صرافه العيله
الكل، سلامة بابا، بس مش هاني هو الراجل؟ وهو اللي واجهة العيلة؟ خليه هو اللي يتصرف. أنا قررت أتقاعد من دور البنك المركزي، وهبدأ أصرف فلوسي على سارة وبس.
اللي حصل بعد كدة كان هو الحفلة الحقيقية
أولاً حجزت تذكرة طيران ل دهب في ريزورت كان نفسي أروحه من سنين، بس كنت دايماً بقول أولى بالفلوس دي مصاريف علاج بابا. اكتشفت إن بابا صحته زي الفل وبيرقص في الحفلات عادي.
ثانياً بعتّ إيميل رسمي للمحامي بتاعي ينهي كل الإجراءات القانونية بخصوص أي ممتلكات باسمي هما بيستخدموها.
ثالثاً ودي كانت الصدمة الأكبر ليهم.. لغيت اشتراك النادي اللي كنت بدفع اشتراكه السنوي لهاني وعياله، ولغيت الفيزا البريميوم اللي كانت في جيب أمي للطوارئ اللي كانت بتعتبر إن الخروجات طوارئ.
يومين بالظبط ولقيتهم كلهم قدام
هاني زعق إنتي فاكرة إنك كدة بتلوي دراعنا؟ إحنا أهلك!
بصيت له وابتسمت أنا مش بلوي دراع حد، أنا بس عملت Log out من الحساب. مش أنا ATM؟ المكنة دي سحبت كل رصيدها وقفلت للصيانة الدورية.. ادخلوا بقى وروني هتعملوا إيه من غيري.
قفلت الباب في وشهم، ولأول مرة في حياتي، نمت وأنا مش شايلة هم إيجار حد، ولا قسط عربية حد. نمت وأنا مقتنعة إن اللي مبيعملكش حساب في الفرح، ملوش مكان في جيبك ولا في حياتك.
الحفلة بتاعتي بدأت فعلاً.. والرقص المرة دي كان على نغمات حريتي.
بعد أسبوع واحد، الحفلة دخلت في ليفل جديد تماماً.
لقيت خالي بيكلمني، الراجل اللي مكنتش بشوفه غير من العيد للعيد، وبدأ يدخلني في موال صلة الرحم وإن الظفر
قاطعته بكل أدب يا خالو، بما إن قلبك حنين أوي كدة، واللحم والدم غالي عندك، ما تدفع إنت إيجار الشهر ده لبابا وماما؟ أصل المكنة بتاعتي سحبت كارت الفيزا ومطلعتوش.
طبعاً قفل السكة في ساعتها، ومن هنا اتأكدت إن كلهم عيلة ATM مش أنا بس، الفرق إن أنا اللي كنت بمول.
اللي حصل بعد كدة كان ممتع جداً بالنسبة لي
هاني البرنس اضطر يركب مواصلات لأول مرة من 5 سنين. عرفت إنه نزل ستوري وهو في الميكروباص وكاتب عليها الدنيا دوارة، وشكله كان مبهدل جداً لأن البدلة اللي أنا شرياها مكنتش لايقة على زحمة مترو رمسيس.
بابا وماما اضطروا ينقلوا لشقة أصغر بكتير في منطقة شعبية، لأن المعاش يدوب بيكفي الأكل والشرب. اكتشفوا فجأة إن الناس البسطاء اللي زينا لازم يعيشوا على قد لحافهم فعلاً، مش
أنا بدأت أستثمر الفلوس اللي كانت بتترمي في الأرض دي. اشتريت الكورس اللي كان نفسي فيه، وبدأت أجهز لبيزنس صغير خاص بيا.
أمي حاولت تعمل محاولة أخيرة، بعتتلي رسالة فويس بتعيط فيها وبتقول يا سارة، إحنا بعنا دهب السبوع بتاع أخوكي عشان نجيب علاج لبابا، يرضيكي كدة؟
رديت عليها برسالة واحدة يا ماما، اللي معاه فلوس يعمل حفلة بوفيه مفتوح وورد أوركيد في فندق 5 نجوم، أكيد معاه تمن شريط دواء. اتبسطوا بالذكريات اللي عملتوها بفلوسي، عشان دي آخر حاجة حلوة هتاخدوها مني.
قعدت على البحر في دهب، موبايلي كان هادي، والسرير مريح، والفلوس اللي في محفظتي بقت بتاعتي وليه أنا وبس.
أنا مكنتش قاسية، أنا بس قررت أستقيل من وظيفة بنك العيلة المتنقل، وأعيش حياتي كإنسانة، مش ك مجرد أرقام في
تمت.
