رواية لعبة الخداع بقلم نشوه عادل كاملة
ي عم هو فيه احلى من النوم والاكل الليلة دى انا مليش فيها اصلا مش فاهمة انت جيبتنى هنا ليه
خالد وهو ينظر بعيناها عشان انتى روحى وحتة منى ومقدرش اخبى عنك حاجة
عانقته ياسمين بحب لقاء خلاص ي تامر انت وشيرين خلونا نمشى بقى
بالفعل ذهبوا الى المطعم واكلوا ثم عادوا الى المنزل وهم ف كامل فرحتهم
كريمة ايه ي ولاد اتأخرتوا ليه خضتونى عليكم
ياسمين كانت حتة خروجة انما ايه جامدة
شيماء المهم انكم اتبسطوا
خالد معليش ي شيما هعوضهالك مرة تانية
شيماء انا مش زعلانة والله يا خالد ومبسوطة انكم بقيتوا احسن والشمل اتلم من جديد
كريمة طب يلا ي ولاد عشان العشا
لقاء احنا اتعشينا ي دادة انا حاليا جعانة نوم تصبحوا ع خير
دخل الجميع الى غرفهم وعندما دخلت لقاء تفاجئت بشخص ما ممدد ع السرير لتغلق الباب بالمفتاح سريعا بغصب
كمال انتى اكتر ي عيونى
لقاء انت جيت هنا ازاى اوعى يكون حد شافك
كمال اطمنى شيماء اللى فتحت ليا والولية التانية دى كانت نايمة المهم كنتم فين
لقاء بابتسامة مش هتصدق
كمال اوعى تقولى ان اخيرا عرفتى الفلوس فين
لقاء بفرحة ايوة شنطتين كبار مليانين فلوس وكمان دولارات انا شوفتهم بعيونى
وبدأت لقاء تقص عليه ما حدث كمال يا ابن اللعيبة ي خالد لا طلعت ناصح اوى
لقاء واخيرا حلمنا هيتحقق وھموت واشوف شكلهم لما يعرفوا بعد ما ناخد الفلوس
خالد مشكلة اخوكى انه مفكر نفسه اذكى واحد ف الدنيا وميعرفش ان من اول يوم اللى اسمها ياسمين جات فيه ع الشركة وانا عارف ان هى مراته
ونرجع بالزمن الى اليوم الذى تقدمت فيه ياسمين الى الوظيفة ف شركة كمال حينها قرأ الاسم وشك بها وقام بإجراء اتصال بصديق له يعمل بالشرطة وطلب منه الكشف عن بطاقتها وتأكد انها زوجة خالد وعندما وجدها ترحب بقربه منها فهم ما يدور من مخطط خالد وزوجته ليعود وينظر الى تلك الراطضة
كمال كنت متأكد ان هو كشفنا خصوصا لما البواب قال انه دخل
وخرج وشكله كان حزين عرفت انه سمعنا وقتها وانه اكيد هيعمل حاجة بس ايه هى كانت صعبة لحد ما المدام جات لحد عندى ووفرت عليا عبء كبير
لقاء فكك من كل ده دلوقتى فيه حاجة مهمة
كمال ايه هى
لقاء اللى اسمها شيماء دى انا مش مرتاحة ليها ي كمال
ابتسم كمال قائلا ليه بس لولاها مكنتش هبقى هنا دلوقتى وبعدين كتر خيرها كانت اول بأول بتعرفنا اللى بيحصل
لقاء ايوة بس المبلغ اللى هتاخده كبير وخسارة فيها
كمال ومين قالك انها هتطول منى مليم حتى
لقاء ناوى ع ايه
كمال وهو يغمز لها احنا هنقضى الليل كله ف الكلام ده بقولك وحشتينى خلى عندك سينس
اما ف غرفة ياسمين وخالد كان نائما على رجليها كالطفل وهو مغمض العينين وقال تفتكرى اللى عملته ده صح
ياسمين اللى هو ايه
خالد انى عرفت لقاء مكان الفلوس كلها كنت مثلا جيبت ليها نصيبها او فتحت بيه حساب باسمها وخلاص
ياسمين حبيبى دى اختك وده حقها
خالد بس انتى عارفة كويس ان مكنش ليها حاجة من الورث وان ابويا كتبه كله ليا قبل ما يتوفى ووو
بس انتى عارفة كويس ان مكنش ليها حاجة من الورث وان ابويا كتبه كله ليا قبل ما يتوفى ولو حسبت اللى انا عملته ليها ولجوزها هيكون اضعاف حقها وياريت شكرونى الا كانوا عاوزين يسرقونى
ياسمين وهى تمسك وجهه بحب اولا انت عملت كده لاختك مش لحد غريب والمفروض انك سامحتها وتجاوزت اللى حصل ثانيا انت كنت بتحب والدك وحاجة زى دى هتخليه يتعذب فى قپره وغير كده انا مقبلش ان حياتنا تتبنى ع حرام لان الفلوس دى مش من حقنا
خالد بتنهيدة مش عارف ليه حاسس انى مش مرتاح
ياسمين حبيبى ممكن متستسلمش لاحساسك ده انا متأكدة ان لقاء فاقت لنفسها وعرفت غلطها وده باين اوى عليها
خالد ان شاء الله خير انما مقولتليش ايه حكاية شيماء يعنى عمرك ما كلمتينى عنها
ياسمين شيماء دى عشرة عمرى واكتر من اختى اعرفها من واحنا عيال ولما اهلها اتوفوا فى حاډثة ماما اخدتها وربتها معايا ع فكرة هى اكبر منى بسنتين بس
خالد لا حول ولا قوة الا بالله طب واهلها فين يعنى اهل امها او ابوها
ياسمين مكنوش عاوزينها كانوا هيودوها دار ايتام لكن ماما قالت ليهم يسيبوها ليها تربيها
خالد ربنا يجعله ف ميزان حسناتها بس انا عمرى ما شوفتها عندكم قبل كده
ياسمين كانت متجوزة ومحصلش نصيب لأنها للاسف كان عندها مشكلة ف الرحم وكان صعب يشيل جنين
خالد ان شاء الله ربنا يعوضها بالاحسن انا هقوم اشرب واجى
ياسمين خليك ي حبيبى وانا اجيبلك
خالد لا ي ست الستات انا هجيب واجى ع طول
خرج خالد واثناء مروره من امام غرفة لقاء سمع صوت هادئ يأتى من الداخل لكنه لم يتمكن من سماع اى شئ نفض كل ما فى افكاره واتجه الى المطبخ واحضر زجاجة مياه وعاد لغرفته
فى صباح اليوم التالى خالد صباح الخير ي جماعة
الجميع صباح النور
خالد ايه ي حبيبتى لابسة ورايحة ع فين بدرى كده
لقاء مشوار مهم
خالد تحبى اوصلك ف طريقى
لقاء لا متتعبش نفسك انا معايا عربيتى
خالد طيب انا لازم انزل دلوقتى عندى مشوار مهم
ياسمين مشوار ايه ي خالد النهاردة اجازة
لقاء مسرعة اجازة ازاى!
خالد فيه واحد موظف عندى فرحه النهاردة حبيت اعطى للموظفين اجازة عشان فيه منهم ليه اصحاب كتير وحابين يكونوا جنبه فقولت اعطى اجازة النهاردة للكل حتى السكيورتى
لقاء ازاى كده طب السكيورتى ليه ي خالد
خالد عادى ي بنتى انا مش فاهم انتى قلقانة ليه يلا عن اذنكم
بعد ان خرج خالد نزلت لقاء بعده بفترة بسيطة وركبت سيارتها واجرت اتصال وقالت اتسهلت ع الاخر ي بيبى
كمال بابتسامة وانا جهزت اجراءات السفر وكل حاجة تمام
لقاء انا هسبقك ع هناك متتأخرش
بالفعل وصلت لقاء الى مقر الشركة قبل مجئ كمال بعشرة دقائق فقط قابلته بابتسامة وقالت كويس انك متأخرتش
كمال مينفعش تأخير بس فيه مشكلة هنفتح الباب ازاى
ابتسمت لقاء قائلة ودى تفوتنى برضه
اخرجت من حقيبتها مفتاح وقالت شيماء دى طلعت فعلا ف مصلحتنا ساعدتنى اجيب اطلع ع المفتاح ويرجع مكانه من غير ما خالد يحس بحاجة
كمال بضحك ھموت واشوف شكلها لما تعرف اننا اخدنا الفلوس وطلعت من المولد بلا حمص
لقاء طب يلا خلينا ناخد الفلوس بسرعة ونمشى قبل ما حد يطب علينا
بالفعل صعدوا الى طابق الشركة ودخلت الى الغرفة واستطاعت فتح الباب واندهش كمال مما رأى وقال لا حلوة ابقى فكرينى نعملها
ضحكت وفتحت الباب ورأوا حقائب المال الممتلئة بالدولارات ابتسمت وقالت تؤ انا مش هقدر اشيلها دى تقيلة اوى
كمال خلى عنك ي روحى اومال انا جاى ليه هنزل واحدة وارجع اخد التانية
لقاء طب انا هنزل معاك لان مفيش امان نسيب الشنطة ف العربية
كمال تمام يلا
بالفعل نزلت معه وانتظرته حتى انتهى وأحضر الحقيبتين كانت تجلس فى كرسى القيادة وقامت بتشغيل السيارة لكى يذهبوا لكن حدث ما لم يتوقعوه حيث ظهرت سيارة تضئ اعلى الكشافات امامهما وقطعت الطريق عليهما
فى مكان اخر كان خالد يجلس بغرفة فى مكان ما حين جاءه اشعار وحينما فتح الرسالة وجد بها فيديو لكمال ولقاء وهما معا ويأخذون المال وبعدها بدقيقة واحدة جاءه اتصال
خالد الو ي ماهر
ماهر هو مسؤل الامن الخاص بشركة خالد قال حضرتك شوفت الفيديو
خالد ايوة
ماهر احنا متدخلناش زى ما حضرتك امرت
خالد هما فين حاليا
ماهر هما لسه ادام الشركة فيه عربية واقفة قصادهم ومشغلة الكشاف العالى ف وشهم
خالد مبتسما تمام انت عارف ايه اللى يحصل
ماهر اكيد ي فندم واعتبره حصل
خالد تمام ي ماهر بس خلى بالك ها من غير ما حد يحس
ماهر عيب ي خالد باشا
اما عند لقاء وكمال الذى نزل غاضبا من سيارته امام تلك السيارة ذات الاضاءة العالية
كمال ايه الهبل ده انتى مشغلة الكشاف العالى كده ليه ف عز النهار
نزلت من سيارتها تلك الفتاة ليتفاجئ كمال شيماء انتى عرفتى منين ان احنا هنا
شيماء من المدام
نظر كمال الى لقاء انتى ليه عرفتيها ان احنا جايين هنا
لقاء والله ما قولت حاجة لحد
شيماء بضحك اقصد يعنى ان المدام طلبت منى مفتاح الشركة وامبارح كنت عندها ف اوضتها والنهاردة تنزل من بدرى اوى كده هيكون عشان ايه يعنى
كمال طلعتى ناصحة اوى ي شيماء بس ايه العربية الغالية دى مش معقول تكون بتاعتك
شيماء هى فعلا مش بتاعتى بس قريب اوى هيكون عندى الاغلى
كمال طلباتك ي شيماء
شيماء فلوسى ي كمال باشا زى ما اتفقنا
ابتسم كمال وقال ملكيش فلوس عندى ووو
ملكيش فلوس عندى واعلى ما فى خيلك اركبيه كده كده متقدريش تلعبى بديلك معايا عشان انتى عارفة كويس انك الوحيدة اللى هتكوني خسرانة ف الليلة دى وتبقى خسرتى الفلوس وصاحبة عمرك لما تعرف انك غدرتى بيها
شيماء بضحكاولا انا لما دخلت الحوار ده من اوله كنت عارفة ومتأكدة انها هتكون النهاية بينى وبين ياسمين واختارت الفلوس ودى بقى اهم عندى من اى مسميات هبلة تانية ثانيا مشكلتك ي كمال انك مفكر انك انت الوحيد اللى ذكى وانت ع الله حكايتك بس هقولك ع حاجة مش كل الطير اللى يتاكل لحمه
كمال يعنى ايه
اخرجت شيماء هاتفها واعطته لهما وهما فى حيرة وكانت الصدمة حين وجدا فيديو لهما وهما يسرقان المال
كمال بدهشة ازاى مستحيل انا معطل الكاميرات بنفسى ومتأكد انها مقفولة انتى ازاى صورتى الفيديو ده
شيماء معتقدش انى لازم ابرر ليك ازاى وامتى ده حصل
ابتسم كمال وقام بكسر الهاتف وكانت شيماء تنظر اليه پصدمة وبعدها ضحكت وقالت مش قولتلك غبى انا عندى منه كذا نسخة
لقاء خلاص ي كمال ارجوك اعطيها فلوسها خلينا نخلص بقى
كمال پغضب اعطيها فلوسها فين انتى كمان هنا ف الشارع تعالى معانا ي شيماء وانا هعطيكى حقك كامل
شيماء اجى معاك فين انت واحد ملوش امان ي كمال مش بعيد تسلط عليا حد عشان يقتلنى انت اللى زيك يعمل اى حاجة عشان الفلوس
كمال بنفاذ صبر اومال عاوزانى احاسبك ازاى
شيماء روح مكان ما انت عاوز واستنى منى فون وانا هقولك ع الطريقة والمكان اللى تسيبلى فيه الفلوس سلام ي كمال بيه
كانت نظرات كمال تتبعها حتى غادرت ولو كانت تلك النظرات رصاص لسقطت قتيلة
فى وقتها
لقاء شوفت ي كمال جالك كلامى انا قولت ليك من الاول ان البت دى مش سهلة
كمال پغضب خلصنا ي لقاء والله لاندمها بس افوق ليها
لقاء طب يلا بسرعة خلينا نمشى من هنا قبل ما حد يشوفنا
بالفعل ركبوا السيارة وغادروا الى شقة قام كمال بشرائها فى مكان مازال تحت الانشاء
كمال پغضب انا حتة عيلة زى دى تتحكم فيا كده وربى ما هسيبها
لقاء كمال من فضلك خلينا نفكر بهدوء دلوقتى احنا صابعنا تحت ضرسها وواضح انها ذكية ومش ع نياتها زى ياسمين
كمال لا ع نفسها لو هى ذكية انا اذكى منها بكتير وبكرة تشوفى هعمل فيها ايه
لقاء مفيش داعى لكل ده احنا معانا اللى يكفينا احنا وولادنا واحفادنا العمر كله
كمال بس مش انا اللى يتلوى دراعى
لقاء وهى تلف ذراعيها حوله بخفة ودلال خلاص بقى ي بيبى روق كده ومتخليش موقف زى ده يضيع فرحتنا الليلة دى
كمال بضحك عندك حق بس كنت ھموت واشوف شكل اخوكى لما يعرف ان السحر اتقلب ع الساحر
عند خالد الذى وصل الى منزله دخل وجلس على اقرب أريكة بتعب واضح
ياسمين حمدالله ع سلامتك ي حبيبى كنت فين كل ده
خالد بتعب مشوار مهم
ياسمين مشوار ايه يعنى ولا ده سر ومش لازم اعرفه
خالد انتى عارفة كويس انك الوحيدة اللى مش بعرف اخبى عنها اى حاجة
ياسمين وهى تنظر بعينيه ولاحظت الدموع بهما مالك ي خالد ف ايه انت مخبى عنى ايه
خالد اصبرى بس شويه وهتعرفى كل حاجة اومال مامتك فين
ياسمين اخدت العلاج ونامت ولقاء لحد الان لسه مرجعتش كنت هرن عليها بس مردتش عشان متفكرش انى بتطفل عليها ولا حاجة
ابتسم خالد بحزن وظهر فى صوته غصة الۏجع وقال انا عارف هى فين وكده كده مش راجعة تانى
ياسمين بعدم فهم وقلق يعنى ايه هو ف ايه يا خالد
فى نفس الوقت دق جرس الباب وجرت ياسمين وفتحته لتجد شيماء جيتى ف وقتك
شيماء خير ف ايه
ياسمين خالد راجع من برة شكله زعلان اوى ومخڼوق وفيه حاجة غريبة بتحصل
دخلت شيماء وجلست امام خالد الذى ما زال مغمض العينين قائلا عملتى ايه
شيماء زى ما قولتلى بالظبط وهو حاليا منتظر منى الفون زى ما قولتله
خالد بكرة الصبح تكلميه وتقوليله زى ما اتفقنا بالظبط
ياسمين بعدم فهم هو ايه اللى بيحصل بالظبط ما تفهمونى انتم بتتكلموا ع ايه بدل ما انا قاعدة زى الاطرش بالزفة كده
خالد احكيلها انتى ي شيماء انا مش قادر اتكلم
شيماء كمال كلمنى واتفق معايا انه هيعطينى
خالد لانه كشف ياسمين من اول يوم راحت قدمت فيه ع الوظيفة
ياسمين وشيماء بنفس الصدمة ازاى!
اعتدل خالد قائلا الظابط اللى الاخ طلب منه يكشف ع بطاقة ياسمين هو صاحبى اصلا وانا اللى معرفهم ع بعض ايام ما كان بيخلص اجراءات الشركة فطبعا لما عرف ان ياسمين مراتى كلمنى بحسن نية يلومنى ازاى اتجوز ومعزموش واټصدمت لان طبعا محدش يعرف بجوازى انا وياسمين فقالى انه كمال طلب منه يكشف ع بطاقتها وانه عارف انها مراتى
ياسمين طب لو كمال كان كشفنى من البداية زى ما بتقول ليه خلتنى اكمل ف اللعبة دى وانا كارت محروق
خالد اولا لان كان همى اعرف لقاء معاه فعلا ولا ع عماها وثانيا انا عجلت بكشف اللعبة قصاده عشان اعطله شويه عن انه يفكرلى ف خطة جديدة
ياسمين يعنى انت كنت عارف ان لقاء بتمثل من البداية برضه
خالد ايوة عارف ولما اخدتها وعرفتها مكان الفلوس كنت قاصد
ياسمين طب ليه ي خالد ده شقاك وتعبك
خالد ومين قالك انى هسيب حقى انا عاوزك تهدى وتتفرجى ع اللى هيحصل ووووو
ومين قالك انى هسيب حقى انا عاوزك تهدى وتتفرجى ع اللى هيحصل مش بس هجيب حقى ده انا كمان هخلى نهايته تليق بيه
ياسمين انت ناوى تعمل ايه هتقتله
خالد بضحك اقتله ليه انتى متجوزة رئيس عصابة كل الحكاية انهم بيقولوا الجزاء من جنس العمل وانا هخليه مش بس يتوب هخلى العلامة دى تفضل ملزماه بقيت حياته عشان يفتكرنى بيها ويفكر الف مرة قبل ما يلعب بديله مع حد تانى ده لو خرج منها ع خير
ياسمين لا بجد انا مش فاهمة اى حاجة
خالد بكرة هتفهمى كل حاجة لوحدك ي قلبى وبكرة مش بعيد
شيماء طب تفتكر هو ناوى ع ايه دلوقتى ولا بيفكر ف ايه
خالد بيفكر ازاى يخلص منك
ياسمين پخوف يعنى ايه ممكن ېموتها الحيوان
خالد مش بعيد يعملها ده كلب فلوس
شيماء هو ايه اللى مش بعيد يعملها انت هتسلمنى ليه تسليم اهالى
خالد بضحك عيب عليكى ي شيما انتى اختى
ياسمين احم طب ممكن اعرف هتعمل ايه مع لقاء
خالد بحزن وۏجع لا دى هسيبها لله هو اولى بيها بالنسبة ليا انا اختى ماټت خلاص يلا عن اذنكم هدخل اخد حمام
دخل خالد هاربا بدموعه من امامهما شيماء انا بجد عمرى ما شوفت واحدة غبية زى لقاء دى بتبيع الغالى عشان الرخيص
ياسمين الكسرة والۏجع اللى ف صوت خالد وعيونه انا بس اللى حاسة بيها ومتأكدة انه بيقول كلام لكن مش هيتخلى عنها
شيماء يبقى غبى لو عمل كده
ياسمين بس هتفضل اخته ي شيما ثم ابتسمت ضاحكة قائلة عارفة لو كنتى غدرتى بيا بجد كنت هزعل اوى
شيماء ضاحكة انتى هبلة ي بت ده انتى اختى وعشرة عمرى تفتكرى عمرى فيه كام ٣٠ سنة اعمل فيهم صاحبة زيك
ياسمين بدموع حب وهى ټحتضنها حبيبتى انتى
خرج خالد بعد ان اخذ حماما دافئا وقال ياسمين قومى جهزى شنط هدومنا كلها وانتى كمان ي شيما وهدوم ماما كمان
ياسمين ايه ده هو احنا هنمشى من هنا ولا ايه
خالد ايوة وجودنا هنا فيه خطړ ع شيماء بالذات وانا معنديش اى استعداد انى اجازف بحد فيكم
ياسمين طب هنروح ع فين
خالد هتعرفى ف الطريق
بالفعل بعد ان انتهى الجميع من جمع الحقائب اخذهم خالد ف سيارته وذهب الى مبنى فاره جديد وكأنه مدينة اوروبية ع ارض مصرية
ياسمين ونبض قلبها يعلو خالد مش ده الكومباوند اللى اول ما اتجوزنا كنت بقولك نفسى ف يوم يكون لينا شقة هنا
خالد بابتسامة لسه فاكراه ي قردة
وصلوا الى المبنى الزى يوجد به شقتهم وكان تصميمها كما كانت تحلم حتى الاثاث
خالد الشقة كانت تلات غرف بس فأخدت شقة تانية وفتحتهم ع بعض عشان شيماء يكون ليها غرفة لوحدها عشان تاخد راحتها
شكرته شيماء ودعت له كريمة كثيرا وقضوا يوما هنيئا
فى اليوم التالى صباحا خالد جاهزة ي شيماء
شيماء ايوة متقلقش
خالد طب خدى كلميه من الفون ده
شيماء اشمعنا
خالد لان ده فون بزراير عادى مش هيعرف يحدد موقع منه ولا حاجة
شيماء بضحك يارب ربع ذكاؤه
امسكت شيماء بالهاتف لكى تجرى اتصالها وما ان اعطى لها الجرس وجدته فتح ع الفور
شيماء
كمال طبعا ي شوشو هو انا عندى اغلى منك ها ي قمر هنتقابل امتى وفين
شيماء لا ي حبيبى احنا مش هنتقابل ولا حاجة انت هتسمع منى
