عشقت ميكانيكيه
جني بضحك يا خړابي طب وعملتو ايه في الاخر بقي لا وطلبلنا عصير كمان علي ما يشوف وفعلا لقيناه اتحول لما شاف اللي حصل ونادي علي سيف وهزقه وطرده وكلم حد كدة وقاله انه ميشتغلش في مكان تاني ده غير انه اعتذر لينا تصدقي بجد جنتل مان اوي
كانت جني مبهورة بكلام ملك وفرحانة اوي باللي حصل
جني بتلقائية طب والله راجل محترم فعلا ربنا يباركله يارب والله اللي زيه قليلين في البلد دي
جني عنيها دمعت وقامت نور اللي كانت قاعدة سرحانة في اللي حصل وانضمت ليهم ملك ونور ابتسمت بحب واخدتهم وهي بتتنهد بحيرة وعقلها مشغول بمعاد تسديد الايجار اللي معاده بعد بكرة
جني بحب ربنا يخليكي لينا يا نور انتي فعلا عوض ربنا لينا بعد ماما وبابا
ملك بدموع ايوة احنا من غيرك مكناش هنعرف نعيش ازاي ربنا يخليكي لينا
نور بحب ويخليكم ليا يا حبايبي هو انا ليا غيركم برضه يلا اكلوني بقي اجسن انا عملت انهاردة مجهود جبار وانا بزعق وصوتي حساه راح
جني بلهفة حالا والاكل هيكون قدام يا حبيبتي يلا يا ملك تعالي ساعديني
نور ابتسمت وهي متابعة اخواتها بحب وبعدين غمضت عنيها من البتعب والتفكير وهي مش عارفة تعمل ايه
تاني يوم كانت نازلة نور من العمارة عشان تفتح المحل وكانت بتدعي ربنا انه يوفقها ويرزقها بفلوس الايجار قبل ما صاحب الشقة يكلمها اول ما خرجت من باب البيت لقت تليفونها بيرن برقم غريب فردت
نور بجدية السلام عليكم مين معايا
نوح بهدوء عليكم السلام اللي يسمع صوتك دلوقتي ميسمعوش وانتي معلياه عالاخر امبارح
نور پصدمة نوح اقصد استاذ نوح حضرتك جبت رقمي منين
نوح بجدية اعتقد السؤال ده انا بالذات مينفعش تسأليهولي انا عاوز اقابلك
نور بتكشيرة نعم تقابلني بتاع ايه هو مش خلاص القصة خلصت
نوح بجدية اعتقد انك اكيد عرفتي اني شخصية عملية واكيد طالما كلمتك يبقي في شغل ها اقولك العنوان
نور فكرت شوية وقالت لنفسها ان ممكن يكون رزق ربنا باعته ليها ويكون جاعل نوح سبب عشان تشتغل معاه وتسد ديونها
نور بجدية تمام
نوح بهدوء هبعتلك اللوكيشن سلام
قفلت نور وهي بتتنهد بحيرة وبتدعي ربنا يكون المشوار في فرج لكربها وشوية وجاتلها الرسالة ومشيت
في الكافيه كانت قاعد نوح بهيبته المعتادة لحد ما دخلت
عليه نور اللي اتوترت اول ما شافته ووقتها قام نوح ورحب بيها وشاورلها تقعد
نور بجدية اتفضل انا سامعاك ممكن اعرف شغل ايه اللي حضرتك عاوزني فيه
نوح بهدوء اشربي حاجة الاول وبعدين نتكلم في الشغل
نور برفض شكرا ليك بس انا لازم ارجع لورشتي ممكن حضرتك تقولي عاوزني في ايه وشغل ايه اللي كلمتني عنه
نوح بابتسامة تمام انا عرفت طبعا من السي في بتاعك انك ماسكة ورشة باباكي بعد ما اټوفي الله يرحمه وشوفت شغلك يوم ما انقذتي نرمين والحقيقة انك كبرتي في نظري بعد اللي حصل امبارح
نور سرحت في كلام نوح وافتكرت ان ممكن يكون ده عوض ربنا ليها وان الشغل مع نوح فرصة وجاتلها عشان اخواتها
نوح باستغراب سرحتي في ايه
نور بانتباه ها لا مفيش بس كنت بفكر هو ممكن اعرف هشتغل معاك ايه بالظبط
نور اټصدمت من الرقم وبصت لنوح پصدمة
نور پصدمة انت بتتكلم جد انت بجد هتديني عشر الاف جنيه في الشهر
نوح بتأكيد ولو مش عاجبك ممكن مخليهم ١٥ بس اهم حاجة عندي الالتزام بالمواعيد
نوح بلهفة نور انتي كويسة طب انا ضايقتك في حاجة انا اسف اكيد من غير ما اقصد
نور رفعت وشها وبصت لنوح اللي كان مركز في عنيها اللي احمرت من العياط
نور بحزن انا بجد مش عارفة اشكرك ازاي انا فعلا كنت محتاجة الشغل ده انا كنت هتطرد من الشقة انا واخواتي بسبب الايجار المتأخر عشان كدة كنت بشكر ربنا علي فضله
وانه بعتك ليا عشان تساعدني
نوح ابتسم بتلقائية متشيليش هم اي حاجة وأنا اوعدك اني مخلكيش انتي واخواتك تحتاجو حاجة
نور باستغراب ممكن اعرف انت بتعمل معانا كدة ليه انت مش مجبر تعمل ده
نوح بثقة انا عمري ما استقل بحد وقف جمبي وساعدني وم بنسي الجميل ابدا وانتي ساعدتي نرمين وهي واقفة اوحدها في نص الليل وكمان رفضتي تاخدي منها
نور متعرفش ليه اضايقت من جواها لما حست ان نرمين غالية اوي عنده كدة بس حاولت متبينش
نور بابتسامة متشكرة اوي ليك ممكن نمشي واوعديني انك متعيطيش تاني ولو احتجتي اي حاجة تكلميني علطول فاهمة
نور بابتسامة اوعدك
نوح ابتسم بتلقائية الشغل هيبدأ من بكرة والمرتب مقدم وده لاني واثق فيكي وعشان انتي غير اي حد هتجيلي بس الشركة بكرة عشان نمضي العقد وتقبضي وتبدأي شغلك علطول تمام
نور براحة حاضر طبعا اللي حضرتك تؤمر بيه
عدي حوالي شهرين علي الاحداث اللي حصلت كانت فيهم حياة نور واخواتها اتغيرت خالص بعد ما سددت نور الايجار وكل الديون اللي عليهم وبدأت ترتاح وخصوصا ان الشغل في الورشة الكبيرة بتاعة نوح كان بالنسبالها مش متعب لانها شغالة علي عربياته هو فقط
بس كانت دايما بتحاول تمنع مشاعرها ناحيته وكمان لانه من وقت اخر مقابلة مشفتهوش غير مرة فكانت عارفة انه اكيد نسيها تماما فكانت بتحاول تمنع نفسها انها تفكر فيه وتنتبه لشغلها بس كانت واقفة نور بتصلح عربية متعطلة وهي مركزة اوي ومش واخدة بالها من نوح اللي واقف وراها
نوح بابتسامة الله ينور
نور قلبها دق ولقت بسرعة وابتسمت بتلقائية لما شافته قدامها
نوح بابتسامة انا قولت اجي اطمن واشوفك
لو محتاجة حاجة
نور كانت هترد بلهفة بس افتكرت قرارها وانها لازم متوهمش نفسها فردت بعملية
نور بجدية مصطنعة لا تمام يا باشمهندس لو في اي مشكلة قولي وانا احلهالك يعني
نوح باستغراب لا انا قولت اجي اسلم عليكي واطمن علي الشغل
نور بجدية متشكرة لسؤالك بس انا تمام والشغل الحمد لله عال اوي
كان نوح هيتكلم بس قاطتعته نرمين اللي دخلت عليهم بفرحة
نرمين بسعادة نووور انا مصدقتش لما نوح قالي انك بتشتغلي معاه وعشان كدة جيتلك مخصوص
نور بابتسامة ازيك يا انسة نرمين متشكرة انك جيتي عشاني
نرمين بحماس بتقولي ايه بس احنا اصلا خلاص بقينا صحاب ولا ايه
نور بتلقائية طبعا ده شيئ يشرفني اتفضلو اقدملكم حاجة
نرمين
نوح بابتسامة لا يا حبيبتي لسة انتي جيتي قطعتي الكلام كنت لسة هقولها اصلا
نور بتوتر احم مبروك ربنا يتمم بخير
نرمين بفرحة حبيبتي تسلميلي هستناكي بكرة بليل نور انا مليش صحاب كتير
بليز هاتي اخواتك اللي حكالي عنهم نوح وتعالي اقفو معايا هستناكي اوك
نور بابتسامة اكيد طبعا هجيبهم بكرة ان شاء الله واجيلك من اول النهار وهساعدك
نرمين بفرحة بجد ميرسي اوي يا نور يلا باااي يلا يا نوح
مشيت نرمين ونوح بص لنور باستغراب وكان عاوز يسألها متغيرة ليه من ناحيته لكن هي اتهربت وسابته وراحت تشوف شغلها وهو مشي بهدوء وعقله مشغول
تاني يوم كانت واقفة نور هي وملك وجني اخواتها في اوضة نرمين وبيساعدوها تلبس وكانو فرحانين ليها اوي ونرمين كانت سعيدة بيهم وحاسة انهم من عيلتها
ملك بابتسامة زي القمر يا نرمين يا بخته بيكي يا حبيبتي
نرمين بفرحة ربنا يخليكم ليا انا لو كان ليا اخوات بنات مكنوش عملو معايا اللي انتو عملتوه ده
نور بابتسامة متقوليش كدة احنا اهو اخواتك ومعاكي اي وقت يا حبيبتي
نرمين بفضول وانتي يا نور مش هتلبسي
نور بابتسامة لا منا كدة لابسة اهو عادي يعني
نرمين برفض لا طبعااااا خدي البسي الفستان ده مټخافيش ده جديد والله
نور پصدمة يا خبر لا طبعا انا مبعرفش البس فساتين
ملك برجاء لا والنبي يا نور البسيه ما اهو احتا لابسين فساتين عشان خاطرنا
نور برفض لا مش هعرف صدقوني انا كدة مرتاحة
نرمين بزعل مصطنع ماهو انتي لو انا مش هنزل والخطوبة هتبوظ وبراحتك بقي
نور بقلة حيلة لا خلاص هلبسه وامري لله
نرمين بحماس يلا وانا هعملك شعرك بنفسي
خلصت نور ولبست الفستان وكانت قمر اوي وخصوصا ان نرمين عملتلها ميكب رقيق مع شعرها القصير فكانت جميلة جدا
جني بانبهار ما شاء الله زي القمر يا نور
نور بخجل انا مش هعرف انزل كدة ابدا
نرمين بضحك اعتقد نوح مش هيعرفك يا نور
نور افتكرت نوح واتنهدت بحزن لانها فعلا كانت بدأت مشاعرها تنجذب ليه لكن هي وقفت
