اسكريبت بقلم رحمه

قاعة المحاضرات كانت زحمة كالعادة وأنا داخلة متأخرة شوية.
قعدت في مكاني وأنا لسه بلملم نفسي من التعب فجأة حسيت بحد بيقرب مني ويهمس في ودني
اتأخرتي يا ملك على غير العادة.
الټفت بسرعة لقيته آدم.
بصيت له ببرود
مش فاهمة ميعادي يخصك في إيه
ضحك ومشي وهو بيرمي كلمة مستفزة كالعادة
يخصني جدا.
دخل الدكتور وبدأ يشرح وبعد شوية قال الجملة اللي كانت بداية الکاړثة
هقسمكم مجموعات لمشروع البحث كل اتنين مع بعض.
قلبي بدأ يخبط وفضلت أدعي في سري
يارب مش آدم يارب مش آدم.
لكن الدكتور أعلن
ملك مع آدم.
اتجمدت في مكاني وسمعت ضحكته المستفزة ووشه كله ثقة
واضح إن القدر عايز يجمعنا مع بعض.
بعد المحاضرة وقفت قدامه وأنا

متعصبة
مستحيل أشتغل معاك.
ابتسم بنبرة ثقة مستفزة
بالعكس هنتخانق شوية بس هنعمل أحسن مشروع.
لا مش عايزة.
معلش يا شريكتي استحملي لحد ما المشروع يخلص.
بعد يومين اتقابلنا في المكتبة نبدأ مشروعنا.
جبت اللابتوب وبدأت أكتب.
لا لا الموضوع يتكتب كده مش كده.
رفعت عيني له بحدة
يعني إيه إنت هتكتب ولا أنا
قال ببساطة
إحنا فريق يا ملك نسيتي ولا إيه
لا إنت مصېبة مش فريق.
المناقشة لمشروع اتحاولت لخناق والطلبة بدأوا يبصوا علينا.
وفجأة الدكتورة المسؤولة دخلت وقالت بحدة
ملك وآدم! لو مش هتعرفوا تتعاونوا مشروعكم هيتلغى خالص.
سكتنا مضطرين. خرجنا بعدها من المكتبة وهو شايل كتاب وبيقول في سره
شكلك هتطلعي عيني.
خرجنا من الكلية لقيت المطر نازل. الأرض مبلولة جيت امشي اتزحلقت فجأة.
بصلي بتركيز وقال
إيه يا ملك خلي بالك كان ممكن تنكسري.
بعدت بسرعة وأنا محروجة
آسفة مخدتش بالي.
قعدنا بعدها في كافيه نكمل المشروع.
أنا بكتب وهو مركز فيا أكتر من الورق.
وبعدين سألني فجأة
هو ليه بتكرهيني أوي كده
بصيت له باستغراب
مين قال إني بكرهك
أومال ليه دايما بتعامليني وحش
سكت لحظة وبعدين قلت
يمكن عشان إنت بتستفزني طول الوقت.
قرب مني أكتر وقال بصوت هادي
ولا يمكن عشان مش عايزة تعترفي بحاجة
قصدك إيه
قصدي إنك مش بتكرهيني زي ما بتبيني!
اتجمدت ومش لاقية رد.
هو أخد نفس وقال بهدوء وكأنه بيفضفض لأول مرة
ملك أنا عمري ما كنت عدوك أنا بس مش عارف أظهرلك قد إيه إنت غالية عندي من زمان.
اتلخبطت قلبي دق بسرعة ووشي احمر.
آدم لو بتهزر بلاش.
آخر واحد يهزر في الموضوع ده.
صوته بقى أهدى وأصدق
ملك يمكن أكون غلس وبزودها يمكن بخليك تتعصبي وتكرهي وجودي بس الحقيقة أنا بحبك. ومش قادر أخبي أكتر.
قلت بصوت متلخبط
آدم إنت مچنون.
ضحك وهو ماسك إيدي أكتر
مچنون بيكي.
ضحكت ڠصب عني وبصيت له
يعني كل الخناقات ديعشان بتحبني
أيوه وهفضل أغلس لحد ما أفضل في حياتك.
سكتنا لحظة والجو كله سكون غير قلبي اللي كان بيخبط.
وبصوت خجول قلت
يمكن أنا كمان مش بكرهك زي ما كنت فاكرة.
ابتسامته وسعت وقال بثقة
خلاصمش هتبقي بس شركتي في المشروع شركتي في حياتي كلها.
ضحكت بخجل ووقتها حسيت إن كل الخناقات اللي بينا كانت مقدمة للحظة دي.
rorotarek