اولاد المليونير

الجزء الاول
رجل أعمال مشهور ألغى سفره فجأة وسجّل الكابوس اللي كانت خطيبته كانت بتعملة في اولادة التوأم
الجزء الأول
إنتي عديمة الفايدة! قلتلك قبل كده مش عايزة أشوف العيال دي في مطبخي وأنا بشرب العصير بتاعي!
الصوت كان عالي ومرعب قطع هدوء الفيلا الكبيرة اللي في التجمع الخامس كأنه سكينة.
وقف كريم مكانه متجمد في طرقة البيت
في إيده علبة شيك فيها عقد ألماظ كان ناوي يفاجئ بيها خطيبته بعد ما رجع بدري يومين من سفر شغل مهم في دبي.
كان نفسه يحضن ولاده ويطمن عليهم
لكن اللي شافه قدامه خلا نفسه يتسحب منه.
في نص المطبخ الواسع، كانت نادية، المربية الصغيرة اللي لسه مكملة 19 سنة وجاية من الصعيد، بتترعش من الخوف.
كانت شايلة التوأم، آدم وعمر، عندهم 10 شهور
وكانوا بيعيطوا بحرقة، مستخبيين في حضنها كأنهم بيهربوا من كابوس.
قدامهم واقفة ريهام خطيبته.
لابسة روب حرير شيك بس وشها كان متغير مليان غضب يخوّف.
يا مدام ريهام لو سمحتي وطي صوتك، قالت نادية بصوت بيتهز وهي بترجع لورا لحد ما خبطت في البوتاجاز.
العيال اتخضت جدًا أنا بس

نزلت أسخن لهم اللبن ماكنتش أعرف إنك صحيتي.
إنتي أصلاً ما تتكلميش معايا! قالت ريهام بحدة وهي بتقرب منها وبتشاور في وشها.
ده بيتي وأنا بقرف من صوت العياط ده! مش فاهمة إنهم بيجيبولي صداع؟ زيك بالظبط حمل تقيل!
كريم حس إن في حاجة بتتكسر جواه
دي نفس البنت اللي قدام الناس كانت بتقول إن التوأم أحلى نعمة في حياتها بعد وفاة مراته الأولى في حادث
لكن الحقيقة؟
كانت حاجة تانية خالص.
خليني أطلعهم الأوضة برا بالله عليكي، قالت نادية وهي بتهدي العيال.
هتمشي بس الأول تنظفي القرف اللي عملتيه! قالت ريهام وهي بتشاور على نقطة ميه صغيرة على الأرض.
مش هينفع أسيبهم دلوقتي هيعيطوا أكتر.
مش فارق معايا يولعوا حتى! صرخت فجأة.
وفي لحظة جنان مسكت فنجان قهوة سخن جدًا ورمته على الأرض جنب رجلين نادية!
القهوة طرطشت وجات على هدوم نادية ورجلين الأطفال.
العيال صرخوا من الوجع
لكن نادية ما اتحركتش
لفت جسمها بس علشان تحميهم.
كريم مش هنا ينقذك! ضحكت ريهام بسخرية.
ده شغال بره علشاني وبيصدق أي كلمة أقولها! لو قلتله إنك انتي اللي كسرتي كل ده وحرقتي العيال هيصدق مين؟ أنا ولا واحدة زيك؟
بعدها فتحت التلاجة، وطلعت عصير وسكبته كله على دماغ نادية!
العصير نزل على شعرها وعلى البطاطين
وخلى الأطفال يعيطوا أكتر.
نادية قفلت عينيها واستحملت الإهانة
بس فضلت حاضنة العيال بقوة.
اركعي ونضفي الأرض بلسانك! قالت ريهام وهي بترمي الإزازة.
ولو سمعت صوتك تاني هخليكي تتطردي وكمان هوقف علاج أخوكي في المستشفى!
نادية رفعت عينيها كانت مليانة دموع بس فيها قوة غريبة.
أنا مش هركع ومش هسيب ولاد كريم بيه.
ريهام فقدت أعصابها
ومدت إيديها علشان تشد الطفل من حضنها، وغرزت ضوافرها في دراع نادية!
نادية حاولت تدافع عن نفسها
وريهام اتزحلقت شوية.
إنتي ضربتيني؟! صرخت ريهام وهي بتطلع موبايلها.
هبلغ عنك! هقول إنك حاولتي تخطفي العيال وهتدخلي السجن!
رفعت صباعها علشان تضغط على الشاشة
وابتسمت ابتسامة مرعبة.
المطبخ كله سكت
والتوتر بقى خانق
واللي هيحصل بعد كده محدش كان يتخيله.
الجزء التاني
إنتي مش هتتصلّي بحد يا ريهام.
الصوت كان تقيل مليان غضب يخوّف
طالع من ضلمة الطرقة.
في لحظة الزمن وقف.
ريهام اتجمدت مكانها والموبايل وقع من إيدها واتكسر على الأرض.
كريم خرج من الضلمة
مش ماسك العلبة خلاص وقعها وداس عليها وهو ماشي
كأن الحقيقة هي كمان اتكسرت قدامه.
قرب خطوة خطوة عينيه كلها غضب.
حبيبي! ياااه مفاجأة حلوة! قالت ريهام وهي بتحاول تضحك بالعافية.
البنت دي اتجننت كانت هتأذي العيال! لازم تبلغ عنها!
كريم رفع إيده من غير ما يبص لها حتى وسكتها.
عدّى من جنبها كأنها مش موجودة
ونزل على الأرض جنب نادية.
قومي يا نادية قالها بهدوء.
والله يا باشا أنا معملتش حاجة قالت وهي بترتعش.
عارف أنا سمعت كل حاجة.
وقف وبص لريهام بنظرة كلها احتقار
سمعت كل كلمة وعرفت إنك شايفة ولادي عبء.
ريهام اتحاصرت وبدأت تنهار
وأيوه! دي الحقيقة!
إحنا أغنيا ومش ناقصنا وجع دماغ! العيال دول مشكلة! وأنا بكرههم!
سكتت لحظة وبعدين قالت بعصبية
ولو فسخت الجواز هتبقى فضيحة قدام الناس! إحنا دافعين ملايين في الفرح!
كريم قرب منها وقال ببرود
مفيش فرح وكل حاجة بينا انتهت. اطلعي برّه بيتي حالًا.
كملت الصدمة لما قال
والبيت باسمي وكمان مركب كاميرات بالصوت من أسبوعين.
الخوف ظهر في عينيها لأول مرة.
وقعت على الأرض تعيط وتترجى
بس