رواية حور
عجبتك الشقة يا استاذة
ااه جميله جدا وكبيرة جدا ورخيصة جدا ف كنت عوزه اسألك علي حاجه
اتفضلي
فكر معايا كده انا هتباع قطع غيار ولا قطعه واحده واهو نوفر وقت ومجهود
نعم
انت لسه هتعملي فيها مش فاهم شقة زي دي والمبلغ ده ليه بص هات من الاخر واهو اكون عامله حسابي ولا يرضيك اتغفل!
يابنتي والله ما فاهمك بس هو عموما الشقة كده كده مقفوله وصاحبها مكنش هيأجرها دي اخته اللي قررت تاجرها ولما عرفت انك طالبة نزلت السعر بس كده
طيب يلا قدامي
علي فين اهو شوفتي انتي اللي نيتك مش تمام
يارجل خبي عنيك هنتفتن وهنولع في الشقة....قدامي علي بيت الانسة دي
متقلقيش انتي زي بنتي ولو الشقة فيها حاجه مكنتش جبتك عيب عليكي
وبعدين بطلي عبط شويه هتروحي ليه هتقوللها شقتكم ملبوسه ولالا
روحي يابنتي العقل زينة انا هقولها انك وافقتي وخلاص هتقعدي فيها وادخلي رتبي حاجتك ولو محتاجه اي حاجه متناديش عليا عشان مصدع
لسه هنادي ونسمع العمارة كلها انت تروح تقولها اني قعدت خلاص بلطجه
وتشمر عن سواعدك وتيجي ورايا نشوف البيت ده ناقصة اي
اكتبي اللي انتي عوزاه وانا هجيبه
في حجات مش بتتكتب يا حج هو التنضيف من امتي بنحطه علي ورق
نعم ياختي تنضيف اي ده هبعتلك حد يساعدك
لا والله ما يحصل انا
هبعتلك بنتي شبهي اعتبريها انا
اعتبرها انت ازاي طيب انت كان ممكن اعاكسك وتعدي جفاف عاطفي يا اخي انما بنتك الناس تقول عليا اي متربتش
بدات اخاڤ علي نفسي منك.....انتي معندكيش رجاله في عليتك تخافي عليهم هما رجاله النااس لعبه ولا ايه
تصدق ياحج سعيد هتصدق ان شاء الله انت لو مسكت عليتي المعفنه دي ومن اي بلاكونه معفنه برضو قعدت تنفض فيهم مش هتنزلك دكر بط وانت تقولي راجل روح يااعم خلاص صعبت عليا
لا ده احنا لازم نعمل شاي وتحكيلي خلصي وانزليلي تحت الجو بليل بيبقي حلو لو هتقعدي ساكته
يعني هقعد ساكته ولا نعمل شاي واحكيلك
والله هفكر واشوف مزاجي اسمعك ولا اكرفلك
تكرفلي مره واحده خدت عليا وانت راجل كبير وحليوة كده احذر مني
راجل كبير اه بس روحي رياضية
ماشي ياعم الرياضي روح قول للانسه دي شقتكم معفنه
قفلت الباب ورفعت شعري وبدأت افعل روح المحقق كونان جوايا وبدات اكتشف الشقة وانا ماسكة ورقه وقلم عشان اكتب كل حاجه محتجاها
كانت جميله الوانها هادية العفش بيجمع بين اكتر من ذوق وكل ذوق بعيد عن التاني كأن كل ركن فيها كان عايش فيه شخص مختلف عن التاني واستقريت علي اكبر اوضه في الشقة عشان احط فيها حاجتي وده لان فيها بلاكونه كبيره وانا بضعف قدام اي بلاكونه وكانت مختلفة
فتحت شنطتي وبدات اشوف الحجات اللي قربت تخلص زي المرطب وغيره عشان اجيبهم بالمره واشحت باقي الشهر
وخدت الورقه وتمن كليتي ونزلت
سعيد يامتواضعه
رفيف مش بحب اتكلم عن نفسي كتير
سعيد هاتي الورقه اجبلك انا الحاجه بدل ما تروحي انتي
رفيف لا تسلم هتمشي انا اجبهم
حبيب السلام عليكم ورحمة الله وبركاته
سعيد وعليكم السلام ورحمة الله وبركاته يابني
حبيب معلش ياسعيد خد الحجات دي طلعهم عند اسلام
رفيف مين ده
سعيد ده ياستي استاذ حبيب المحامي اللي في الشقة اللي في وشك واللي بالمناسبة صاحب البيت اللي
انتي مأجراه
خلص كلامه وسابني ومشي تبا حقيقي ازاي يمشي من غير سابق انذار كده
روحت اقرب هايبر وجبت اكل ومنظفات والاهم من كل ده الاسكين كير حجي
ودفعت وانا في حاله صډمه اننا
نشتري حلو انما ندفع ياوجع القلب
وخدت الشنط وانا بدعي الاقي عم سعيد عشان كم ان الانسان قرر انه يتهان والشنط تقيله وكتير
بس حظي انا عرفااه... ملقتوش
وبدات اطلع علي السلم لان الاسانسير عطلان وبعد اول نص دور قررت اقعد علي السلم اصيح لان مش قادره
كم اني فرهوده
يعني ايه بجد هيحصل لو النحله جالها السكر
والفيل عطش في الصحراء
حبيب احم
يارب لا انا عوزه حد يساعدني ده شكلة جاي الدنيا ڠصب عنه
حبيب حضرتك قاعده كده ليه
رفيف لا مفيش حاجه بعد اذنك
حبيب طيب سيبي الشنط انا هاخدهم بس قوليلي انتي في الدور الكام
رفيف لا شكرا مش عوزه اتعبك
حبيب مفيش تعب ولا حاجه انتي الدور الكام
رفيف السادس
حبيب تمام انا هطلع قدامك
كلامه مختصر شويه رغم انه صاحب البيت بس مسألش علي حاجه وهو بيتكلم ولا مره بصلي عيونه في الارض شيء غريب سيكا بالنسبالي بس مهتمتش اوي المهم ان لقيت حد يطلعلي الشنط
طلعت لقيت الشنط قدام باب البيت وباب شقته مفتوح مهتمتش وروحت افتح باب الشقه لحد ما يظهر واقوله شكرا بس طلعتلي بنت وجات عليا وهي بتضحك
حور اهلا وسهلا يااعسل
رفيف اهلا
حور انا حور
رفيف ااه انتي اخت صاحب البيت صح
حور اه
رفيف عم سعيد قالي انك نزلتي في سعرها لما عرفتي اني طالبه ف شكرا والله مكنتش متوقعه انها بالسعر ده خالص
حور عيب اللي بتقولي ده احنا اخوات
انا عملت الكيك دي لما عرفت انك خلاص هتقعدي اتمني تكوني بتحبي الكيك
رفيف تعبتي نفسك تسلم ايدك
حور وبيني وبينك دي كيك واللي تحتها سندوتشات تلاقيكي مكالتيش حاجه
رفيف بجد مش عارفه اقولك ايه بس تسلمي
حور متقوليش حاجه افتحي الباب عشان
فتحت الباب وبدات تدخل معايا الشنط وخدت
منها الكيك
