فعلت المستحيل بقلم ملك وائل مجدي
العربية تحت اعتراض الكل
مريم قالت بستغراب في اية يا مليكة افتحي الشباك خلي الهواء يدغدغ وشنا
قالت جميلة بعبوس يا ماما افتحي يالا
ردد ياسمين ايوا يالا يا ماما بليز
ابتسمت مريم و هي بتقلد صوتهم الطفولي و بتبصلي و انا باصة على الطريق يالا يا مامي
صړخت بدون وعي مني بس بقى لا مش هفتح سبوني اركز
مليكة بتزعقي لية!! كل ده علشان بيقولولك افتحي الشباك
مبصتلهاش و انا بقول بعصبية مش عايزة هواء مش عايزة الهواء يفضل يضرب في وشي مش عايزة
اټصدمت مريم من عصبيتي و ابتسمت بهدوء و هي بتبص للولاد اللي قاعدين زعلانين و مربعين ايديهم بقمص و قالت ليهم حبايب قلبي ماما قفلت علشان مش عارفه تركز في الطريق و زعقت علشان خاېفه عليكم تأخدو برد فاهمين متزعلوش
بصيت في المرايا و انا شيفاهم بيهزو رأسهم ليها بموافقة
انتهد و انا مخڼوقة و بشدد مسكتي لدركسيون العربية اهدي يا مليكة ده ماضي ماضي مش كل مشهد بفكرك بيه خلاص هو ماټ بالنسبة ليك و لاولادك
و بعد عدد من الساعات وصلنا اخيرا الفندق شلت حزام الامان و قولت بأمر جميلة ياسمين مريم
بصيت للولاد الاول و ابتسمت بهدوء بصوا يا حبايب قلبي قبل ما تعملوا اي حركة تيجوا تقولولي او تقولوا لمريم و ياريت نسمع الكلام و نبقي بنات شطورة اتفقنا
اتفقنا يا مامي
ضحكت بحب حبايب قلب مامي يالا جو مريم خليك معاهم عقبال ما ادخل اشوف الإجراءات
في عيوني يا ملوك يالا يا ولاد انزلوا واحده واحده
نزلت من العربية و استنيتهم ينزلوا و قفلت العربية و دخلت اخلص كل الإجراءات بتاعت الفندق
ابتسمت اتفضلي ده مفتاح الجناح بتاعكم
اخذت منها المفتاح بستغراب جناح!! لية مين حجز جناح لينا
الرئيس التنفيذي للشركة اول ما عرف انك هتجيبي اولادك أمرنا بكدة
ابتسمت بهدوء و بهز راسي و همست ولله راجل محترم
بعد ساعة دخلت الجناح و و قفلت الباب ورايا و انا سامعه صوت جميلة و ياسمين كل واحد بتصرخ من الفرح و هم بيطنطوا على السرير ضحكت عليهم و بصيت للبلكونة لقيت مريم قاعده على الارض و فتحت رواية و بتقراها رفعت حاجبي و انا بقول لها ولله يا مريم ولله!!! احنا جايين نشتغل لو مش واخدة بالك يعني
مهتمتش ليا و هي مكملة الهبلة و فجأة لقيت جميلة و ياسمين جايين بصتلهم و انا بغمض عيني بتسأل الواقفة و نظرة القطة دي وراها حاجة مش كده!
ضحكوا ببراهء و قالت ياسمين مامي يا روح قلبي
ربعت ايدي بت انت بالذات تسكتي متاكليش بعقلي حلاوة
وجهت صوبعها على نفسها و هي بتقول بذهول ما شاءلله عليها يعني انا يا مامي انا اخس عليك
بصيت لجميلة اللي واقفة و مستنية اختها تخلص خلصتي يا ياسمين سبيني اقولها انا
ضحكت بستهزاء اه طبعا قولي يا برنسيسة زمانك
اه بصي يا ماما من غير لف و دوران
بصتلها بذهول لف و دوران بت انت بتجيبي الكلام ده منين
قالت بلامه بلاه من مريومة
همست طبعا مريم الكلب
سمعت على فكرة
لفيت ليها ما تسمعي يختي يعني هخاف
مامي ركزي معانا
رفعت حاجبي مش كنت ماما يا ست جميلة
بصت ياسمين لجميلة و كانها بتقولها حاجة و لقيت جميلة ابتسمت بلطف البت دي بتتحول اقسم بالله يعني يا مامي من نغير المهم احنا عايزين ننزل نلعب تحت في الجنينة و نروح الملاهي اللي كانت قدام باب الفندق
انتهد و انا بشوف ساعت ايدي و لقتها عشرة و نص ابتسمت ليهم بس كده عيوني و عاملين عليا عصابة بس لما ماما تخلص شغل ممكن
ياسمين اتكلمت و هي مكشرة يا مامي ما مريومة قاعده خليها تبقى معانا
بصيت لي مريم اللي رفعت راسها لينا بذهول و انا بصلها بشړ لا ما الزفت اقصد مريومة كمان عندها شغل معايا مش كده يا مريم
كنت ببصلها بشړ بلعت ريقها و هي بتقفل الكتاب
و بتقوم اه يا
ولاد ماما
عندها حق
ماما يعني هنقعد لوحدنا
جميلة انتم مش صغيرين انتم كبار و كل
فتحوا عيونهم على وسعها بجد يا ماما طنط حنين جاية
ضحكت على فرحتهم ايوا اتصلت بيها مخصوص و هي اصلا كانت هنا من اسبوع بسبب شغلها و كانت هتمشي و قولتلها تقعد معانا كام يوم و كمان علشان متبقوش لوحدكم
جم حضنوني بنحبك يا مامي و انك دايما بتفكري فينا
اتاثرت من كلامهم و شدد من حضڼي ليهم و انا بحبكم انتم الفرحة اللي في حياتي كلها
قالت مريم بتزمر ولله و انا مليش في الاحضان دي ولا ايه!! ولا خلاص حنين هتاخدكم مني
ضحكت على غيرتها من حنين معرفش عايشة مع تلت اطفال مش اتنين نطوا في حضنها بحب و انا سمعت الباب بيخبط فتحت و لقيت اللي بترمي شنط عليا لا شنط كتيره اوي
دخلت حنين و هي بتنهج بقوة و الاولاد اول ما شفوه
و انت اكتر يا طنط حنين
بعدد عنهم و هي بتقول بستغراب طنط اي يا عيال قولولي يا حنه من امتى و انتم بتقولولي طنط!
جميلة اتكلمت مامي قالت كده لينا
ملكوش دعوة بمليكة
ولله العيال باظت بسببهم كل ده و انا واقفة ماسكة شنط الزفته حنين و قفلت الباب و رميت الشنط على الارض و كنت هصرخ فيها لقيتها جيريت ضمنتي ليها و قالت بشوق وحشتيني وحشتيني اوي اوي يا ملوك بجد
نسيت كل حاجه بقوة كبيرة انت وحشتيني اكتر يا زفته
بعدد عني و هي بتقول بعبوس ليه ان شاءلله انا زفته
ضړبتها على خدها بخفه بترمي الشنط في وشي
قالت بلامه بلاه جميلة و ياسمين كانوا وحشني اوى بصراحه
ازيك يا حنين
لفت حنين لمريم و حضنوا بعض بحب على قد ما بيحبوا بعض على قد ما هما زي القط و الفار وحشتيني يا مريوم
بصيت في الساعة و كانت حداشر و ربع مسكت مريم و انا بقول بسرعة معلش يا حنين بس عندنا شغل حالا خلي بالك منهم ها
قالت بحب و هي بطبطب عليهم دول في عيوني عيوني
بعد ساعتين
كنت واقفة بعيد بقيم المكان و قولت للعامل بجدية لا الحفله كلاسك ورد باللون الموڤ مش لايق ورد ابيض و احمر هيجننوا خصوصا لو اتلف على السلم ده و الفاظة اللي على كل تربيزه ورد الياسمين بيدي شكل حلو وريحة احلى
تحت امرك
هزيت راسي له بهدوء تمام مريم تعالى لو سمحت
جت مريم و هي ماسكة دفتر بدون في حاجات ها اية
خلصتي أكلات المطبخ
اه لكن لسة المقبلات
طيب اختاري حاجات تكون كلاسك بردو يعني متحطيش ورق عنب لا حطي كبة مثلا فهماني نواشف يعني
تمام يا مليكة طيب و لون الستاير و مفروشات التربيزه
بصيت حوليا و انا بفكر بصي خلي الموضوع ده بكرة احسن انا دلوقتي الاهم ليا هو شكل الكراسي و الميكرفون و لو هينفع نحط مسرح ولا هنخلي في نصف القاعه و الكراسي حوليها فاهمه لسة بظبط شوية حاجات
عارفين لو مليكة عرفت اني نزلتكوا هتعلقني
اتكلمت ياسمين لا ماما حلوة و مش هتزعق
يختي اتنيلي
بصت جميلة عليها حنه هناك اهوا الالعاب
سابوا ايديها و كل واحده طارت على المراجيح اللي موجودة جوة الفندق
حنين قالت بقلق يا حبايبي براحه ها انا مش عايزة اي إيصابات
قعدد حنين على كرسي بعيد عنهم نسبيا لكنها شيفاهم و هم بيلعبوا على الزحاليق
ياسمين انا هركب المرجية دي و انت زقيني
قالت ياسمين بحماس ماشي يا جميلة مرة انا و مرة انت اتفقنا
كانت جميله بتحاول تطلع لكنها مش عارفه لانها قصيرة و ياسمين بتحاول تساعدها لكن مفيش فايده
احنا صغيرين مش عارفه اطلع
بصيت ياسمين على مكان حنين لكنها ملقتهاش هي فين حنين
قاطع تفكيرهم صوت رجولي تحبوا اساعدكوا
بصوا لفوق لمصدر الصوت كان راجل لابس بنطلون كلاسك و قميص ابيض مشمر الاقمام
كشرت جملية و هي بتمسك ايد ياسمين بحماية لا شكرا ممكن تمشي
رفع حاجبة من اندفاع الطفلة عليه و نزل على ركبتة و قال ببتسامة انت كشرتي ليه انا كنت هساعدكم بس و العب معاكم كمان
اتكلمت ياسمين ماما قالت
ماما عندها حق فعلا انا بس شوفتكوا مش عارفين تلعبوا على المرجيحه قولت اساعدكوا و بس
قالت جميلة ببراءة يعني مش هتخطفنا
ضحك بحب لبرائتهم لا يا حبايب قلبي
بصوا لبعض للحظه و بعدين كل واحده هزت رأسها بموافقة
يبقى يالاه تعالى اقعدك انت الاول اسمك اية
انا جميلة و هي ياسمين تؤأم
ضحك عليهم و هو بيشلها يقعدها واضح انكم تؤأم فعلا
يالا تعالى انت كمان
شال ياسمين قعدها على المرجيحه اللي جنبها و قبل ما يبدأ يهزهم سألت جميلة بفضول و انت يا عموا اسمك اية
قال ببتسامة لطيفة و هو بيلعب في خدها و حاسس ان في شبة غريب منهم حاسس انهم شبة لف قعد على ركبته قدامهم و هو بيبص في وشهم تحت استغرابهم و استغرابة شخصيا ان ممكن يبقى في شبة في الملامح همس في نفسة سبحانة الله
قاطعت ياسمين تأملة عموا عموا مقولتش اسمك اية
ابتسم ياسين قولولي يا عموا ياسين
هركوا رجليهم في الهوا و قالوا بصوت واحد يالا يا عموا ياسين مرجحنا
ضحك ليهم و قام وقف وراهم و بدأ يمرجح كل واحده منهم و هم ببضحكوا و هو بيضحك علي ضحكم الجميل و صوتهم الرقيق و نسي كل حاحة نسي هو كانت خارج من اوضة عايز ايه او مين بمجرد ما شافهم من بعيد كانت شفايفة بتبتسم احساس جميل بيتغلغل جواه بكل حب ليهم و هو اول مره يشوفهم اصلا
فجاة رن تلفونة وقف المرجيحه قال ليهم ثوان و هرد و ارجع يا حلويات اوكي
اوكي
و مشي بعيد نسبيا علشان يتكلم في التلفون في نفس اللحظة اللي شافت حنين شخص كان معاهم و مشي جريت عليهم و هي بتقول بلهفة و بتتفحص كل واحده فيهم بړعب انتم كويسين حد عملكم حاجة!
بصولها بستغراب من خۏفها و ردد عليها ياسمين كويسين يا حنه خاېفة من اية
بصيت ورايها للشخص اللي مديها ضهره و مش شايفة وشة اومال مين اللي كان معاكم ده و ازاي تكلموا حد غريب كلنا محظرين عليكم متتكلموش مع حد غريب خصوصا مليكة
جميلة اتكلمت ببراءة حنه كان بيمرجحنا احنا دورنا عليك مكنتيش موجودة
اه يا حنة و احنا قولنا له انت هتخطفنا قالنا لا
قالت بذهول اصوت اصوت و ألم عليا الناس تعالوا تعالوا
نزلت جميلة و بعدين نزلت ياسمين و مسكت ايديهم و مشيت بيهم و هي بتقول بضيق دي دقيقة روحت اشتري مياة يحصل كده
انا مش فاهمة انت متعصبية لية
متعصبية علشان مينفعش يا جميلة نكلم حد غريب حتى لو كان مين او قال اية
بس كان بيلعب معانا
قاطعتها ياسمين احنا اسفين هي معاها حق مامي قالتلنا منكلمش حد غريب
اخدت حنين نفس عميق و نزلت على ركبتها ليهم و قالت ببتسامة اخر مره ده يحصل اتفقنا مين عايز يأكل كاندي هيلثي
ضحكوا بمرح و قالوا بصوت واحد انا انا
بصيت في الساعة بتاعتي و قولت لمريم بقولك الساعة داخله على اربعة خلصي بقيت التفاصيل اللي قولتك عليها و فنشي لاني تعبت و عايزة اطمن على جميلة و ياسمين
تمام يا ملوك
و مشيت و انا خارجة من باب القاعة وقفني شخص بعد اذنك انسة مليكة مش كده
لفيت له و انا على وشي ابتسامة عملية ايوا يا فندم تحت امرك
انا من إدارة الشركة
اه اهلا وسهلا بحضرتك احنا شغالين على كل تفصيلة في الحفلة مش عايزة حضرتك تقلق من اي شئ
ابتسمت بهدوء و هو بيعدل ساعة ايده كنت حابب اقول لحضرتك اني معجب بشغلك جدا جدا و انا اللي رشحتك لمجلس الإدارة و الكل معجب بشغلك و اتمنى انك تعملي شغل مختلف كليا عندنا هنا لاننا منحب نكون مميزين عن غيرنا في كل شي حتى حفلاتنا
مفيش داعي للقلق يا فندم كل حاجة تحت السيطرة و هتبقى حفلة محصلتش قبل كده باذن الله
ضحك بهدوء ياريت لان المساهم في المشروع بتاعنا اللي هنعلن عنه صعب جدا في الشغل و كل حاجة عنده بيرفكت مش عايز تعليق منه علشان كده بكلم حضرتك
هتشوف بحضرتك احنا شغلنا
اخد نفس عميق و انا بهمس في سري ده وقتة انا اصلا افكاري ضايعه اجيب افكار كريتف اكتر منين طيب يالا يا ملوك انت قدها و معاكي البت مريم
طلعت تلفوني من الشنطة و بدأت اتصل بحنين علشان اقولها تنزل بالاولاد نتغدى لكن فجاة و انا مركزة اني اجيب رقم حنين رجلي وقفت ضربات قلبي بقت سريعة شعور غريب ريحة مش غريبة عليا شخص عدا من جنبي لكن لمسة ضهر ايده في ايدي خلتني ثبت في مكاني لفيت و انا شافيه نفس الشخص واقف على بعد مترين مني لابس بنطلون اسود كلاسك و قميص ابيض لاحظت ان الشخص اللي جنبة بيقولوا وقفت لية كان عندي فضول غريب او احساس بكدبة جوايا و اتمنى يبقى غلط رنت حنين عليا انتبهت للصوت و لفيت كملت طريقي رفعت تلفوني على ودني انزلي انت و الولاد علشان ربع ساعة و الغداء يبقى جاهز في الفندق
احنا تحت اصلا
رفعت حاجبي بستغراب و انا بدخل قاعة البوفي و لقيتهم قدامي قفلت التلفون و قربت منهم انتم بتعملوا ايه هنا
قالت حنين جميلة و ياسمين كانوا عايزين يلعبوا فنزلتهم يلعبوا بس كده
هزيت راسي بموافقة و قعد على الكرسي و جميلة و ياسمين جنبي مليكة انا هروح اسال على حاجة اوكي
هزيت راسي ليها و هي قامت مشيت و لقيت جميلة قاعده بتفكر و ياسمين قاعده زيها قولت بتوجس اي يا حلوين مالكم
اتكلمت ياسمين ماما هو بابا فين
اټصدمت من السؤال و متوقعتهوش اصلا منهم دلوقتي و في اللحظة دي بلعت ريقي بهدوء و انا بقول ببتسامة انا قولتلكم يا حبايبي قبل كده هو في مكان بعيد بعيد اوي ولا في تلفون زي عندنا ولا في حاجة علشان كده مش بيتصل بينا
تكلمت جميلة ايوا يا ماما بس انت بتقولي كدة من زمان اوي و لما بنقول كده لحد بيقولنا مفيش حتة مفهاش تلفون
هو هيجي امتى انا نفسي اشوف شكلة يا ماما نلعب معاه انا و جميلة زي ما بنشوف اصحابنا
مسكت دمعه كانت هتفر من عيني بتأثر و انا قلبي بيوجعني من كلامهم انتم اللي فكروا بالحكاية دي دلوقتي اي الي حصل
قالت جميلة بزعل مفيش كنا بنلعب في المراجيح و جه عموا فضل يلعب معانا
اه و فكرنا لو كان عندنا بابا عمرنا ما كنا هنحتاج
عموا ده
ايوا كان شكلة
جميل و بيقول
اننا حلوين
اتكلمت برعشة بانت بين نبرات صوتي هو انا مش كفاية ليكم
قالوا بلهفه طبعا يا مامي
محستش بنفسب غير و انا دموعي تنزل ڠصب عني اومال لية دايما بتفكروا في بابا و انا موجودة انا بحاول احبكم و بحبكم اكتر من اي حد انتم كده بيتزعلوني منكم
نزلوا من على الكرسي و جم حضنوني و قالوا بأسف مامي متزعليش ولله بنحبك اوي خلاص مش هنتكلم في بابا تاني
ايوا يا ماما خلاص انت قولتي متعرفيش هيجي امتى و ان اللي حصل ده ڠصب عنه خلاص انا بحبك اوي
شدد من ضمهم ليا و انا ببكي مش قادرة اتخيل ان ولادي رغم كل الحب اللي بحاول اقدمه ليهم لكن مكان الاب مش قادرة اوصلة حتى لو عملت اية كل ده بسببه بسبب شكه فيا لو كان سمعني وقتها لو كان فكر شوية لو كان سمع كلامي و روحنا لدكتور حتى لو كان عايز يتاكد بتحاليلاه مكنتش هفضل معاه ثانية واحده لكن عمري ما كنت هحرمه من ولاده او هم يتحرموا منه
مليكة انت بټعيطي!!
م اي ده مالك مالها مليكة يا حنين
مسحت دموعي بسرعة و بعد عنهم و رسمت ابتسامة على وشي خلاص مش زعلانة و انا بحبكم اوي اوي و اوعوا تتكلموا مع حد تاني ولا حتى تلعبوا معاه فاهمين
بصيت لي مريم اللي باصتلي بقلق مريم خليكي معاهم حنين تعالى ورايا
قالت بلهفه طبعا
خرجت برة القاعة و محستش بنفسي غير و انا پصرخ في وشها انا قيلالك ايه يا حنين قولتك خلي بالك منهم صح
قالت پخوف عليا ايوا و ده اللي حصل مالك
مالي مالي اومال ازاي تسيبيهم لشخص غريب يلعب معاهم انا منبه عليكم كلكم و عليهم هم ازاي تسمحي بده يحصل و انت موجودة
بلعت ريقها مليكة ولله هم تحت عيني غبت دقيقه واحده ولله اقل
مياة ليهم مش اكتر انت بتعصبة عليا لية اهدي
سكتت و انا باخد نفس عميقو هي قربت مسحت دموعي و حضنتني انا
اسفة يا مليكة ولله قولتلهم ميعملوش كده تاني متعيطيش هم زي
