قلب ليس من حقه الحب
اتجننتى يا مى . فوقى يا بنتى
مى اصل انتى مش عارفة
سمية مش عارفة ايه
مى بلاش تعرفى
سمية بجد هزعل منك بتدحكى عليا يعنى
مى بصراحة ايوة اصل ...بلاش اقولك هترزعى السماعة فى وشى
سمية يا سلام ليه ان شاء الله والله لتقولى انا حلفت وحرام لو وقعتى يمينى
مى اصل ..اصل ..اصل يوسف بيسلم عليكى وعايز ياخد الموبايل يسلم عليكى هو عمالة اقوله بلاش يقوللى لا
سمية كده يعنى بتحرجينى يا مى ماشى والله لاوريكى بكرة سلام
مى متسرعة معلش يا سمية والله ما اقصد وبعدين ...يوسف بيسوق مش منتبه لكلامى وكمان بتكلم بصوت واطى يعنى مسمعش
سمية انا مش زعلانة خلاص بس يا مى كده مينفعش لو سمحتى بكرة نكمل كلامنا ان شاء الله او لما تروحى وتكونى لوحدك اتصلى بيا تمام
مى بس بشرط ...متكونيش زعلانة والله مكنتش اقصد
سمية يا ستى عفا الله عما سلف ..امرى لله مش زعلانة منك
مى طيب ارغى
سمية ربنا يجازيكى خير يا شيخة ا..بجد انا محتاجة انام دلوقتى المهم نكمل بكرة ان شاء الله
مى ان شاء الله ياستى عفونا عنك
سمية جزيتم خيرا ..فى رعاية الله
مى فى رعاية الله مع السلامة
وتغلق مى هاتفها ....
يوسف هى زعلت ليه
مى اصل ...ولا حاجة
يوسف ممازحا اياها كده ماشى يعنى بتخبى عليا يا مي اانا زعلان منك بجد
مى يوووه بأى مهى مش عايزانى اكلمك عليها
يوسف ليه يعنى دى زى اختى
مى معرفش بأى هى بتقول انك غريب عنها وكده فمتزعلش منى هى سمية تفكيرها كلاسيكى اوى فمتزعلش عشان خاطرى
يوسف ياستى مش زعلان والله بس سمية بنت عمك دى غريبة فعلا بس محترمة ربنا يخليهالك ...هى دى الصاحبة مش بتوع النادى دول
مى يووه بأى تانى بتوع النادى دى كانت شلة فاشلة وخلاص بأى
يوسف خلاص يا ستى ....وصلنا حمد لله على السلامة
مى تعالى سلم على ماما وبابا
يوسف معلش مرة تانية ان شاء الله ...بس هاتى عصير
مى لا مش دلوقتى
يوسف علشان خاطرى
مى يوسف امشى بأى هنادى ماما واقولها
يوسف بسرعة لا لا لا خلاص حماتى لا ..سلامى يا حبيبتى
مى مع السلامة يا حبيبى فى رعاية الله
تدخل مى الى منزلها ويراقبها يوسف حتى تختفى من امام عينيه .فياخ سيارته متوجها لمنزله ...فى صباح اليوم التالى كان مجهولا للجميع بما يخبئه لهم وحتما سيخبئ مالايحلو عند بعضهم ....فى مكان آخر هو عبارة عن قصر محصن ...
قدرى ها يا سمير هنعمل ايه فى البنت دى
سمير انا اللى عليا عملته يا معالى الوزير ..التقرير ظبطه اعمل ايه تانى
قدرى يعنى ملهاش هى ولا خليل ده صرفة
سمير لا لو حطيت السكينة على رقبتهم وملايين فى ايدهم .زغاوين فقر
قدرى طيب ان كان كده انا اللى هعمل ...
سمير هتعمل ايه
قدرى مش انا الوزير ..يبأى هتصرف اطلع انت منها
سمير طيب انا هستاذن يا باشابع اذن معاليك
قدرى روح
كانت سمية مستيقظة منذ الفجر كعادتها جلت تقرأ وردها القرآنى والاذكار ..ثم جلست فى شرفة غرفتها تائهة بين خيالها ووقاعها حتى طرقت نغم بابها ...
نغم ابلة سمية حضرتك هنا
سمية تعالى يا نغم ..انا فى البلكونة
نغم يا خبر اابيض بلكونة الجو برد حرام عليكى
سمية لا مش برد ولا حاجة وبعدين انا لابسة الشال تعالى اقعدى معايا
نغم لا انتى اللى هتنزلى معايا الساعة 8 والفطار جاهز .
سمية مليش نفس يا نغم ... معلش انزلى انتى ولو سمحتى بعد ما تفطروا خللى هدى تطلعلى عصير برتقال او انتى لانى مليش نفس انزل
نغم طيب ...سلام
سمية جزاكم الله خيرا..... سلام يا حبيبتى
وهبطت نغم للاسفل وجلست مع والديها لتتناول افطارها بعد اخبارهم بامر سمية ففضل خليل عدم الخوض فى بحور احزانهااليوم .....فى بلد اخر كان هناك حالة من القلق ولكنها ليست بالاسى الذى يوجد لمثيلتها فى بلدنا الحبيب ....
آسر ها يا دكتور وافقوا انهم يا جلوها
جورج ايوة آسر بس بشرط ...
آسر ايه هو
جورج هتتاجل سنة كاملة للاسف
آسر مندهشا نعم سنة كاملة ليه يعنى انا مفروض اناقشها الشهر الجاى ....تتاجل لسنة كاملة
جورج بصوت عال آسر انت عارف انت بتتدرس فى جامعة ايه ومين اللى بيناقشك من الدكاترة
آسر وانا كمان مجهودى اى حد يقدره احسن من كده وعلمى كمان ولو مش كده مكنش دكاترة زى اللى حضرتك بتقول عليهم وافقوا انهم يناقشوا رسالتى
جورج انت فاكر بسبب علمك ومجهودك اللى طبعا محدش يقلل منهم انت فاكر بسببهم ...وافقوا انهم يناقشوك
آسر طبعا هيكون بسبب ايه
جورج بسبب ميرنا ..آسر ..انت لو مكنتش خطيب ميرنا ..مكنش هيناقشوك الدكاترة دى ولا فى المعاد ده ...اقدر اقول انك فهمت
آسر مصدوما نعم يعنى واسطة
جورج مش بالضبط ..بس تقدر تقول ان ميرنا هى اللى سرعت المعاد ...زده طبعا عشان تتجوزوا ....لكن طالما انت عايز ..تنزل .....خلاص آسر ...سنة قدامك ...وهترجع ...
آسر لوى دراع بأى عشان افضل هنا
جورج لا حبيبى حاجة تانية ....اسمها .....بالمصرى ....ايه...ايواااااا قرصة ودن حبيبى ...فهمت
آسر بأى كده
جورج ايوا ...بنتى بتتعذب ادامى وانت مبتحسش بيها ...انا متدخلتش لحد دلوقتى عشان خاطرها ...هى بتحبك وانت مش حاسس بحبها ليك ...وانا مش هقف اتفرج على بنتى بتتعذب ادامى
آسر بارتباك بس انا بحبها ييا دكتور
جورج متدحكش على نفسك ..انت مبتحبش ميرنا ...انت بتحب جمالها ..جنسيتها ...مبهور بالعالم بتاعها ...بس ...آسر ...صح ولا انا غلطان
آسر ...........................
آسر بارتباك بس انا بحبها ييا دكتور
جورج متدحكش على نفسك ..انت مبتحبش ميرنا ...انت بتحب جمالها ..جنسيتها ...مبهور بالعالم بتاعها ...بس ...آسر ...صح ولا انا غلطان
آسر ...........
جورج سكت ليه انت هتتجوز ميرنا ...انا مش افدر اشوفها فى حالتها اللى كانت بعد وفاة مامتها تانى ...مش هسمح بكدة ...
آسر ولا انا اسمح بكده يا دكتور جورج ....لا يمكن اظلم ميرنا ..
جورج مش وقته الكلام ده ...انا مش هسمحلك آسر ...المهم انت دلوقتى تنزل مصر ...وبعدها نشوف هنعمل ايه ...لكن موضوع الرسالة انساه ....معادها بعد سنة من دلوقتى ...
آسر طيب وميرنا
جورج يضحك بصوت عال ونبرة انتصار ميرنا ..انت هتتجوزها بعد ما تيجى من مصر ...متخفش
آسر بتعجب وارتباك يعنى بعد شهر
جورج هههههه ايوة ...بعد لما تيجى على طول بعد شهر وده آخر كلام عندى ...اتفضل ..بالمناسبة ..ميرنا مستنياك ..ومستنية تقولها على معاد الفرح ...
آسر هو حضرتك قولتلها على حاجة
جورج ايوة...قولت على المفاجأة اللى انت عاملهالها بعد رجوعك من مصر ...يعنى لو مصر على موضوع رسالتك ....
آسر كده مش دى بردو امريكا اللى كل واحد ياخد حقه من غير واسطة
جورج عشان كده انا باخد حق بنتى وبضمنه ليها ...اتفضل انا مشغول دلوقتى ...ومحدش يعرف بالكلام ده ..اظن انت فهمت
آسر بضيق مكتوم ايوة فهمت ...عن اذنك
وخرج آسر من مكتب جورج صافعا الباب ورائه يستشيط غضبا كيف يلعب به جورج هكذا..كيف يجرح كرامته ...كيف سيتزوج ميرنا ....دون موافقة والده ...نعم هو قام بخطبتها لكن هذا يختلف عن الزواج ...هو يحبها ولكن لم يتخيل انه سيتزوجها بهذه الطريقة .....ماذا سيفعل ...وكيف سيقنع والده ...لا يكفى موقف والدته
.....ترى مااذا سيحدث على جانب آخر فى منزل خليل تستعد الفتاتان للخروج سويا تمر مى عليهم لتاخهم .....
هدى انسة مى ..اتفضلى
مى ازيك يا هدى .امال سمية فين
هدى الحمد لله ..ثوانى اقولها ان حضرتك موجودة
مى اتفضلى يا هدى
نغم ايه ده مى جيتى بدرى على فكرة
مى نغم .زنزلتى بدرى على فكرة ...
تسلم نغم على مى وتاخذهم ليجلسوا فى الصالون ....
مى ايه اخبار نتيجتك بانت ولا لسة
نغم لا لسة ..بكرة ان شاء الله ..ادعيلى بالله عليكى يا مى
مى ربنا معاكى ...المهم سمية فين اتاخرنا
نغم هى بتصللى العصر فوق ..هتنزل دلوقتى
مى هى مالها انا حساها مش مظبوطة
نغم محدش عارف وكمان هتسافر بكرة
مى انتى بتتكلمى جد بكرة ومحاضراتها
نغم معرفش ...متفكريش عشان متتعبيش احسن
مى انا هسالها ان شاء الله
سمية تسالى مين
مى سمية ..اتاخرتى ليه يابنتى
سمية معلش ..يلا بأى نقوم ...عشان منتاخرش
مى تغمز لنغم يلا يلا ..ده باين فعلا
نغم مش قولتلك ..
سمية انتوا بتقولوا ايه
نغم بنقول ..هنروح فين
سمية هقولكم بس يلا ...
مى طيب مش هنسلم على عمو وطنط الاول
سمية اولا هما مش موجودين وانا اتصلت بيهم فوق وقلت لعمو خليل ووافق..ثانيا ..حضرتك صاحبة واجب اوى ... يلا يلا
نغم يلا يا مى هنضرب دلوقتى
وتذهب الفتيات الى سيارة مى ..فيدور بينهم الحدييث الآتى ..................
مى ها هنروح فين
سمية بصى ياستى انا محتاجة اشترى بدلة لمالك بس عيزاها شيك عشان فرح ملك وعايزة اشترى لملك هدية لفرحها وكمان لرهف ولبابا وماما ان شاء الله اااه من حق وكمان
مى يا خبر ابيض ده كله ...طيب هنروح البنك ازاى دى الساعة 4 ونص والبنوك بتقفل على 2 يا سيادة الدكتورة
سمية يا بنتى مش البنك نفسه انا معايا الكريديت اهه ...بس استنى .....هنزل اسحب الفلوس واجى
مى اتجننتى ليه كده يا سمية . وادى ركنة ...
نغم اسحبيلى 3 جنيه ونص معاكى ها
سمية خفة ....استنوا بأى
وذهبت سمية لكى تسحب الاموال اللازمة لها.. ولكن على جانب آخر
البارت ال 30
مى نغم انتى متاكدة ان مفيش حاجة سمية شكلها مرهقة
نغم لا مفيش والله بس هى عاملة ريجيم بعيد عنك
مى نعم سمية ريجيم ايه يا بنتى هى مش محتاجة اساسا...اكيد بتهرجى
نغم اه والله بجد ده لازم طبق السلطة والاكل يا سوتيه يا مشوى ومفيش دهون خااااااااااااااااااالص ونشويات قليلة وكمان لازم العصير الفريش دى بقت دكتورة على نفسها
مى تصدقى...بس بس اهى جت اهه
سمية السلاااااام عليكم
مى نغم وعليكم السلام
نغم هاتى الفلوس لو سمحتى الويتينج ده مش ببلاش
مى وانا السواق يا بيه ممكن الاجرة
سمية فى اخر المشولر يابنى منك له المهم عايزه محل بدل رجالى للافراح بس يكون ترى شيك لمالك اخويا
نغمبخضة ايه ده هو مالك هيتجوز
سمية لا يا بنتى دى بدلة عشان يحضر بيها فرح ملك
نغمتتنهد ايوة ايوة ...خضيتينى يا شيخة
مى وتتخضى ليه يا لحن الوفاء
نغم بتتريقى على اسمى ماشى يا ماية من غير سكر
سمية بسسسسسسسسسسس كفاية دماغى صدعت ها هنعمل ايه
مى بصى يا ستى انا عارفة محل آسر ويوسف دايما بيجيبوا منه ب غالى شويتين يعنى
سمية مفيش مشكلة ان شاء الله عاملة حسابى
نغم ايه ده يا مى آسر ويوسف ....اتنين يا بنتى مكنتش اتوقع منك كده اخص عليكى
مى نيتك بنى دايما ..يا بنتى آسر ده اخويا بس مسافر بيكمل دراسته برة ويوسف ده خطيبى يا تحفة
نغم اسم اخوكى حلو ياترى شكله زى اسمه ولا زيك
مى هو .....
سمية مقاطعة وبنغمة صارمة نغم ..مينفعش ..ده واحد غريب عنك ....مينفعش تسالى عن شكله او تتكلمى عليه
نغم بارتباك وخضة انا ...معلش والله مكنتش اقصد يا ابلة سمية
سمية بنبرة حانية يا حبيتى ولا يهمك بس ناخد بالنا المرة الجاية ان شاء الله ماشى
نغم بابتسامة ماشى ...
مي انتى عارفة ياا نغم سمية بهدلتنى زيك كده وامر بسبب يوسف
سمية بنظرة نارية طيب مش يلا بأى ولا ايه
تتجه الفتيات الى محل البدل الرجالى لتنتقى سمية لاخيها بدلة جميلة تليق به
واشترت هدية لملك واشترت هدية لرهف واشترت هدية لامها
واشترت هدية لابيها واشترت هدايا لمى ونغم ايضا لكنها كانت بسيطة
وانتهى اليوم بعد قضاء وقت ممتع جدا استمتعت به كل واحدة منهن ثم اخبرت سمية مى بان تاتى لها بالمحاضرا فوافقت مى بكل ترحاب ..بعد ذلك توجهوا الى منزل خليل .زاوصلتهم مى واستاذنت ان تذهب لبيتها لتاخر الوقت .تصعد الفتاتان الى منزل خليل ...
نغم يا اهل البيت احنا جينا ....ااااه يا ايدى
سمية يا بنتى بطلى صوتك ده زبعدين انا قولتلك هاتى اشيل عنك
أحمد ايه الدوشة اللى انتو عملينها دى
سمية بابا هوحضرتك ...هنا ...يعنى جيت ...هو حضرتك هنا
أحمد انتى سخنة يا حبيبتى ولا ايه
سمية لا ....بس ....يعنى ...هو حضرتك جيت امتى
أحمد جيت من نص ساعة كده ..مفيش حضن لبابا يعنى ماشى يا عم كبرنا
سمية بنظرة حانية مليئة بالشوق معقولة يعنى حمد لله على السلامة
وترتمى سمية فى احضان ابيها معلنة احتياجها الشديد لهذة الضمة ...
خليل هتفضلوا كده كتير ...
أميرة على فكرة مها ممكن يحصلها حاجة لو شافت المنظر ده
أحمد لا حول ولا قوة الا بالله بنتى ووحشانى فيها حاجة
نغم طيب بالنسبة للغلبانة اللى واقف مفيش سؤؤال يجبر الخاطر يعنى
أحمد انتوا جايين من عند باب السيدة ولا ايهوبعدين ايه اللى انتوا شايلينه ده انتوا اشتريتوا القاهرة كلها وجيتوا .مالهم يا خليل البنات
خليل مليش دعوة البنات عاقلين ....عندى ديموقراطية فى البيت
أميرة طيب يلا يا بنات اطلعوا غيروا وانزلوا عشان العشا ...
سمية نغم بعد اذنكم
الجميعاتفضلوا يا بنات
فى مكان آخر حيث يجلس آسر مع خطيبته او زوجتهالمستقبلية المؤكدة ....
ميرنا يعنى خلاص هتسافر
آسر ايوة فرح اختى ولازم احضره
ميرنا آسر ...هو ايه المفاجأة اللى انت محضرهالى
آسر ها ...ايوة ...مفاجأة ....اااااا ايوة صح ..احنا هنعمل فرحنا بعد ما ارجع على طول ان شاء الله
ميرنا بسعادة غامرة بجد يا آسر ...ياااه بجد انا فرحانة جدا انى هكون YOUR WIFE
آسر بابتسامة لا صدقى يا حبيتى ان شاء الله هتكونى مراتى
فى منزل خليل بعد تناول الجميع العشاء استأذن أحمد ان يتكلم مع سمية فى غرفتها فصعد معها وجلس بجوارها وفاتحها بموضوع خطبتها ..فارتمت باكية ...
أحمد عيطى يا سمية عيطى يابنتى ..ليه مقولتيليش ..سيباه هو يقوللى ...متزعليش هو ميستهالكيش
سمية انا خفت لتزعل منى يا بابا .....انا مش زعلانة عليه ..انا خلاص مبقتش عايزة حاجة ........
أحمد انتى ايه فضفضى واتكلمى زى ما انتى عايزة قولى اللى فيكى كله
سمية باكية انا تعبت بجد من اللىى بيحصل ...تعبت ...كل حاجة واقفة ضدى ..كل حاجة ...حياتى ممشيتش زى مكان نفسى زمان ....بجد تعبانة يا بابا ...عايزة اروح معنتش عايزة اقعد اكتر من كده هنا ...كفاية عليا ....عايزة اريح اعصابى ....عايزة ارتاح ..
أحمد اهدى يا حبيبتى ...انا كان قلبى حاسس ...اهدى يا سمسمة اطمنى انا جاى وناوى اخدك معايا ...هتروحى ترتاحى هناك انا عارف ...انتى عارفة البت ملك اتجننت على الاخر كل مجوازها بيقرب كل مابتتجنن ومالك كمان ولا رهف ناقصينك هناك ....
سمية ترتعش خليك جنبى يا بابا...... خليك جنبى ...عايزة انام
أحمد نامى ياا حبيبتى ..نامى انا جنبك اهه نامى يا بنتى ...
تستغرق سمية فى النوم ثم يتركها احمد برفق شديد وينزل لخليل....
خليل خلصتوا كلام ده ولال حكاوى الف ليلة وليلة يا راجل...
أحمد خليل ...البنت نفسيتها تعبانة ...انا هاخدها معايا بكرة ان شاء الله
خليل هى اساسا كانت ناوية تروح بكرة ...المهم اطلع نام دلوقتى والصباح رباح
أحمد لا انا هروح على الشقة اللى هنا
خليل انت بتتكلم ازاى ..عيب كده...انت بتشتمنى ..بجد يعنى لما بنزل البلد بتسيبنا نروح بيتنا ..
أحمد بس...
خليل مفيش بس ...يلا قوم الاوضة جهزت اساسا...وبعدين انت عارف أميرة ...
أحمد ربنا يخليهالك يا خليل ..ويباركلك فى نغم
خليل واشوفها زى سمية كده
أحمد بلاش..ليكون حظها زى حظ سمية ...يارب تشوفها احسن
خليل يا بنى حظها ماله ..ياريت البنات كلها كده ...ومحمد بكرة يجيلها سيد سيده ..متقلقش .
أحمد ان شاء الله ..طيب اسيبك انا
خليل انت عندك بكرة جلسة صح
أحمد ايوة ان شاء الله ...اهى هانت وكلها شهر واعمل العملية ...دعواتك
خليل ان شاء الله تقوم بالسلامة وتتعافى قريب ..المهم ..اطلع نام دلوقتى
أحمد طيب تصبح على خير
خليل وانت من اهله
ويصعد خليل لغرفته التى توجد بجوار غرفة سمية ...يمر اليوم ثم يأتى يوم جديد تسافر فيه سمية وتصطحب نغم معها بعد معرفتها بنتيجتها فهى قد فازت بالمركز الاول على مدرستها فقرر خليل ان تذهب مع سمية ..وصلت سمية الى بلدتها لتبدأ فترة جديدة ....
تقترب سمية من بلدتها بصحبة والدها وصديقتها الصغيرة ....باتت سمية على مشارف بلدتها ..احست بان روحها قد ردت اليها ..لم تشعر بالوحدة التى تلاشت فجأة ...شعرت بانها فى مملكتها ..بين احضان بلدها ..بعد قليل ستلتقى باهلها ..بأمها التى اشتاقت لدفء احضانها ...واخواتها حيث تجد االحب والدفء والاطمئنان بينهم ....ستذهب لجوادها لكنها لن تستطيع ركوبه كما فى السابق....حيث انه لا يوجد شئ سيكون كما كان عليه فى الامس ..وهنا احست سمية بالحزن لوهلة ولكنها تناستها على الفور
أحمد سمية ...صحى نغم خلاص قربنا نوصل
سمية بابتسامة حاضر يا بابا ....نغم ...نغم ..
نغم بصوت نائم عايزة ...انام
سمية يا حبيبتى وصلنا خلاص قومى اصحى دلوقتى ولما ننزل يا ستى نامى لبكرة ....
نغم بخضة ايه وصلنا..
أحمد ايوة خلاص يا بنتى مالك اتخضيتى كده ليه متخفيش
نغم لا والله يا عمو مقصدش بس اخر مرة جيت كان من 3 سنين ..فمتشوقة انى اشوف البلد تانى
سمية على فكرة زى ما هى بس للاسف الاراضى الزراعية قلت جدا
نغم ليه كده
سمية الناس بتجرف الارض عشان تحولها لمبانى ههه عشان يكسبوا اكتر
نغم بس كده هما بياخدوا حقنا ..يعنى لما الاراضى الزراعية تقل المحاصيل هتقل وبالتالى هنستورد زيادة
سمية عفارم عليكى ..بس محدش يفهم كده .
أحمد مقاطعا يا بنات ..وصلنا خلاص يا حضرة المهندسة الزراعية انتى وهى حمد لله على السلامة ....
سمية بفرحة شديدة الله يسلمك يا بابا ...يااااااااه بجد انا واحشنى بيتنا ووحشانى بلدنا اوى ...
نغم الله الجو هنا حلو مع انه تلج لكن ريحة الهوا جميلة اوى ....
سمية شوفتى انه كان عندى حق
أحمد بابتسامة ع فكرة السواق نزل الشنط يلا يا هانم انتى وهي انزلوا
نزلت سمية بيدها نغم ...وجائت امها لاستقبالهم ....بمجرد رؤيتها لابنتها اخذتها بين احضانها ....ا
مهابفرحة شديدة حمد لله على السلامة يا سمسمة وحشانى اوى ..
سمية الله يسلمك يا ماما وحضرتك كمان والله ياااااااه وحشنى حضنك اوى يا ماما
مها وقد اخت نغم بين احضانها هى الاخرى نغم ..ازيط يا حبيبتى عاملة ايه وماما عاملة ايه
نغم الحمد لله يا طنط كويسة ..ماما بتسلم عليكى كتير والله هى هتخلص امتحانات الجامعة وتيجى على طول ان شاء الله
مها ان شاء الله يا حبيبتى ...ماشاء الله كبرنا وبقينا انسات اهه
نغم بخجل شديد مرسى يا طنط ده من ذوق حضرتك
مها بس ماشاء الله بجد الحجاب عسول عليكى يا نغم ربنا يباركلك يا حبيبتى
نغم بجد ميرسى يا طنط ..
أحمد يعنى شوفتى البنات نسيتينى ..مفيش حمد لله على السلامة ..انا اللى جايب البنات بردو
مها يا حبيبى ده انت الخير والبركة بس البنات مشفتهمش من زمان بس
سمية هامسة لنغم انا بقول نطلع ونجيبلهم اتنين لمون
نغم انتى قديمة ع فكرة ....بقوا اتنين ميرندا تفاح
أحمد ماشاء الله بتدحكو اوى كده ... ضحكونا معاكم
سمية ها ..لا ولا حاجة بس حاجات عيال بأى
مها طيب يا عيال ممكن ندخل لان الجو بجد برد
دخل الجميع ولم يكن احد بالمنزل سوى رهف ...فمالك فى دروسه ..وملك تشترى اشياء لازمة لعرسها ...فلا احد يعرف بقدوم سمية سوى مها ومالك دون ان يدرى كلاهما ان الاخر يعرف ...... دخل الجميع المنزل ....
مها اطلعوا فوق خدوا حمام دافى كده وصلوا وانزلوا يكون الغدا جاهز معلش يا نغم هتطلعى مع سمية اوضتها لان اوضتك لسة بتجهز تغيرى بس وتتغدى وتكون اوضتك جهزت
نغم يا طننط ملوش لزوم والله انا هاقعد مع ابلة سمية يا اما مع رهف عادى بجد
سمية بصى متحاوليش ..شوفتى طنط أميرة عاملة ازاى ..اهى هى وماما ..وجهان لعملة واحدة
نغم تصدقى صح طيب يلا نطلع ليبهتوا علينا
مها انا بقول انكم تطلعوا احسن ..اصلى فى اتجاه استخدام سلطاتى العليا عليكم
سمية لا لا لا وعلى ايه ..يلا يا بنتى نطلع ..ماما من حق امال اخواتى فين
مها رهف بتلعب بلاى ستيشن فى اوضتها ومالك وملك مش هنا ..زمانهم جايين
نغم طيب يلا نطلع باى عايزة اخد شاور وانااااااااااااااااااااااااااااااااااااااااااااام
سمية متعجبة تنامى على اساس مطبقى من امبارح حضرتك ..يلا يلا ..عن اذنك يا ماما
مها اتفضلوا يا بنات ... سامية ....سامية ...
سامية نعم يا مدام مها
مها شوفى حد يطلع معاكى الشنط والحاجات دى اوضة سمية ....وجهزى الاوضة اللى جنبها
سامية حاضر ...بس هى دكتورة سمية جت
مها يعنى الشنط هتيجى لوحدها ....ايوة جت بس هى فى اوضتها ومعاها نغم بنت دكتور خليل
سامية حمد لله على سلامتها ...عن اذنك
مها اتفضلى ...اه من حق جهزى الغدا
سامية حاضر ..عن اذنك
صعدت الفتاتان غرفة سمية ...دخلت نغم الغرفة .لتجدها بسيطة وكلاسيكية جدا .....تملؤها رائحة شجر المسك والياسمين التى تفضلهما .. ....
سمية بسم الله ...ادخلى يا نغم
نغم ميرسى ...الله ريحة الاوضة حلوة اوى ..
سمية اكيد يا بنتى ..دى بتاعتى
نغم بلاش الثقة دى كلها ...يعنى على اساس انه مش تحت بلكونتك شجر الياسمين واالمسك
سمية ايه رأيك مش موقع استراتيجى
نغم اى نعم
يطرق الباب لتأذن سمية بدخول الطارق...
سامية حمد لله على السلامة يا دكتورة ..الشنط اهى
سمية بابتسامة صافية الله يسلمك يا سامية من كل سوء ..جزاكم الله خيرا ..معلش تعبتك معايا
سامية لا تعب ولا حاجة ..
سمية ازى عمو حسين كويس ولا قوليلى بس وملك دعوة
سامية الحمد لله زى العسل
سمية من يشهد للزوج غير زوجته يعنى ....الحمد لله ربنا يخليكوا لبعض ..دى نغم بنت عمو خليل
سامية اهلا وسهلا يا انسة نغم
نغم اهلا بحضرتك يا ابلة سامية
سامية ابلة ايه بس انا سامية من غير حاجة
نغم ماشى يا سامية من غير حاجة
سمية طيب يا سامية جزاكم الله خيرا ....احنا نص ساعة وهننزل
سامية خلاص ماشى ..عن اذنكم
سمية يلا بأى ممكن تدخلى تاخدى الشاور بتاعك بس ربع ساعة وتطلعى لحد ما ارص الهدوم دى
نغم ربع ساعة بس خليها نصاية
سمية طيب بصى انا هروح عند رهف اسلم عليها وكده واجيلك تكونى خلصتى ماشى
نغم سلمى عليها بضمير
سمية ماشى ماشى .سلام
تأخذ سمية هدية رهف وتذهب لغرفتها ...تطرق الباب ....
رهف ..............
سمية ممكن ادخل ولا امشى ...
رهف مقاطعة سمسمة انتى جيتى امتى
وتجرى رهف على سمية لتستقر بين احضانها ..
رهف يعنى متقوليش انك جاية
سمية يعنى لو قلت هتعملى ايه حبيت اعملهالك مفاجأة
رهف بصراحة مفاجأة بجد ...بس ...انا زعلانة منك
سمية ليه بس
رهف قال يعنى متعرفيش
سمية بابتسامة شقية لا اعرف ..اتفضلى شوفى دى
رهف ايه ده ...الله جميلة اوى ..بس
سمية بس ايه اوعى تقولى مش عجباكى انا مصروفى خللص
رهف لا بس انا قولت عايزة حقى ناشف
سمية خلاص هاتيها وخدى حقك ناشف
رهف لا لا لا خلاص انتى بتصدقى على طول كده
سمية كان من الاول ...المهم صليتى ولا لسة
رهف صليت الحمد لله ..وكمان ماشية على الجدول..
سمية طيب كويس بالليل ان شاء الله هشوفه ..ع فكرة انا معايا واحدة برة عسل اوى بحبها خالص وهتقعد معانا
رهف مين دى
سمية واحدة بحبها جدا بحسها اختى كده ياا سلاام وعسولة اوى وكمان هخليها تنام جنبى فى حضنى .....
رهف بغيرة طيب طيب روحيلها يلا
سمية ع فكرة دى نغم بنت عمو خليل
رهف لا والله ماشى يا سمسمة طيب يلا نروح نسلم عليها
سمية لامش دلوقتى ع الغدا ان شاء الله سيبيها ترتاح ..ماشى
رهف لا واقف على واحدة ونص
سمية يا دماغى من لماضتك ...ربنا يهديكى....يلا اجهزى عشان الغدا ..سلام
رهف بدون خصام ...
تخرج سمية من غرفة رهف متوجهة لغرفتها لتجد نغم تصلى ..تاخذ سمية حماما دافئا..وتصلى ثم تنزل الفتاتان الى الاسفل تجد نغم ..شخصا قادما الى سمية يسلم عليها بحرارة وشوق ....
مالك سمسمة ...حمد لله على السلامة وحشانى موت والله
سمية يا سلام وحشاك ..ولا وحشاك البدلة
مالك لاا والله انتى عارفة تشكى فيا ...مكنش العشم ..
سمية لا هو انا دبوس لا سمح الله
مالك بتنكتى كمان ..لا فى تقدم ..واضح كبير ....
سمية اكيد
مالك يهمس فى اذن سمية مين دى
سمية دى
مالك كده
سمية دى نغم بنت عمو خليل ..نغم ...ده مالك
مالك بنظرات متعجبة وبارتباك نغم ...اهلا وسهلا حمد لله على السلامة ..
نغم بوجه يكسوه حمرة الخجل الله يسلمك
مالك معلش والله معرفتكيش شكلك متغير خاااالص
نغم ...........
مها تاتى اليهم اخيرا جيت ..اطلع غير وتعالى يلا عشان نتغدى
سمية طيب فبن ملك
مها مزمانها جاية يلااطلع يا مالك عشان متتاخرش ...لازم نتجمع كلنا ع السفرة
مالك اه ...اه اكيد اكيد ..عن اذنكم
مها ماله الواد عامل كده ليه..عملتى فىه حاجة ياسمية
سمية نعم لا ولا حاجة تلاقى الفيزيا ولا الميكانيكا
مها والله تصدقى ..طيب يلا يا بنات
سمية تهمس لنغم مالك يا لحن الوفاء ...مصدومة كده ليه
نغم اه ..لا ولا حاجة بس الجو متغر غليا شوية بس
سمية لا والله ماشى ماشى ...مش وقته يلا
تتجمع العائلة على المائدة وتاتى اليهم ملك وتسلم على سمية سلاما حارا وكذلك نغم ويجلسون يتناولون طعامهم .كان مالك طوال الوقت تائها فى افكاره .هل هه نغم الطفلة التى كان يلاعبها عندما تاتى اليهم ...ها هى كبرت وصارت فتاة ..ماذا يحدث ..لماا احس بهذا الشعور عندما رآها ..وسرعان ما طرد هذه الافكار من رأسه منبها عقله انه لا يجوز يفكر بها فهى غريبة عنه ..انها كاخته فقط ..كان حال نغم لا يختلف كثيرا عنه ..ولكن سمية لاحظت ذلك فقررت شيئا ...كان الجميع فى سعادة فجميعهم على مائدة واحدة كل شخص منهم لديه اسباب تجعله يمتلك الدنيا بما فيها بما يمتلك من سعادة ...جلسوا يتسامرون مع بعضهم البعض حتى جاء موعد النوم فذهب كل منهم لغرفته الا.....
سمية مالك ..مكن اتكلم معاك شوية
مالك اكيد تعالى فى اوضتى
سمية ماشى ...
مالك خير
سمية انت عارف ان انا بحبك اد ايه وبثق فى اخلاقك اد ايه صح
مالك ايوة طبعا
سمية تمام ..بص يا حبيبى .نغم دى اختى يعنى بقضى معاها وقت اكتر منكم وعمو خليل زى بابا ووافق انها تيجى هنا عشان عارف البيت ده محترم وكمان اللى فيه بيضرب بيهم مثل فى الاخلاق
مالك طيب انا عملت حاجة يا سمية
سمية لا ابدا متفهمنيش غلط ...انا بس بقولك من باب التذكرة فذكر انما انت مذكر .اكيد فهمتنى
مالك بابتسامة اكيد ..متقلقيش ...يا سمية..انا مش عيل
سمية عشان كده قولتلك ...المهم اخبار المذاكرة ايه يا بطل
مالك تماام الحمد لله ربك ييسرها
سمية
مالك سلامتك ..تصبحى على خير
سمية وانت من اهله ..السلام عليكم
مالك وعليكم السلام ورحمة الله وبركاته
تمر الايام ومالك يتذكر كلام اخته فى كل لقاء مع نغم ..وسمية حالتها الصحية تتحسن وملك وعمرو يجهزان لعرسهما ..وكذلك مى ويوسف ..ومى تشتاق لسمية بالرغم من الاتصال اليومى بينهما ..اما آسر فقد عاد الى مصر ...وهكذا مرت حتى جاء يوم عرس ملك .......
البارت ال 32
كان البيت مليئا بالصخب وكان مزدحما للغاية فاليوم هو عرس ملك الجميع مشغول الجميع جاء ليقدم الواجب فهذا عرس ابنة احمد الفيومى كانت ملك فى الاسكندرية ومعها سمية ونغم وأميرة مع مها وسها تساعداها وخليل مع أحمد يساعده فى ترتيبات العرس ايضا ومالك مع عمرو واخيه الاصغر مصطفى
ملك بنفاذ صبر يا بنتى خلصينا واسمعى كلام مدام جيلان اخلصى
سمية بعند ملكيش دعوة بيا يا ستى خليكى فى نفسك انتى العروسة يا هانم ولا نسيتى
جيلان بابتسامة واسعة لا منسيتش خا لص دى جابتلى كتالوجات وحاجات الشهر اللى فات عن ميك اب المحجبات وفساتينهم روعة فمتقلقيش خالص بس انتى لينى دماغك بس مش معقول اخت العروسة ومتحطش ميك اب خفيف يعنى ولا تلبس سوارية متكسيفينيش
سمية مع احترامى ليكى يا مدام جيلان بس انا اساسا مكن نفسى ملك تحط ميك اب يعنى هى ما شاء الله زى القمر وانتى خلتيها احلى تسلم ايدك لكن انا اعذرينى معلش والله مينفعش
ملك انا قلتلك من الاول قولتيلى هقنعها دى دماغها مصفحة ميغركيش منظرها
نغم لا والله بس يا ملك ابلة سمية عسل
سمية بابتسامة نصفانى يا نغم ربنا يخليكى ليا لكن انتى عشان عروسة بس هسكت
فى منزل محمود كان يوجد حوار يشوبه بعض القلق فمنذ قدوم آسر والجو مشحون بالتوتر
محمود يلا يا ميرفت قوموا اجهزوا كده هنتاخر
ميرفت نتاخر على ايه
محمود على فرح ملك يادوب نلحق معاد الطيارة
ميرفت بس انا مش جاية بتخنق من الجو ده يا محمود
محمود بنفاذ صبر لا حول ولا قوة الا بالله تتخنقى ايه يا هانم هما مش عاملينه فى البلد ده عاملينه فى اسكندرية وكمان فى جو انتى بتحبيه اساسا ده فى هيلتون جرين بلازا
ميرفت يا محمود هو الجو بالمكان بصراحة الناس مش هرتاح معاهم
محمود بعصبية ميرفت مش عايز نقاش فاضل على معاد الطيارة ساعة وهتيجى يعنى هتيجى ده اخويا
آسر اهدى يا بابا اتفضلى اطلعى يا ماما بس دلوقتى واجهزى
محمود حاجة تقرف معرفش متقنعرة على ايه
آسر بابا بعد اذنك طبعا احنا علاقتنا بيهم مش اوى ده انا يادوب فاكر شكل عمو احمد بالعافية فاعتقد ان الموضوع ملوش لازمة انك تزعل ماما بسببه سيبها على راحتها
محمود بصوت عال وعصبية انت باين امريكا بهتت عليك يابنى دول اهلنا ومن دمنا واحمد ده اخويا الكبير انتوا بتتككلموا ازاى ولا انت كمان ناوى متجيش يا باشمهندس ما انت تربية مامتك والصدر الحنيين بتاعها طالع براوى
آسر بجدية وحزم يا بابا من فضلك مينفعش كده انا مش عيل عشان حضرتك تكلمنى بالطريقة دى وبعدين انا جاى اساسا
مى بابا بابا انا جهزت يلا بأى هنتاخر
آسر هو انتى هتيجى
مى طبعا دى ملك كلمتنى واكدت عليا وكمان سمية
آسر والله انا مانا عارف سمية دى عملتلك ايه من ساعة مجيت وانا دماغى صدعت المهم يوسف بيه هييجى معاكى
مى بثقة اكيدطبعا هو يقدر بس هو اساسا كان فى مطروح فسبقنا على هناك
آسر اتاريه ممبنش من امبارح المهم انا طالع لماما اناديها
محمود بنظرة قوية ياريت متتاخرش
آسر حاضر بعد اذنكم
يصعد آسر لوالدته يحاول اقناعها وارضائها بالامر وبالفعل تقوم ميرفت وتجهز نفسها وتنزل لتذهب العائلة الصغيرة لحضور عرس ملك فى مكان آخر فى هيلتون جرين بلازا حيث يقام العرس كانت هناك ملك بصحبة اختها ونغم فى احدى غرف الفندق تجهزها مدام جيلان لتضع لها اللمسات الاخيرة
ملك بتوتر مين اللى بيتصل دلوقتى ده
سمية ده مالك باعت مسج بيقول انهم قربوا قدامهم عشر دقايق ويوصلوا ايوة يا عم
ملك بتوتر ايه طيب شوفوا كده انا كويسة يعنى شكلى حلو كده ها ايه ده فين الدبلة
سمية البت اتهبلت يا بنتى ما هى فى ايدك اهه
نغم لا حول ولا قوة الا بالله والله يا ابلة سمية انتى فى نعيم
سمية انا بقول كده بردو ايه ده وصلوا برة ده صوتهم
ملك بتوتر شديد ايه وصلوا ياربى انا اعمل ايه
سمية تعملى ايه فى ايه يا بنتى هو اللى هييجى ياخدك
يطرق احدهم الباب تقترب سمية و
سمية مين
مالك انا يا سمسمة قولى لملك تجهز عمرو جه
عمرو خللىها تعقل و تجهز انا مستنيها فى ظرف دقيقة تيجى ادامى هنا لاعمل حاجة تخللى الناس كلها تتفرج
سمية اكيد سامعة الكلام يلا
ملك خللونى شوية والنبى
سمية لا اله الا الله يابنتى خلصينا بدل ما اروح اخليه يدخل هو هه
ملك طيب طيب خلاص هطلع اهه
وتخرج ملك من الغرفة لتجد عمرو ينتظرها فبمجرد رؤيته لها تسارعت قلوبهما فى الخفقان واحسا بانهما طائران يحلقان فى الفضاء بعيدا عن الناس كانت تشعر ملك بانه هو فارسها الذى حلمت به منذ الصغر واحبته منذ عرفته فها هو عمرو حبيبها ورفيقها فمنذ نعومة اظافرها كانت تشعر بحبه لها كان احساس عمرو لا ختف كثيرا عن ملك احس بانها تت جناحه كان يريد ان يخبئها عن الجميع بالرغم من انه كان يود ان يصرخ بانها حبيبته واخيرا صارت زوجته ويتباهى بها امامهم كانت هذه التناقضات بداخل قلبه ولا يقوى على تفسيرها عقله فهذا هو الحب وصلا العروسان الى القاعة فاستبلهم الجميع وجلسا العصفورين فى الكوشة وصلت عائلة محمود ذهب محمود مع أحمد ليتلقى التهانى فهو عم العروس وبدأت احداث الحفل
فى فيلا صغيرة مهجورة توجد على الطريق الصحراوى بدأ حوار من نوع ممختلف
قدرى انت تسافر من هنا خالص معنتش عايز اشوف وشك
سيف ازاى يعنى ودراستى زوصحابى انا مش عايز اسافر
قدرى بعصبية شديدة دراسة ايه يا افندى مدام حريص عليها كده كنت اعمل حسابك من الاول انت بتستهبل عارف انت جيت هنا ازاى ولا متعرفش مش عايز اشوف وشك هنا انت هتسافر حالا الطيارة هتيجى تاخدك من هنا مش عايز شوشرة وبحذرك محدش من جرابيعك ياخد خبر
سيف بلامبالاة هو انا مش ابن وزير ولا ايه احمينى بأى
قدرى عشان انت ابن وزير انت هنا دلوقتى روح يا شيخ ربنا يريحنى منك ومش هعملك اكتر من كده
سيف وهروح فين وهعيش ازاى
قدرى بصوت عال وغضب شديد هتروح مكان متروح ملكش دعوة وهتعيش ازاى دى ملكش دعوة بيها كمان واياك اياك يا سيف اعرف انك عملت مشاكل هناك ولا حد عرف انك ابنى والله ماهيكفينى فيك موتك
سيف والله لاوريكى يا سمية بأى شهادتك تغيرلى حياتى كده ماشى يا انا يانتى
قدرى فاهم ولا لا
سيف اه اه فاهم
تاتى الطائرة وتاخذ هذا السيف الطائش لكن فى مكان آخر كان الجميع يشعر بالسعادة
محمود الف مبروك يا أحمد عقبال ممتفرح بسمية وتشوف عيالهم ان شاء الله وعقبال نغم يا خليل
خليل ربنا يخليك يا محمود
أحمد الله يبارك فيك عقبال مى وآسر
محمود ياااااااه يا أحمد لو ده يحصل يارب ع فكرة هما معايا هنا بس قاعدين مع مامتهم انت مخدتش بالك منهم
أحمد ميرفت هى جت
خليل انت بتهزر
محمود ههههه مالكم كده ايوة جت هو مش فرح بنتى ولا ايه ههههه وكمان آسر جه ويوسف خطيب مى شوفت جايب العيلة كلها
أحمد يا سيدى نورتوا ربنا يخليهملك
آسر السلام عليكم
محمود تعالى يا آسر ده عمك أحمد مشفتوش من زمان وده آسر ابنى وده دكتور خليل اخونا التالت
آسر مبتسما الف مبروك لانسة ملك يا عمو ربنا يتتملها بخير اهلا وسهلا يا دكتور خليل
خليل ك مفيش داعى دكتور انا عمك يا بنى
أحمد الله يبارك فيك يا بنى كبرت ماشاء الله بقيت راجل ربنا يحميك
محمود ايه رأيك مش يدوب نشوفله بنت الحلال
أحمد اكيد ربنا يرزقه زوجة صالحة قريب ان شاء الله
آسر بسرعة بس انا مأجل الموضوع ده على الاقل لمااخلص دراستى مش عايز اشغل نفسى دلوقتى
أحمد عندك حق ربنا يعينك
وهنا جاء مالك
مالك السلام عليكم ازى حضرتك يا عمو
محمود الله يسلمك يا مالك ازيك انت
مالك الحمد لله تمام
محمود ده آسر ابنى وده مالك
مالك اهلا وسهلا يا استاذ آسر
آسر اهلا يا مالك فرصة سعيدة بس بلاش استاذ دى عاملة زى الطربوش وبعدين انا فى هندسة
مالك ايه ده والله انا نفسى اخل هندسة بردو
آسر ان شاء الله ربنا يحققلك اللى بتتمناه
مالك ان شاء الله طيب تعالى اعرفك على العريس ده زى اخويا ههههه
آسر خليها بعد شوية انا مستنى خطيب اختى وبعدين نطلع نسلم عليه كلنا
مالك طيب تمام عشان اتعرف عليه انا كمان
محمود بنظرة ذات معنى طيب يا ىسر خد مالك وروح شوف ماما
آسر وقد فهم الامر حاضر تعالى يا مالك عن انكم
ذهب آسر وبصحبته مالك ليتحدث مع امه
مالك السلام عليكم
ميرفتمى وعليكم السلام
آسر
مى اهلا اهلا انت بأى مالك اخو سمية
مالك واخو ملك ورهف ايوة انا
مى سمية حكتلى عنك كتير صحيح هى فين
مالك هتلاقيها مع ماما ل ملقيتهاش معاها يبأى اكيد قاعدة على طربيزة بعيدة كده يا اما برة
مى طيب تعالى نسلم على طنط مها
آسر بنظرة ذات معنى لامه يلا ياماما اتفضلى نسلم على طنط
ميرفت بنفاذ صبر وقد فهمت انه امر من محمود طيب يلا
تذهب ميرفت واولادها
