حياه غريبه
اني نسيت موبايلي تحت دايما نسياه كده نزلت خدته وانا طالعه سمعت صوت خناق مجدي بيزعق ل صفاء مراته
_ارتاحتي كده وانتي بتخربي البيت كالعاده
اتكلمت بخوف_وانا عملت ايه يعني
زعق _اناي عارفه عملتي ايه امبارح حطيتي الملح في الاكل
هزت راسها بنفي _والله لا انا
_كذابه انا عارف انه انتي بس قسم بالله يا صفاء لو الحركه دي اتكررت تاني لهوريكي وهتشوفي انا هعمل فيكي ايه
_بس
_اخرسي لو اتكررت تاني هوديكي عند امك وعيالك هيكونوا معايا غوري من قدامي
بصيت بصدمه وطلعت فوق معقول انا كنت شكه فيها والله انا عارفه انها حربايه بس مش لدرجه دي يعني
جوزها طلع وانا نزلت اتخانقت معاها وهددتها لو كده هقول ل حماتي
عدي يومين ويزن مش بيكلمني ولا حتي بيطمني عليه هو لدرجه دي نسيني
كنت واقفه تحت علي الغسيل بتاع العيله وبعمل البيت بصيت علي حماتي لقيتها بتبتسم ابتسامه صفره والتقرب
_خدي يا سما يا حبيبتي كلمي يزن علي التلفون بيسأل عليكي
بصتلها وخدت منها الموبيل بلهفه حطيت الموبيل علي ودني
_الوو
_السلام عليكم
اتنهد بارتياح_وعليكم السلام ازيك يا سما عامله ايه
_الحمدلله اخبارك ايه يا يزن طمني عليك أنت كويس
حسيت انه ابتسم _انا كويس الحمدلله اطمني
سكت شويه وانا سكت وبعدها اتكلم
_سما انا اسف ع
اتكلمت بخجل _متتأسفيش بتتأسف ليه
_يعني انتي مش زعلانه
اتكسفت_لا مش زعلانه
حماتي بصتلي وشها اتقلب وخدت الموبيل مني
_كفايه كده انا هكلم ابني
ضحكت باصتناع_يبقي كلمها علي تليفونها
مشيت وانا كملت اللي كنت بعمله عدي شهر ونفس الحال وبقيت مش باكل دايما وحالتي بتسوء يزن كان بيكلمني يطمن عليا ويقفل عشان الشغل كنت بحس
_انتي كويسه مالك فيكي ايه
_لا انا كويسه مفيش حاجه
_لا شكلك تعبانه تعالي ارتاحي
_تعبانه ايه دي شكلها بتدلع روحي مكانك
_بس يا ماما
زعقت_روحي مكانك يا هنا وشوفي عيالك عايزين ايه
طلعت وانا حسيت بتشوش وقعدت ومحستش بحاجه بعدها غير وانا بفتح عيوني لقيت نفسي علي سرير اي ده ده سرير حماتي بصيت حواليا لقيت دكتور واقف وكل العيله واقفين حواليه
_حمدالله علي السلامه يا مدام
_الله يسلمك هو في ايه
هنا قربت مني بسعاده _مبروك يا سما هتبقي ماما زي القمر
_ايه
_الف مبروك يا بنتي
_الله يسلمك يا بابا
يلا اطلعوا بره وسيبوها ترتاح. كلهم باركولي وطلعوا وانا حطيت ايدي علي بطني بسعاده معقول هبقي ماما بعد شويه حماتي دخلت وقالتلي
_مبروك
_الله يبارك فيكي يا ماما
_يلا شوفي هتعملي ايه ومتقوليش ل يزن حاجه عشان ميسبش شغله ويرجع
_بس يا ماما انا عايزه افرحه
_ابقي فرحيه بعدين يلا قومي شوفي هتعملي ايه ورانا شغل كتير وعيالي جايين هما وعيالهم وحماتهم خلصي شغل البيت وادخلي معاهم المطبخ بس علي الله تعملي زي المره الفاتت وتبوظي الاكل
طلعت وانا مسحت دموعي وقومت وانا بسند نفسي خلصت شغل البيت ودخلت المطبخ هنا حاولت تطلعني بس مرضتش وقولتلها انا كويسه وكملت معاهم بعد إرهاق كبير طلعت بعد ما اليوم خلص ولقيت يزن بيرن عليا ڤيديو كول رديت عليه
_سما عامله ايه
_الحمدلله يا يزن انت عامل ايه عندك
_انا الحمدلله هموت وارجع يا سما
_إن شاءالله هترجع بالسلامه
اتكلم بشوق_ياريت يا سما نفسي اشوفك بجد وحشتيني ووحشني جنانك
ابتسمت بكسوف ومردتش _مش هتردي
_.
_المهم انتي عامله ايه معاهم حد مزعلك
_لا انا بس عايزه اشوفك بس
_ايه بجد قولي تاني كده عايزه ايه
ضحكت بإرهاق وقفلت كنت عايزه اقوله بس معرفتش أمه رفضت تخليني اقول!
الايام بتمر وعدي شهر كمان وحماتي زي ما هي يمكن بتزود علينا وعليا انا بالذات اللي فهمته انها مكنتش راضيه بيا بس انا مالي
في يوم كنت نزله من علي السلم بهدوء ومبتسمه وانا بكلم اختي في الموبيل حسيت بحاجه تحت رجلي بحركه اتزحلقت من علي السلم وكنت هقع بس حسيت حد بيشيلني بخوف اتخضيت بصيت لقيته يزن وبيحضني بخوف
_سما مش تخلي بالك انتي كويس
مكنتش مصدقه نفسي حضنته وعيطت وشالني ودخلنا شقتنا وقعدني علي السرير ومسح دموعي
_بتعيطي ليه بس يا حبيبتي انتي تعبانه
مسحت دموعي_لا مش تعبانه بس انت وحشتني اوي
باس راسي _وانتي كمان وحشتيني يا روحي والله غصب عني اسيبك وامشي
طلعت من حضنه فمسح دموعي وابتسم
_خلاص خلصتي دموع اللي في العالم ولا انتي خايفه مني عشان مقولتليش انك حامل
_ايه وانت عرفت ازاي
_عرفت وخلاص ازاي يعني يا سما متقوليليش انك حامل وتسمعي كلام ماما
_اسفه كان غصب عني متزعلش مني
_خلاص مش زعلان منك ارتاحي وانا طالع
_بس انا لازم انزل عشان
_من غير بس خليكي مكانك واياكي يا سما تنزلي
نزل وسابني وبعدها بساعتين لقيته بعت ماما واختي وقالولي الم هدومي وهما هيساعدوني وانا مش فاهمه فيه ايه هيخليني امشي واسيبه بعد كل ده.
بعد شويه لقيته طلع وكمل بقيت الحاجات وبعت ناس شالت عفش الشقه ونقلته ونقلت حاجتنا وخدني ونزل
_يا يزن في اي
اتكلم بحده _مفيش حاجه
كانت العيله كلها اتجمعت وهو بصلهم واتكلم بحده
_انا خلاص
_ليه بس يا ابني ايه الحصل
_اللي حصل ان مراتي اتهانت وانا غايب واتمرمطت ومحدش قالي ومحدش قالي انها حامل وبرضوا كانت متبهدله محدش رحمها واخرتها لولا أني لحقتها كانت سقطت أو ماتت علي ايد وحده زي. دي
شاور علي صفاء فبصتلهم بخوف وبعدها شغل ڤيديو انها حطت زيت علي السلم ومستنيا وانا نزله استخبت.
_يا يزن استني نتفاهم
_مفيش تفاهم انتي عارفه يا امي ووصيتك من الاول عليها قولتلك اني بحبها وانتي عارفه كده كويس بس مسمعتيش كلامي
_يعني هتسبني وتمشي يا يزن
_انا كنت عايز اعمل كده يا بابا من الاول وانت وقفتني كنت عايز اخد شقه بره. بس متقلقش انا هجيلك علي طول
باس دماغه وخدني ومشي وصلنا الشقه وبعدها فرشناها وحطينا كل حاجه مكانها يزن قرب مني وحضني
_انا اسف علي كل حاجه وحشه حصلت في غيابي انا بحبك انا لما عرفت من هنا انك حامل وبيحصلك كده مستحملتش وجيت انتي غاليه عندي قوي يا سما انا شوفتك وانا في الجامعه وكنت راجع ومن وقتها وانا حبيتك وبقيت بشوفك علي طول وكنت بتمني انك تبقي علي اسمي بعشقك يا نور عيني انا مبسوط أن بقي فيه حتي مني جزاكي مبروك يا حبيبتي
ابتسمت_وانا حبيتك وبعشقك
محمد كمان خد مراته وعزل زي ما يزن عمل ومجدي ضرب مراته ومشاها عند اهلها يزن بقي يخدني كل فتره ونروح عندهم عشان يطمن عليهم دايما وبرضوا حماتي زي ما هي متغيرتش.
_بس انتي عنيتي كتير يا ماما في حياتك يا تري ليه استحملتي كل ده
ابتسمت_هي الحياه كلها معاناه يا حبيبتشي ولازم نستحمل ونعدي بس انا بحب يزن وعشان كده عديت اي حاجه وبعدي عشانه هو وبس
جه من ورايا
انتمي إليك بكل تفاصيلي وارغب في الحصول على جزء من قلبك
