رواية حور

والسندوتشات وحطتهم علي الطربيزة 
رفيف ابقي قولي لاخوكي شكرا لان هو طلع الحاجه ومشوفتوش عشان اقوله شكرا بجد انقذني والله زماني لسه علي السلم
حور لو عوزتي اي حاجه خبطي عليا متقلقيش انا اللي هفتحلك بس خبطي خبطتين وراء بعض عشان اعرف ان انتي 
رفيف تسلميلي معلش تعبتك
شغلت اغاني جمبي وبدات انضف الشقة ودخلت الاوضه بتاعتي اول حاجه عشان عارفه ان هفرهد ومش هخلص الشقة كلها في يوم ف علي الاقل اكون خلصت الاوضه اللي هنام فيها 
وبدات ارتبها ونضفت البلاكونه وحطيت فيها ورد احمر وفرشت الارض وجبت طربيزة صغيره من الريسبشن وحطتها فيها وكرسي ليا وكرسي للكتب بتاعتي 
وخلصت باقي الاوضه وقررت ارتاح شويه واكل
بس مكالتش السندوتشات دخلتها التلاجه وبدات اعمل نجرسكوا..اصل الانسان مع الفرهده دي هيعوز اي غير اكله وفيلم يتفرج عليه
وبعد ما كالت قررت ان مش هنام غير لما اخلص الشقة وبدات فعلا اكمل وعملت فيها استرونج وفعلا خلصت وخلصت اترميت علي اقرب كنبة ومن التعب نمت محستش بحاجه لحد ما فوقت علي صوت آذان 
وهنا اكتشفت ان نمت لحد تاني بليل!
ومنزلتش الجامعه
الاغاني لحد دلوقتي شغاله 
فصلتها ودخلت خدت دش وعملت فطار خدت بالي ان في صوت في المسجد اللي جمبنا طلعت عشان اسمع كويس حسيته صوت مألوف ليا سمعته قبل كده بس ملحقتش استنتج اووي عشان
سمعت حد بيخبط علي باب روحت فتحت كانوا 4 بنات
حور انا قولت بما انك لوحدك نيجي نتعرف واهو تتعرفي علي الاوباش دول
يتبع
الفصل التاني 
حور بصي ياستي دي اسماء اسمها مش بنحتاجه في حاجه لاننا بنقولها يا آلفي حطيها مع علبة شكولاتة هتتخانق معاها مش طايقة الدنيا ولا طايقة البشرية معانا في الشلة دي غلطة وبتدرس حقوق
آلفياسماء حبيبتي الله
يعزك
حور وبما اننا عندنا آلفي واهم حاجه عندنا التنوع دي يارا ودي بسكوتة الشله اقل حاجه بتخليها ټعيط فرحانة ټعيط زعلانة ټعيط اخوها مسافر ټعيط اخوها رجع هتعيط عايشة عشان ټعيط وآلفي تبصلها بقرف ومكناش لاقين حاجه تدرسها تكون ماشية معاها دخلناها فنون جميله ومن وجه نظري ولا حتي فنون تنفع معاها فنون دي للناس اللي عندها ابداع مش تخلف عقلي
يارا انتوا اللي معندوكوش احساس
حور دي بقي رضوى كاريزمة الشلة نرجسيه تلاقي جيم تلاقي حيوانات مفترسه عشقها الوحيد بس اليفة محدش يسأل ازاي هتكتشفي مع الوقت وبتدرس تكنولوجيا هكر الشلة 
رضوي مش عارفه مدح ده ولا ذم
حور احم احم اما انا بقي ياست زهرة الشلة و وردتها ومن غيري الشلة دي هتاكل بعض ودي حقيقه لان مش بعمل حاجه غير ان افصل بين آلفي ويارا ورضوي وعرسانها لو انا مش موجوده زمانهم بيتخانقوا بس
رفيف اتشرفت بمعرفتكم والله
آلفي لا اتشرفتي اي دورك يا حبيبتي ده كلنا اتهزقنا في الانترڤيو بتاع حور
رفيف تعالي ابلعيني اسمي رفيف في آداب لغة عربية مش مرتبطه
حور يارب الشلة اللي كلها سناجل دي ده انتوا بنات غفر
رضوي يسلام عليكي البت معاها 10عيال
حور لا معلش انتي اخر واحده تتكلمي
رفيف انتوا جايين تتخانقوا هنا بس يا ماما بس ياحبيبتي انتي وهي تطفحوا اي
حور نطفح!
آلفي شوفي عندك اي يتاكل وهاتي انتي لسه هتسألي
يارا وحاجه تتشرب بس عشان نتفرج علي الخناقة بمزاج
بيقطع كلامهم رنة موبايل رضوي
حور اقسم بالله الواد ده خساره في اهلك
رضوي نفسي بجد تصدقي ان احنا اخواااااااات بس وعمران جدع هو اللي جابلي الشغل معااه لما بحتاج حاجه بكلمه بس مش اكتر اسالي يارا
يارا اه فعلا انا اخويا راجل جدع ورجوله فين العصير بقي
رضوي طيب علي ما تعملوا العصير والاكل والليلة دي خمساية وجاية
رفيف هي نزلت ليه
حور اه نسيت اقولك الاوباش دول كلهم ساكنين تحت نفس العماره يعني
بس هي مش نازله شقتهم هي طالعه فوق تقابل عمران بس تموية كده بتقول نازله علي اساس اننا بقر
رفيف اي حكاية عمران ده
حور والله يابنتي عم سعيد والشارع كله وامة محمد كلهاااااا عارفه ان عمران بيحب البومه دي من زمان جدا واتقدملها قبل كده بس رفضته هي عموما بترفض كل العرسان المهم دلوقتي قومي اعملي سندوتشات وانا هختار فيلم نشغلة علي ما رضوي تنزل
رضوي اي ياعم ببعتلك من امبارح مش بترد خير هي المزة كرفتلك
عمران كان عندي شغل ياا ام لسان طويل
رضوي المهم عملت ايه
عمران مصالح متحركه انتي عبارة عن مصالح بس
رضوي عارف انت لو تقولي عملت ايه وبعدين تزلني ربنا هيصلح حالك
عمران متقلقيش ياختي اتفقت مع صاحب المحل ونزلنا في السعر اقل ما كنتي عوزه كمان
رضوي بجد بتهزر
عمران وروحت لفيت لحد ما رجلي ورمت علي كل المحلات اللي ممكن تشتري منها المواد الخام اللي تشتغلي بيها وجبتلك الاسعار في الورقة دي وكل محل الكارت بتاعه موجود في الورقة لو حبيتي تكلميهم تسالي عن حاجه تانيه ومش بس كده بوشكش بيضحي جبتلك الجروبات بتاعتهم عشان
لو حبيتي اطلبي منهم اونلاين
رضوي والله يابني انت رجولة وتستاهل ورق العنب اللي عملتهولك
عمران ورق عنب مره واحده لا ده انا اروح بنفسي بقي اشتريلك الحاجه
رضوي استنا هنزل اجيبه بسرعه واجي متنزلش
في الحقيقة مكنتش نازله عشان ورق العنب كان ممكن اجيبه قبل ما اطلع لان مكنتش نسيااه بس يمكن كنت حابه اديلة فرصة يحط ورقة كل يوم
جواب جميل
عارف ان
بحب المراسيل وانا