تتنزل على خدها وبدات تتكلم من وسط دموعها
_بس انا بقي كل اللي قابلتهم في حياتي كانوا ناس معندهاش ضمير ولا قلب ولا حتي رحمة خلوني
اكره البشر كلهم .من اول يوم جيت فيه الدنيا دي وانا محكوم عليا ب الاعډام ابويا وامي اطلقوا وابويا باعني ومسألش فيا وامي باعتني علشان الواطي جوزها وعلشان بتحبه تفتكر ايه اللي ممكن اخرجله برا المكان دا .صدقني والله يا دكتور انا مرتاحة هنا والله
_تفتكري ان دا حل انك ټحبسي نفسك في المكان دا حل انك تتعزلي عن العالم كله بسبب كام شخص غلطوا في حقك .دا حل لو دا تفكيرك يا هاجر ف انا اسف اني اقولك انك غبيه .انتي لازم تخرجي من المكان دا وتتعرفي على ناس جديده وتحبيهم ويحبوكي ساعتها بس هتكتشفي انك كنتي غلط وان مش كل الناس وحشه زي ما انتي فاكره
لاول مرة تبصلي في عنيا من ساعه ما قابلتها
_مش هقدر يا دكتور لو كنت اقدر اعمل كدة كنت عمالت كدة من زمان بس انا مش هقدر
_بس انا معاكي وهفضل جمبك لحد ما تخفي ومش همل منك ولا هسيبك
_انت متعرفش انا حصلي ايه ولا اي اللي وصلني للحالة دي
_مستعد اني اسمعك ونحاول نلاقي حل احنا الاثنين..وانا واثق اننا هنقدر نلاقي حل
فضلت بصالي وساكتة..فضلت باصص ليها ..كان نفسي انها تفتح ليا قلبها وتحكيلي اللي حصل ليها و احاول اني اساعدها
يتبع
_قالي اني مجرد مريضة عنده وانه عمره ما هيحبني
_اكيد انتي فهمتي كلامه غلط يا هاجر..ادم عمره ما يفكر بالطريقة دي
_وانا هكذب لية يا فرح..اخوكي عندك روحي اسأليه لو مش مصدقة اللي بقوله
_اكيد مصدقة كلامك يا هاجر بس انا اقصد ان اكيد في حاجة خلته يقول كدة..انا واثقه ان ادم بيحبك بجد يا هاجر
_تبقي غلطانة يا فرح..اخوكي لا عمره حبني ولا هيحبني في يوم..علي العموم انا مطلبتش اني اقابلك علشان نتكلم اذا كان بيحبني او لا انا جيت علشان اسلم عليكي قبل ما اسافر
_تسافري!.تسافري فين يا هاجر
_اي مكان بعيد عن هنا هكون مرتاحة فيهاهم حاجة اكون بعيدة عن كل اللي كانوا السبب في أذيتي سواء ابويا او امي او جوزها اواو حتي ادم..لازم ابعد واقعد مع نفسي واحاول اني ابدا حياتي من جديد ..مين عارف يمكن اقابل اللي يعوضني عن كل الۏجع اللي حصلي من كل اللي حواليا ويخليني ارجع اثق في الناس تاني
_هاجر انتي دلوقتي مدايقه من ادم ومتعصبة واكيد مش هتعرفي تاخدي قرار صح في دلوقتيانتي لازم تهدي الاول وتفكري وبعدين تاخدي قرارك
_انا كويسة يا فرح..انا فكرت كويس قبل ما اخد القرار دا واتاكدت انه احسن حل علشان اقدر انسي كل اللي فات واحاول اعيش حياتي من جديد
_ايوة يا هاجر بسبس انا اتعودت عليكياعتبرتك اختي ومش هقدر اسيبك تبعدي .ولو علي ادم ف والله هو بيحبك واكيد في حاجة خلته يعمل كدة .دا اخويا وانا عارفاه..انا هتكلم معاه وهخلي يجي ويعتذر ليكي وايا كانت المشكلة دي اية اكيد انتو الاتنين هتلاقوا حل ليها
_مفيش مشكلة ولا حاجة يا فرح ..ادم عنده حق انا اللي عيشت نفسي في وهم انه ممكن يحبني في يوم وانا مجرد مريضة عنده لا اكتر ولا اقل صدقيني دا احسن ليا علشان اقدر اكمل باقي حياتي من جديد ومتقلقيش انا هكلمك واطمن عليكي كل يوم ..بس اهم حاجة توعديني انك متقوليش ل ادم او اي حد اني هسافر يا فرح..انا مش عايزة حد يعرف
مكاني يا فرح
_علشان خاطري يا هاجر خليكي ..بلاش تسافري ارجوكي
_مش هينفع يا فرحوجودي هنا مش هيخليني مرتاحة .هتوحشيني يا فرح
اخدت شنطتي وخرجت من الكافيه وانا بحاول امنع نفسي من العياطوقفت تاكسي وركبت فيه .. انا عشت حياتي كلها ما بين اب وام بيكرهوا بعض وطول الوقت في خناقات بينهم لحد ما ابويا طلق امي وانا عندي 11 سنه ولحد اللحظه دي محدش يعرف عن ابويا حاجه ولا هو حتي فكر فيا للحظه.. امي اتجوزت بعد ابويا راجل اقل حاجه ممكن تتقال عليه انه احقر شخص ممكن حد يقابله. كان كل يوم يجي مش صاحي وكان

بيسرق من امي الفلوس علشان يجيب بيها زفت يشربه خلي امي تبيع كل دهبها علشان يصرف فلوسه كلها على الزفت دا .كان دايما بيكرهني ومش عايزني اعيش معاهم في البيت امي كل ما كانت تجبلي اي حاجه كان يزعقلها ويقولها انه معهوش فلوس علشان يصرف علينا احنا الاتنين واني مش بنته علشان يكون مسؤل عليا في الوقت اللي ابويا نفسه سبني فيه وهرب امي طبعا كانت بتحبه من زمان من قبل ما تتجوز ابويا علشان كده كان نفسها تخلص من بنتها الوحيدة علشان خاطره
.كانت ممكن عادي انها ترميني علشان حبها ليه وعلشان يخلص مني بدا يحطلي حبوب في الاكل بتخليني اعمل تصرفات غريبة واقول كلام غريب فضلنا على الحال دا اكتر من 6 شهور لحد ما شوفته بنفسي وهو بيحطلي الحبوب دي في العصير اللي بشربه
كل يوم .ساعتها مستغربتش لان اللي زيه يعمل اي حاجه
كنت في اوضتي في يوم وسمعته هو وامي بيتكلمواقربت من الباب وبدات اسمع كلامهم
_بقولك ايه انا معنديش استعداد اني الاقي بنتك داخله عليا بليل وبتحاول تقتلني بنتك تصرفاتها بقيت غريبه اوي الفترة دي
_يعني اعمل ايه انا اموتهالك يعني
_انا مقولتش تموتيها انا عندي حل تاني احسن
_حل ايه دا
_تدخليها مصحه
_مصحه! انت عايزني اودي بنتي مستشفى المجانين
_مش احسن ما ټموت حد فينا يا حبيبتي ..وبعدين احنا مش هنسيبها احنا كل شويه هنروحلها ونطمن عليها لحد ما تتعالج وترجعلنا وهي كويسه
صدقيني يا حبيبتي اول ما هتخف هترجعلنا احسن من الاول
فضلت بصله وساكته .كنت باصة عليهم
وانا الدموع

في عيني ومش قادرة اني اتكلم واقولها انه هو اللي وصلني للحالة دي بس كنت متاكدة انها مش هتصدقني
_يعني انا لو وديت هاجر المصحه هتخف
_طبعا يا حبيبتي هتخف وهتبقي احسن من الاول كمان
طبعا امي وافقت وودوني المصحهبصراحه هما كانوا بيجولي في الاول كل يوم يطمنوا عليا وبعدها بقوا يجولي مرة كل كام شهر ودلوقتي محدش بقي بيجيلي خالص
وصلت البيت ..طلعت وحضرت شنطتي ..اتنهدت بتعب واخدت الشنطة ونزلت من البيت بعد ما سلمت المفتاح لصاحبه البيت مكنش قدامي حل غير اني ابعد عن مصر نهائي يمكن اقدر انسي وابدا حياة جديدة .كنت واقفة مستنية العربية اللي طلبتها توصل .. العربية وصلت والسواق نزل علشان ياخد مني الشنطة ويحطها في شنطة العربية ..اول ما شوفته فضلت واقفة في مكاني ومصډومة..مكنتش متخيلة اني ممكن اقابله في يوم من تاني ..فضلنا باصين لبعض وساكتين ومحدش مننا قادر انه يتكلم حتي
كنت قاعد في المكتب بفكر فيها ..الباب اتفتح ولقيتها داخله المكتب بعصبية
_ممكن افهم اي اللي عملته دا
_فرح..انا مش فاضي للدراما اللي هتعمليها دي ..من فضلك روحي و لما ارجع البيت نتكلم
_دراما!.ادم هو انت بتتكلم بجد..بجد هو انت ازاي بتفكر كدةهو مش انت المفروض بتحبها يا ادم
_انا عمري ما حبيت هاجر يا فرح
_هو انت بتكذب علي نفسك ولا عليا..لو فاكر اني هصدقك تبقي غلطانانا عارفة كويس اوي انك بتحبها واكيد في حاجة ورا اللي انت عملته دا
_قولتلك مفيش حاجة يا فرح ..انا عمري لا حبيت اللي اسمها هاجر دا ولا هحبها..هي مجرد مريضة عندي وبس
_ماشي يا ادم براحتك..علي العموم حبيتها ولا محبتهاش الكلام دا بقي متأخر اوي
_يعني اي متاخر تقصدي اي
_اقصد ان هاجر خلاص هتمشي ومش هتشوفها تاني ولا هتعرف توصلها يعني عدم حبك ليها او حتي حبك ليها مبقاش يفرق .هاجر هتمشي وتريحك منها للأبد
فضلت ساكت وبسمعلها وانا مصډوم ومش مصدق اللي بسمع
خاېف انها تمشي فعلا ومقدرش اوصلها..فضلت باصص ليها وساكت ومش قادر اتصرف ولا اعمل حاجة في نفس الوقت كنت حاسس ان دا هيكون احسن ليها من اللي ممكن يحصل ليها لو فضلت هنا
يتبع
_لسة فاكر ان ليك بنت بعد العمر دا كله
_مكنش ب ايدي يا هاجر اني اسيبك وابعد عنك بعدي عنك كان علشانك انتي
_عارف انه صعب عليكي انك تصدقيني بس والله دي الحقيقة يا هاجر
_حقيقة اية حقيقة اية اللي تطلق امي وترمينا انا وهي في الشارع و متسألش عنا حتي..حقيقة اية اللي تخليك تسيبني مع واحد غريب يربيني ومتفكرش حتي انك تسال عني في يوم..الحقيقة اللي بتقول عليها دي ډمرت حياتي وخلتني اعيش أسوأ ايام حياتي في مصحة نفسية ..حقيقة اية دي اللي بتتكلم عنها يا يا بابا
_كنتي عايزاني اعمل اية يا هاجرانا لو كنت اخذتك من امك وعيشتك معايا كنتي ھتموتي من الجوع ..انا عملت كدة علشان تعيشي حياة كويسة .بعد معرفت ان امك اتجوزت قولت اكيد الشخص دا هياخد باله منك ويعاملك زي بنته بس صدقيني انا بعدي عنك مكنش بمزاجي دا كان علشان حبي ليكي
_هو انت بجد مصدق الكلام اللي بتقوله..مقتنع بيه ومستني مني اني اصدقه كمان..تفكيرك دا دمر حياتي وخلاني افقد الثقة في كل اللي حوالياعارف الراجل اللي مكنتش بتسأل عني وفاكر انه واخد باله مني دا عمل اية كان بيستخسر فيا الاكل اللي باكله ومكنش بيصرف عليا جنيه واحد..كان بيكرهني لدرجة انه كان بيحطلي حبوب تخليني اعمل حاجات غريبة علشان يقنع امي اني مچنونة ويخليها تدخلني مصحة علشان اتعالج وابعد عنهم
كان باصص عليا وعلي وشه ملامح الصدمة ومكنش مصدق اللي بيسمعه
_مالك .مش مصدق اللي بقوله ولا اية
_لا طبعا مصدقك بس
_بس ايةمفتكرش ان في كلام تقدر تقوله يخليني اسامحك بعد كل اللي حصلي دا
_انا اسف يا هاجر
ضحكت وبصيت الناحية التانية وانا بحاول امنع دموعي انها تنزل
_اسف..كل اللي حكيته ليك دا واللي عيشته وانت بعيد عني جاي تقولي اسف..تفتكر اسف دي ممكن تصلح اللي اتكسر فيا او تخليني انسي كل اللي مريت بيه بسببك!
فضل ساكت وباصص في الارض
_كنت عارفة انك معندكش رد..انا غلطانة اني ضيعت وقتي معاك
_لا يا
هاجر..هاجر انا عارف اني غلطت في حقك كتير بس بس انا عندي استعداد اني اعوضك عن كل اللي فات..انا كنت فاكر اني عمري في حياتي ما هقابلك بس الصدفة خلتني اقابلك انهاردة بعد كل السنين دي..بس خلاص احنا اتقابلنا وانتي عرفتي السبب اللي خلاني بعيد عنك كل دا .انا اسف اني كنت بعيد عنك كل الوقت دا .تعالي نبدا صفحة جديدة وصدقيني هعوضك عن كل اللي فات
_متأخر اوي الكلام دا مبقاش ينفع اننا نبدا صفحة جديدةمن انهاردة انا مش هعيش غير لنفسي وبس..وعلشان اعمل كدة لازم ابعد عن هنا وانسي كل اللي فات
_سلام .يا بابا
علشانه..معرفش اشمعني دلوقتي ظهر قدامي وانا بحاول ابعد وانسي كل الماضي وابدا مع نفسي حياة جديدةمش عارفة لية ظهر في الوقت دا بالذات بس اللي انا متاكدة منهان خلاص مبقاتش فارقة معايا اني اقابله او لا اهم حاجة عندي دلوقتي هي نفسي..لازم اعيش حياتي واشوف نفسي وانسي ابويا وامي وجوزها وحتي ادم..انا هونت عليهم كلهم ومن انهاردة مش هعمل حساب لحد زي ما طول الوقت محدش فيهم عمل حساب ليا ..مكنتش عارفة هعرف فين ولا لمين بس كنت واثقة ان ربنا مش هيسيبني ابدا لوحدي
كنت قاعد علي السلم وباصص علي شقتها وبفتكر اول مرة اتقابلنا فيها برأ المصحة
_شكلك مبسوطة
_اوي..لاول مرة احس ان حياتي ليها معني..عايشة حياتي ومبسوطة ومفيش حد يقدر يدايقني تاني
_يا رب دايما تكوني مبسوطة في حياتك
_انا ببقي مبسوطة وانا جمبك وبس
_افهم من كدة اني لو مشيت مثلا هترجعي للمصحة تاني
_هو انت ممكن تمشي وتسبني!
_ممكن لية لا..العلاقة اللي كانت بينا علاقة مريضة ودكتور وخلصت عادي اني ابعد عنك اعتقد انه طبيعي جدا
فضلت ساكتة وباصة ليا پصدمة ومش
بتتكلم..ضحكت علي شكلها وبدات اتكلم بضحك
_هو انتي بتصدقي اي حاجة حد يقولهالك كدة يا هاجر
_حرام عليك يا ادم انا افتكرت انك بتتكلم جد
_لا متقلقيش انا عمري ما هبعد عنكانا محتاج وجودك جمبي اكتر ما انتي محتاجة دا
_اوعدني يا ادم انك مش هتبعد عني ابدا
مسكت ايديها وبصيت ليها وانا علي وشي إبتسامه
_اوعدك يا هاجر اني مش هسيبك وهفضل جمبك لاخر يوم في عمري ولو حصل وبعدت هقولك علي السبب اللي يخليني ابعد عنك..انا مصدقت الاقيكي ومستحيل اسيبك تروحي من ايدي
فضلنا باصين لبعض وساكتين
فوقت من سرحاني علي صوته بصيت قدامي لقيته واقف وعلي وشه ابتسامه قومت بعصبية وقفت قدامه
_انت ليك عين تيجي لحد هنا عايز منها اية ابعد عنها
_السوال دا المفروض انا إللي أسأله..مش المفروض انك نهيت علاقتك معاها وبعدت عنها جاي لحد هنا لية
_انت كمان هتمنعني اني اجي هنا
_طبعا..احنا اتفقنا انك هتبعد عنها نهائيا ووجودك هنا ملهوش غير معني واحد .انك مستغني عن حياتها
_لا من الناحية دي متقلقشمبقاش في هاجر خلاص
_يعني اية
_يعني هاجر مشيت خلاص..سافرت ومش هترجع تاني يعني هي في امان دلوقتي وعمرك ما هتقدر تأذيها ولا انت ولا غيرك
_قولتلها..كنت عارف انك خاېن وهتقولها علشان كدة عملت حسابي ..قولتلك بلاش تلعب معايا علشان متندمش بس مسمعتش كلامي..متزعلش بقي من اللي هيحصل ..عايزك تشوف الفيديو الجميل وتقولي اي رايك
اخدت منه التلفون بعصبية وبدات أشوف الفيديو كنت مصډوم من اللي شوفته وفي نفس الوقت خاېف عليها ..رميت التلفون علي الارض وجريت من غير ما اتكلم معاه كلمة واحدة كنت بدعي اني الحقها قبل ما يحصلها حاجة ..مكنش عندي استعداد اني اخسرها لاني مليش غيرها
يتبع
في اخبار عن هاجر هي كويسة صح!
_للاسف مقدرناش نوصل ل اي معلومة تدلنا عن مكانها
_يعني ايةيعني خلاص هاجر راحت منياكيد لا هي اكيد كويسة وعايشه اكيد مفيش حاجة حصلت ليها
_للاسف مفيش معلومة تاكد انها عايشة او حتي تاكد انها مېتهاحنا بنحاول نوصلها بكل الطرق ولو قدرنا نوصل ل اي حاجة اكيد هنبلغ حضرتك يا دكتور ادم..حمدلله علي سلامة استاذه فرح احنا هنيجي بكرا علشان نقدر ناخد إفادتها وان شاء الله نقدر نوصل لمكان انسة هاجر ..بعد اذنك
سابني ومشي قعدت في مكاني وانا مش قادر استوعب اللي حصل..قدرت اني انقذ فرح من المۏت في اخر لحظةلو كنت وصلت عندها متاخر خمس دقائق بس كان ممكن تكون ماټت..لما شوفتها مرمية علي الارض و غرقانة في ډمها خۏفت اخسرها..انا مليش في الدنيا دي غيرها ولو كنت خسرتها كان ممكن اموت وراهافرح هي السبب في اني عايش لحد اللحظة دي مش بس اختي لا دي بنتي وكل حاجة ليا..لما شوفت الفيديو اللي ورهولي الحيوان اللي اسمه كامل دا كنت هتجنن كنت بجري زي المچنون علي البيت علشان الحقها معرفش ازاي الشخص اللي كان بعته دا قدر يدخل البيت من غير ما حد يمنعهفي الاول فرح كانت هتروح مني واكيد قدر يوصل ل هاجر ويأذيها هي كمان..انا مش قادر افهم هو بيحاول يأذي هاجر كل الاذي دا لية..بس كل دا مش مهم
عندي انا اهم حاجة عندي اني اوصل لهاجر واتاكد انها كويسة حتي لو..حتي لو كانت بعيدة عني وبقيت پتكرهني مش مهم المهم انها تكون بخير.. اتنهدت ومسحت وشيقومت من مكاني وقربت من الاوضة..فتحت الباب 
_انتي في المستشفى يا فرح..حمدلله علي سلامتك يا حبيبتي
_كنت ھموت يا ادم..كنت ھموت في اي لحظةانت مش عارف انا كنت حاسة ب اي لما شوفت الراجل دا قدامي
_بعد الشړ عليكي يا حبيبتي..انتي كويسة اهو وانا جمبكمټخافيش ..كان كابوس وخلص خلاص
_هاجر هاجر كويسة يا ادم مش كدة
فضلت ساكت و باصص ليها
_ساكت لية يا ادم..هاجر كويسة مش كدة
_الشرطة بتحاول توصلها بس لسة محدش قدر يوصل لحاجةبس ان شاء الله هيعرفوا مكانها ..انا واثق انها كويسة
_هاجر لازم تكون كويسة يا ادم
_انا واثق انها هتكون كويسة يا حبيبتي بس انتي لازم تنامي وترتاحي دلوقتي وبكرا نتكلم .انتي تعبانة
دلوقتي ولازم ترتاحي يا فرح
فضلت جمبها لحد ما نامت ..خرجت برا الاوضة قعدت علي اقرب كرسي قدامي ..طلعت التلفون من جيبي طلعت رقمها واتصلت بيها وكان نفسي انها ترد بس ملقتش رد منهاقفلت التلفون ورجعت راسي لورا وانا بفكر فيها وخاېف يكون حصلها حاجة
_حمدلله علي سلامتك يا هاجر
_الله يسلمك يا علي
_اول ما كلمتيني وقلتيلي انك عايزة تيجي علي تركيا وعايزاني اساعدك فرحت بس في نفس الوقت استغربت
_استغربت من اية يا علي
_من انك عايزة تيجي علي
تركياانا وماما حاولنا كتير

نقنعك بس بردو عمرك ما حبيتي انك تسيبي خالتو وتيجي علي هنا
_كنت غبية ومش بفكر غير في امي وبس وفي الاخر اية اللي حصلامي رمتني في مصحة نفسية علشان خاطر جوزها اللي بتحبه ومستعدة تضحي بكل حاجة علشانه هو
_مصحة!مصحة اية انا مش فاهم حاجة
_مش مهم انك تفهم يا علي..الموضوع مش مهم اصلا
_عندك حق المهم انك هنا..هاجر انتي مش متخيلة فرحتي انك جيتي وانك جمبي كبيرة قد اية..انا بجد مش مصدق نفسي اني هشوفك قدامي كل يوم وانك بقيتي موجودة معايا دايما انا بجد مبسوط اوي يا هاجر
ابتسمت وفضلت ساكتة و مقدرتش ارد عليه حتي
_انا هسيبك دلوقتي وانزل اشتري شوية حاجات للبيت وبعدين اجي وتحكيلي كل حاجة عنك وعن اخبارك واخبار خالتو
_ماشي يا علي
قرب من باب الشقة وفتحه وخرج..فضلت باصة عليه لحد ما خرج وقفل الباب وراه ..اتنهدت بحزن وقعدت علي الكرسي..يدات اعيط بتعب..مكنش قدامي حد غيره علشان ألجأ ليهعلي ابن خالتي وكان اقرب صاحب ليا واحنا صغرين سافروا تركيا واحنا عندنا ٨ سنين ..قبل ما ادخل المصحة كانوا لما بينزلوا مصر يحاولوا يقنعوني علشان ارجع معاهم واكمل دراستي في تركيا بس انا اللي كنت برفض علشان اكون جمب امي اللي اول ما لقيت فرصه تبعني وترميني عملت كدة من غير تردد لقيت نفسي بكلمه وبطلب منه انه يساعدنيمتاخرش لحظة انه يساعدني ويقف جمبي..دلوقتي اقدر اقول ان كل اللي اذوني ودمروا حياتي لازم يدفعوا الثمن غالي علي كسرة قلبي..لو فضلت ضعيفة و بعيط علي اللي فات عمري ما هقدر اخد حقي منهملازم اكون قوية وانسي كل اللي فات وادفعهم الثمن غالي اوي علي اللي عمله معايا
عدا ٣ سنين وانا مش قادر اوصل ليها ولا عارف حتي اذا كانت بخير او لا..نفسي بس اشوفها ولو لمرة واحدة واطمن عليها انها كويسة وبعدها تبعد تاني حتي..اول ما سمعت صوتها مسحت دموعي و اتعدلت في قعدتي
_لسة بتحبها
_عمري مت بطلت احبها في يوم يا فرح
_سيبتها تبعد ليه طالما بتحبها
_كان لازم اعمل كدة علشان خاېف عليها
_مش وقته الكلام دا يا فرح
_اومال امتي وقتهالكلام فعلا وقته راح وبردو خۏفك وقلقك عليها مينفعش دلوقتي..عدا ٣ سنين وانت في نفس الحالة وعندك امل انك تعرف مكانها وعايز تعرف اذا كانت كويسة ولا لا مع ان دا مش من حقك..انت السبب ورا انها مش موجودة ولا حد قادر يوصلها لان انت اللي وصلتها انها تمشي بعد الكلام اللي قولته ليها دا يا ادم
_كفاية يا فرح ارجوكي لاني مش مستحمل
_مش مستحمل ولا الكلام وجعك يا دكتور
_كفاية بقي انا زهقت..اقولك علي حاجة انا ماشي وسيبلك الشركة كلها
سيبتها وخرجت من المكتب ..اول ما خرجت لقيتها واقفة قدامي..وقفت في مكاني پصدمة وانا مش مصدق اني شايفها قدامي..ابتسمت وكنت هجري عليها بس لقيت شخص تاني قرب منها ومسك ايديها قدامها..فضلت مكاني باصص عليهم پصدمة ومش قادر اتحرك ولا حتي الحقهم
يتبع _خطيبك يعرف انك كنتي في مصحة نفسية ولا خبيتي عليه
_انا مش بخبي عليه حاجة..بس معتقدش ان دي حاجة تهمك
_ازاي متهمنيش لازم اعرف علشان لو مقولتيش ليه اقوله دا ضميري المهني ميسمحليش اني اغش حد وانا في ايدي اني اعرفه الحقيقة
_لا متقلقش انا من اول يوم عرفت علي فيه وانا حكيتله كل حاجة عن حياتي
_ومش خاېفة انه يسيبك زي غيره ويبعد عنك
_لا مش خاېفة لانه حبني بجد ومستعد
يعمل اي حاجة علشاني
_واضح
انك انتي كمان بتحبيه مش كدة
_ودا كمان لازم تعرفه علشان تريح ضميرك المهني
_دا سؤال عادي
_علي عمل حاجات كتير علشاني وضحي بحاجات كتير علشان يكون معايا ..اكيد لازم احبه
_ربنا يتمملكم علي خير
_يا رب
فضلنا ساكتين لحد ما بدا يتكلم وهو باصص في الارض
_وانا من غبائي كنت بحاول اوصلك ب اي طريقة وخاېفة يكون حصلك حاجة..طلعتي عايشة حياتك ومبسوطة
_لا متقلقش عليا..انا اه دخلت مصحة نفسية و اتقال عليا اني مچنونة بس اكيد مش ھموت نفسي بسبب ان الشخص اللي حبيته رفضني وقال عني اني مجرد مريضة عنده لسة عندي عقل بردو
_كنتي فين طول المدة دي يا هاجر
_معتقدش ان اجابتي تهمك في حاجة
_بس انا حابب اني اعرف
_وانا مش حابة اتكلم..عن اذنك انا لازم امشي دلوقتي لاني اتاخرت
اخدت شنطتي وكنت همشي..وقف قدامي ومسك ايدي ..بصتله بعصبية وحاولت اسحب ايدي
_لو سمحت سيب ايدي
_علي اساس انك بتحبيني قدرتي تنسي حبك ليا بالسرعه دي وتحبي غيري
_سيب ايدي يا ادم لو سمحت الناس بتبص علينا
_ميهمنيش الناسانا مش هسيبك غير لما تجاوبي علي اسئلتي لو عايزاني اسيبك اقعدي ونتكلم وبعدها امشي
اتنهدت بعصبية وهزيت راسي ب ماشي .ساب ايدي وشاور ليا اني اقعد علي الكرسي قعدت وهو قعد قدامي
_الظاهر اني غلطت لما جيت لحد هنا لو كنت اعرف اني هقابلك انت مش هقابل فرح مكنتش جيت
_لسة ماخدتش جواب علي سؤالي ازاي قدرتي تحبي واحد غيري يا هاجر
_مش انت اللي قولت اني مجرد مريضة عندك وعمر ما كان ولا هيكون في حاجة تانية بينا
_كنت بكذبانا عملت كدة علشان خاېف عليكي وعايز احميكي
_المفروض اني اصدقك يعني
_علشان دي الحقيقة اللي لازم تصدقيها..انا حبيتك من اول يوم شوفتك فيه في المصحة من اول لحظة شوفتك فيها وانا حاسس ب احساس غريب اول مرة احسه في حياتي انا عمري ما اعتبرتك مريضة يا هاجرانا طول الوقت كنت بدعي ربنا انك تخرجي من المصحة علشان اقولك اني بحبك ولما خرجتي حاولت كذا مرة اقولك بس في كل مرة كانت بتحصل حاجة تمنعني اني اقولك اني بحبك ..يوم ما قولتلك اني عمري ما حبيتك كنت مجهز نفسي اني اعترفلك بحبي واعرض عليكي الجواز واتفقت مع فرح انك تجيبك العيادة ..كنت عامل حساب كل حاجة ومستني المعاد اللي هتجيلي فيه علشان اعترف ليكي بمشاعري وكنت واثق انك انتي كمان بتحبيني بس كان في حاجة واحدة مكنتش عامل حسابها..اللي اسمه كامل اللي متجوز والدتك جالي العيادة وهددني اني لو مبعدتش عنك ممكن يأذيكي يأذي فرح..ولما حاولت اطرده برا العيادة وراني صور ليكي ولفرح وانتو مع بعض وقالي انه حاطط واحد بيراقب كل خطوة ليكم وانه ممكن في اي لحظة يقتلك او ېقتلهامكنتش عارف اعمل اية ساعتها ولا اتصرف ازاي كان كل تفكيري ان مفيش حاجة تأذيكم انتو الاتنين لاني مليش غيركم ومش مستعد اخسركمعلشان كدة لما جيتي العيادة قولتلك اني عمري ما حبيتك واتصرفت معاكي بالطريقة دي انا عملت كل دا علشان بحبك يا هاجر صدقيني
_كل اللي قولته دا ميهمنيش يا ادم انا كل اللي يهمني انت عملت اية وازاي سيبتني في الوقت اللي كنت محتاجة ليك فيه..وبعدين الكلام دا مش هيفيد بحاجة دلوقتي لاني مخطوبة لواحد تاني
_بس مبتحبهوش
_لا يا ادم انت غلطان..انا بحب علي وبحبه اوي كمان..افتكر انك قولت كل اللي عندك ..بعد اذنك
سيبته وخرجت من الكافيه وانا بحاول امنع نفسي اني اعيط اول ما خرجت لقيته في وشي
_علي!انت بتعمل اية هنا
بعدني عنه ومسح الدموع اللي ڠرقت وشي وبدا يتكلم وهو علي وشه ابتسامه
_انتي كويسة
_لما شوفتك بقيت احسن شكرا
_بتشكريني علي اية!
_علي كل حاجةانا طول الوقت جمبي وعمرك ما سيبتني في يوم..انا بحبك اوي يا علي
مسك
في ايدي واتكلم وهو مبتسم
_انا علشانك اعمل اي حاجة يا هاجر..اهم حاجة تكوني مبسوطة وبعدين الكلمة اللي قولتيها دلوقتي دي عندي ب الدنيا كلها لاني بحبك اكتر من حبك ليا بكتير
ابتسمت وفضلت باصة في الارض
_هنفضل واقفين كدة كتير ولا اي ..مش هنمشي يعني ورانا حاجات كتير لازم نعملها ..انا بقولك من دلوقتي اهو انا مش هتنازل عن يوم واحد تاخير عن معاد الفرح ف يلا نخلص كل حاجة علشان الفرح يتم فيه معاده
_يلا بينا
مشينا فضلت ماسكة في ايده ومش عايزة اسيبهاانا مش هسمح ان اي حاجة تبعد علي عني علي ميستحقش ان قلبه يتكسر بسببي..لازم اقفل موضوع ادم واخرجه من حياتي للابد مفيش قوة في الدنيا تقدر تبعدني عن علي
_مبسوط دلوقتي من اللي حصل يا ادم..هاجر خلاص راحت واتخطبت لغيرك وكلها كام يوم وتتجوز
_لا يا فرح مش مبسوطانا من ساعة ما شوفت هاجر مع اللي اسمه علي خطيبها دا وانا هتجنن ومش عارف اعمل اي .مبسوطة وانتي شايفه حالتي دي
_انت السبب من الاول لو كنت بس روحت ليها وشرحتلها موقفك مكنش كل
دا حصل
_كفاية بقي يا فرح ..حرام عليكي انا تعبت كل شوية لازم تفكريني اني السبب .عارف وندمان علي كل اللي عملته
سابتني ودخلت اوضتها..اتنهدت بحزن وندم .يمكن اكون غلطت ويمكن كان لازم اقولها علي اللي حصل من الاول يمكن فعلا كنا هنلاقي حل ..بس لا انا غلطت مرة وسبتها تروح من ايدي بس مش هكرر الغلط دا تاني انا مش هسيب هاجر تروح من ايدي تاني وهعمل المستحيل علشان ترجعلي ..هحاول اني ابعد اللي اسمه علي دا ب اي طريقة عنها ومش هسمح ان جوازهم يتم ابدا
يتبع
_ عمرها ما حبتك..هي وافقت انها تكون معاك علشان فاكره انها ممكن تنساني بيك
_ومين قال لحضرتك علي المعلومة دي
_مش محتاج حد يقولي انا واثق ان هاجر لسة بتحبني وعايزة تكون معايا هي بس حاسة بالذنب تجاهك مش اكتر
_للاسف انت غلطان هاجر نسيت انك كنت في يوم في حياتها اصلا ..وبدات تحبني كمان
_هاجر محبتش حد ولا هتحب حد غيري..احسنلك تبعد عنها لان هاجر مش لحد غيري
_ابقي غبي لو بعدت عنها وعملت زي ما انت عملت قبل كدة..هاجر وثقت فيا وانا لا يمكن اخون ثقتها دي
_بس هي مش بتحبك..حتي لو هي محبتنيش انا حبيتها ومش هقدر اسيبها وابعد عنها لاي سبب
_حتي لو كانت مش بتحبك
_انا بحبها وهعمل كل اللي اقدر عليه علشان اخليها مبسوطة واكيد هيجي يوم وتحبني هي كمان..وانا بحذرك يا دكتور لو فكرت انك تقرب منها ولا تدايقها ب اي شكل لجد ما الفرح يتم ونرجع نسافر من تاني هخليك ټندم
سيبته وخرجت من مكتبه وقفلت الباب بعصبية..مسحت علي وشي بعصبية وخرجت من العيادة كلها..فضلت ماشي في الشارع وانا خاېفخاېف انها تبعد عني في لحظة وتروح ليه مش قادر اتخيل انها ممكن تبعد عني وتروح ليه رغم كل اللي عمله..كنت مصدقت انها وافقت اننا نتجوز وقبلت حبي ليها بعد سنتين بحاول اني اثبتلها حبي .معنديش استعداد اني اخسرها وتبعد عنيوصلت قدام البيت اتنهدت وطلعت علي الشقة..خبطت الباب فتحت ليا وعلي وشها إبتسامه
_اتاخرت لية يا علي..انا كلمتك كتير
ومش بترد
_مسمعتش التلفون اسف
_طيب تعالي ادخل

عايزة اوريك حاجة
مسكتني من ايدي ودخلتني وقفلت الباب..قعدت علي اقرب كرسي وفضلت ماسك ايديها الاتنين
_مالك يا علي ..انت كويس
_هاجر انتي متاكدة من قرارك دا
_قرار اية
_انتي فعلا عايزة تتجوزيني
_اكيد طبعا يا علياومال وافقت ليه وكتبنا الكتاب في تركيا ازاي وانا مش موافقة
_هاجر لو مش عايزة تكملي معايا انا هتفهم دا وهطلقك علطول .انا معنديش اهم من سعادتك
فضلت ساكتة وباصة في الارض..لفيت وشي الناحية التانية وبدات اتكلم بحزن
_مش محتاجة تتكلمي ردك وصليانا من بكرا هبعتلك ورقة طلاقك وهرجع علي تركيا ومش هتشوفي وشي تاني ..بس انا عايزك تتاكدي اني عمري ما حبيت ولا هحب حد قدك يا هاجر
سيبت ايدي وقومت من مكاني..كنت رايح ناحية الباب بحزن ..مسكت ايدي وجات وقفت 
بحزن بعدت عني ومسكت ايدي وبدات تتكلم
_لو مكنتش عايزة اتجوزك مكنتش وافقت من الاول يا عليعلي انا بحس ب الامان وانا جمبك مبقاش خاېفة من حاجة وانت معايا..افتكر ان دا سبب كافي علشان اوافق اكمل حياتي معاكانت الوحيد اللي حبتني بجد وعملت علشاني حاجات كتير خلال الثلاث سنين اللي فاتوا رغم اني مكنتش عايزة اثق في حد من تاني بعد اللي حصل بس انت خلتني اثق فيك واعرف ان الدنيا لسة فيها ناس كويسة وبتحب بجدعلي انا مش حابة انك تسيبني وتمشي ومش عايزة دا يحصل تحت اي ظرفانا يمكن مكنش لسة حبيتك زي ما انت حبيتني بس اللي انا بحس بيه وانت جمبي اكبر كتير من الحب..وانت جمبي بس بالامان اللي عمري ما حسيت بيه مع اهلي او مع ادم حتي ولو انت سيبتني يا علي الامان اللي حاسة بيه دا هيروح مني ..لو بتحبني بجد يا علي بلاش تقولي انك هتسيبني وتبعد عني..انا يمكن اكون ساعات عصبية وممكن اقول كلام مينفعش اني اقوله وممكن ازعلك مني في يوم بس الاكيد يا علي اني مش عايزة انك تبعد عني في يوم
ادم
_رايح فين يا ادم
_نازل اتمشي شوية يا فرح..فيها حاجة دي
_بس انت لسه جاي من برا ملحقتش تتغدا حتي
_هاكل برا..نامي انتي علشان انا هتاخر
_ادم
_نعم
قربت مني ومسكت ايدي وبدات تتكلم
_انا عارفة اني ضغطت عليك جامد الفترة اللي فاتت دي بس صدقني انا زعلانة عليك وعلي هاجر..اللي انت عملته دا دمر حياتك وحياتها وكنت بعمل كدة يمكن تفوق لنفسك وتعرف انك غلطت بس انا زودتها شوية انا عارفة..بلاش تزعل مني يا ادم علشان خاطري
ابتسمت وبوست راسها وبدات اتكلم وانا مبتسم
_متقلقيش يا حبيبتي كل حاجة هتبقي كويسة وترجع زي الاول..يلا روحي اتغدي انتي وانا شوية وهاجي علشان نقعد مع بعض
هزيت راسها ب ماشي ودخلت المطبخ اتنهدت بتعب وخرجت من البيت .مش عارف اللي انا بحاول اعمله دا صح ولا
غلط بس انا مبقاش يفرق معايا غير اني اخلي هاجر ترجع ليا و ب اي طريقة سواء الطريقة دي صح او غلط مش مهم عندي اهم حاجة انها ترجعلي وخلاص..وقفت العربية قدام بيتهنزلت منها وطلعت العمارةوصلت للدور اللي هو فيه..وقفت قدام الباب وخبطت فتحلي واول ما شافني استغرب
_اهلا يا دكتور نورت بيتي
_اية يا كامل انت هتسيبني واقف علي الباب كدة ولا اية
_لا ازاي اتفضل
دخلت وقعدت علي اقرب كرسي ..قعد قدامي وفضل ساكت
_ساكت لية يا كامل
_بصراحة مستغرببعد اللي حصل اخر مرة شوفتك فيها قولت اننا مش هنتقابل تاني وحتي لو اتقابلنا..اكيد هتاخد بحق اختك من اللي عملته فيها
_خلي الموضوع دا علي جمب دلوقتي يا كامل خليني نتكلم في المهم..انت تعرف ان هاجر رجعت مصر