الحب الأخير بقلم سوليية نصار
يبصلي واني مفروض افرحلها
دي طلعت سهونة اوووي
وفيه مصېبة اكبر
يا ساتر ايه تاني
وحكيتلها عن كل حاجة
بعد شوية حطت ايديها علي رأسها وقالت
هتتصرفي ازاي في المصېبة دي وهتجيبي العريس ده من فين
معرفش يا مريم حاسه الدنيا ضيقة بيا خالص انا عشان احفظ كرامتي كدبت كدبه مش قدها وهتفضح
ما عاش ولا كان اللي يفضحك يا وحش انا هتصرف
ازاي بقا
هقولك !
بعد ما خلصنا ساعات الشغل مريم اخدتني علي الكافية وجابت خطيبها حسام معانا
يا روما يا حبيبتي بقالنا ساعة هنا وانتي وصاحبتك بتقولوا كلام غير مترابط وانا مش فاهم اي حاجة معلش اشرحولي من الاول ايه المطلوب مني
ومسك كوباية المية عشان يشرب
فاتكلمت بسرعة وتوتر وقولت
تتجوزني يا استاذ حسام
وفجأة بخ المية من بوقه وبصلنا پصدمة !!!
جريت مريم ومسكت حسام وزعقت
عايزين تسرقوا خطيبي قرة عيني مني حرام عليكم
حطيت ايدي علي راسي وانا بقول
يالهوي اتفضحت اتفضحت منك لله يا مريم
ربع ابويا ايده وقال
واخيرا اعترفتوا بغلطكم وفضيتوا المسرحية السخيفة دي
بصيت لبابا پصدمة شاورلي اجي فقربت منه شد ودني جامد وبرضه شد ودن مريم صړخت مريم وقالت
براحة يا عمي
جايبالي خطيبك يا بت يمثل علينا
وانت ايش عرفك انه
نعم يا حيلتها !!مش انتي لسه قايلة بعدين يا ام مخ بطيخ انتي ذات نفسك ورتيني صورة خطوبتك
اه صح
قولناها انا ومريم في صوت واحد
ضحك حسام بتوتر وقال بصوت واطي
يخربيت ابوكم ودتوني في داهية
بعدين كمل وقال
عمي حبيب
قلبي انا لازم امشي دلوقتي
وكان هيمشي
مسكه بابا وقال
علي فين يا حبيبي
رايح لامي تدورلي على عروسة بدل المعتوهة اللي انا اتدبست فيها دي
اقعد يا حسام لازم نتكلم
قعدنا كلنا وقعدت وانا مكسوفة حسيت بنظرات عصام عليا بس تجاهلته كنت متضايقة منه بسببه هو انا دخلت المسرحية السخيفة دي واهو اتفضحت !!
ها مين فيكم هيحكي
بصتله بتعب وقولت
عايز تعرف ايه يا بابا
كل حاجة يا حبيبتي كل حاجة ليه عملتي كده يا رحاب ليه لعبتي اللعبة السخيفة دي !
عيوني دمعت وبصيت لعصام وحكيت كل حاجة !!!
بعد شوية كنت بمسح دموعي ومريم بتطبطب عليا
جه بابا وقعد جمبي وطبطب عليا وقال
انتي غلطتي يا رحاب غلطتي لما كدبتي مفيش مبرر انك تكدبي بالشكل ده
أسفة يا بابا
بس بابا لعصام وقاله ببرود
وانت غلطت يا عصام بنتي مش بايرة لو عايزة هتتجوز اللي احسن منك وانا عمري ما افرض بنتي عليك اللي اجوزه بنتي لازم يخبط علي بابي واتأكد الاول انه جدير بيها لولا ما
حط عصام وشه في الارض ومقدرش يرد بصيت لبابا بحب كنت فرحانة انه جاب حقي ورجعلي كرامتي
ابتسمت مريم وقالت
كده احنا متصافين يا حاج صح !
ايوة يا مريم بس
بشرط
اشرط يا عم الناس
مدخليش نفسك ولا خطيبك في لعبة زي كده مش فردة شراب هو!!حافظي عليه ممكن يضيع منك
لا يا عم بعد الشړ انا هحافظ عليه
عمي عمي
خير يا حسام
قولها تعاملني كويس
عامليه كويس
حاضر يا عمي
يا عمي يا عمي
عايز ايه تاني
عايز تتجوز اخر السنة دي وهي رافضة خليها توافق
اتجوزيه السنة دي يا بنتي عشان خاطري
هفكر يا عمي
يا عمي يا عمي
ما خلاص يا بني دوشتني خد خطيبتك وروح من هنا
ضحكنا كلنا علي بابا بصيت لبابا بفخر انه حل المشكلة من غير ما يجرح كرامتي بالعكس حفظها
مرت الايام وعرفت أن لميس اتخطبت لواحد تاني ودي كانت صدمة يوم ما عرفنا كان عصام عندنا بصيت لوشه عشان اشوف غيره او حزن بس مشوفتش غريبة ازاي بيحبها ومش غيران بس مرضتش احط في بالي يزعل ولا ميزعلش انا مال اهلي
في يوم كنت قاعدة علي البحر وانا بفكر في حياتي كل اللي حصل الخذلان والالم اللي عشته والاصعب الخۏف الخۏف من اني ابقي لوحدي انا السن بيمر بيا وملقيتش الشخص المناسب لاني دايما
قاعدة لوحدك ليه !
صوته جمدني مكانه كنت عايزة اجري واهرب بس مقدرتش قعد جمبي وقال
انتي مخصماني ولا ايه
واخاصمك ليه يعني انت دوستلي علي طرف انت كنت صريح انت مبتحبنيش والحب مش عافية
بس يظهر اني كنت غلطان
بصتله پصدمة فابتسم وقال
ممكن تشرحيلي يعني ايه راجل مفروض يحب واحدة ولما يعرف بخبر خطوبتها يبقي مش مبالي وحاسس ببرود بس لما البنت اللي دايما بيقول مستحيل يحبها اول ما يعرف أن هيتقدملها واحد تاني يبقي هيتجنن ونفسه يكسر رأسه قوليلي يا رحاب عندك تفسير
قلبي دق جامد وقومت وقولت بتوتر
انا انا
قام وقال بسرعة
انا بحبك عارف اني غبي ايوة غبي بس بحبك واسف علي كلامي السئ
سكتت ووشي حمر احلامي بتتحقق
رحاب ردي انتي قلقتيني
اخدت نفس وانا بفتكر كلام بابا وبصيتله وقولت
لو عايزني خبط علي بابا ابويا واثبت امك تستحقني وانا هكون ليك
وبعدين سيبته ومشيت معرفش ايه مخبي المستقبل بس عارفة ان اللي بيحبك هيحافظ عليك وهيعمل المستحيل عشان يستحقك وعصام لو بيحبني هيعمل اي
حاجة عشان ابقي مراته والحب اللي شوفته في عينيه اكدلي انه هينجح اكيد
تمت
الحب
سولييه نصار
شكرا علي تفاعلكم السكر يا سكاكر الاسكريبت القادم بإسم هدي
