بنت قلبي كاملة

و المرتين كنت بفطر و بعمل مشاكل و أمشي! نفخت بضيق و لبست الجزمة و نزلت و أنا بلعن اليوم اللى شوفته فيه لحد ما نزلت و بصيت لقيته واقف قمر يخربيته 
كل دا يا بتلبسي!!!!
هتفضل ترغى كتير هطلع أكمل نوم و بعدين أحنا رايحين نبيع لبن ! دا لسه بدري .
لسه بدري أيه الله يخربيتك أتزفتى أركبي .
يخربيت حلاوته و هو بيزعق كدا يا خرابي على الروقان ركبت معاه العربية لحد ما وصلنا..
مش مصدقة نفسي سديم عندنا فى الكلية أيه دا !!
هو السبب منه لله الله يخرب بيته صحانى و قومنى و خلانى أجى غصبا عنى..
لقيتها بتضحك فبصتلها بضيق و روحنا نحضر المحاضرة يكش البيه يستريح ..
هو الدكتور دا أتأخر كدا ليه أنا هقوم أروح
تروحى أيه الله يخربيتك أقعدى.
لسه هتكلم لقيته الدكتور دخل و كان.. كان هو يزيد !!! فضلت متنحة و هو كاتم ضحكه بالعافية اللى هو حسبي الله .. خلصت المحاضرة و أنا ماسكة نفسي بالعافية و أول ما خلصت و الكل مشي مفضلش غيري أنا و هو قولت بضيق و أنا عاقدة أيدى قدامى
أنت أزاى متقوليش أنك الدكتور !!
رفع كتفه عشان مسألتيش أيه ذنبى !
و الله!
ضحك أنت عبيطة يا سديم !
أتنرفزت من جملته و من طريقته علفكرا بقا أنا مش طيقاك و طلقنى .
مسح وشه بأيديه و أتكلم بعصبية هو أنت معندكيش غير الجملة دى طيب يا سديم هطلقك .
دا مصدق يا مريم ما صدق .
ما أنت اللى قرفاه من ساعة كتب الكتاب طلقنى طلقنى يا سديم و لما يسمع كلامك بتعيطي ليه أنت عبيطة!
ما هو مش بيحبنى لو كان بيحبنى لكن لا هو مبيحبنيش.
ضربت كف بالكف التانى بت أنت أنا تعبت منك دا أنا صدعت ربنا يكون فى عونه.
قامت و سابتنى قاعدة خرجت للبلكونة بخنقة لحد ما لقيته خرج مرا واحدة و هو ماسك كوبيتين قهوة بصيت الناحية التانية فقال
أنت زعلتى بجد ! 
لا تمثيل أنا بكرهك.
طب خدى القهوة و أكرهيني بعدين .
كان واقف مبتسم و مد أيده ليا بفنجان القهوة طبعا حتى و أنا زعلانة منه بمجرد ما بشوف أبتسامته بنسي الدنيا ما هو قرة عينى بردك ! 
خدت القهوة آه بس مش معنى كدا أنى مش زعلانة منك لسه علفكرا.
يا واد يا جامد أنا عارف إنك متقدريش تزعلى منى أصلا .
رفعت حاجبي و الله! و مين قالك كدا أصلا!!
محدش بس عارف إنك بتحبينى .
هه مين قالك أنا مش طيقاك بجد.
طب بقولك أيه هقولك حاجة.
عقدت حواجبى و أنا مش فاهمة و فى ثانية لقيته نط و بقا قدامى شهقت بفزع فحط أيده على بوئى 
الله يخربيتك أسكتى.
بإحساس جميل قلبي بدأ يدق بشكل غريب عيونه يخربيتها يا جماعة أنا كل مدى بغرق فى حبه أغيثونى بس بصراحة لو واحد بالحلاوة دى فا أنا أعلن غرامى بعلو صوتى هى شغلانة ! شال أيده من على بوئي و طلع من جيبه سلسلة و أبتسم و قال 
دى بمناسبة عيد ميلادك حبيت أكون أول واحد تشوفيه و يقولك كل سنة و أنت طيبة و بالمناسبة دى بقا ممكن ألبسهالك !
فركت عينى جامد و أنا مش مصدقة حاسة إن هيغمى عليا من كتر الفرحة يا جماعة أحب أقول كل اللى قولته إشاعات أنا و يزيد عشاق فضلت متنحة فضحك و جاب شعري على الناحية التانية و بدأ يلبسهانى و همس فى ودنى 
تعرفى إنى بحبك !
أيه!!
هو أنا أتكلمت يا بت أنت أتجننتى!
بلعت ريقي و أبتسمت من كتر ما نفسي أسمعها منه بقيت بتخيلها يالهوى عليا !!
مش ناوى تحبنى يا سي يزيد !
تشربي قهوة !!
علفكرا أنا مراتك يعنى المفروض تحبنى بجد أنا بقيت حاسة إنك مبتحبنيش هو أنا وحشة!
مبحبكيش! أنت عبيطة يا سديم! أنا بحبك بس مبحبش أقول الحب أفعال مش كلام يعنى كل اللى بعمله عشانك و فكرانى مبحبكيش!
يعنى أيه!
ضحك و قعد جمبي تفتكري البلطجى اللى حضرتك قولتيلى أنك معجبة بيه فى نفس اليوم أتقبض عليه دى صدفة !! دا أنا كل يوم بفضل أتكلم معاك و أنا
باصص على صورتك دا الكل عرف إن بموت فيك يا شيخة تبا لك.
يعنى أنت بتحبنى !
لا طبعا .. أنا بموت فيك يا سديم قلبي .
ضحكت و أنا بقول كل اللى فات إشاعات أنا و أنت عشاق يا ولا ..
أنسدلت الستار و ها أنا أعلن أنها نهاية حدوتنا اللطيفة 
بنت قلبي