انثي من نار بقلم مرفت السيد

اتفضل فهمني مين دي
عدي ماقولتلك جينا مراتي
منصور انا مش ضد جوازك ولكن في اصول
عدي انا مش عيل عشان اخد الاذن
منال امال تتجوز بدون علمنا من واحدة ياعالم. مين دي عشان اهلها يوافقو بيك من غير اهلك دة لو كان ليها اهل
عدي بعد اذنك ياامي الكلام دة مينفعش
منصور ماتتكلم يابابا يرضيك كدة
الجد قام وقال اهدو وبلاش كلام دلوقتي استنو لما الضيوف يمشو
عدي عين العقل ياجدو
التوإم اقتربومن حلا وحسن قال انتي في كلية الطب صح
حلا بذهول ايه ده عرفت ازاي
حسين شفناكي واحنا بنزور معيد.
صاحبنا هناك
وهما بيتكلمو
عدي كان بيراقب الموقف وهو يشعر بالضيق وبنات هالة بيراقبو الموقف وهما متضايقين وجريو على امهم
سمر البنت الكبيرة قالت ماما الحقي حسن وحسين بيعاكسو بنت عم عدي المغرورة دي
ردت سهى البنت الصغيرة وهي بتبص لحلا من فوق لتحت دي كلها صناعي امال لو كانت حلوة شوية هما ولاد خالي ذوقهم انحدر اوي ليه كدة
هالة بخبث صبركم عليا ولاد خالكم ليكم وهاتشوفو
وراحت هالة ندهت على حسن وحسين الي كانو بيتكلمو بود مع حلا وقالت تعالو هنا ياولاد اخويا عاوزاكم
استأذنو وذهبو لعمتهم التي ظلت تتحدث معهم لتشغلهم. عن. حلاوغمزت لبناتها حتى يساعدوها في ابقائهم منشغلين عن حلا
اما عدي فنسي وجود زوجته واستشاط غيظا وذهب لحلا وقال
عدي وهو وشه احمر ساب مراته الي كانت واقفة لوحدها حاسة انها متطفلة ومحدش طايقها وراح لحلا كانت بتلاعب باسم
وفجأة لقت عدي في وشها اول مابص لعنيها الڼار الي جواه خمدت وقالها عاملة ايه ياحلا
ابتسمت الحمد لله مبروك وكل سنه وانت طيب
وضحكت واستطردت ولا اقولك ربنا معاك على الي جاي
ابتسم وقال حسن وحسين ولاد خالتي مالهم بيكي كانو بيقولولك إيه
بصتله باندهاش بتسأل ليه
عدي مش بتعتبريني اخوكي انا بخاف عليكي اوي..
بصتله پصدمة
رد بسرعة وو وعلى كل بنات عمي طبعا وبعدين انتي من امتى بتكلمي شباب خصوصا غرباء عنك
أنا ممكن ارد طيب ولا في محضر اتفتحلي من حضرة الظابط
اسف
اتفضلي طبعا
اولآ انت عارف اخلاقي وطريقتك فيها تشكيك بارفضه مش عيب اني اتعامل مع شباب انا بادرس ومسيري هشتغل ولكن الاهم اتعامل باحترامي
ثانيا جدي موجود والعيلة كلها والحمد لله واثقين فيا وعارفين ان ليا حدود ومحدش عمل زيك وحسسني اني غلطانة
بشيء
ومع اني مش مجبرة ارد عليك بس امراما للاخوة هقولك شافوني بالكلية وانا وزمايلي بنتناقش مع معيد عندنا يبقى صديقهم وكانو بيشبهوا عليا لاني عطلتهم عن الخروج معاه بسبب مناقشتي معاه
ثالثا بقى انا مش فاهمه اكتر من سنة مش بتسأل عني وبتجتنب تكلمني لما بتنزل اجازة ومع ذلك جاي تستجوبني
عدي حس باحراج وقال لنفسه دي حلا البريئة الهادية دي اتغيرت وبتعرف تتكلم وتتناقش
بصلها وعلى وجهها ابتسامة هادئة وقالها دة خوف عليكي وانا الظاهر اني نسيت ان الصغير بيكبر كبرتي ياحلا وبقى عندك شخصية وبتتكلمي شبه عمي منيرالله يرحمه
تربيته وليا الشرف اشبهه
نظر اليها وشعر بخفقان قلبه وقال طب ممكن متزعليش منى
انا مش زعلانه
اقصد عشان مكنتش باتعامل معاكي الفترة اللي فاتت بس كنت باتطمن عليكي من جدو وكنت حابب مافرضش عليكي نفسي خالص
محصلش حاجه ياعدي بس انت متعرفش معزتك عندي
بجد
طبعا
ابتسم
بسعادة وقال طب مفيش هدية بقى ولاايه
جه صوت انثوي من وراه حبيبي سايبني لوحدي ليه
وبصت لحلا بابتسامة صفرا وقالت مش هاتعرفنا
عدي عبير مراتي ودي حلا بنت عمي
تصافحا بابتسامة واستأذنت حلا وانصرفت
ثم عادت حلا وقالت عدي
نعم
ناولته هدية وقالت بابتسامة عقبال مية سنة
اخدها منها بابتسامة ولكن من داخله كان يرقص من السعادة
تابعها عدي بعينيه ومرة اخرى قاطعت عبير أفكاره وقالت عدي انا عاوزة امشي من. هنا اهلك مش عاوزني
عدي بعصبية انتي مع راجل المكان الي اقوله تعيشي فيه
عبير صمتت وهي خائڤة منه وقالت لنفسها مش طايق كلمة مني وبقاله ساعة واقف بيتكلم بكل رقة مع بنت عمه
عدي عرفها بعبير وفضلو يتكلمو سوا
وفجأة علا صوت الموسيقى ورقصت بنات خالاته الاربعة سويا بمنتهى الجراءة وسحبت احداهن عدي حتي يشاركها الرقص ولكنه رفض
الجد جلس بالبلكونة بعيدا عن الصخب واشار لحلا بالقدوم وقالها في إيه
قصت عليه حلا ماحدث فابتسم وقالها ابن.
عمك بس غيور على الي منه شوية
عادي ياجدو الموضوع مش شاغلني
حبيبة جت جري وقالت الحقو منال عاوزة تطرد مرات عدي وعدي بيزعقلها
الجد فين دة
حبيبة جوة في اوضة عدي انا سمعتهم
حلا عيب كدة يابيبة التصنت غلط
بدأ المدعوين بالانصراف ومنصور بيوصلهم
الجد ياللا بينا
كان الجد اخر المنصرفين ولكن منصور طلب منه البقاء
حلا قالت لجدها احنا هنطلع شقتنا عن اذنكم
وبعد ماوصلو شقتهم حبيبة قالت تفتكري عدي هايعيش بالشقة بتاعته الي في وش شقتنا
حلا هو حر بس دي محتاجة توضيب
حبيبة حلا اقولك على حاجة بس متزعليش مني
خير ياأروبة
انا كان نفسي تتجوزي عدي
اشمعنى
عشان. حنين علينا كل اجازة كان بيجيبلنا شيكولاتة ويفسحني مع منار ونور
ضحكت حلا يعني عشان مصلحتك انا بقى مالي
لا والله ماهو كان بيفضل يسألني عنك طول الوقت
اها طب بس بقى ياسوسة ياللا عالنوم
طب ممكن انزل اجيب منار واستأذن عمي
طيب بس بسرعة وانا هاقف عالسلم استناكي
وهي واقفة عالسلم سمعت زعيق وعدي بيقسم أنه هيعيش عالبلاط بس مش هايعرف امه تاني
والجد بيزعق وبيقول عيب يامنال احترمي وقفتي وانت ياجوز البط انت خلاص هاترجع تمشي كلام الحريم تانى
نورا قالت بعياط لو اخويا مشي انا مش هاقعد معاكم
دقيقة واحدة وهامشي معاه
حبيبة ومنار طلعو حلا دخلتهم وقفلت الباب
شوية وجدها طلع وبعد ماقعد وارتاح قالمنال دي يتفات لها بلاد
حلا قالتله انا ڠصب عني سمعت زعيق
الجد الكل مغلطه بس خلاص
الي حصل بقى هو مش طفل ومحكمة رأيها ميباتش بمراته في الشقة
وعدي كان هيطلع ينام هنا مع مراته واخته وانا حكمت انه بفضل في شقتهم وفي اوضته ومنال ملهاش دعوة بيهم لحد مايوضب شقته وينقلو فيها وبكرة هيطلع يقعد معايا عشان انا زعلان منه
حلا ربنا يهدي الحال
ياللا ياحبيبتي على النوم
تصبح على خير يارب
وانتي من اهله
وتاني يوم جدي طلب مني مخرجش من اوضتي لحد. ماعدي يمشي
جه عدي وقعد مع جدو وبدإو يتكلمو بصوت واطي ومع اني مش بحب اتصنت بس فضولي غلبني اتسحبت من اوضتي ووقفت على الباب المقفول عليهم وسمعت الحوار الاتي
الجد طبعا

زعلان ماانت كل يوم بتكلمني تطمن علينا وعليها بوجه الخصوص ازاي بقى اتجوزت ولاقولت ولا احترمت انك. طلبت ايدها من ابوها ومني ومع ذلك انت حر هي اصلا متعرفش حاجة والا كانت كرامتها وجعتها
عدي والله ياجدو جوازتي دي حالة انسانية دي كانت مرات صاحبي وكانت حامل وزميلي اټقتل في هجوم على كمين كنت معاه فيه وطلب مني اراعيها واحميها من اهله لانهم شداد وصعبين وهي ليها ورث من ابوها ومكانش في حل غير اني اتجوزها بعد. ماولدت وللاسف الولد نزل تعبان وبعد مااتجوزنا بفترة م١ت اعمل ايه ياجدو ارميها ملهاش حد واتعلقت بيا
الجد تمام بس الظاهر انك انت كمان ماصدقت جوازة بدون تكلفة وسهلة ومتقنعنيش انك كدة بتنفذ وصية صاحبك كان في طرق تانية غير الجواز
عدي لاياجدو انا اضطريت اتجوزها من كتر الضغوط
الجد يبقى تنسى حلا خالص
عدي مقدرش بس انا ساعات كنت بخاف من فرق السن دة انا اكبر منها ب سنين
الجد الي قولته هو الي هيتعمل انساها هي كدة بقت زي اختك
عدي اديني فرصة انهي حوار عبير بشكل هادي
الجد دي حياتك بس تفتكر بعد. ماعشمت بنت الناس بحمايتك ترميها كدة
عدي اعمل ايه انا مستعد ارمي روحي پالنار ولا ان حلا حد يبصلها غيري
عدا شهر وكان كل يوم منال تعمل مشكلة مرة مع ضرتها ومرة مع عبير وعدي لحد. ماعدي اتفق مع عمال يوضبوله الشقة وكان بيرجع من شغله ويطلع يتابعهم
وفي مرة خبط على حلا كانت لوحدهاوكانت ايده متعورة وطلب قطنة جريت وجابتله مطهر وشاش وقطن ولما لقت الچرح كبير ومليان ازاز طلبت منه ينده مراته عشان تكون معاه ويدخلو عندها
الغريبة انه ابتسم وقالها حاضر وقبل مايتصل جدهم كان. عالسلم طلب منه يطلع
ودخل عدي شقة منير وبدأت
حلا تعالجه
عدي كان بيتابع حلا وهو مأخوذ وبيحاول يغمض عنيه عشان محدش يلاحظ عليه حاجة
شوية وعبير مراته طلعت ولقت باب الشقه مفتوح وشافت المنظر دة ودخلت وقالت بصوت عالي بقى انت هنا وانا دايخة عليك
رد الجد اتفضلي يابنتي دة اټعور وحلا بتخيطله الچرح
عبيربعصبية زوحة غيورة وماراحش مستشفى ليه
وقبل ماحلا ترد
عدي سحب ايده من قدام حلا قبل ماتخلص و..
وقرب من عبير ووشه احمر وعنيه كلها ڠضب ورفع ايده ولطشها قلم من قوته اترمت على الأرض ومسكت خدها وعيطت
حلا جريت ساعدتها تقوم وعدي لسه بيقرب عشان يضربها
حلا وقفت حائل بينها وبينه وقالتله بحدة انت ازاي تمد ايدك على واحدة ست الي ربنا كرمها انت تهينها هو دة الي اتربينا عليه ياحضرة الظابط
انا شوفت عنفك. مع نورا بس كنت بقول من افعالها انما مراتك الي استئمنتك على نفسها عيب
تدخل الجد خلاص ياحلا هي استقزته وعيب ياعبير احنا ناس تعرف ربنا
عدي كل دة بيبص لحلا بذهول وقالها وهو مصډوم
وبيحاول كبت غيظه ياحلا افهمي الي قالته وحش في حقك محدش يتكلم عليكي حرف واسكت إلا انتي
وكمل
بسرعة او اي بنت في عيلتنا
حلا بتردد حتى لو كلامك صح مش بالضړب
وبصت لعبير الي كانت بټعيط وانتي يابنت الناس اتفضلي انتي وجوزك على شقتكم وتاني مرة فكري قبل ماتتكلمي
عدي سحب عبير ونزلو دخل اوضته وقالها قسما بالله تتكرر تاني لاتجوزلك 3 قدام. عنيكي انا لابحب الغيرة ولا ان حد يمس بنت من بنات عمي بكلمة فاهمة
هزت راسها بالايجاب
قالها انا خارج متعتبيش برة الاوضه فاهمة
حاضر
لبس هدومه ولسه هايخرج اكتشف انه نسي فونه عند حلا
طلع لوحده وخبط فتحتله حلا قالها نسيت الفون
ناولته الفون قالها انا مش عاوزك تاخدي فكرة وحشة عني عبير دي اتجوزتها تعاطفا مع ظروفها ومينفعش تضايقك بكلمة ولااي مخلوق
كان بيتكلم وهو بيجز على اسنانه حلا ابتسمت من اسلوبه
وقالت جدو بيشرب قهوة بالبلكونة تحب تدخل اشرب معاه وتهدي اعصابك
ابتسم وقالها مش هاضايقك
لأ انت نيتك صح اسلوبك غلط
طيب ادخل الاول لجدو ونتناقش عشان افهم قصدك
دخلته لجدها وعملت قهوة وقعدت معاهم
عدي قال فهميني بقى
ياعدي انا لاحظت فيك من زمان انك لماويتاخد موقف بتكون صح وصاحب حق
بس طريقتك غلط
الجد قصدك عڼيف شوية
اه ياجدو ومتهور
عدي تهمة مش هانكرها
رن فون حلا برقم غريب
دخلت اوضتها وردت السلام عليكم
صوت رجل دكتورة حلا معايا
مين حضرتك
انا خالد المعيد بتاعك
اهلا بحضرتك خير
خير إن شاء الله عندي فرصة بمستشفى بابا في الإدارة في الاجازة لو تحبي تشتغلي وتتدربي تعالي بكرة وقي كام حد من زمايلك معانا
ياريت مفيش مانع
هبعتلك العنوان عالواتس بانتظارك
تمام باذن الله
اغلقت الخط وقلبها يدق بسرعة من السعادة لسماع صوته وفتحت الواتس على رسالة منه بالعنوان وفضلت تبص على صورته
وافتكرت الرقم الي بيضايقها وشعرت بالضيق
جدها نده عليها ياحلا تعالي في حاجة ولاايه
قصت عليه ماحدث بالمكالمة وعدي بيتابعها
الجد روحي وشوفي بس لازم. حد يوصلك ويكون معاكي عشان اكون متطمن
عدي انا هاوصلك واستناكي
الجد كويس اوي باذن الله في مانع ياحبيبتي
حلا مفيش مانع بس ممكن ياعدي اديلك رقم بيضايقني برسايل ومعرفش رقم مين
عدي پغضب هاتيه ومتشغليش بالك
واخد الرقم وانصرف
زمايل حلا بعتولها عالواتس وكلهم فرحانين بالفرصة الي خالد ررشحهم ليها
عدي طول الليل بيحلم بخروجه مع حلا ومحتارة تلبس ايه وشكلها هايكون ازاي لوحدهم لأول مره
وحلا طول الليل بتحلم بمقابلة خالد
باليوم التالي ذهبت حلا بصحبة عدي
بمجرد انصرافه دخلت منال غرفة عدي ووجدت عبير نايمة
فنظرت اليها پحقد قبل ماتصحيها
قومي يابرنسيسة اعملي الاكل انا تعبانه وضرتي عند اخواتها عي ومنصور والبنات راحو النادي والاكل مش هيتغمل لوحده قومي قامت قيامتك
قامت عبير وجريت عالمطبخ
منال تخلصي الاكل وعالغسيل ياغندورة
عبير حاضر ياماما
ماما في عينك يابت انا اسمي طنط منال
عبير في سرها طنط تنططك ياشيخة
وشرعت بعمل الغدا
اما منال جلست تتوعدها وفرصتها والبيت فاضي
بمجرد. انطلاقه بالسيارة قالها على فكرة هديتك رقيقة وذوقك حلو واهي منور ة العربية
ابتسمت حلا وبصت عالمصحف والسبحة وقالتله عدي ممكن اسألك سؤال
اتفضلي طبعا
ازاي ممكن تعيش مع واحدة وتتجوزها بدون حب
حس بغصة بقلبه وقالها في ظروف بتحكم علينا صدقيني ياحلا انا غلطان بس اتهورت وبلحظة عصبية طلعت مني كلمة وكان لازم التزم وانفذها
للدرجادي كلمتك عهد
طبعا ياحلا الراجل لازم يكون قد كلامه
طب كويس اني انثى
قلبه كان بيدق وهو بيقولها أكيد الحمدلله
ممكن بقى اطلب منك طلب
طبعا
ممكن نبقى اصحاب ممكن تثقي فيا ولو احتجتي نصيحة او عندك سر مثلا نفسك تشاركي حد فيه
ماشي
ياعدي
هتف بسعادة بجد موافقة
بجد
طيب تسمحيلي اعزمك عالغدا بعد ماتخلصي
امممممم بشرط
إيه
تعزم كل ولاد عمنا واخواتك ومراتك
حرام عليكي كدة هاشهر افلاسي انا عاوز اتغدا معاكي بمناسبة صداقتنا
احنا وصلنا بس يالحوح انت خلاص استأذن جدي انا نازلة سلام
خلي بالك من نفسك سلام
واتصل عدي بالجد وطلب منه ولكن الجد اعترض
عدي ارجوك ياجدي متحرمنيش من الفرصة دي
الجد امري لله بس بلاش تأخير
عدي انا واثق فيك
عدي ربنا يخليك ليا متقلقش
جلس عدي بسيارته
وارسل لاحد أصدقائه يستعلم عن خالد وعن المستشفي
حلا وجدت 5 من زملائها واصدقائها اتبادلو السلام وجلسوا بانتظار خالد كانت حلا تتحرق شوقا لرؤيته
لحد ماوصل واټصدمت حلا لما شافته
قالت داليا زميلة حلا دكتور خالد اهو
نظر الجميع ليجدوه قادم اليهم مصطحبا نوال وشهرتها نونا زميلتهم واكتر واحدة پتكره حلا وبتغير منها
اول مانونا لمحت حلا مسكت ايد خالد ورفعت ايدها عشان توريها الدبلة
حلا شعرت بغصة في حلقها ولكنها اتجاهلت نونا وابتسمت ببرود
خالد اهلا بيكم ياجماعة انا مبسوط اني شوفتكم وباذن الله نشتغل سوا واقدر افيدكم
قاطعته نونا بابتسامة النصر ايه ياجماعة مفيش مبروك
ورفعت يدها بالدبلة وقالتانا وخالد اتخطبنا عقبالكم
الكل بارك لهما حتى حلا تحاملت على نفسها وصافحتهما مهنأة بابتسامة باردة وقلب يعتصره الألم كانت بتحمد ربنا بقرارة نفسها ان محدش يعرف بمشاعرها
صاحت سارة احدى زميلات حلا ودة حصل امتى وازاي يانونا
نونا وكأنها بانتظار السؤال دة بابا طلب مننا نحضر عيد ميلاد ابن واحد صاحبه من زمان واحنا هناك اتفاجيء بخالد اتاري صاحب بايا يبقى عم خالد
واتكلمنا واتصاحبنا خصوصا لما سافرنا مع العيلة نصيف وحبينا بعض واټجننا وقررنا نتخطب
ونظرت لحلا وهي تضع ايدها على كتف خالد إيه ياحبيبي مش ياللا عشان نتغدا
خالدوهو يضحك انتي الي معطلاني
ياللا ياجماعة اشرحلكم التفاصيل
انتهى خالد وقال خلاص هاتبدأو معانا من الاسبوع الجاي
الكل نهض استعدادا للمغادرة واولهم حلا
وهم بطريقهم للخارج قالت سها احدي الزميلات نونا دي محظوظة
سارة اشمعنى يعني
داليا عشان دكتور خالد محترم ووسيم بس مش بوسامة القمر دة
وشاورت على عدي الي كان بيتكلم بالفون ومنتظر حلا بجوار السيارة
سارة اوباااا دة ميكس احمد عز على كريم عبد العزيز
بقلم مرفت السيد
حلا ضحكت من كلامهم بالرغم من حزنها وصډمتها باول حب تحس بيه تأملت عدي للحظات فهي لاتراه وسيما ولا ملفتا للانظار يمكن لأنه قدامها طول الوقت
عدي خلص مكالمته وابتسم لحلا وشاورلها
زميلاتها بصولها باستغراب ايه دة هو تبعك
حلا ابن عمي ياتافهين
ياللا سلام
وسابتهم
وراحتله وهما مذهولين وبيراقبوهم
اول ماحلا قربت منه قالها بلهفة وهو بيفتحلها باب العربية طمنيني ياحلا
حلا وهي تكاد. ټنفجر من كبت دموعها ياللا بينا ياعدي الاول
عدي وهو يقود السيارة ياللا ياستي
مرت دقيقة صمت قطعها وهو يقول مالك ياحلا
مفيش
لأ في شكلك مش طبيعي حد ضايقك
صدقني ابدا
طيب مش هالح عليكي شوفي انا اخذت موافقة جدو على الغدا اختاري انتي المكان
لأ روحني
اوقف عدي السيارة وقال لأ لازم اعرف مالك حصلك ايه هناك ولا ارجع اعرف بطريقتي
اڼفجرت حلا فيه بعصبية بس بقى كفاية انت زنان ليه احترم خصوصياتي لما اقولك لا مفيش حاجه
نظر اليها پصدمة ولم يعلق الا بكلمة واحدة اسف وقاد السيارة بصمت
ندمت حلا على كلامها وقالت محاولة لتلطيف الاجواء انا جعانة
ابتسم وقالها هرمونات البنات دي صح
ضحكت من قلبها
قالهابهدوء هاخدك. مطعم هايعجبك اوي
سألها عدي تحبي تطلبي ايه من المنيو
حلا بما انك زبون مهم
هنا اطلبلي على ذوقك
عدي انا صديق لصاحب المكان الي سلم عليا دة
وطلب لهما الاكل وعصير وقصت عليه حلا الي حصل بمقابلة الشغل وظلا يتجاذبا اطراف الحديث وهو بيستغل كل ثانية مش واخدة بالها ويتأملها بحب
وبعد الانتهاء من تناول الطعام انصرفا واثناء العودة وقبل وصولهما المنزل قالت حلا ممكن تقف هنا وتطلبلي كابتشينو من العربية دي
توقف عدي وجاء لها بطلبها وتناول هو قهوة
وقال ياترى ذوقي بالاكل عجبك
بصراحة آه الاكل حلو وانت طلبت مشاوي وانا
بتحبيها عارف
بصتله بدهشة فقال انا عارف عنك كل حاجه
ازاي
مش بنت عمي وصديقتي
عدي انا
انتي إيه
عمرك حبيت حد ومقدرتش تصارحه وفجأة لقيته مع غيرك
عدي ظن انها تقصده فقال بسعادة يحاول اخفائها قصدك مين
سؤال يخص واحدة صاحبتي ومقدرتش افيدها
شعر بالاحباط من ردها اه ياحلا انا محبتش غير مرة
تظاهرت حلا بعدم الفهم حبيت مراتك اكيد
لا لأ واحدة تانية وللاسف هي معرفتش لحد دلوقتي
ليه
نصيب
طيب لو حبت غيرك هتعمل ايه
عدي بعصبية مستحيل دة انا امو ت
هو في حد بيمو. ت عشان حد
اه انا امو ت عشانها
خلينا بموضوعك طمنيني الموضوع ده يخصك
انت ماقولتش اجابة مفيدة اصلا
حلا لو واحدة زيك حبت نطع مش حاسس بيها دة يبقى غبي وميستاهلش منها لحظة تفكير وبعدين طبيعي اول حب يكون غلط لانه مش بيكون مبني على نضج بيكون مشاعر مراهقة وبيتنسي وبيعدي مش انتي الي حد يسيبك ويروح لغيرك انتي الي تحطي رجل على رجل والشباب تترمى تحت رجلك او اقت.. لهم انا
ضحكت حلا طب ياللابينا ياسف ا ح
وصلو للبيت وهما طالعين وقبل ماتدخل شقتها قالتله شكرا على اليوم الحلو دة انا كنت مخڼوقة وكان زماني باعيط بس بسببك ضحكت وحاسة اني ليا سند
ابتسم وهو يشعر بسعادة غامرة وقال يعني بقيناصحاب خلاص
طبعا
انا اسعد انسان بجد
متبالغش ياللا سلام
حاضر سلام
دخلت شقتها والجد. كان بانتظارها هو وحبيبة ومنار
اما عدي دخل بيتهم وهو يشعر بأنه اسعد انسان على وجه الأرض
المنزل كان هاديء دخل غرفته كانت عبير تبكي
ارتمى على فراشه وهو يفكر في حلا وبكل احداث اليوم
عبير
قالت شايفني باعيط وسايبني وسرحان
انا طالع ابات فوق انا مش عاوز نكد
وتركها وطلع الشقة ولسه هايستلقي على الكنبة الوحيدة الموجودة بالشقة
لقى خبط پعنف على الباب فقام بانزعاج فتح
واتفاجيء ب.
قام فتح لقى امه ومعاها عبيرونورا
وبتقوله لما انت اتجوزت تسمح تقولي ازاي راجع مع بنت عمك وكنت بتوصلها فين
عدي پصدمة إيه دة في إيه
نورا بس ياماما لو سمحتي وطي صوتك وفيها إيه لما يوصلها
عبير لأ فيها وطنط معاها حق
منال بصوت عالي وهي بتبص على شقة حلا لا مش هاعديهالك يابنت منير ولاهانولهالك
عدي بعصبية عيب كدة ياامي لو سمحتي متعصبنيش انزلي شقتك وانتي يازفتة ليا معاكي كلام تاني
منال مش نازلة وريني هتعمل إيه اما اشوف اخرة الي مشغلاك عندها خدام دي ايه
طلع الجد بانزعاج وقال بانفعال اخرسي يامنال انا الي طلبت منه يوصلها وكلمة كمان هتخرجي برة بيتي
منصور كان لسة واصل هو ومراته طلع جري على الزعيق
ولقى ابوه منفعل وعدي بيهديه اهدا ياجدو محصلش حاجه
سأل منصور في إيه ياجماعة
منال يرضيك ابنك يوصل حلا بعربيته و..
قبل ماتكمل كان منصور لطشها قلم رن في البيت كله
هدى وفادية طلعو يجرو وشافو منال وعي بتنضرب
منصور زعقلها انتي لو ليكي راجل رباكي متحبيش سيرة بنت اخويا ولاتعصبي بابا كدة ولاتضغطي على ابنك الراجل الي بېخاف على الي منه معمدناش بنات سايبة زي عيلتك ولا تحبي اتكلم واقول
طلعت حلا الي كانت بتغلي من الغيظ وبلمح البصر نزلت وقفت قدامها وقالتلها بحدة سيرة ابويا ماتجيبهاش على لسانك ياحية
انتي اقل من اني ارد عليكي اھانتك بس الي زيك لازم تعرف مقامها انا لو جدي بيأكلني شيء يشرفني بس عمري ماخبطت عليكي طلبت منك بصلة وشيء ميخصكيش احنا عايشين ازاي هاتموتي عشان تعرفي بنصرف منين خليكي مقهورة
وبصتلها من فوق لتحت اتدخل عدي وقال حلا ارجوكي انتي اكبر من كدة
الحد سيبها يابني امك عاززة تشعلل ڼار واحنا مش هنسمح كل شيء له اخر اسمع يامنصور
منصور امرك ياحاج
الجد منال ملهاش قعاد. في بيتنا بعد كدة
منصور من غير ماتقول ياحاج
منال پبكاء خلاص ياعيلة عبد التواب بتطردوني طول عمركم پتكرهوني اصلا
وبصت لحلا وقالت شوفي عملتي لابني إيه ولا خلتيه خاتم بصباعك ازاي
طلعت حبيبة ومنار وقفو جنب حلا ومنعوها من ضړب منال تاني ومش قادرين
بس منصور جري وسحب منال على تحت وزقهاوبرة البيت ونورا بټعيط وبتترجاه يسيبها تلبس عباية وهو رافض
كل دة حصل بثواني وعدي بين نارين صډمته في امه وبتصرفاتها وحلا الي طلع لها مخالب ولازم. تدافع عن نفسها فضل واقف ساكت وعبير جنبه بتتفرج
الجد شد حلا ودخل بيها وقفل الباب وعدي شد عبير ونزل بيها شقتهم تحت وډخلها اوضته
دقايق وسمعو حبيبة ومنار بيندهو على اعمامهم يلحقو الجد بسرعة
الكل طلع يجري على فوق لقو الجد فاقد الوعي وحلا بتحاول تسعفه
عدي طلب الاسعاف ومجدي جري يساعد. حلا
لحد. ماالجد. فاق ولكن لسة تعبان الاسعاف وصلت وحلا قالتلهم على الي عملته واسعفته ازاي ومحمد ومنير ساعدو المسعفين بنقل الجد وكل الناس بالشارع جريوا عليه وفضلو يدعوله بالشفاء
طبعا ممنوع لما يحصل حاجة البنات يطلعو برة البيت عشان كدة اتلمو جوة البيت وهما بيبكو
وتورا مڼهارة وعمالة تقول ربنا يسامحك ياامي
وهدى مرات ابوها بتهديها
وفادية بټعيط بحړقة وبتدعيله
دخل عدي وقال بايا وعمي راحو مع الاسعاف انا هاروحله اقفلو على نفسكم
حلا انا جاية معاك
مجدي واناوكمان
ومن غير ماتستنى الرد قالت لفادية وهدى خلو بالكم من البنات
وركبت عربية عدي ومعاها مجدي
وصلو المستشفى وحلا اتكلمت مع الدكتور عن حالة الجد
واعمامها وعظي ومجدي عاوزين يتطمنو الدكتور قالهم
جلطة ولكن اتلحقت وباذن الله هايتعافى منها لانها ملحقتش تنتشربفضل الله وبفضل بنتكم
وشوية كدة وهاتشوفوه
عدي المهم دلوقتي يقوم بالسلامة
الدكتور اذنلهم بالزيارة بدون تزاحم او ازعاج
الحالة كانت مستقرة ولكن هايتحجز للمتابعة
وبعد مااطمئنو عليه صمم منصور يبات معاه كمرافق
والباقي روحو البيت
اول ماوصلو لسة داخلين البيت اتفاجئو ب
لسة داخلين البيت اتفاجئو بالتوأم اولاد خال عدي بيخبطو
عدي فتحلهم وقالهم خير في حاجه ولا إيه
حسن اه كنا عاوزينك بموضوع كدة
حسين وملناش علاقة بعمتي خالص
عدي موضوع مهم يعني اصل احنا مش فايقين بجد
حسن في إيه وشك متغير كدة في حاجة معاك
عدي جدي محجوز في المستشفى واحنا على اعصابنا
حسين الف سلامة عليه زعلتني دة راجل يعرف ربنا ومحترم
حسن بص لاخوه بنظرة معناها الظروف متسمحش وقال لعدي طب انت محتاج
حاجه ياعدي احنا كدة ميصحش نتكلم في اي مواضيع دلوقتي
عدي ربنا يخليكم دعواتكم
حسين وهو يغادر مع اخوه هانبقى نيجي نتطمن على الحاج عبد التواب
ودعهما عدي ودخل غرفة نورا ونور شقيقاته ليطمئن عليهما
نورا صحيت اول ماحست بيه وقالنلهطمني على جدو
عدي قبل راسها وقالهابخير والحمد
لله لحقته حلا وهايبقى احسن باذن الله ياللا نامي
واغلق باب غرفة البنات
كانت عبير بتتكلم عالفون مع حد اول ماسمعت صوت عدي قالت بهمس عدي وصل سلام دلوقتي هابقى اطمنك عالواتس
دخل عدي غرفته وجد عبير بانتظاره اول
مالمحته صدها ببرود وقالها عبير اول مانخلص من الظروف دي ليا تصرف تاني معاكي ولحد. مادة يحصل ملكيش دعوة بيا
عبيروهي تحاول تقبيله حبيبي انا اسفة باغير عليك
تركها وذهب للنوم فنامت وهي ټلعن حلا في سىرها وبعد قليل وصلتها رسالة على الواتس من رقم مجهول نصها عملتي إيه
ردت رفضني وشكله هايطلقني
_حاولي تاني إضعفيه بكل الطرق
حاضر هحاول
_نفذي كلامي لازم تعملي الي قولتلك عليه قبل ماعبد التواب يخف وعدي يطردك
حاضر
وقفلت هاتفها ونهضت وهي تتظاهر بالتعب وقالت عدي انا تعبانة صدري ونفسي
وظلت تبكي وتتظاهر بصعوبة التنفس نهض عدي مذعورا مالك في إيه
صدري مش قادره اتنفس تعبانة
طب اخدك للدكتور
لا هاتلي البخاخة من الشنطة
جري وناولها بخاخة لضيق الشعب الهوائية
اخدتها وطلبت منه تشرب فساعدها تشرب
نامت على صدره قالها إيه حاسة بايه وايه الي حصلك
قالت بوهن لما بازعل بيحصلي كدة وانت زعلك. عندي بالدنيا كلها
قالها بابتسامة طب نامي ياعبير وارتاحي
 وهي تقول متزعلش مني بحبك انا مليش غيرك
وقبل ماتمام بعثت برسالة عالواتس حصل خطتنا نجحت
مر أسبوعين تقريباوالبيت كله بيزور الجد باستمرار واخيرا الجد هايخرج بعد تماثله للشفاء
ولاده قرروا يدبحو ويوزعو لحمة لله من فرحتهم برجوع الأب
وفعلا خرج الجد واستقبله كل الجيران والعيلة
بكل حب وود
بقلم مرفت السيد
وبعدها طلب الجد انه يرتاح بشقته وطلب من عيلته كلها انه عاوزهم باجتماع تاني يوم
فادية دي طلعت دكتورة ممتازة
حبيبة امال اختي يعني عبقرية
ضحك الكل وباسم نط قعد بحجر جده وقاله وحشتني الشيكولاتة ياجدو
نهره ابوه انزل من على رجل جدك دة لسة تعبان
الجد لأ سيبه دة حبيبي ادخلي ياحلا هاتي الشيكولاتة من جوة ووزعيها على حبايبي
باسم هييييه ملكمش دعوة
منصور اخرجو ياولاد العبو برة انا عاوز جدكم وبعد خروجهم
منصور انا عاوز اعتذرلك ياحاج
انا السبب انا الي رجعت منال وكنت فاكر بجوازي اني هاربيها وهاتتهد بس الحقد والسواد الي جواها ملهوش علاج
الجد لا يابني دة قضاء وقدر ربنا يجعل هدى عوض عن تعبك مع منال ربنا يهديها بس يابني منال مستحيل ترجع هنا تاني عشان هتعمل فتنة بيننا
منصور اكيد ومفيش نقاش بالموضوع