بقلم فرح
فايدة قعدت السرير وأنا بفتكر خوفه عليا وضحكه وهزاره معايا أكلنا في الشغل سوا كلامه ليا وحنيته اللي كانت مصبراني على الدنيا شريط أيامنا سوا كان بيمر قدام عيني وقلبي بس الشريط ده انتهى بأسوأ ما كنت أتخيل
لقيت نوتيفيكشن منه باينة من برة مفكرتش أقراها قفلت التليفون ونمت تاني يوم قررت إني مش هروح الشغل تاني هنساه أو هحاول
كلمت مريم واتفقت معاها إنها تنزل معايا نتمشى أنا محتاجة حد يسمعني ويطبطب عليا صعبان عليا نفسي وحبي ليه
قابلتها وقعدنا سوا كان باين عليا وحكيتلها كل حاجة
كنت عارفة إن هيحصل كده يا فيروز
مسحت دموعي يا ريتني سمعت كلامك أنا عايزة أنساه
في طرق كتير بس توعديني تعمليها صدقيني ربنا هيجبرك ويعوضك ويحققلك اللي بتتمنيه
بدأت تتكلم وكلامها ريحني وعدتها إني هعمل زي ما قالت أول لما روحت فتحت الشات اللي كان بينا ولقيت مسدچات كتير منه مليانة أعتذرات وقفت قدامها وحسيت إني هضعف من تاني
كنت بدعي ربنا يخرج كل ذرة حب ليه من قلبي ويجبر كسري وخذلاني ابتديت أشغل وقتي وأروح مع مريم دورات تنمية بشرية وروحت معاها حلقات تفسير قرآن عرفتني على ناس جميلة وصحبة صالحة عرفوني حاجات كتير عن ديني وعرف قيم جديدة قريت في سيرة الرسول صلى الله عليه وسلم مكنتش متخيلة إني كفيروز هقدر أول لهنا
بقت الأيام بتمر براحة رهيبة احساس باطمئنان محاوط المكان مش هقول نسيته لكن كنت بدعي ربنا إنه يصلحني ويصلحه عشان مش هعرف أحب حد قد الحب اللي حبتهوله كنت بقنع نفسي إني نسيته لكن لسه في جزء في قلبي معاند
مرت أيام والأيام بقت شهور علاقتي بأسرتي بتتحسن قربت منهم وقربوا مني لحد ما في يوم لقيت بابا طلب إنه يتكلم معايا هو بردو ليه هيبة
أنت عارفة يا فيروز إنك مبقتيش صغيرة خلصتي تعليم وبتشتغلي يعني مفيش مانع في إنك تبتدي حياة
حاولت ابتسم اللي تشوفه يا بابا
يبقى اللي فيه الخير ربنا يقدمه
دخلت الأوضة وأنا محتارة كان بيهاجمني التفكير فيه خايفة أكون هظلم شخص تاني على حساب تفكيري وحبي لشخص فارق ومفكرش يرجع كنت حاسة إن راسي هتنفجر من كتر التفكير
كلمت مريم لسه مطلعش من قلبك يا فيروز
أنا خايفة يا مريم
صلي وادعي باللي بتتمنيه يا فيروز وصدقيني هيجبرك
سمعت كلامها ودخلت صليت وسجدت وأنا بدعي يا رب أنت عالم بقلبي وحبي ليه أنا عارفة إني مستاهلش بس أنت اللي بتجبر يا رب يسر لي أمري أنا مش عايزة أظلم حد وخايفة الفرصة دي تضيع يا رب كل شيء أنت عالم بيه وأنت أعلم بقلبي مني فارضني وارضى عني
كانت أطول سجدة أسجدها في
جه اليوم اللي هيحدد مصيري لكن كان كلي ثقة إن ده الخير أيا كان مع مين
بعد ما وصلوا سمعت صوت بابا وهو بينادي طلعت بهدوء سلمت وأنا يعتبر مبصتش لحد قعدت جمب بابا سرحانة كإني في كوكب تاني لحد لما لقيت بابا بيقول إنه هيسيبنا نتكلم مع بعض شوية ساعتها فوقت وابتديت أتوتر لحد ما صوت قطع الصمت
موحشتكيش
رفعت راسي واتصدمت كل الحنين أتجمع مش مصدقة إن هو اللي قدامي لأ حاسة إني عايزة أعيط
فضلت بصالة ومش عارفة أنطق فقدت السيطرة على أعصابي
كانت الدنيا صعبة من غيرك بس أنا اتغيرت اتغيرت عشانك
سكت
أنا مش جاي أخيرك يا فيروز إجابتك باينة من سرحانك قبل ما أكون واحد جي يتقدملك أنت كنت صحبتي يا فيروز يعني عارفك وفاهم
اتنرفزت لو سمحت متقولش صحبتي دي تاني
خلاص يا حبيبتي
حبك برص وتتشك في معاميعك معموعة معموعة
وتقرصني نموسة في مناخيري وتبقى أد الكوز نقول مبروك
أحبي
فرح حماده
