وجع قلبي
باڼهيار _ هو انتي بجد أخوكي هيخطب
حنين الاء _ بصي هفهمك أنا عارفة انك بتحبي جاسر بس اسمعيني هقولك....
بعياط هيستيري _ قولي لأ ارجوكي قولي أنه مش هيخطب قولي أنه مش هيبقى لحد غيري ارجوكي قولي أنه ليا انا بس طب قولي ان أنا اللي من حقي اشيل اسمه قولي أنه هيخطبني أنا قولي أنه بيحبني زي ما أنا بحبه طب بصي اكدبي عليا حتى
حنين بدموع _ اهدي يا الاء عشان خاطري بالله ما تعملي كدا متوجعيش قلبي
_ طب وانا اعمل ايه ف ۏجع قلبي ها أنا أعمل إيه ردي بقولك ردي
_ الاء الاء فوقي الاااااء
ف المستشفى
الدكتور _ عندها اڼهيار عصبي يا ريت تبعد عن الضغط أو التوتر أو إي حاجة ممكن تضايقها
ماما وهي بتبص لحنين _ حاضر حاضر يا دكتور ممكن ادخل اشوفها
الدكتور _ طبعا طبعا اتفضلي
ماما _ ايه يا لولو تخضينا كدا عليكي ينفع كدا
بصتلها وعيني مليانة دموع مش قادرة ارد مش قادرة أنطق حاسة ان الكلام تقيل على قلبي قبل لساني طاقتي كلها خلصت في حبه يمكن حبيته زيادة عن الازم بس انا قلبي واجعني اوى .. بس ليه لما نحب لازم نتوجع !
حنين _ هي العيون الحلوة دى ينفع ټعيط برضه
_ ألف سلامة عليكي يا الاء
حنين _ انت عرفت منين يا جاسر ان احنا هنا
_ ماما اتصلت بيا وقالتلي ان انتوا هنا هو
حنين _ لا لا محصلش حاجة دا دا الاء داخت شوية و اغمي عليها شكلها كدا ضغطها كان واطي اه باين كدا صح يا الاء
حنين وبدأت تحس أن جاسر لاحظ
_ مش يلا يا جاسر نروح وابقى اجيلها وقت تاني الاء شكلها محتاجة ترتاح
_ ماشي يلا بينا عارف ان الوقت مش مناسب بس خطوبتي الجمعة الجاية ولازم يا الاء تبقى موجودة مينفعش الخطوبة من غيرك دا انتي اختي الصغيرة ولا ايه يا حنين !
حنين _ ج ج جااااسر يلا بينا اتاخرنا سلام يا طنط سلام يا الاء
ماما _ الاء أنا من الأول قولتلك بلاش بلاش يا بنتي الحب آخره ۏجع ومش هتستحملي كنت بقولك أنه دايما شايفك أخته الصغيرة وانتي كنتي بتكدبي على نفسك يا بنتي دا حتى حتى أكبر من..
بعياط _ أكبر مني بعشر سنين صح دا اللي كنتي دايما تقوليه بس عمرى ما حسيبتها كدا ولا
ماما _ شششش اهدي اهدي يا الاء عارفة ان ملناش سلطة على قلوبنا يا بنتي بس كان ممكن توقفي البذرة اللي جواكي من أنها تنبت ودلوقتي بتدفعي الثمن البذرة نبتت وطلعت ورد بس معاه شوك أول من اتأذي كان انتي هيبقى صعب بس
احنا جمبك
_ هيوجع يا ماما هيسيب فراغ هيسيب چرح صعب أنه يتداوي
حنين _ اعتبريه
صفحة واتقلبت يا الاء واحنا معاكى وزى ما مقدرتش اسيبك الوقتي عمرى ما هقدر اسيبك ابدا
غمضت عيني براحة أنه
يوم الخطوبة
حنين _ الاء
_ انتي سايبة اخوكي وجايه لي ليه
حنين_ الاء
_ خطيبة اخوكي زمانها عايزاكي
حني _ الاء عيطي
_ مش عايزة
حنين _ الااااء بقولك عيطي
_ بقولك مش عايزة مبتفهميش
حنين _ الاء ارجوكي عيطي
فعلا عيطت فعلا كنت محتاجة اني اعيط محتاجة أطلع كل اللي جوايا مش لايق معايا دور الجمود اللي بحاول أمثله ..الدموع مش ضعف الدموع حاجات كتير مع بعض قلوبنا متستحملهاش ..كنت بزيد ف العياط وحنين تزيد من حضنها لحد ما خلصت عياط ومسحت لي دموعي
حنين _ عايزاكي اجمل واحدة فالخطوبة النهاردة عايزاكي حتى احلى من العروسة
دخلت الخطوبة وماسكة فايد حنين حاسة أنها لو سابت ايدي هقع ماسكة فيها جامد وكأنها طوق نجاه ليا
كنت شايفة ضحكته وعينيه بس ف ايه حاجة غريبة دي مش لمعة عينه لما يكون فرحان .. فجأة بصلي حسيت ان قلبي اتحرك من مكانه عينيه كانت مليانة كلام وعيني كمان بس ولا
_ مبروك الخطوبة يا عروسة مبروك يا جاسر
_ الله يبارك فيكي يا الاء عقبالك
صوت الأغاني على وكانت نجدة بالنسبة لي فكان لازم امشي أو اختفى طلعت بره القاعة بخطوات أشبه بالجري كأني فسباق أو بهرب من حد بس الحقيقة انا بهرب من نفسي قبل أي حد
حنين _ الاء انتي اټجننتي ايه الهبل اللي قولتيه جوا دا
حنين _ أنا كنت قصدي عشا ....
_ الاء
بصيت لصاحب الصوت فكانت الصدمة
وكانت الصدمة
_ عمر
_ الاء مش مصدق نفسي اخبارك يا بنتي
_ الحمد لله وانت عامل ايه ورجعت امته
_ أنا تمام والله يا لولو لسه راجع من حوالي يومين والصراحة نزلت عشان أكمل نص ديني
وكان آخر كلامه بغمزة فضحكت
حنين بضيق _ إحم إحم مش هنتعرف
_ حنين دا عمر اللي كنت بحكيلك عنه عمر جارنا فاكرة
حنين _ اها أهلا مش يلا ندخل القاعة
_ لا
_ لا ايه يا بنتي دا لسه الخطوبة بدأه تعالى حتى اشوف
مامتك اصلها وحشتني جداا وبعدين اروحك
حنين _ تروح مين !
_ اروح الاء وبعدين هو ف ايه مالك أصل احنا رجعنا شقتنا القديمة
_ بجد يا عمر !
_ اه والله يا لولو يلا ندخل نسلم وبعدين اروحك شكلك تعبانة
وفعلا دخلنا القاعة
_
ماما
_ مين
