توكيل زواج
ع_ ارفه يايوسف والله بس لازم هيا تصدقك يابني
يوسف. _ منا جايلك علشان كدا كلميها ووقعيها في الكلام وانا قاعد وسيبي الباقي عليا.
ندي _ مستحيل دي تموتني
يوسف. _ علشاني يا ندوش والله لازم اكلمها وهيا مش مدياني فرصه
ندي_ .ماشي ربنا يستر بقا ومتق ت لنيش
يوسف. _ متخافيش انا معاكي
ندي_
اوك هات الموبايل من وراك
يوسف. _ اتفصلي ياقلبي.
ندي وهي تتصل بمنه _ جرس ومش بترد
يوسف. _ اصبري بس وإفتحي الإسبيكر علشان اسمع.
ندي _ماشي يا سيدي لما نشوف أخرتها.
منه .وقد ردت علي الهاتف_ .ايوه يا زفته لسا فاكره ان ليكي صاحبه
يوسف وهوا يضع يده علي فمه يكتم ضحكته علي تهزيق منه لندي.
ندي _ بلاش قله أدب يا بت انتي اتلمي كنت تعبانه المهم حصل ايه في غيابي
منه_ ولا حاجه ياختي ابن خالتك كان بيحور عليا قفشاه مع واحده بتسبله وهوا مبسوط ااوي وبعدين جاي يقولي بحبك كنت هخبطه بكرسي في رأسه.
ندي وهي تنفجر من الضح علي كلام منه ومنظر يوسف فهوا يجلس عاقد حاجبيه فمه مفتوح علي وسعه وعيناه متسعه للغايه من صدمته من كلام منه عليه.
ندي . _ يخربيتك هتموتيني ايه يابنتي ده كله ليه كدا ما يمكن ببحبك بجد ياهبله.
منه. _ مش عارفه يا ندي اصدقه قلبي بيقولي صدقيه ويرجع عقلي يوقفني ويقولي انه بيلعب بيا.
يوسف وهوا يخط ف الهاتف من يد ندي ويغلق الإسبيكر حتي لا تسمع ندي كلام منه _ بس قلبك معاه حق يا منه والله العظيم بحبك يامنه ومفي واحده دحلت قلبي غيرك
منه بصدمه. _ يو يوسف انتا ازي انتا بتقول ايه
يوسف _ جمعي بس الاول والله بحبك ومفي في قلبي غيرك يا عمري ولو صحبيه البنات في الجامع مديقاكي انا معنتش هكلم حدابدا غيرك انتي ياقلبي .
منه لا ترد عليه وقد كان كامل يقف خارج الغرفه فسمع ما قاله يوسف وظن انه يحدث ندي
يوس _ مبترديش ليه مكسوفه مني والله انا بحبك وهعوضك علي كل لحظه قضتها بعيد عنك وعن اي واحده ديقك كلامها عني يا قلبي ها ايه بقا مش هتردي.
منه_ خلاص يايوسف لو سمحت كفايه كدا
يوسف. _ يابنتي انا
وقبل ان يكمل حديثه كانت ندي تأخذ منه الهاتف وتقول له وهي تضحك_ كفايه كدا يا يوسف بقا بلا عايزه انام وتكمل كلامك بعدين بكره في الجامعه.
يوسف _والله انتي رخمه ياندي ليه كدا بتحرميني اسمع الكلمه الي بتمني اسمعها ليه كدا
ندي_يلا يا بابا يلا شطبنا يلا
وهم ان يغادر وجد كامل يقتحم الغرفه عليهم _انتو ايه للدرجه دي مش عاملين حساب ولا احترام ليا ولا لأي حد في البيت طبعا منتو لا مراعين ربنا ولا حرام ولا حلال ومظبطين أموركم علي الأخر بس انا هربيكم
يوسف وهوا يقترب منه_ كامل انتا بتقول ايه انا مش فهمك قصدك ايه.
كامل_وليك عين تقف قدامي بعد الي سمعته انتا
وض ربه بوكس في وجهه فسقط يوسف علي الارض وصرخت ندي ..يوسف وذهبت له تنظر لوجهه بقلق. _ يوسف قوم يوسف
ونظرت لكامل وجدته ينظر لها بغضب ويقول. _ جهزي نفسك هتسافري معايا أمريكا وحيات امي لأربيكي من اول وجديد وأخليكي تتمني الموت
يوسف وهوا ينهض من علي الأرض. _ انتي ياغبي ايه الي بتقوله ده انتا اكيد اتجننت
كامل _ اخرس يا خساره الإخوه الي بتربطنا ببعض بس انا مبقاش كامل اما حسرتك عليها وخليتك تن دم انك بس بصتلها وهيا مراتي
وتركهم وغادر البيت كاملا وغادر ذاهبا للشقه التي اشتراها وتقيم بها كرستين منذ قدومها لمصر بعد اقتراح كامل عليها ووافقت
بقيت ندي في ارض الغرفه تبكي بصمت دون حركه او صوت فاق يوسف من صدمته من كلام اخاه وإلتفت لندي يحدثها قومي ياندي قومي من الأرض وبلاش ع ياط.
ندي ولا تتحدث فقط تبكي
يوسف _ اهدي يا ندي هوا شكله سمع مكالمتي مع منه وفهم كلامي غلط فكرني بكلمك انتي.
ندي. _ ازاي يعني للدرجه دي شايفني رخيصه انا يا يوسف يفكر فيا كدا دانا محبتش غيره من وانا صغيره وهوا مالك قلبي وروحي وبعد كل ده يتهمني بالجنان ده انا هتجنن ازاي يفكر كدا ازاي يا يوسف.
يوسف _ يا ندي اهدي كلامي مكنش واضح انا هروح له وأتكلم معاه وأفهمه كل حاجه هوا مش فاهم الموضوع صح.
ندي_ .انتا ازاي كدا ازاي بتدافع عنه وبتتكلم بالهدؤء ده ده بيتهمك في أخلاقك
يوسف بدموع في عينه تأبي النزول_ مش هقدر اوصفلك احساسي انا زي اللي اتيتم فجأه اخويا اللي بعتبره قدوتي ومثلي الأعلي شايفني واط ي اوي للدرجه دي لدرجه اني ابص لمراته انا خلاص ياندي مبقاش عندي اخوات خلاص هفهمه بس الي حصل وأبرئك وأبرء نفسي من اتهامه القذر ده بس صدقيني مستحيل اتكلم معاه تاني ابدا او ابص في وشه تاني
ندي_اعمل الي تعمله انا مبقاش فارق معايا يفهم او لا مبقاش مهم خلاص انا عرفت هوا شايفني ايه ونظرته ليا ايه مبقاش في حاجه تهمني.
يوسف_ انا خارج يا ندي وانتي حاولي تهدي
ندي ولا تعلق خرجت للشرفه وظلت واقفه تندب حظها السئ كيف يعتقد انها بهذا السؤء كيف خيل له ان بينها وبين يوسف علاقه الهذه الدرجه يراها سيئ ويراها تستطيع هوا حب طفولتها وزوجها كانت تبكي ولا تدرك ان امها رأتها من شرفتها
هناء وهي تذهب لندي _ فيكي ايه يابتي بتبكي ليه مالك
هناء _ فيكي ايه يابنتي لكل ده كامل عملك ايه جوليلي ياحبيبتي متخافيش
هناء _ايه الي بتجوليه ده اكيد كامل اتجنن كيف يفكر فيكي وفي اخوه إكده
ندي_ سمع يوسف وهوا بيعترف لمنه بحبه ليها وفكره بيكلمني انا وهوا كان بيكلمها من تلفوني ياماما
هناء_ تعالي معاي نروح لعمك محمود اكلمه يشوف حل في ولده اني مهخلكيش تسافري معاه وأصل وهخليه يطلجك وهنرجع دارنا تاني .
ندي ببكاء. _ ارجوكي ياماما استني بس لحد يوسف ما يجي هوا قالي هيروح يفهمه بلاش تكلمي عمي محمود.
هناء. _ حتي بعد الي عمله ولسا باقيه عليه وبتحبيه يابتي
ندي . _ لا ياماما انتي فهماني غلط انا مش عايزه مشاكل بينه وبين ابوه وأخوه بسببي بس.
هناء_ .هتخبي عليا يا بنتي اني خابره انك بتحبيه ياندي عيونك فضحاكي يابنتي كيف ماهوا عينه فضحاه بس غيرته عمته وده يأكد لك حبه ليكي يابنتي.
ندي. _ معدش يفرق يا ماما بعد الي عمله حب من غير ثقه مستحيل ينجح.
هناء. _ طيب يا بنتي ارتاحي دلوك واني هستني لما يوسف يجي وهشوف عمل ايه
وصل لشقته وفتح الباب ودخل وجدها تجلس علي الأريكه تشاهد التلفاز هبت واقفه اول ما رأته
كريستين_ كامل حبيبي جيت فكرتك مش هتيجي وحشتني
كامل فك قيدهاله وجلس علي الكنبه بدون كلام يضع رأسه بين كفيه ولا يتحدث فجلست بجواره ووضعت يدهاعلي كتفه _كامل مالك حبيبي فيك ايه
كامل _ سيبيني في حالي كريستين لو سمحتي محتاج اكون لوحدي
تركته وذهبت للمطبخ وجهزت له كأس من العصيروذهبت له مره اخره. _ اشرب ده كامل وبعدين نتكلم.
كامل _ مش عايز حاجه ارجوكي سيبيني لوحدي.
كرستين_ مالك كامل اول مره أشوفك في الحاله دي .انتا اتخانقت مع مراتك.
كامل. _ مقولتلك سيبيني في حالي انتي ايه مبتفهميش اقولك انا ماشي وسعي كدا.
وأزاحها من جانبه وخرج من الشقه
ذهب يوسف يبحث عنه في الشركه وجدها خاليه حاول الإتصال به ولاكن لا يرد عليه حل الليل وهوا لم يصل له فعاد للبيت دخل من باب المنزل وجد والده وأمه وخالته جالسون معا ولا وجود لأخيه او ندي فسألهم كامل جه ولا لسه.
محمود. _ مش تسلم الاول ياولدي ايه الي في وشك ده يا يوسف انتا متخانق مع مين ياولدي.
يوسف. _ مفيش حاجه يابويا موضوع وانتهي متقلقش
محمود _ كيف ده وأخوك كمان فين مبانش من الصبح خرج من الشركه ومعاودش لدلوك.
يوسف _
انابدور عليه بقالي كتير ومش لاقيه
محمود_ اكيد في الشجه الي شريها جديده وبيجهوها لندي اني مجولتلكوش لانه عاملها مفاچأه لما ندي توافج يكملوا مع بعض.
يوسف_ وهيا فين الشقه ياحاج عنوانها ايه انا عايزه ضروري .
محمود . _ عنوانه ياولدي في .....
يوسف. _ طب انا هطلع اغير هدومي علشان اروح له عايزه ضروري.
محمود_ ماشي ياولدي ابجا طمني عليك انتا وأخوك
يوسف_ متقلقش علينا ياحاج احنا بخير.
كان يجوب الشوارع بلا هدي ولا يعلم اين يذهب قرر الذهاب لفندق حتي الصباح دار بسيارته لكي يذهب لفندق يعرفه وأثناء التفافه اصطدمت به سياره قادمه عكس اتجاهه واصطدمت به سياره ولاكن لحسن حظه انه كان يقود ببطئ وهوا يدير السياره فكانت خبطه خفيفه اصيب في رأسه بجرح خفيف نتيجه ارتطامه في مقدمه عجله القياده ولاكن زراعه يؤلمه بش ده نزل من كان في السياره الأخره فهوا لم يصيبه مكروه توجه له وسأله هل هوا بخير
اخذه وذهب للمشفي وبعد الكشف اتضح ام زراعه كسر نتيجه الخبطه وتم تجبيره ومعالجه جرح رأسه طلب سياره أجره لعدم قدرته علي قياده السياره مره أخره وطلب منه الذهاب لعنوان شقته التي تقيم بها كرستين فهوا متعب ولا يستطيع البحث عن فندق حاليا وترك سيارته امام المشفي بعد ان أعطاهم عنوان منزله ليرسلوها له هناك وصل البنايه وصعد شقته وفتحها هرولت له تري ما به بعد دخوله البيت بهذا الوضع فأشار لها ان تصمت وذهب لغرفه النوم ونام من ش ده تعبه فدخلت خلفه وقامت بفرد الغطاء عليه وذهبت خارج الغرفه جلست تتابع
التلفاز ولاكن اخفضت صوته لكي لا تزعجه.
وصل يوسف للعنوان اللذي اخذه من والده وصعد للشقه طرق الباب وانتظر ليفتح له اخاه كانت تبدل ثيابها بملابس للنوم سمعت احد يدق باب الشقه فخشيت ان يوقظ كامل ذهبت سريعا لكي تفتح الباب صدم يوسف حين وجد الفتاه التي كانت مع اخاه في المطعم هنا في بيته وبهذا الشك
كرستين ولم تتعرف عليه جيدا_ ايوه نعم
يوسف _ انتي بتعملي ايه هنا وفين كامل
كرستين_ .انتا مين وبعدين وطي صوتك كامل نايم وهتصحيه كدا.
يوسف _ نايم وسعي من طريقي
وذهب فتح الغرفه وجد اخاه نائم وبسبب اضائة الغرفه الخافته لم يلاحظ زراعه وهوا بالجبس رجع للوراء بسبب ننظر اخاه وما ترتديه هذه الفتاه من ملابس فقد فهم الوضع بشكل خاطئ وذهب ليغادر الغرفه والشقه كلها وقبل خروجه من الباب التفت لها وقال _ ابقي قوليلوا قبل ما تحاسب الناس علي حاجه معملوهاش ابقا حاسب نفسك علي أفعالك الاول
وفي النهايه قرر الصمت حتي لا يسؤء الوضع بينهم اكثر من ذالك
استيقظ في الصباح وبدل ملابسه وخرج من المنزل حتي لا تراه ندي وتسأله عن ما حدث مع أخاه كامل وهوا يخرج من البيت وجد سياره اخاه مركونه ولاكن بها تهشم في جانبها وكأنها صدمت بشي اتجه للبواب وسأله
يوسف . _ عربيه كامل مالها ياعم عبده.
البواب _واحد جابها يابيه الصبح بدري وجال ان كامل بيه سابها جدام المستشفي لأنه عمل حادثه امبارح ومجدرش يسوجها
يوسف بصدمه_ حادثه ازاي انا شايفه لسا امبارح كان كويس
وذهب لمنزل أخاه لكي يعرف مابه استيقظ كامل وارتدي قميصه وخرج من الغرفه ينوي الرحيل وجدها تجهز له الطعام للفطار جلس يتناوله بصمت فهوا جائع فمنذ امس لم يتناول اي شي بعد وجبه الغداء التي تناولوها سويا.
كرستين_صباح الخير كامل انتا كويس.
كامل _ اه كويس كرستين شكرا علي تعبك معايا معلش كنت تعبان امب ارح ومقدرتش ارجع بيتي.
كرستين_. متشكرنيش كامل انا اللي اشكرك انتا ناسي ان ده بيتك بس شقتك فعلا جميله جدا
كامل وهوا ينظر للشقه وقد تذكر انه جهزها لاستقبال ندي هب واقفا وغادر بدون كلام وهبط سلالم البنايه ليري اخاه ينزل من سيارته ويركنها امام البنايه
يوسف وهوا يجري ناحيته كامل_ في ايه مالوا دراعك انا شوفت العربيه الصبح وجيت بسرعه اشوفك انتا كويس.
كامل _ايه جاي تشوفني يمكن مت ولا حاجه علشان ترجع لحبيبت القلب تتهنوا سوا بس احب اخيب املك انا كويس وهخودها وأسافر بكره ومش هخليك تشوفهاتاني ابدا مش حب فيها لا علشان اعرفها انها اتجوزت راج ل بجد هيعرف ياخد حقوا منها وهعرف ازاي أعيد تربيتها تاني لان واضح ان خالتك وعمي ناجي معرفوش يربوا فهربيها انا.
يوسف_ تصدق انك فعلا غبي انا جاي أطمن عليك نسيت كل اهانتك ليا وجيت جري اشوف أخويا جراله ايه بس انتا خساره فيك الكلام وهتن دم باكامل علي كل الي بتقوله ده بس وقتها لو جيت تترجاني أسامحك مش هيحصل.
كامل _ السماح ده انتا الي هتترجاني اني أقبله منك بعد م ا تشوف هعمل إيه في ست ندي حبيبتك هخليها تقعد في بيتي هناك ومفيش تعليم بعد النهارده وهخليها خدامه في بيتي تكنس وتمسح وتطبخ وتخدمني كمان اه ونسيت أقولك كمان
وأقترب منه كامل وهمس بأذن يوسف _ ومش كدا بس لا وعبده لرغباتي كمان يعني جواز الورق هلغيه وهيبقا جواز بجد ياحبيب هخليها تبكي بدل الدم وع دم كل ليله هخليها تكره نفسها صدقني يا يوسف
قالها بإستهزاء
يوسف_ انتا أكيد اتجننت مش ممكن تكون أخويا انتا مش طبيعي يا بني أدم افهم انا مفيش بيني وبينها حاجه دي أختي انتا وكمان مراتك انا مش و...اوي كدا علشان أحب
مراتك يا كامل
كامل _ للدرجه دي بتحبها فكرني هصدق كذبك ده انا شفتكوا بعيني وانتا جايب لها الورد وانتا بتكلمها في التلفون وانتا في الجنينه وزعلان انها اتجوزتني وهيا في الأوضه بتطمنك ان كلها تلات شهور وتخلصوا مني وهيا بتقول عني اني مغرور واني معتمد علي فلوسي وانتا بتضحك وهيا بتستهزء بأخوك واخر حاجه وانتوسوا في الأوضه وانتا بتوضح لها قد ايه بتحبها ومش هتتجوز غيرها وان البنات الي بتغير عليك منهم دول ملهومش قيمه وانك معنتش هتكلمهم تاني علشانها انا شفتكم بعيني في المطعم انتا عايزني اكذب كل ده وأصدقك الوقتي بجد انتا اغبي بني أدم شوفته حتي مش عارف تكذب انتا لوكنت راجل كنت جيتلي اول ما رجعت من السفر وكنت قلتلي وانا كنت طلقتها وجوزتهالك بنفسي بس انتا طلعط و....علشان استسهلت وخنت اخوك ابعد انا مش عايز اشوفك تاني لحد ما اسافر انا ومراتي فاهم مراتي يايوسف
وتركه وذهب يركب تاكسي وذهب لبيته لكي يبدل ملابسه. ويذهب للشركه. دخل البيت فلم يجد أحد صعد سريعا وبدل ملابسه وخرج من غرفته ذهب لغرفتها وفتح الباب بدون ان يدقه كانت ترتدي ملابسه لكي تذهب لجامعتها وجدته اماما ارتعدت خوفا من دخوله المفاجئ. ولاكن تفجأت من جرح
كامل وهوا ينظر لها بتفحص وانتبهت لنظراته فنظرت لنفسها لتري ما يجذبه بهذا الشكل تفاجأت من مظهرها فقد نسيت ما ترتديه بسبب دخوله المفاجئ بهذا الشكل راحت تتلفت حول نفسها تبحث عن شي ترتديه وجدت روبها ذهبت لترتديه ولاكن أوقفها كامل بجذبه لها بعنف فأرتطمت به بقوه رفعت رأسها لهو وهي تسأله _ كامل ايه الي بتعمله ده انتا اتج....
وقبل ان تكمل كلامها قاطعها واخرسها عن ما كانت تنوي قوله له وضعت يدها تزيحه ولاكن لم يستجيب لها وبعدها دفعها عنه لتسقط متألمه من دفعه لها وقرب رأسه منها وتحدث بصوت شبه هامس _ أخر مره تكلميني بصوت عالي انتي فاهمه وإلا ردي المره الجايه مش هيعجبك ياندي
خافت منه ورجعت للخلف وهي تتحدث بإرتباك _كا كامل ابعد عني لو سمحت
كامل وهوا يضحك علي خوفها_ متقلقيش يا بنت خالتي مش هقربلك هنا في البيت ده بس اول ما رجلك تخطي عتبه بيتي هناك في أمريكا هيكون يوم فرحنا بجد ..اه بس متستنيش انه يبقا يوم سعيد وحياه ورديه لا انا هدوقك العذاب ألوان علي الي عملتيه جهزي نفسك يا حلوه طيارتنا بكره بليل وأه مفيش لزمه تنزلي الجامعه النهارده .انتي خلاص معدش ليكي نزول جمعات مش هتكملي يا يا دكتوره . وده اول حاجه هعملهالك يا حبيبتي هدمرلك حلمك الجميل انك تبقي دكتور وهخليكي خدامه اه خدامتي انا فجهزي بقا لليالي طويله من الغذاب يا زوجتي العزيزه .سلام يا دكتوره ندي.
وتركها في صدمتها وغادر المنزل وذهب للشركه ودخل الي مكتبه وجد السكرتيره تدخل له وتعطيه ظرف كبير مكتوب عليه اسمه وأسفل اسمه خاص جدا _ مستر كامل وأحد ساب لحضرتك الظرف ده وقالي اسلمهولك شخصيا ومستر محمود عايز حضرتك ضروري في مكتبه كامل وهوا يأخذ منها الظرف ويلقيه بأحد ادراج المكتب ويتجه لمكتب والده دق الباب ودخل
كامل_ ازيك ياحج معلش اتأخرت شويه كان عند شغل
محمود _ فينك ياولدي انا ..ايه. ده مال يدك ياولدي انتا فيك ايه.
كامل _ مفيش ياحاج حادثه بسيطه الحمدلله دراعي بس اتكسر وجبسته.
محمود_. وكيف اني معرفش باللي حوصل ده وأخوك كان معاك هوا كمان متصاب في وشه بس بيحولي انه اتخانج.
كامل _ لا مكنش معايا خيريابويا كنت عايزني ليه في حاجه.
محمود _ ايوه ياولدي في اجتماع مهم بعد بكره ناس طلبين شغل كتير بينا وعايزك تتفج معاهم مدام امتا هنا.
كامل_ مش هقدر ياحاج انا هسافر بكره بليل أمريكا.
محمود. _ كيف ده يا ولدي احنا مش متفجين تفضل تلات شهور لحد ما تقرر انتا ومرتك هتكملوا مع بعض ولا لا
كامل_ احم ما انا هخودها معايا هناك ياحاج وتبقا تقرر تفضل والا ترجع في مشاكل لازم اروح احلها بنفسي يابويا
محمود_ بس خالتك مش هتوافج بالكلام ده ياولدي.
كامل بحده _ ندي مراتي ومحدش يقدر يمنعني اني اخدها معايا ياحاج.
محمود _ اهدا الكلام مش إكدا انتا بليل تتكلم مع خالتك وتفهمها كل حاجه ولا لعجل كدا هتوافج يا ولدي هيا بنتها وخايفه عليها وده حجها يا ولدي.
كامل _ ربنا يسهل ياحاج اسيبك الوقتي ورايا شغل كتير لازم أخلصه قبل السفر.
ترك والده وذهب مكتبه وبدأ في ترتيب أغراضه وتجهيز الشغل قبل سفره.
تجلس في غرفتها تبكي وترتجف من الخوف من كامل فمن كان يتحدث معها لم يكن كامل حبيبها ولكنه واحد اخر لا تعرفه يهددها ويتوعد لها بعذابه الذي ستلقاه عند سفرها معه وجامعتها التي ستتركها كل هذا جعلها تبكي بحده وخوف حل المساء ولم تنزل من غرفتها بعد ولم تتحدث مع أحد نزلت سلالم القصر بترنح فهي لم تتناول أي شئ منذ الصباح ووالدتها حاولت تطعمها ولاكن لم تفتح فمها لا للاكل او للكلام فكأن صوتها أختفي نزلت وجدت أمها ويوسف وخالتها وعمها محمود يجلسون سويا وقفت امامهم وهي تستجمع كلماتها فقد قررت ان تقول لهم كل شئ حدث معها من كامل _ماما عمي انا عيزاكم في موضوع
محمود. _ موضوع السفر يابنتي انا جولت لكامل لما ياجي هنتكلم
هناء_ سفر ايه ده ياحاج محمود
ندي_ انا مش هسافر يا عمي
كامل. _ ليه ان شاء الله يا دكتوره
ندي ارتعبت من صوته ودخوله في هذا الوقت ففقدت كل قوتها وسقطت مغمي عليها قبل ان ترد عليه.
صرخت هناء _ندي بنتي فيكي ايه
فزع يوسف وذهب ليرفعها عن الارض ولاكن منعه كامل بيده وأرجعه للوراء ورفعها علي زراعه بصعوبه شديده واراحها علي كتفه السليم وصعد بها لغرفتها واتصل يوسف بالطبيب
جاء الدكتور وفحصها وقام بإعطائها محلول مغذي نظرا لضعف جسدها بسبب قله الأكل الدكتور_ هيا ضعيفة واضح انها مكلتش من فتره انا كتبتلها الدوا ده وياريت تسيبوها ترتاح لبكره وتأكل كويس وبإنتظام وبلاش توتر لو سمحتوا
غادر الطبيب وبقيت هناء بجوار ابنتها طوال الليل
استيقظ باكرا وجهز اغراضه للسفر ولاكن تذكر ان تذاكر السفر في الشركه فقرر الذهاب لجلبها لان السفر مساء ارتدي ملابسه وغادر للشركه واستيقظ يوسف وذهب للإطنئنان علي ندي واتجه لجامعته وبقيت ندي مع والدتها تطعمها فطارها وتتحدث معاها لعلها تخبرها ما يدايقها
في الجامعه جلس يوسف بعد المحاضره ولم يحدث احد ذهبت له منه بعد ملاحظتها لشروده والحزن البادي علي وجهه _ ازيك يايوسف مالك لوحدك ليه.
يوسف_ منه ازيك انتي مفيش تعبان شويه.
منه _ مالك في ايه وندي مبتجيش ولا بتكلمني ليه.
يوسف وهوا يسرد لها كل ما حدث وما يظنه يوسف وما أخبره به امس
منه _ ايه ازاي ده يحصل انتا ليه مقولتلوش انك كنت بتكلمني وبعدين الكلام الي قاله ده ندي قالتهولي انا بي كان عن دكتور مفيد لانه مرخم علينا وبنقول اخر سنه هيدينا وكلها تلات شهور ونخلص منه بس ايه الورد ده.
يوسف_ ندي كانت خارجه واشترت ورد وانا بهزر وبقولها هبقا اجبلك كل يوم ورد لانها بتقولي محدش بيجبلي
يوسف_ اوك ماشي يلا بينا.
يوسف وهوا يخلص ندي من بين يدي اخاه الذي افقدها النطق والحركه فكانت ساكنن بين يديه تستمع له ولا تعلق الا بدموعها فليس لديها قوه لكي ترد عليه _ كامل ايه اللي بتعمله ده انتا اتجننت رسمي سيب ندي انتا ظلمها والله ظلمنا كلنا مفيش حاجه من الي في دماغك دي
كامل _ انتا تخرس خالص يازفت انتا ومتكلمش معايا تاني انتا زيها لايقين علي بعض بس يا خساره الحلوه اتسلت معاك شويه وخلاص قلبتك وجابت غيرك المنحله دي
اسكته صفعه علي وجهه من والده الذي خرج من مكتبه علي صوته العلي وحديثه المخجل بالنسبه للحاج محمود فندي ابنته كان يعاملها دائما علي هذا الأساس وهوا يعرفها جيدا من المستحيل ان تقوم بشئ محرم عليها فهي ملتزمه بتعاليم دينها وعداتها وتقاليده.
محمود. _ انتا اتجنيت بعجلك يا واد ولا ايه كيف تجول الكلام الفارغ ده ندي متعملش العيبه ابدا.
كامل_ .بتض ربني يا حاج وليه علشان الزباله دي ياحاج هيا ضحكت عليكوا كلكوا كدا ساف....
محمود_ اخرس والله لو كملت كلامك ده لق تلك بيدي ندي بنتي وانا الي مربيها وعمري ما هصدج الي بتجوله ده يا كامل .
كامل_ .صدق والله انتوا صعبانين عليا مخدوعين فيها وهيا
محمود_ كااااامل .
كامل _ خلاص يا بوي هوريك الدليل بس وقتها محدش يتدخل بيني وبينها
محمود_ دليل ايه ده انتا هتخرف اياك.
كامل_ لا مبخرفش اتفض شوف بنفسك وأعطاه الصور.
دي لم تتكلم ندي بقيت صامته جذبها لتقف امامه اعترفي قدامهم كلهم بالي عملتيه من الاول.
وألتفت ليغادر البيت ثم عاد برأسه لها _ هطلقك اول ما أوصل وورقه ط لاقك هتوصلك من المحامي هعمله توكيل علشان يط لقنا رسمي انا ميشرفنيش انك تبقي مراتي واحده زيك اتعملت للغلط بس كان بودي أرمي عليكي اليمين الوقتي بس لأخر مره هنفذ كلامك ياحاج علشان تعرف انك غلط لما سبتني اخرج من هنا علشان دي.
التفت ليغادر اوقفه صوت امه التي صرخت به. _ متمشيش يا ولدي علشاني تعالي أجعد اكيد في غلط وهنعرفه.
كامل. _ هبقا اكلمك ياأمي لما اوصل مع السلامه.
وغادر البيت واتجه لشقته لكي ينتظر موعد سفره ويخبر كرستين انه سيعود لأمريكا.
واتجهت هناء لإبنتها الجالسه أرضا تبكي ومسكتهامن كتفها أوقفتها أمامها _ ايه الصور دي وكيف كنتي بتجابليه من ورايا انطجي ياندي وجولي الحجيجه بدل ما أجتلك بيدي الي كامل جالوا ده صوح.
ندي وهي ترفع وجهها لأمها بصدمه فأمها تشك بها
يوسف _ايه الكلام ده ياخالتي ندي بنتك انتي الي مربياها وعارفاها كويس ممكن تعمل كدا
هناء . _ ما انا عاوزاها تخبرنا الي حصل تبرأ نفسها ياولدي من كلام أخوك أخوك كلامه تطير فيه رجاب انطجي ياندي جابلتي ناصر كيف وليه.
ندي وهي تبكي بش ده وتتحدث بغضب_انتي يأمي مصدقه الي قالوا انتي بتشكي فيا.
هناء _اني مبتهمكيش بحاجه اني عايزه اعرف جابلني ناصر ليه وليه مخبرتنيش.
ندي وبدأ تقص عليهم كل ماحدث من ناصر بالتفصيل
هناء_ ايوه انتي جولتيلي انه جابلك العجد بتاع ستك صوح يوم كتب الكتاب. بس عوض الكلاف ده مات من زمان وبته اتجوزت ابن عمها وسافرت معاه من سنتين اسكندريه الموضوع ده فيه حاجه غلط.
ندي_ والله هوا ده اللي حصل انا مش بكذب.
محمود وقد فهم ما فعله ناصر وأرد ان يتأكد من الأمر _ هات
يايوسف الصوره دي
وهوا يشير لصورتهم في محل الذهب وواضح ان من صورها كان داخل المحل مع ندي وناصر
يوسف _ اتفضل ياحاج
محمود وهوا يري الصوره لندي _ نعرفي فين المحل ده يابنتي.
ندي_ ايوه ياعمي هوا في ......
وأعطته العنون اخذ يوسف وخرج من البيت مسرعا يتجه للمحل وبقيت مكانها لا تتحدث وهم ينظرون اليها بشفقه علي ما حدث لها. اقترمنها منه وأخذت يدها _ تعالي اطلعي ياندي أوضتك انتي تعبانه ولازم ترتاحي .
تحركت ندي معها بدون كلام وهي تسحبها كانها طفل ضل الطريق ادخلتها غرفتها ومددتها علي السرير بقيت تنظر لسقف الغرفه وكأنها لا تشعر بوجود منه بقيت وقت طويل حتي سألتها منه _ اسيبك ترتاحي شويه ياندي
ندي أشارت لها برأسها علامه نعم فتركتها وخرجت لهناء وراجيه
صدم محمود مما رأه ولم تقل صدمه ولده يوسف عنه اقتصو التسجيل كاملا من علي جهاز المحل وحمله يوسف علي هاتفه وخرجوا من المحل
سافر كامل لأمريكا ومعه كرستين
دخل محمود ويوسف من باب المنزل وجد راجيه وهناء جالسون وعلي وجههم الحزن وعن دما رؤهم همت راجيه بالتحدث_ ايه وينه كامل ياحاج رجعتوه .
محمود_ كامل سافر خلاص اني مهرجعهوش ولا هتكلم معاه خلاص علي إكده ولدي طلع عن طوعي وشك في ندي اللي عندي دلوك اعز منيه واني هعرف اجيبلها حجها منيه هووا وولاد ماجد ابن عمها ناصر وحمدان.
هناء. _ انتا عرفت ايه ياحاج طمني الله يخليك.
محمود وقص لها ما حدث وأضاف_اني مسافر الصعيد بكره وهاخدك معايا يا ولدي لزمن حج بنت خالتك ياجي لأن جوزها طلع مش راجل ومهيجدرش يجيب حج مرته واني اللي هجيبه اني وعدت ناجي الله يرحمه اني هحافظ عليها وفكرت اني بجوازها من كامل اني بجويها طلعت بكسرها بيدي بس خلاص اني هصلح كل ده اول مرجع من الصعيد.
مر الليل عليهم وكل مشغول يفكر فيما حدث وبقيت ندي تبكي بصمت في غرفتها حل النهار واستيقظت ندي علي صوت هاتفها وجدتها منه فتحت الخط.
منه_ندي حبيبتي انتي كويسه انا هروح المحاضره وهرجع عليكي
ندي وهي تحاول الكلام ام ام ام.
ولاكن صوتها لا يخرج فقدت النطق ولم تفهم منها منه شي سوا بكائها ونحيبها اتصلت منه بيوسف بعد اغلاق الخط مع ندي فقد فقددت القدره علي الكلام.
يوسف _منه معلش مش فاضي.
منه. _ الحق يايوسف ندي بسرعه كنت بكلمها وصوتها رايح وفضلت تبكي
القي يوسف الهاتف وأسرع لغرفت ندي وقالبته هناء وذهبت تري ما يحدث. فتح الغرفه ودخل هوا وهناء وجدوهت تبكي بغزاره وتض رب بيدها علي رأسها امسكتها هناء ويوسف وقيدو حركتها الهستيريه.
هناء _ ندي بنتي فيكي ايه يانتي
يوسف _ ندي في ايه مالك ياندي
ندي وهي تحاول الكلام أأأ
ولاكن لا يخرج صوتها صدم يوسف وهناء مما يحدث اتصل يوسف بالطبيب بسرعه وجاء فحص ندي وأعطاها حقنه مهدءه وخرجو من غرفتها جميعا
محمود_ مالها يا دكتور .
الدكتور _ صدمه ج امده شويه أثرت علي مراكز النطق فقدت القدره علي الكلام.
هناء وهي تض رب خدها_يعني بتي اتخرست خلاص مهتكلمش تاني.
الطبيب_ لا هيا بس من ش ده الصدمه عليه فقدت النطق بشكل موقت مع الوقت هتتحسن وترجع تكلم أهم حاجه محدش يزعجها او يضايقها او تتحط تحت ضغط نفسي تاني لان في الحاله دي هتبقي اسوء من كدا وممكن مترجعش تتكلم تاني وتاخد الأدويه وتتغذا كويس.
محمود. _ متشكرين يادكتور وصله يا يوسف.
ذهب الطبيب واتفق محمود مع الجميع علي عدم زكر ما حدث لندي مره أخره والا يحدثها احد في الموضوع اخذ يوسف وسافر للصعيد وصل البلد واتجه لمنزله وطلب من الرجال الذين يحرسون البيت ان يجلبوا له ناصر وحمدان في المخازن التي يملكها في اخر البلد مقيدون.
في المساء دخل محمود ويوسف المخزن وجدوهم مقيدون وقد تلقوا من الض رب مايكفي لتكسير عظامهم .
تحدث محمود لهم بصرامة. _ انتو اكيد عارفين اللي يتعدي حلي حرمه بيت حد بيجراله ايه عندينا والي يشوه سمعت بنات الناس بيتعملوا كيف ياولاد ماجد ولا ابوكو مخبركوش.
ناصر _ انتا بتكلم معانا اكده ليه وجايبنا هنا ليه كنك كبرت وخريفت ولا ايه.
ناصر_وانتا يا دكتور ياولد البندر الي هتعلمني اتكلم كيف م ج نو ن اياك
يوسف وهوا ينهال عليه ض ربا حتي خارت قواه _ ايه عرفت ابن البندر يعرف يعمل ايه ولالسا ياناصر اعرفك تاني .
ناصر_ كح كح والله لعرفك مجامك يا يوسف اني هعرفك.
يوسف وهوا يتقدم منه ليكمل عليه
محمود_ ارجع انتا ياولدي ده شرف مرت ولدي اللي مرمغوه بعمايلهم واني الي هحاسبهم عليه
وأخرج مسدس من جيب جلبابه وصوبه تجاه حمدان الذي يرتجف خوفا مما يحدث فهوا ضغيف عكس اخاه. _ هاه ياحمدان هتنطوج ولا احتلك طوالي اني خابر الي عملته بس حابب اسمع منيك انتا.
ناصر. _ سيبه وكلمني اني
محمود. _ متجلجش دورك جاي
.وش د اجزاء المسدس ووجهه لرأس حمدان. وهوا يقول _ اللي يدوس علي طرف بتي ندي ملوش عندي ديه اتشاهد علي روحك.
حمدان _ لا يا حاج محمود الله يخليك هجولك علي كل حاجه
ناصر_ اخرس يا واد اتجنيت في عجلك مهيجدرش يعملنا حاجه
اصمته محمود بض ربه من يد المسدس علي رأسه افقدته وعيه في الحال ونظر لحمدان. _ عرفت بجا اني اجدر خدوه يا رجاله توه بره لما اجي اخلص عليه.
وألتفت
