روايه كامله
المحتويات
قولولي اعمل ايه ، أختي ضربت ابني وأنا حاسة بالذنب ....؟!
ابني عنده 7 سنين، وهو من نوعية الأطفال اللي تعمل معاهم كل حاجة صح وبرضوا بيبقى طفل صعب جدًا.....
ابني ما بينامش، وما بيسمعش الكلام، حياتي كلها بقت جلسات علاج ورا جلسات علاج.....
افتكرنا انه عنده ADHD ، لكن ما اتشخصش بحاجه بعد التقييم...
قلنا يمكن توحد؟ نفس الكلام معندوش توحد
يمكن وسواس قهري...؟
او اضطراب التحدي والعناد...؟
بس لأ مفيش اي تشخيص او مرض....
وده اللي مخليني مجنونة....
يعني هو مفيش حاجة غلط فيه ومع ذلك هو مرهق جدًا ومتعب جداً....
عمره ما بينام في سريره.... وبيتسلق على الأثاث وبيجري في البيت كله....
ولو قفلت عليه في غرفته بيفضل يصرخ ويخبط على الباب ويرزع فيه.....
ابني بيدمر كل حاجة.....
تلفزيونات ، مرايات ، ديكور الحيط ، زرع أي
وأي حاجة بيقدر يرميها في التويلت بيرميها....
ويا ويلك يا سواد ليلك لو نسيتي شباك مفتوح، كل حاجتي حرفياً هلاقيها مرمية من الشباك للشارع او عند الجيران....
وكمان بيضرب ويمد ايده....
وأنا اللي بفضل ماسكاه وأحاول أوقفه عن ده ، بس هو عمره ما بيهدى....
بيفضل يعض فيا ويصرخ ويقاوم....
ولما ما ياخدش اللي هو عايزه بيعمل بيبي على الحاجات....
أنا مستنية دعم أو مساعدة مؤقتة، بس علشان مفيش تشخيص رسمي ليه فمفيش مساعدة....
انا بصراحه حاسّة إني عايشة في حرب....
أنا بحبه بشكل ما يتوصفش... والله العظيم بحبه بجنون، وحاسة إني طلعته من جهنم بإيدي.....
اه ده ابني وحياتي كلها، بس هو مرهق جدًا جدًا وانا تعبت.....
ماما كانت دايمًا بتساعدني، بس بقت تتعب معاه كل ما يكبر....
وأختي مش شخص بالنسبالي
فأختي عرضت عليا انها تخليه ينام عندها ليلة علشان أقدر أركز مع بنتي شوية....
أنا أصلًا دايمًا حاسة بالذنب ناحية بنتي لأني مش قادرة اركز معاها خالص مع تصرفات اخوها......
المهم لما رحت أخده من عند اختي كان طفل تاني خالص...؟!
كان هادي....
وبيسمع الكلام لما وصلت....
وقالّي إنه كان مفتقدني وبيحبني...؟! هو عمره ما كان بيقولي كده..!
سألت أختي إنتِي عملتي فيه إيه...؟
قالتلي إنها كانت بتضربه كل ما يتصرف غلط...!!
اتعصبت وقلتلها إننا متفقناش على الضرب، وإنها مش هتشوفه تاني....
بس بصراحة يا جماعة
الولد حرفيا بقاله أسبوع عامل زي الملايكة....
مفيش حاجة اتكسرت في البيت...
ومفيش حاجة مدهونة على الحيطان....
مش بجري علشان
هو بقى بيلعب بهدوء....
وبقى حنين جدًا وبيحضني كتير....
أنا متدايقة من اختي إنها ضربته ومتدايقة أكتر من نفسي علشان أنا مرتاحة جدًا.....
تعديل
أنا متدايقة لأن الضرب ضد كل الأبحاث الي قريتها و الخاصة بتطور الأطفال.... ضرب الأطفال مضر ليهم، ودي حقيقة.....
المرة الوحيدة اللي فكرت فيها أجرب الضرب وقلت للثيرابيست بتاعت ابني ، اضطرّيت إني أقابل أخصائية اجتماعية لأن ضرب الأطفال ممنوع أصلًا....
أنا مش هبدأ أضربه....
وعمري ما هضربه....
بس بجد مش عارفة ، عندي احساس بالذنب والغضب في نفس الوقت....
تعليقات وآراء بعض الناس على مشكلتها
هي ادته عواقب لتصرفاته... هل إنتِي بتعملي كده؟ لأنك طول الوقت بتتكلمي عن تقييده وعن الحاجات اللي بتتكسر، لكن ما ذكرتيش أي نتيجة فعلية لسلوكه.
إنتِي كنتِي بتدوري على تشخيص طبي لسلوك شقي..
متابعة القراءة
