قانون الحب
المحتويات
اهلا اخويا الغالى ايه ي عم الخطوة العزيزة دى
محمد الله يخليك ي غالى انا كنت جايلك ف حوار كده
كمال ي سلام عنيا بس قهوتك ايه الاول
محمد ع الريحة
كمال عنيا ...طلب كمال القهوة وبعدها ها ف ايه!
محمد بصراحة رقية صعبانة عليا اوى رميتها دى بالحجز وعاوز اوقف ليها محامى
كمال وبعدين برضه قلبك الابيض ده مفيش فيه فايدة حتى بعد اللى عملته
محمد بس انا متأكد انها بريئة اختى متعملش كده ابدا
كمال واهى عملت تفتكر لو بريئة كانت فضلت ف الحبس لحد دلوقتى ليه ي راجل دول قابضين عليها
محمد عندك حق
كمال طيب مقولتليش ايه رأيك ف حوار الشغل اللى عرضته عليك
محمد موافق طبعا هو انا هلاقى فين شغل احسن من كده وكمان كفاية انه معاك
كمال حبيبى
خد بقا المبلغ ده خليه معاك
محمد ده ليه!
كمال عايزك تنزل تروق ع نفسك كده كام بدلة ع كام جزمة عاوزك برنس
محمد طب ما انا معايا فلوس وهجيب
كمال ي راجل عيب فلوسنا واحدة
محمد ربنا يخليك لينا ي غالى هستأذن انا بقا عشان مأخركش ع اشغالك
دخل مرتضى وقال ده كان هنا عاوز ايه!
الفصل الرابع
وخلى بالك لانه العصفورة الجديدة بتاعتنا اهو نستفيد منه ونرميه جنب اخواته اللى بالسجن
مرتضى استاذ ورئيس قسم طول عمرك ي باشا
كمال المهم كلمت انيس المحامى وعرفته تفاصيل القضية الجلسة بكرة
مرتضى اه ي باشا كلمته وقال انها بسيطة وهيخرجها ف لمح البصر
كمال حلو اوى يوم وهتبقى بتاعتى ي رقية
مرتضى نقول مبروك مقدما ي باشا
كمال تؤ مبروك دى تقولها لما تلاقيها عندى ف بيتى تحت رحمتى روح انت خلص بقيت الشغل وانا هرجع ع البيت ارتاح لازم اجهز مش هبقى عريس
مرتضى وسيد العرسان ي كبير
فى البيت عند محمد يدوب دخل ورمى نفسه ع الكنبة فجأة رن فونه ...محمد الو ي باشا
......... ها عملت اللى قولتلك عليه وروحت لكمال
محمد ايوة وزى ما انت قولت بالظبط حصل وكمان عطانى فلوس اجيب بيها بدل
......... يبقى ناوى يعمل فيك زى غيرك يورطك انت ف القضايا ويطلع هو ملاك
محمد انا عاوز اشوف رقية ي طارق بيه وحشتنى اوى بجد وكمان عاوز احكى الحقيقة لفاطمة وارجعها البيت
طارق لا ي محمد اوعى تقول لمراتك حاجة لو رجعت ع البيت ده هيخلى كمال يشك فيك وممكن يخلص عليك
محمد طب هفضل ع الحال ده لحد امتى!
طارق انت وشطارتك عرفت توصل للورق اللى يوقعه وتجيبه ليا يبقى كده مهمتك خلصت
محمد هحاول ....طب ورقية هتفضل بالحجز كده!
طارق متقلقش انا محضر حتة مقلب لصاحبك هيولعه
محمد مقلب ايه!
طارق هتعرف بكرة المهم تخلى بالك من نفسك كمال مش سهل احنا مسمينه فى الادارة عندنا الحرباية انت فاهم انا عاوز اقول ايه!
محمد فاهم ي باشا وربنا يستر ان شاء الله
طارق تمام يلا سلام
قفل طارق ونده ع العسكرى تمام ي باشا
طارق عاوزك تجيب رقية ابو الدهب من الحجز
العسكرى تمام ي فندم
راح العسكرى وجاب رقية لطارق وكان وشها بهتان وباين عليها الخۏف وانها معيطة جامد
طارق خاېفة!
رقية اكيد الجلسة بكرة ومفيش محامى راضى يترافع عنى كده هتحجز تانى صح
طارق لا مټخافيش فيه محامى هيترافع عنك بكرة
رقية بفرحة بجد ...محمد اللى جابه صح!
طارق لا مش محمد انا اللى جيبته
رقية حضرتك! وانت ليه عملت كده
طارق يمكن عشان مصدقك وعارف وواثق كمان انك بريئة
رقية عرفت ازاى وجايب الثقة دى كلها منين
طارق تعالى ي رقية
قامت رقية وقفت جنبه شغل طارق الكمبيوتر وعليه مقطع فيديو ليها وهى واقفة جنب العربية وبتقرأ الورقة وفجأة اترش ف وشها بنج مخدر ووقعت ع الارض ونزل اثنين شالوها وحطوها بالعربية
رقية بدموع ي ولاد ال عشان كده مفتكرتش اى حاجة لما فوقت طب ده نص الحكاية
طارق ارتاحى ي رقية الاول واهدى ...طلب ليها عصير ليمون وشربته وهديت شويه ...طارق احسن
رقية الحمدلله ممكن تكملى بقيت الحكاية
طارق عارفة فادية اللى ضربتك ف الحجز دى اصلا صاحبة الشقة اللى انتى كنتى فيها وواخدة تعليمات من حد انها تعمل فيكى كل ده
رقية پصدمة حد ....حد مين انا عمرى ما اذيت حد عشان يفكر يإذينى بالشكل ده!
طارق تعرفى كمال ابو الليل
رقية باشمئزاز وليه السيرة دى
طارق عشان هو اللى عمل فيكى كل ده ي رقية
رقية پصدمة كمال....كمال هو السبب ف كل ده طب ليه
طارق ليه دى اجابتها عندك انتى وانا اللى محتاج اعرف هو ليه بيعمل كده
رقية بدموع كمال كان شغال صبى ف ورشة بابا الله يرحمه وتقدر تقول متربين سوى حبيته وهو كممثل او بمعنى اصح كان بيضحك عليا لحد ما اكتشفت انه كان بيمثل عليا الحب بس عشان الورث اللى هاخده من بابا لما عرفت كده بعدت عنه وقولت لبابا عشان كده بابا طرده من الورشة بعد مدة حوالى ٥ سنين
رجع كمال بس غير اللى نعرفه كان رجل اعمال ومشهور وسمعت بابا ف يوم بيقول لمحمد اخويا ان اللى مقوى كمال بالشكل ده واحد بيشتغل ف المديرية
بعدها بابا اتوفى وحاول كمال انه يتودد لينا ولان والدتى ست ع نياتها سامحته وطلبت مننا نعامله كويس حاولنا
بس انا مقدرتش عرض عليا الجواز اكتر من مرة وانا رفضت عيطت جامد بيا ضړبته بالقلم وهددته انى هعمل فيه محضر عدم تعرض لو مبعدش عنى
قالت كلماتها الاخيرة وكان طارق قابض ايده پعنف لدرجة ان ضوافره جعلت ايده ټنزف برزت عروق وشه وايده بشكل غريب وپغضب مكبوت كملى
رقية من بعدها مشوفتوش وقولت خلاص كده خلصت منه اتاريه كان بيخطط ازاى يردلى القلم
طارق بهدوء متقلقيش ي رقية اوعدك انه هدفعه التمن غالى قصاد كل ۏجع اتسبب ليكى فيه
رقية انا كان نفسى بس محمد ميصدقش اللى اتقال عنى كان نفسى يكون جنبى
طارق مسيره يفهم ويتلم شملكم من جديد
رقية معتقدش انى هقدر اسامحه بعد ما اتخلى عنى ف محنتى وصدق الكلام اللى اتقال عنى
طارق الايام جاية ومحدش عارف مخبية ايه المهم عاوزك تطمنى وتكونى قوية الجلسة بكرة الساعة ١١ الضهر
رقية ع الله انا متشكرة جدا لحضرتك مش عارفة اردلك جميلك ده ازاى
طارق بابتسامة بعدين ي رقية اخرجى بالسلامة وابقى ردى الجميل براحتك
نده طارق ع العسكرى واخدها رجعها ع الحجز ..تانى يوم كان كمال واقف تحت مكان النيابة ووصل انيس المحامى قبل ميعاد الجلسة بنصف ساعة
كمال ها ي انيس جهزت كل حاجة
انيس اطمن ي كمال بيه كله تحت السيطرة والانسة رقية هتخرج النهاردة بعد ما نخلص كل الاجراءات
كمال عارف ي انيس لو رقية مخرجتش انا هعمل فيك ايه
انيس وهو بيبلع ريقه پخوف وليه الټهديد والتوتر ده بس ي كمال بيه ده حتى مش حلو عشانى ف الوقت ده وبعدين انت عارفنى كويس عمرك قصدتنى وخذلتك!
كمال المرة دى غير اى مرة بالنسبة ليا الغلطة منك بالجيم كله
انيس اطمن ي باشا ان شاء الله مفيش اخطاء ولا حاجة عن اذنك
طلع انيس ع فوق ووقفه صوت ايهاب استاذ انيس المحامى
انيس ايوة ي فندم خير فيه حاجة!
ايهاب انت جاى عشان تمسك قضية رقية ابو الدهب مش كده
انيس ايوة
ايهاب شكرا لتعبك ي متر الانسة رقية فيه محامى تانى ماسك قضيتها استاذ احسان عبدالملك اكيد حضرتك تسمع عنه مش كده
انيس طبعا ي فندم ده اشهر من الڼار ع العلم بس مين اللى جابه ليها
ايهاب رئيس مباحث زميلنا اسمه طارق المغازى
انيس تمام عن اذنك
نزل انيس وكان كمال مستنيه نزل كمال من عربيته پغضب انت رايح فين ميعاد الجلسة قرب ي بنى ادم
انيس عيب اوى ي كمال بيه لما تجيبنى وتهددنى وتوترنى وتسيبنى اشغالى عشان القضية دى وف الاخر يكون ماسكها اكبر واشهر
كمال پصدمة ايه وده مين اللى جابه !
انيس رئيس مباحث اللى وكله ليها اسمه طارق المغازى
كمال پصدمة مين..طارق المغازى ضړب ع العربية پغضب وزعق ف انيس غور من وشى
مشى انيس بسرعة اما كمال ساق عربيته وراح ع شركته وكان بيرزع ف كل حاجة تقابله ف المكتب
مرتضى خير ي باشا مالك متضايق كده ليه!
كمال الكلب اللى اسمه طارق جاب محامى لرقية بيعمل كده عشان يستفزنى بس لا انا مش هسكت
مرتضى اؤمر وانا انفذ
كمال عاوز اخلص منه ي مرتضى ووووو....يتبع
الفصل الخامس
عاوز اخلص منه ي مرتضى الظابط ده زودها معايا اوى وان الاوان ينزاح من طريقى
مرتضى ي باشا الموضوع مش سهل ده ظابط وممكن نروح ف داهية
كمال وايه يعنى ظابط هى اول مرة نعملها ولا ايه وبعدين الاوامر جات من الباشا بنفسه
مرتضى باهتمام لا طالما ضهرنا محمى يبقى علم وينفذ ي باشا النهاردة هتسمع احلى خبر
كمال وفيه حاجة كمان عاوزك تروح عند المحكمة وتشوف مراتى المستقبلية فين وتجيبها لحد عندى بالذوق او بالعافية انت فاهم
مرتضى فاهم ي باشا
كمال يلا روح نفذ اللى قولته وخلى بالك مش عاوز اى غلط
مرتضى عيب ي باشا
مشى مرتضى وقعد كمال ع المكتب وهو ساند
راسه ع الكرسى وقال لنفسه هانت ي كراميلا هنضرب عصفورين بحجر والفرحة هتكون فرحتين
فى بيت فاطمة كانت قاعدة بتذاكر لابنها يونس ...يونس ماما هو احنا هنروح امتى
فاطمة شويه كمان ي يونس لسه معرفش
يونس بس بابا وحشنى اوى ده حتى مش بيكلمنا بالفون وهو فعلا وحشنى
فاطمة بتنهيدة هيكلمك ي يونس
يونس طب وانتى مش هتكلميه!!
فاطمة وانت مالك بتسأل كتير كده ليه وبعدين قولتلك الف مرة متدخلش ف اللى بينى وبين ابوك
يونس بدموع اسف
فاطمة ودمعت انا اللى اسفة ي روحى بس اطمن ان شاء الله هنرجع انا وبابا قريب
يونس ياريت ي ماما انا بحبك انتى وبابا اوى وعاوز اعيش معاكم انتم الاثنين
فاطمة ان شاء الله يلا اعمل الواجب وتنام عشان المدرسة بكرة بدرى
يونس حاضر
خرجت فاطمة ولقت فردوس امها تنظر لها برضه ي فاطمة مش هتريحنى وتقوليلى ايه اللى حصل بينك وبين جوزك
فاطمة تانى ي ماما ما انا قولتلك نفسيتى تعبانة شويه وعايزة اغير جو
فردوس ي بت ع امك ده اللى ربى خير من اللى اشترى انتى عمرك ما غضبتى ابدا حتى محمد مكلفش خاطره وجه ولا حتى اتصل
فاطمة الغايب حجته معاه وكمان كده احسن عاوزة ارتاح شويه ولا انتى مستتقلة مننا!
فردوس اخص عليكى انا برضه استتقل منك ده لو الارض مشالتكيش اشيلك فوق دماغى
فاطمة ربنا يخليكى لينا ي ست الكل انا هدخل انام
فردوس نوم الهنا ي بنتى
عند محمد نزل اشترى بدلة وحلق دقنه وراح لكمال ع الشركة
كمال بتفاجئ ايه ي عم الشياكة دى
محمد من بعض ما عندكم ي كمال بيه وبعدين كله من خيرك برضه
كمال وبعدين بقى ف الكلام اللى يزعل ده ..اعرفك ده مرتضى دراعى اليمين
محمد اهلا استاذ مرتضى
كمال مرتضى بقى هيعلمك ويعرفك كل حاجة ف شغلنا من الصغيرة للكبيرة واى حاجة تقف ادامك كلمه ع طول
محمد تمام ي بيه
مرتضى اتفضل معايا ي استاذ محمد
راح محمد مع مرتضى وابتدى يعلمه الشغل ...مرتضى ها فهمت بقا
محمد فهمت اوى ده شغل سهل جدا وبسيط
مرتضى هو يبان سهل بس اهم حاجة اللى يسد
محمد ان شاء الله هسد كمال بيه عارفنى معرفة شخصية وعارف انى رقبتى سدادة
مرتضى ربنا معاك عن اذنك
مشى مرتضى وبدء محمد يعمل الشغل وبعد ما خلص دخلت ليه السكرتيرة كمال بيه عاوزك حضرتك
محمد هقفل الملف وجاى حالا
دخل محمد لكمال افندم
كمال ما شاء الله عليك ي محمد خلصت شغلك وبدقة كبيرة
محمد شغلى ي باشا
كمال حيث
محمد رقبتى سدادة
كمال عاوزك تاخد الشنطة دى واحد هيستناك بالكافيه اللى جنب الشركة هتسلمها ليه وهيسلمك شنطة تانية تجيبهالى وتيجى
محمد حاضر امتى
كمال دلوقتى هو بانتظارك انت اكتر واحد استأمنه كان لازم انزل بنفسى بس عندى شغل مهم زى ما انت شايف
محمد عنيا
نزل محمد راح ع الكافيه وكان الشخص اللى الاخر لسه موصلش فكر محمد يفتح الشنطة ويشوف فيها ايه بس لاحظ ان مرتضى بيراقبه وده لان انعكاسه كان ف
الازاز حط الشنطة جنبه وفضل مستنى الشخص سلمه الشنطة واخد منه الشنطة الاخرى وطلع لكمال
محمد اتفضل الشنطة
كمال بابتسامة حبيبى ي محمد
باشا تقدر تروح
مشى محمد ودخل مرتضى واضح ان العصفورة امينة اوى ي باشا وهتطول معانا
كمال اممم بس مش اوى المهم عملت ايه
مرتضى الظابط قلبه حنين اوى اخد رقية ع شقة ف مدينة نصر عرفت انها بتاعته بس مقفولة اصله هيتجوز فيها
كمال تمام والظابط!
مرتضى فكينا فرامل العربية يعنى قضاء وقدر ي غالى
كمال تعجبنى
بعد ما وصل طارق رقية ....رقية الله الشقة حلوة والاستايل بتاعها جميل اوى بجد
طارق انتى هتعيشى هنا لحد ما ربنا يسهل
رقية طب هدفع ايجارها ازاى دى اكيد غالية اوى!
طارق وانتى مفكرة انى هاخد منك فلوس مثلا
رقية هو انت بتعمل معايا كده ليه!
طارق بعدين هتعرفى
رقية بعدين ده اللى هو امتى يعنى!
طارق بابتسامة قريب ان شاء الله عندك اكل بالتلاجة وارجوكى ممنوع تنزلى لاى ظرف مهما كان ولو حد خبط مترديش ولا تفتحى خلى الفون ده معاكى انا لما اجى هرن عليكى اعرفك تفتحيلى
رقية بدموع ونظرة امتنان شكرا
نزل طارق وركب عربيته ولقى فونه بيرن ....ايهاب انت مبتردش ليه
طارق جاى اهو ي ابنى انا
ف العربية
ايهاب پصدمة لا اوعى تسوق ي طارق فرامل العربية مفكوكة وووووو.....يتبع
الفصل السادس
اوعى تسوق ي طارق الفرامل مفكوكة انزل من العربية بسرعة انا شوفت واحد بيفكها ليك
طارق بص ف المراية ولاحظ وجود عربية وراه انت فين ي ايهاب !
ايهاب انا ف العربية المتفيمة اللى ف الجنب التانى حاول تبين ان فيه عطل او حاجة واعمل نفسك بتطلب اوبر انا كده وفيه واحد من رجالتنا هيجيلك دلوقتى
نزل طارق من العربية وبص عليها وعمل ان فيه عطل لما قطع اسلاك معينة منها ومسك فونه وعمل اتصال وبعد ربع ساعة جاله الاوبر اخده
واحد من اللى ف العربية الو ي مرتضى بيه العملية متمتش
مرتضى نعم يعنى ايه متمتش وازاى!
........ والله ي فندم احنا فكينا الفرامل بس تقريبا كان فيه عطل تانى بالعربية عشان كده مساقش ونزل طلب اوبر
كمال كان
قاعد وسامع كل حاجة لان الميك كان مفتوح مسك الفون من مرتضى ورزعه بالارض يعنى ايه كل مرة انصبله الفخ يطلع منه ايه مخاوى ولا يكونش فيه دسيس وسطنا بينقله اخبارنا
مرتضى لا طبعا ي باشا لو كان فيه حد زى ما بتقول كان اتعرف من زمان هو حظ
كمال متعصبنيش انت كمان كل مرة يفلت تقولى حظ ازاى يعنى
مرتضى يا باشا طب اؤمر
كمال لا المرة دى انا اللى هعمل بنفسى مش هعتمد عليك كل مرة تقولى اؤمر ومفيش حاجة بتتم اتفضل روح ع مكتبك
خرج مرتضى وهو عمال يلعن فيه ...كمال ماشى ي طارق بيه هنشوف مين فينا هيضحك ف الاخر
عند طارق اللى كان بيضحك انا نفسى اشوف منظره دلوقتى بجد عامل ازاى!
ايهاب اكيد ضربتين ف الراس توجع
طارق بس انت عرفت ازاى بحكاية الفرامل دى
ايهاب بعد الجلسة شوفتك وانت نازل مع رقية ولاحظت مرتضى كان واقف مع اللى كانوا بالعربية وبيشاور عليك عرفت ان نيته مش خير نزلت ركبت العربية ومشيت وراهم بدون ما حد يحس وشوفتهم وهما بيفكوا الفرامل طبعا حاولت ارن عليك كذا مرة معاليك مبتردش ومأخدتش بالى اصلا انك
طارق بس هو كده عرف طريق رقية وممكن يحاول يإذيها
ايهاب متقلقش حاطط عيون لينا هناك لانى خمنت كده برضه اطمن هتكون بخير
طارق بامتنان شكرا ي صاحبى
ايهاب حبيبى المهم مقولتليش ازاى اقنعت محمد
متابعة القراءة
