قانون الحب
الفصل الاول
انت موافق تأكل حق اختك ف الورث ي محمد هى دى وصية امك الله يرحمها هى دى الامانة اللى امنتك عليها!
محمد پغضب وطى صوتك ي فاطمة احسنلك وادخلى الاوضة وحسك عينك رجلك تخطى خطوة واحدة برة انتى فاهمة
فاطمة بتهكم حاضر ي سيد الرجالة ي سبعى ي جملى ي دكرى هدخل اما اشوف اخرتها ايه
اخد محمد صينية الشاى وقدمها للشخص اللى كان برة وقال لا مؤاخذة ي كمال بيه ع الكلام الاهبل اللى المدام قالته اصلها صاحبة رقية الروح بالروح
كمال فاهم ومقدر ان زوجتك ع نياتها وعيونها مش قادرة تشوف العملة السودة اللى عملتها رقية ووطت رأسكم كلكم بالارض ادام اهل الحتة
محمد عندك حق ي كمال بيه انا مش عارف ارفع عينى بعين واحد من اهل المنطقة
كمال ايه كمال بيه اللى انت بتقولها دى ي ابنى احنا ولاد حارة واحدة ولا عشان بقيت صاحب شركة ولبست بدلة هستعرى من اصلى يعنى
محمد العفو ي كمال بيه العين متعلاش عن الحاجب برضه
كمال برضه مصمم انك تضايقنى ي راجل عيب عليك ده احنا اكتر من الاخوات ولا ايه!
محمد ده انا ليا الشرف ي غالى
كمال بعد ما انهى الشاى حبيبى شكرا ع الشاى وبيتى وشركتى مفتوحين ليك ف اى وقت وفكر كويس ف اللى قولته ليك وانا واثق انك هتعمل الصالح
محمد ان شاء الله طب اقعد شويه كمان نتغدى سوى
كمال وهو بيتجه للباب لا معليش الغدا مرة تانية لان عندى اشغال متأخرة
محمد شرفتنا ونورتنا ي غالى مع الف سلامة
مشى كمال ودخل محمد ع غرفة النوم لقى فاطمة بتلم هدومها هى وولادها
محمد انتى بتعملى ايه ي فاطمة!
فاطمة زى ما انت شايف بلم هدومى انا وعيالى وهروح ع بيت اهلى
محمد ليه بس ي بنت الناس هو انا عملت فيكى حاجة ولا قصرت ف حقك بشئ ولا طلبتى حاجة ومجتش
فاطمة فيه انك عاوز تأكلنى انا وولادى من مال حرام عارف انت النبتة الحړام دى اخرتها ايه ي شيخ الجامع ياللى مش بتفوت فرض
محمد پغضب فلوس حرام ايه ي غبية انتى ده حقنا من امى الله يرحمها وكل قرش ف البنك حتى البيت ده قرشه حلال
فاطمة محمد متحورش انت عارف انا قصدى ايه الشيطان اللى كان هنا ده جاى يرمى السم بودنك عشان متعطيش اختك حقها انا سمعته
محمد طب ما الراجل عنده حق ف كل كلمة قالها عاوزانى اعطيها الفلوس تروح تصرفها او تشغلها ف الحړام!
فاطمة انت عارف زى ما انا عارفة ان رقية عمرها ما تعمل حاجة غلط او حرام والتهمة دى متلفقة ليها ومش بعيد المغدور اللى كان هنا ده هو اللى ملفقها ليها ولنفترض انها فعلا ماشية ف السكة الشمال ده حقها وتاخده تعمل بيه حلو او وحش اسمه حقها واخدته
محمد وانا مش هعطيها فلوس امى الشريفة تروح تمشى بيها ع حل شعرها
فاطمة وماله ي اخويا انت صح اما انا بقى هروح ع بيت اهلى ومش هيتبعنى منك جنيه لا ليا ولا لعيالى انا عمرى ما هأكلهم بالحرام طبعا انت عارف العنوان اما تفوق لنفسك وترجع محمد اللى انا حبيته واتجوزته ابقى تعال خدنى اما بقا لو صممت ع اللى ف دماغك ورقة طلاقى توصلنى وانا ي اخويا متنازلة ليك عن كل حقوقى سلام يا شيخنا
مشيت فاطمة وهى شايلة بنتها ع ايدها وابنها ف ايدها التانية وسابت الشنطة لحد ما تبعت حد من اخواتها ياخدها
فى مكان تانى بالتحديد ف حجز احدى الاقسام كانت رقية قاعدة ف زاوية منكمشة ع نفسها وبتعيط بحړقة جات واحدة من اللى معاها واسمها فادية
فادية جرى ايه ي اختى من ساعة ما جيتى وانتى عمالة تعيطى بالصوت العالى ايه زهقتينا
رقية ي سيتى انتى مالك ومالى انا كلمتك ولا جيت جنبك ما تسيبنى بحالى
فادية بشهقة نعم ي حيلتها انتى هتعملى فيها شريفة ي بت ولا ايه!
رقية انا محترمة وشريفة ڠصب عنك ومش واحدة زيك هتعرفنى انا ع ايه
فادية
وش رقية ورم وبسبب الصړيخ خرج رئيس الباحث
طارق ايه ي عسكرى ايه اللى بيحصل هنا وايه الصړيخ ده!
العسكرى الستات اللى بالحجز ي باشا ماسكين واحدة جوة
طارق افتح الباب ده
فتح العسكرى الباب ودخل طارق بنرفزة بس ي ژبالة منك ليها ابعدى انتى وهى
بعد الكل وشاف رقية مرمية ع الارض مغمى عليها .طارق پصدمة ايه ده مين اللى عمل فيها كده يا حوش
واحدة من الموجودين فادية ي باشا
طارق عسكرى هات البت دى ع مكتبى بسرعة ...شال طارق رقية واخدها ع مكتبه واتصل بدكتورة جات فحصتها وفوقتها
طارق خير ي دكتور
الدكتورة ده اعتداء ي فندم ومقصود فيه كسر بايدها اليمين
طارق تمام ياريت تبعتيلى التقرير ف اقرب وقت ممكن ..لف لفادية عملتى فيها كده ليه!
فادية هى اللى ضايقتنى ي باشا وضربتنى بالاول
طارق وكمان كذابة ودينى مش هتشوفى شكل الشارع طول ما انا رئيس المباحث هنا ي عسكرى
العسكرى افندم ي باشا
طارق خد بنت وديها ع الحبس الانفرادى
العسكرى حاضر ي باشا انجرى ادامى ي بت
راح طارق لرقية عطاها الجاكيت بتاعه وساعدها تلبسه وقال انتى ايه حكايتك بالظبط انتى شكلك بنت ناس ومحترمة ايه اللى وداكى شقة زى دى ووووووووو......
يتبع
الفصل الثاني
انتى ايه حكايتك بالظبط شكلك بنت ناس ومحترمة ايه اللى خلاكى تروحى شقة زى دى!
نظرت له رقية بدموع ولم تجيب ع شئ ..طارق اتكلمى انا سامعك
رقية بدموع وصوت مخټنق ويا ترى بعد ما احكيلك هتصدقنى اعتقد ان الكلام مش هيبقى ليه لزمة انتم ليكم اللى شوفتوه وبس مش كده!
طارق طيب انا فعلا حابب اسمعك واعرف الحكاية منك انتى وبعدها اقرر اذا كنت اصدقك او لا
رقية بابتسامة حزينة وحتى لو مصدقتش مش هستغرب انت واحد غريب متعرفنيش الدور والباقى ع اللى من لحمى ودمى وع رأى المثل ما صدقوا ان العجل يقع عشان تكتر سكاكينه
طارق تمام احكى
رقية انا كنت خارجة من المدرسة اللى شغالة فيها بعد ما خلصت الحصص اللى عليا ومضيت لقيت عربية جيب سودا ماشية جنبى بهدوء والشخص اللى سايق عمال يقولى لو سمحتى انا مش بعاكس انا بس عاوز اسألك ع العنوان ده وعطالى الورقة اللى بايده
طارق وبعدين
رقية مش عارفة ولا فاكرة اى حاجة فوقت لقيت نفسى ف اوضة غريبة قعدت اصړخ لكن صوت الاغانى كان عالى ومحدش سمعنى بعدها صوت الاغانى اتقفل وسمعت صوت ستات بتصرخ وكانت الشرطة جت
طارق حكاية متعادة فعلا واتقالت الف مرة من كذا
رقية برعشة ايه!
طارق انى فعلا مصدقك ...بس المفروض انك محجوزة ع ذمة القضية لحد ما يتوكل ليكى محامى ليه لحد دلوقتى مفيش محامى مسك القضية فين اهلك!
رقية والدى متوفى من
زمان وامى من تلات شهور ومليش غير اخ واحد اكبر منى وللاسف جه هنا ومصدقنيش
ومشى من يومها ومسألش عليا تانى
طارق خلاص متقلقيش انا هجيبلك محامى وان شاء الله لو فعلا مظلومة حقك هيرجع اوعدك
رقية طب طب ارجوك متحطنيش مع الستات دول تانى انا خاېفة منهم اوى
طارق طيب احطك ف انفرادى!
رقية اه هيبقى ارحم من اللى انا كنت قاعدة وسطهم دول
طارق انتى اكلتى!
رقية بحرج اه الحمدلله
ابتسم طارق تمام ...ي عسكرى
العسكرى اوامرك ي باشا
طارق خد الانسة ع حبس انفرادى وياريت التعامل معاها يكون كويس فاهمنى طبعا
العسكرى مفهوم ي باشا اتفضلى معايا
طارق وديها وتعال عاوزك
العسكرى حاضر ..بالفعل دخل رقية ع الحجز ورجع لطارق تانى ..طارق روح هات بيتزا وډخلها ليها تاكل البنت دى باين عليها محترمة وفيه قصة غامضة وراها وحسك عينك حد يعرف حاجة عن الموضوع ده
العسكرى علم وينفذ ي باشا ...وبعدها مشى
طارق شكل حكايتك حكاية ي رقية
بعدها اتصل
ايهاب تمام هخلص بس ملف ف ايدى وجايلك
دخل ايهاب لطارق وقال ايه ي ابنى فى ايه!
حكى له طارق قصة رقية وقال مش عارف حاسس ان البنت دى بريئة
ووراها سر كبير
ايهاب لو فعلا فيه حاجة هيبان ودى بقا شغل النيابة احنا لحد كده دورنا انتهى
طارق بس انا دورى مانتهاش ولا حاجة
ايهاب يعنى ايه!
طارق عايزك تشوفلى محامى عقر يمسك القضية دى
ايهاب اللاه لا افهم بقا الحوار ع ايه
طارق مفيش حوار ولا حاجة كل الحكاية انها وحيدة وصعبانة عليا مش اكتر
ايهاب بخبث بجد ميصعبش عليك غالى ي حبيبى
طارق بعصبية قوم من هنا ي ايهاب يلا امشى بدل ما احبسك
ايهاب بدلع طيب ي اخويا متزقش
فى شركة كمال كان قاعد بمكتبه بيمضى اوراق ومعاه السكرتيرة وصل دراعه اليمين ويدعى مرتضى
كمال ها عملت ايه!
مرتضى اوامرك اتنفذت بالحرف
نظر كمال للسكرتيرة اوك ي نانسى اتفضلى انتى
خرجت واغلقت الباب .....كمال عملت ايه بالظبط!
مرتضى اكدت ع كل المحامين اللى ف البلد ان محدش يوافق يمسك قضيتها وطبعا كله وافق
كمال بابتسامة حلو اوى
مرتضى بغمزة وطبعا حضرتك بعدها تجيب ليها اكبر محامى ويخرجها من الورطة دى وتاخد بوينت محبة
كمال يعجبنى فيك ذكائك ي مرتضى مش بتتعبنى كتير
مرتضى تربيتك ي باشا ...بس اللى عاوز اعرفه انت سايبها ليه بالحجز الوقت ده كله
كمال كده هتخلينى اغير وجهة نظرى عنك سايبها عشان تتعذب شويه عشان تعرف انى انا الوحيد المنقذ ليها من العڈاب ده فتوافق ع اى حاجة هطلبها وتنفذها برضا وطيب خاطر خصوصا بعد ما اخوها اللى ليها اتبرى منها وكمان انا موصى عليها توصية جامدة ف الحجز
مرتضى دماغ شغالة مش بتنام
كمال اسمع عاوزك تعملها زيارة أكل وتحط ف وسطه الورقة دى
مرتضى وزير الحنية والله قلبك كبير اوى
كمال امال يلا نفذ
فى المساء كان طارق ف مكتبه بعد ما انهى احدى المأموريات المكلف بها دخل عليه ايهاب ايه ي ابنى مبهدل كده ليه!
طارق مفيش كان عندى مأمورية المهم كلمت المحامى اللى قولتلك عليه
ايهاب ايوة بس رفض يمسك القضية وفيه حاجة تانية انت هتستغربها
طارق باهتمام ايه!
ايهاب كل المحامين اللى كلمتهم بلا استثناء رفضوا القضية رفض تام
طارق اشمعنا!
ايهاب ده نفس السؤال اللى جه ف دماغى عشان كده خدت بعضى وروحت ع مكتب واحد منهم ليا واحد قريبى شغال عنده محامى تحت تدريب وسألته عن سبب رفض المحامى ده للقضية قالى انها تعليمات جاية ليه ومش ليه هو وبس لكل المحاميين اللى جوة البلد
طارق تعليمات من مين بالظبط !
ايهاب من صاحبك
طارق صاحبى مين! ثم سكت قليلا واتسعت عينه اوعى تقول كمال ابو الليل
ايهاب هو بعينه
طارق باستغراب طب وكمال هيستفاد ايه لما يعمل كده ف بنت زى دى وايه اللى بينهم اصلا لا كده الحكاية فيها سر وانا لازم اعرفه
ايهاب هتعمل ايه يعنى!
طارق سيبها عليا متشغلش دماغك انا هتصرف لو احتاجتك هعرفك
ايهاب اشطا هقوم انا
خبط الباب ودخل العسكرى ي باشا زيارة الاكل دى لرقية منصور
طارق من مين!
العسكرى معرفش والله ي باشا هو عطانى الاكل وقالى ادخله
طارق طب هاته وامشى انت
ايهاب فى ايه ي ابنى مدخلتوش ليه!
طارق مين اللى بعته وبعته ليه!
ايهاب امرك عجيب ي اخى ما يمكن حد من اهلها
طارق اهلها متوفيين وملهاش غير اخ واحد متبرى منها
ايهاب بغمزة ده انت عملت تحرياتك بقى
طارق مش وقت خفة دمك استنى افتحه يمكن نلاقى حاجة كده ولا كده
فتح طارق الاكل ولاحظ وجود ورقة مدسوسة وسط الفراخ اخدها وفتحها ولقى مكتوب فيها ي حبيبتى ي روقا معقول كان حد يصدق ان واحدة زيك يكون
الفصل الثالث
فتح طارق الاكل ولاحظ وجود ورقة مدسوسة وسط الفراخ اخدها وفتحها ولقى مكتوب فيها ي حبيبتى ي روقا معقول كان حد يصدق ان واحدة زيك يكون ده مصيرها بس متقلقيش لو الكون كله اتخلى عنك انا مش هسيبك واوعدك انى هخرجك من هنا واللى حصلك بالحجز ده مش هعديه وهدفع كل واحد اذاكى التمن غالى اوى اخوكى كمال ف ضهرك
ايهاب اظن احنا كده اتأكدنا ان فيه حاجة بينهم والا ايه يخليه عاوز يساعدها
طارق او يمكن فيه حاجة تانية غير المساعدة
ايهاب بعدم فهم ازاى يعنى!
طارق لما هو
عاوز يساعدها ليه يطلب من كل المحامين ان محدش يترافع عنها وكمان فيه حاجة تانية هو عرف ازاى باللى حصل بالحجز!
ايهاب ليه هو ايه اللى حصل بالحجز اصلا!
طارق شوفت انت نفسك ظابط هنا ومعرفتش باللى حصل هو بقى عرف منين وكمان محدش عرف باللى حصل غيرى انا والعسكرى اشرف
ايهاب فعلا غريبة طب هو ايه اللى حصل برضه عاوز افهم
حكى له طارق ما حدث ...ايهاب بس انا كده فهمت انت شاكك انه هو اللى وز البت دى عليها تضربها
طارق انا مش شاكك انا متأكد من كده بس لازم اعرف هو بيعمل كده ليه وعاوز ايه ولو اللى ف دماغى صح يبقى هو اللى ملفق ليها القضية
ايهاب امممم وناوى تعمل ايه ولا تعرف ازاى !
طارق هتشوف دلوقتى
رن الجرس ودخل العسكرى اشرف تمام ي باشا
طارق عاوزك تجيب البت اللى اسمها فادية من الحجز
اشرف حاضر
راح اشرف جابها وخرج ..فادية بضحك اكيد ي باشا عرفت ان البت دى بتتبلى عليا وهترجعنى الزنزانة بتاعتى مش كده
قرب طارق منها وعلامات الشړ ع وجهه خاڤت فادية ورجعت لورا ..طارق بفحيح افعى هتقولى الحقيقة ولا تحبى تشوفى وشى التانى
فادية وهى بتبلع ريقها حقيقة ايه ي باشا!
طارق مين اللى حرضك تعملى كده فيها!
فادية ها هيكون مين يعنى ي باشا واحنا اصلا مرمين ف الحجز لا حد بيجى ولا حد بيروح
طارق انا كنت عارف انك هتتعبينى بصى ي فادية ما هو ي تعترفى ي اما هلبسك شوية قضايا اوديكى بيها ورا الشمس ..ثم قال بصوت عالى افزعها
انطقى ي بت
فادية بارتجاف ي باشا صدقنى محدش طلب منى حاجة
طارق ده انتى مصممة بقا خلاص نخليكى
فادية پخوف خلاص ..خلاص بالله عليك ي باشا ما تضربنى انا ..انا هقول كل حاجة
طارق حلو ها هاتى اللى عندك
فادية اللى طلب منى اعمل كده واحد اسمه مرتضى الزناتى وهو اللى جاب البت عندنا الشقة
طارق جابها الشقة ازاى!
فادية مرتضى ده زبون عندنا وتقيل قالى انه هيجيب بنت عندنا وطلب مننا نحطها ف اوضة ومحدش يقرب ناحية الاوضة بتاعتها نهائى وكان وشها فقر جابها وانتم كبستوا بعدها بساعة
طارق وبعدين
فادية جاتلى زيارة اكل ولقيت ورقة من مرتضى بيقولى اروق عليها واضړبها وانه هيخرجنى من هنا وهيعطيلى ضعف المبلغ كمان
طارق فين الورقة دى
فادية والله ي باشا قطعتها ورميتها
طارق حلو اوى ي فادية انا مبسوط منك اوى عشان كده هرجعك الحجز بس بشرط
فادية اؤمرنى
طارق لو مرتضى اخد خبر بأنك اعترفتى بحاجة هو اللى هيخلص عليكى
مش انا
فادية پخوف انا خارسة اصلا ي باشا
طارق نده لاشرف وقاله ياخدها ع الحبس ...ايهاب يعنى طلعت القضية متلفقة ليها فعلا
طارق عيب عليك
ايهاب هتعمل ايه دلوقتى!
طارق هجيب ليها محامى وهخرجها من هنا بس الأول اجمع ادلة براءتها عشان تخرج من النيابة ع طول متتحولش للمحكمة
ايهاب ربنا يعينك ي صاحبى ولو احتاجتنى انا معاك
طارق حبيبى مستغناش
فى اليوم التالى كان كمال ف شركته دخلت عليه نانسى كمال بيه فيه واحد برة عايز يقابلك
كمال
نانسى بيقول اسمه محمد ابو الدهب
كمال بضحكة صفرا الطعيه برة نص ساعة قوليله عنده اجتماع وابقى دخليه بعدها
نانسى حاضر
عدت النص ساعة ودخل محمد لمكتب كمال اللى قام وقف
