قلب ليس من حقه الحب بقلم لؤلؤة حيرانة
والستايل اللى انت عايزه
مالك لا بجد هتجيبيها ربنا يخليكى يا سمية بصى هاتى اى حاجة على ذوقك واى لون بس عايزها تكون تليق بالاشبين
سمية ماشى بس يارب تعجبك يا أيها الاشبين
مالك هو انا أطول انتى تجيبيها انا كان نفسى اساسا تكونى موجودة تنقيها معايا ربنا يخليكى يا سمسمة
سمية ويخليك يا حبيبى ها اى خدمة تانية
مالك عايز سلامتك وسلميلى على عمو خليل وطنط أميرة ونغم كتير جدا
سمية الله يسلمك سلملى على البيت كله ومتقولش لحد ان انا راجعة قريب عايزة اخليها مفاجئة
مالك والله هتكون احسن مفاجأة ان شاء الله تحتاجى منى حاجة
سمية سلامتك ربنا يطمنى عليكم
مالك وعليكى يا سمسمة فى رعاية الله
سمية فى رعاية الله
واغلقت سمية الهاتف مع مالك لتخلد الى النوم قليلا لتجد الراحة على جانب آخر كانت ملك مع اصدقائها فى الجامعة فذهبت لسمية الكلية ولكنها لم تجدها ولكنها علمت بان احد الطلاب هناك وهو ابن شخصية عامة قد قبض عليه فخمنت انه هو ابن الوزير فاتصلت بسمية لتطمئن عليها .ولكن هاتف سمية كان مغلقا ...
ملك بقلق اووووف كمان مغلق
ماهى ايه يا بنتى مالك
ملك ولا حاجة اختى بتصل بيها مغلق وكمان مش لقياها
ماهى مش انتى بتقولى هى بتتدرب فى مستشفى الدكتور قريبكم ده يمكن مشغولة وقفلته
ملك يمكن
ماهى طيب ايه رأيك تيجى نتغدى فى مطعم
ملك لا بجد يا ماهى دماغى مصدعة من امتحان النهاردة وكمان السواق جه اساسا
ماهى يا ستى اهى هانت فاضل مادة ونخلص وتفضى يا عم لفرحك يا بختك
ملك الله اكبر اهه النق ده اللى جايبنا لورا بس اوعى متجيش بجد ازعل منك
ماهى هو انا اقدر بس هتعمليه فين
ملك عمرو عايزه فى اسكندرية وانا عايزاه فى القاهرة فلسة معرفش
ماهى انتى بتستهبلى يعنى فرحك بعد اسبوعين ولسة محددتيش المكان
ملك يا بنتى عادى المهم اشوفك بعد بكرة بقى هبقى اكلمك ع الموبايل ان شاء الله السواق جه ....سلام
ماهى اوك تمام ....سلام
وخرجت ملك متوجهة للسيارة التى تنتظرها بالخارج ...
فى شركة محمود يتصل محمود بآسرر ليتحدث معه بشأن عرس مى .....
آسر السلام عليكم
محمود وعليكم السلام ازيك يا آسر
آسر الحمد لله يا بابا ازى حضرتك وماما ومى وحشتونى والله
محمود الحمد لله كويسين بخير قال يعنى بتسأل والنهم اخبار رسالتك ايه
آسر الحمد لله اهى ممكن اناقشها خلال الفترة الجاية
محمود طيب كويس الحمد لله ر بنا معاك يعنى ممكن تنزل تحضر فرح مى وترجع تانى
آسر مفيش مفر ماشى يا بابا ان شاء الله حددوا معاد الفرح وبلغنى ان شاء الله
محمود طيب الحمد لله اختك هتفرح اوى محتاج فلوس ابعتهالك..
آسر لا يا بابا ربنا ميحرمنيش منك لو احتجت حاجة هقول لحضرتك
محمود طيب بص يا آسر اتصل بمى ومامتك كده اسال عليهم مينفعش تقصر فيهم كده
آسر حاضر يا بابا ان شاء الله عايز حاجة من هنا
محمود لا عايز سلامتك مع السلامة يا بنى
آسر مع السلامة
واغلق محمود الهاتف لتدخل عليه مى.......
مى ها يا بابا هتروح ولا عندك اجتماعات تانية
محمود بصراحة عندى شغل لازم اخلصه
مى طيب ماشى يعنى هتسيبنى اروح لوحدى واخد معاكسات ماشى يا استاذ بابا محمود
محمود ماشى يا بنت الاستاذ المهم عندى ليكى خبر حلو
مى خبر حلو ...ايه هو
محمود آسر وافق انه ييجى فى اى وقت يحضر فرحك وقال حددوا الوقت وانا هاجى تخيلى ظ
مى يعنى زى ما يوسف قال يا ترى فى ايه بصراحة لا بس الحمد لله هتصل بيوسف واقوله ...يلا سلام يا بابا
محمود هتتغدى فى البيت ولا مع يوسف
مى الاغلب مع يوسف ان شاء الله
محمود طيب ماشى سلميلى عليه وقولى لمامتك عشان نظامها ميتلخبطش
مى ماشى ماشى سلام
وخرجت مى من غرفة محمود متوجهة لسيارتها وتتصل بيوسف....
وخرجت مى من غرفة محمود متوجهة لسيارتها وتتصل بيوسف....
يوسف الو يا حبيبتى
مى ازيك يا يوسف عامل ايه
يوسف تمام الحمد لله انتى ايه اخبارك
مى انا تمام كويسة الحمد لله يوسف ينفع اتغدى معاك النهاردة
يوسف بقلق مى انتى كويسة
مى ايوة الحمد لله بس عايزة اتغدى معاك بلاش يعنى
يوسف لا يا حبيبتى تحبى نتغدى فين
مى ايه رأيك فى مطعم
يوسف تمام كويس انتى فين دلوقتى
مى انا فى المطعم اساسا
يوسف اممممممم يعنى بتحطينى امام الامر الواقع يا انسة مى
مى بدلع لو كان يعجبك
يوسف طبعا يعجبنى ..كلها كام يوم واوريكى هطلعه كله عليكى
مى لا نزله احسن المهم انا مستنياك متتاخرش
يوسف ربع ساعة واكون عندك ان شاء الله مع السلامة
مى اوكمع السلامة
تغلق مى مع يوسف الهاتف لتنتظره بينما فى مكان آخر يوجد حوار ولكنه......
ملك يا عمرو لا انا عيزاه فى القاهرة صحابى كلهم هناك وبعدين هناك احسن
عمرو ياا حبيبتى اسكندرية احسن وبعدين احنا كده كده هنروح على مطروح نقضى شهر العسل زى ما انتى عايزة يبقى اسكندرية اقرب وبعدين هناك كل قرايبنا يا ملك وكمان خالتو موافقة على اسكندرية
ملكبدموع بسيطة يا عمرو بس انا صحابى كده مش هييجوا
عمرو مين اللى قالك .
ملك عمر محد من اهاليهم هيرضى يخلى بنته تيجى من القاهرة لاسكندرية علشان فرح وكمان ترجع لوحدها
عمرو واللى يجيبهملك
ملك بتعجب ازاى
عمرو لاااااااا دى خليها عليا
ملكبعصبية خفيفة يا عمرو بأى قولى علشان خاطرى بجد هزعل انا مش مستحملة
عمرو يا ساتر انتى هتفضلى كده ...ربنا يصبرنى ....امرى لله هقولك انا هحجز لهم باص تمام وهيعدى على كل واحدة فى بيتها ان شاء الله ويروحها لمكان ما اخدها وهيكون امان جدا ان شاء الله ولو عايزين اهلها ييجوا كمان ينوروا ....ها ايه رأيك
ملك يعنى مش بطالة
عمرو نعم
ملك ربنا يخليك ليا يارب وميحرمنيش منك خلاص اعمله فى اسكندرية
عمرو ايوة كده ميجيبها الا عمرو المهم طمنينى انتى فين دلوقت
ملك انا لسة فى الطريق للبيت
عمرو مع السواق ولا لوحدك يا سلطان
ملك لا يارمضان مع السواق هههههههه
عمرو خفة يب عملتى ايه فى الامتحانات
ملك الحمد لله كان رخم شوية
عمرو ياستى خلاص كلها كام يوم وتخلصى امتحانات للابد وتبقى محاسب اد الدنيا المهم خالتو وعمو ومالك و رهف عاملين ايه
ملك ايه يا بنى بتراجع اسامينا ولا ايه ...الحمد لله كلنا كويسين
عمرو الحمد للهوايه اخبار سمية
ملك معرفش
عمرو ممازحا اياها ازاى متعرفيش ا اخبار اختى واختك
ملك بص يا سيدى انا روحتلها الجامعة ملقتهاش وكمان عرفت ان ابن الوزير ده اتقبض عليه فقلقت واتصلت بيها لقيته مغلق ...اعمل ايه انا باى
عمرو معلش يا ملك خليها عليكى يمكن يا بنتى فصل ولا حاجة
ملك لا يا سيدى لا عليا ولا عليها انا بد زعلانة منها بقالها ييجى 3 و 4 ايام مبتكلمنيش خالص ولا كأن فرحى الايام دى خالص
عمرو طيب بذمتك سمية عمرها قصرت معاكى فى حاجة مهما كان ت مشغولة
ملك بصراحة ..لا
عمرو اذن اكيد فى حاجة مهمة اوى شغلتها عنك ده كفاية موضوع ابن الوزير ده
ملك فعلا انا قلقانة عليها اوى من الموضوع ده ..انا عارفة هى مالها ساسا ومال القرف ده هى مش مسئولة اساسا
عمرو يا بنتى دى كلمة حق مينفعش اختك تكتمها وانتى عارفاها اكتر منى
ملك طيب يا استاذ مدافع متشكرين لخدماتك
عمرو استاذ حرام عليكى امال الكلية والماستر والصيدلية بيعملوا ايه حرام عليكى عينى طلعت
ملك ماشى يا عم الدكتور المهم انا هقفل بأى لانى خلاص قربت اوصل
عمرو ماشى يا ملوكة سلميلى على خالتو وعمو واخواتك ... سلام
ملك لا اله الا الله
عمرو محمد رسول الله
تنهى ملك مكالمة عمرو وهى على مشارف بلدتها ..تصل ملك الى منزلها لتجده فارغا .....
ملك سامية ....سامية ...
سامية ايوة يا انسة ملك
ملك فين بابا وماما واخواتى اوعى تكونى قتلتيهم و حطيتيهم فى اكياس
سامية الله اكبر ليه يا انسة ملك السيرة دى يا ستى راحو يركبوا خيل
البارت ال 26
تنهى ملك مكالمة عمرو وهى على مشارف بلدتها ..تصل ملك الى منزلها لتجده فارغا .....
ملك سامية ....سامية ...
سامية ايوة يا انسة ملك
ملك فين بابا وماما واخواتى اوعى تكونى قتلتيهم و حطيتيهم فى اكياس
سامية الله اكبر ليه يا انسة ملك السيرة دى يا ستى راخو يرحبوا خيل
ملك بدهشة ايه خيل من ورايا مااااااااااشى ...واكيد مالك راح معاهم
سامية ايوة
ملك بتحذير ووعيد مصطنع ماشى
سامية اجهزلك الغدا
ملك يا ريت يا سامية انا واقعة من الجوع وياريت تطلعيه فوق
سامية حاضر ثوانى ويكون الاكل جاهز
صعدت ملك الى غرفتها اخذت حماما دافئا ثم توضأت وصلت العصر وابدلت ثيابها ثم تناولت غذائها وابدلت ثيابها لتليق بركوب الخيل
احمد كان الجميع يشعر بسعادة تغمر قلبه فمن نعومة اظافرهم كان احمد ياتى بهم الى هذا المكان ليلهوا ويركبوا الخيول فمعظم ذكريات طفولتهم هناك ....
رهف بسعادة يااااااااااااه الحمد لله بجد يا بابا كنت محتاجة اجى هنا جدا اريح اعصابى
مها بتعجب اللى يسمعك كده يقول انك ست كبيرة وشايلة الهم
رهف هو انا صغيرة ولا ايه انا بلا فخر ان شاء الله كلها شهرين تلاتة واكون فى اولى اعدادى هكون انسة كده زى القمر
مالك مازحا انا شاكك فى البت دى رهف تعالى كده .....لاااا انتى سخنة ...
رهف خفة ....انت اللى ايدك باردة
مالك طيب روحى بأة شوفى من اللى هيركبك الخيل انا رايح اركب سندباد ع فكرة
رهف بغضب طفولى يا بابا قوله يركبنى معاه بأه انا جاية اتبسط مش جاية يتعكنن عليا
أحمد هو عكنن عليكى فى ايه اخوكى بيهزر معاكى متبقيش قماصة امال ...يابنى خد اختك معاك وروحوا يلا
مالك طيب وحضرتك مش هتيجى تركب معانا
أحمد لا انا راحت عليا خلاص انا هقعد مع ماما شوية
ملك حقك يا باشا
أحمد بسم الله الرحمن الرحيم بت يا ملك جيتى امتى
ملك بقالى زمان يا بابا من اول انا هقعد مع ماما شوية
مها طيب عملتى ايه فى امتحانك
ملك تمام الحمد لله هو كان رخم لكن انا ارخم منه
مالك هتقوليلى
ملك كده طيب والله لاوريك
وظلت ملك تركض خلف مالك ورهف تجرى معه تارة يحملها وتارة يضعها ارضاواحمد يراقب المشهد مع زوجته فى سعادة غامرة ....
مالك تعالوا نعدى على فلة نشوفها سمية وصتنى عليها
رهف لا انا مش رايحة
ملك ليه ببس يا رورو مش ده حصان ابلة سمية حبيبتك وانتى بتحبيه يلا نروح نشوفه
رهفبضيق انا قولت مش رايحة يعنى مش رايحة انا عايزة اروح اشوف ريحانة كل واحد يروح يشوف حاجته ...سلام
نظر مالك لملك وفهم كل منهما سبب رفض رهف...
ملك رهف استنى بس ...انتى زعلان عشان سمسمة متصلتش بيكى صح
رهف ايوة صح ولا كأنى اختها
مالك ليه بتقولى كده ...انتى عارفة هى عملالك مفاجأة كبيرة عشان كده متصلتش هى قالتلى كده بلسانها
رهف لا انا بتكدب عليا عشان مزعلش منها
ملك عيب يا رورو مالك هيكدب عليكى ليه
مالك والله انا بتكلم جد صدقتى بأى
رهف بسعادة ايوة صدقت بس متعرفش ايه هى المفاجأة
مالك لا معرفش يا اخر العنقود
ملك يلا باى نروح نشوف فلة ونركب خيل ولا مش ناويين
مالك رهف لا ناوووين يلا
ملك طيب يلا
فى منزل محمود ....يصل محمود الى المنزل قبل موعد الغذاء سأل عن زوجته ليجدها تشاهد برنامج اوبرا وينفرى على جهاز التلفاز فدخل عليها ....
محمود السلام عليكم
ميرفت وعليكم السلام خير ايه اللى اخرك
محمود عادى يا حبيبتى كان عندى شوية شغل مستعجل المهم انتى اتغديتى طبعا
ميرفت لا طبعا متغديتش قولت استناك وخصوصا ان مى اتصلت والت انها هتتغدى مع جو فقولت بلاش اتغدى لوحدى وانت لوحدك
محمود يااااااه ايه الرضا ده كله ميرفت هانم تاخر معاد الاكل ساعة بحالها ...لا مش ممكن .اكيد فى حاجة
ميرفت انا استاهل يعنى ماشى يا
محمود بجد زعلتنى
محمود ماعاش ولا كان اللى يزعل ميرفت هانم مرات محمود الفيومى بس بجد وحشنى الاكل معاكى بجد
ميرفت بحنان انت عارف انا هكون احسن منك ..انت اللى وحشتنى والله يا محمود اوى
محمودبتنهيدة وانتى كمان فاكرة زمان اول متجوزنا ..كان كل يوم لازم نفطر ونتغدى ونتعشى مع بعض وبعد ماجم الولاد والمسؤليات كترت الوضع بدأيقل لحد مبقينا بنشوف بعض بالمواعيد ...
ميرفت بتأثر وياريت نافع ...الولاد كل واحد منهم اخد طريقه اهه آسر بقاله 3 شهور او 4 فى امريكا اتصل بيا مرتين تلاتة ..ولسة لما يشتغل ويتجوز هينشغل عننا اكتر اكتر ...وكمان مى خلاص هيكون ليها بيتها وهتنشغل عننا كمان يا محمود ...ولادنا خلاص طاروا يا محمود
محمود يا ستى خللى كل واحد يشوف حياته وبعدين يا حبيبتى مدام ربيناهم بالحلال وبما يرضى الله خلاص صدقينى الزرع اللى رويتيه بالخير هتحصدى منه الخير متقلقيش يا ميرفت
ميرفت بحزن طول ما انت معايا مش هقلق من اى حاجة ..بس خليك جنبى
محمود يا حبيتى انا هفضل طول عمرى جنبك ....انتى عارفة انا كلمت مين النهاردة
ميرفت مين
محمود آسر ..وقال انه هيي جى قبل فرح مى وهيحضره معانا كمان وان شاء الله هيناقش الرسالة بعد لما يرجع امريكا
ميرفت بسعادة بجد يا محمود هييجى ...الحمد لله ..كان واحشنى بشكل
محمود هو قاللى كده فاكيد هييجى انتى عارفة آسر ميقولش الكلمة غير وهو متاكد انه هيكون ادها
ميرفت ربنا يخليه ويوفقه بجد واحشنى
محمود طيب يلا نتغدا لان كده هيكون عشا يا ميرفت هانم ...وقال ايه مواعيد
ميرفت ماشى ماشى اتريق براحتك
وقام محمود بصحبة زوجته ليتناولا غذائهما ....فى مطعم فاخر من ارقى المطاعم فى القاهرة تجلس مى بصحبة يوسف يتحدثان ولكن بجدية ......
مى يوسف انت مش هتقوللى فى ايه بالضبط
يوسف يا حبيبتى مفيش حاجة
مى يا سلام يعنى تقدر تقوللى ازاى آسر وافق علة معاد جوازنا وكمان هييجى ...لا وكمان ايه قال لبابا حددوا الوقت اللى انتوا عايزينه وانت عارف آسر لا يمكن يعمل كده ابدا ...ده اهم حاجة عنده دراسته
يوسف يا حبيبتى عادى مهو انتى اخته الوحيدة وعايز يفرح بيكى فيها ايه
مى فيها انى كلمته كتير قبل كده وهو مكنش راضى ينزل وكان عايز يأجل الفرح لحد بعد المناقشة وكمان لما جيت وقولتلى انه هيوافق وكنت بتتكلم بكل ثقة مصدقتش لكنه وافق فعلا ...بص الموضوع فيه ان صح ولا لا يا يوسف
يوسف لا ....مش صح انتوا البنات بتحبوا تكبروا المواضيع ع الفاضى
مىبزعل يصاحبه قليلا من الدموع انا مكبرتش مواضيع يابشمهندس...ع فكرة انا متاكدة انك بتكدب عليا ...... أنا عارفة ....آسر اخويا تعبان يا يوسف آسر حصله ايه وقد بكت بشدة
يوسف يا حبيبتى متعيطيش والله ميستاهل انك تفكرى فيه اساسا
مى لا متقولش على اخويا كده ....اكيد فيه حاجة ...انا احساسى مبيكدبش ...والله لو مقولتيليش يا يوسف هزعل منك بجد
يوسفر الله يسامح احساسك اللى مودينا فى داهية ..يا بنت ىاخوكى زى القرد وعايش حياته ع الاخر يعنى الرسالة تمام وحياته تمام ولا بيفكر فيكى ولا فى غيرك ولا همه اى حاجة غير نفسه
مىبعصبية يوسف قولتلك متقولش كده على آسر .... انا مسمحلكش... ده اخويا اللى مليش غيره
يوسف مى .. دى حقيقة آسر الجديدة اللى لازم تعرفيها ..ولازم تعودى نفسك على مفاجآت من آسر كتيرة اوى بس اوعى تتصدمى
مى يوسف هتقول فى ايه ولا والله اقوم وامشى واسيبلك المكان كله
يوسف بصى انا هقولك على حاجة بس وعد اوعى تقولى لحد ..
مى مش هقول ...اخلص
يوسف لا اوعدينى الاول
مى يوسف ايه شغل الاطفال ده انا قولتلك مش قايلة لحد
يوسف انا قولت اوعدينى انك متقوليش حتى لعمى محمود ولا لاى حد
مى بنفا صبر اوووف وعد يا ياوسف اخلص بأى قلقتنى
يوسف بصى يا ستى ............................
فى منزل خليل تستيقظ سمية من نومها لتجدها السادسة والنصف تفزع لانها لم تصل بعد العصر فلقد كانت فى غيبوبة نوم تنهض سمية مسرعة لتصلى العصر الذى اوشك ان يفوتها ..مالبثت ان انتهت من اداء صلاة العصر حتى أذن المغرب فصلته وابدلت ثيابها وهبطت للاسفل لتجد الجميع يتحدثون .....
سمية السلام عليكم
الجميع وعليكم السلام ورحمة الله وبركاته
أميرة ..أخيرا قومتى من النوم
سمية فعلا انا نمت كتير جدا ....محدش صحانى ليه
نغم قال محدش صحانى ليه ده انا صوتى راح من كتر مصحيتك وحضرتك نايمة ولا نوم اهل الكهف بجد يا ابلة سمية نومك بأى تقيل اوى
سميةمازحة لا والله بجد ...يعنى انتى نتى بتصحينى بجد ...وانا اللى كنت فاكراه كابوس
نغم بأى اناا كابوس ماشى يا ابلة سمية ..وانا اللى مستنياكى نتغدى مع بعض عشان متتغديش لوحدك مااااااااااشى
خليل خليها عليكى المرة دى يا نغم
نغم مازحة لا لالا لا يمكم انا اتهنت فى وجودك يا دكتور هاتلى حقى
سمية طيب تعالى اديكى حقك يا ستى ..
نغم هاتى ...
أميرو مقاطعة نغم يا حبيبتى روحى لهدى خليها تحضرلكم الاكل
نغم ايه النظام يا دكتور هو ده حقى بردو ...ماشى امرى لله
نغم بصوت عالى هدى ....هدى ....حضرى الغدا ليا انا وابلة سمية سمعاااانى يا هدى .....
هدى تاتى ل نغم ايوة سمعتك يا انسة نغم وهو جاهز ع فكرة ع السفرة
نغم طيب جاية ليه كنتى قولتى من هناك بدل الموصلات الكتيرة دي
أميرة طيب يلا يا بنات قوموا اتغدوا دلوقتى
ونهضت نغم صحبة سمية متوجهين لمائدة الطعام وما ان جلسوا حتى قالت نغم ....
نغم ابلة سمية
سمية نعم
نغم هاتى حقى
سمية بتتريقى طيب ده انا كنت ناوي ليكى ععلى خروجة
نغم بحزن ايهخروجة لا بالله عليكى عشان خاطرى انا اسفة ...يلا بأى
سمية امرى لله دايما بضعف ادامك بصى يا ستى انا احتمال اخرج برة اشترى شوية حاجات كده فهتصل بمى ان شاء الله فحضرتك مهتهونيش عليا اسيبك لوحدك فهخدك وامرى لله
نغم يا حبيبتى يا سمسمة ...
سمية بس بس كفاية ..خلينا باى نخلص غدا علشان نقول لعمو وطنط ...وادعى يارب يوافقوا
نغم مادام حضرتك فيها هيوافقوا انا واثقة
سمية لا والله ..طيب كلى يا ....يا واثقة
فى المطعم كانت مى تنصت ليوسف بتعجب واندهاش شديدين وكان هذا هو حوارهما ....
يوسف بصى يا ستى انا هقولك اللى حصل ان آسر خطب ميرنا بقاله فترة وكمان هو جد فى الموضوع وهيتجوزها قريب جدا يا اما بعد المناقشة او قبلها المهم هو قاللى وشدينا مع بعض لانه ممعملش اعتبار لاى حد فى اهله ولا هامه اى حد وعايش حياته بالطول والعرض هناك اخوكى بأى واحد انانى جدا يا مى حتى انا معدش بيسمعلى اى كلام فضللت انصح فيه واقوله لكن هو مسمعش منى انتى عارفة لو انا شايف ميرنا مناسبة ليه كنت ساعدته لكن انا متاكد انه مبيحبهاش ده مبهور بيها بس وكمان هى مش مناسبة ليه خاااااااااااااااالص انا لما كنت هناك السنة اللى فاتت شفتها وقعدنا مع بعض كتير وقولتله ....لكن اخوكى ربنا يهديه مبقاش يسمع لحد انا قولتله انا هعمل الفرح يتيى وتوافق ع المعاد اللى اقوله ونحدده يا اما والدك هيعرف موضوع ميرنا ...لكن هو قالى كلام انا زعلان منه لحد دلوقت ...لكن والله يا مى نفسى عمى محمود يعرف عشان مصلحة آسر وحياته ...مش لوى دراع ولا عشان فرحنا ولا اى حاجة من دى والله بجد
ودى يا ستى كل الحكاية
مى مصدومة ..........................
يوسف بقلق مى انتى كويسة ...
مى مازالت كما هى ها ......معرفش ..هو انت كنت ...بتتكلم ...بجد ..يعنى ..انت بتتكلم عن آسر اخويا ....
يوسف باسف ايوة يا مى ده آسر اخوكى اللى لازم تاخدى منه من دلوقتى على كده كتير
مى باكية بابا لو عرف الموضوع ده ممكن يحصله حاجة دى اخر مرة آسر كلمه بخصوص ميرنا بابا كان هيخليه يكمل هنا فى مصر ويمنعه من السفر برة
يوسف آسر كان حكالى ...بس المرة دى ولا فارق معاه حاجة معرفش مين اللى مقويه كده ربنا يسترها ....بس يا مى اوعى تقولى لحد وخصوصا عمى
مى بابتسامة حزينة يا حبيبى انا وعدتك خلاص وانت عارف ....
يوسف بابتسامة يا سلام على حبيبى دى طالعة زى العسل منك قوليها تانى
مى توء توء ...يوسف ممكن اسالك سؤال
يوسف اسألى ربنا يستر .....
مى متخفش ...يعنى لو كان اهلك مش موافقين على ارتباطنا كنت هتعمل زى آسر وتخطبنى من وراهم
يوسف اولا انا مش زى آسر ...اخوكى عتيد ودماغه ناشفة واحيانا ممكن ياخد قرارات توديه فى داهيىة
ثانيا انا موقفى مختلف ...انتى من بيئتى ومن دينى ومناسبة جدا ليا وكمان فوق كل ده انى بموت فيكى مش بحبك بس وكمان متاكد انك اغلى حاجة عندى..
ثالثا وده الاهم اهلى الحمد لله عارفين كويس وهما كمان اللى كانو بيقولولى عليكى
مى بغضب طفولى يعنى انت مكنتش بتحبنى غير لما اهلك قالولك عليا ...ماشى والله هشتكيك لطنط مديحة وشوف اللى هيحصل
يوسف والله عسل ..يا عبيطة انا بحبك من اول يوم روحتى فيه الكلية فاكرة ولا لا
مى وقد احمر وجهها يووووه انت لسة فاكر
يوسف ده كان يوم بس انتى عارفة التيشرت لسة عندى
مى لا بجد ..ولسة متبهدل
يوسف ايوة بس فى حد يشرب عصير متلج كده
مى اعمل ايه كنت متوترة يومها وانا اللى عملت العصيرفحطيت تلج كتير
يوسف انتى عارفة يا مى لما آسر يومها قاللى هنوصل مى لكليتها الاول قولت يادى الوقعة ايه شغل العيال ده و لما جيت البيت عندكم وشفتك عمالة تشربى العصير ورايحة جاية قولت مين دى وفضلت سرحان لحد
مى مقاطعة لحد مخبطت فيك ووقعت العصير عليك
يوسف وانتى ساعتها وشك جاب الوان الطيف كلها واتخضيتى حتة خضة وفضلتى تتهتهى لحد ما جه آسر وانقذك
مى وانقذك انت كمان وجابلك تيشيرت من عنده وكنت مكسوف خالص
يوسف لا والله بالنسبة ليكى يعنى ...ده انتى القطة اكلت لسانك طول الطريق بتاكلى ضوافرك وساكتة ومتوترة وآسر يهديكى شوية وانا شوية
مى بنظرة حانية من وقتها يا يوسف وانا قولت انت الراجل اللى بتمناه معرفش ليه بس حببيتك
يوسف وانا كمان يا مى من يومها وقولت هى دى اللى بتمناها انتى كنتى دافع كبير ليا انى اخلص بتقدير ياهلنى لشغل مرتبه كويس عشان اليق بيكى
مى يا سلام ده انت يوسف ابن عمو ادهم عز الدين باشا تفتكر مكنتش تليق بيا ...
يوسف انا مليش دعوة ببابا انا عايز يوسف نفسه اللى يليق بيكى
مى عارفة يا حبيبى ربنا يخليك ليا ..
يوسف ويخليكى ...ايه رأيك اخرجك بعد الغدا
مى خليها مرة تانية انا مستاذنتش من بابا
يوسف يا بنتى ده انا جوزك
مى معلش عشان بابا بردو انا لسة فى بيته
يوسف ماشى يا حبيبتتى ...يلا قومى اوصلك .
وقامت مى بصحبة يوسف ليخرجا من المطعم وهى تفكر لماذا صار اخوها هكذا ترى ماذا سيحدث فى الايام المقبلة ...فى منزل أحمد كان اجميع قد رجعوا مستمتعين وفى قمة من الفر والسعادة بقضاء يومهم .بهذه الطريقة ...
ملك يااااااااااااه والله هتوحشنى الايام دى اوى
مالك عدى الجمايل
ملك بأى كده والله لاوريك
مها بببببببببببسسسسسسسسس كفاية حرام عليكوا صدعت
رهف يا حبيبتىى يا مامتى معلش يا حاجة اصل عيالك مفتريين بيجيبولك الصداع وابن عمه كمان
سامية تاتى اليهم احمد بيه دكتور محمد مستنى حضرتك جوه فى الصالون
أحمد بتعجب محمد خطيب سمية
سامية ايوة يا فندم جه من حوالى ربع ساعة وطلب قهوته ومستنى حضرتك جوه فى الصالون
أحمد طيب قدميله واجب الضيافة وانا جاى حالا
مها طيب يلا يا اولاد نطلع
أحمد مش هتيجى تسلمى عليه
مها بنفاذ صبر لا انا مصدعة محتاجة انام عن اذنك يا احمد
أحمد متعجبا اذنك معاكى ...وانت يا مالك يا راجل مش هتيجى
مالك معلش يا بابا يا دوب اطلع اصللى وانام عن اذنك
أحمد اذنك معاك يا ابنى ...واالله انتوا عيلة عجب ...
يدخل أحمد مرحبا لغرفة الصالون ليجد محمد ينتظره .....
أحمد السلاااااااااام عليكم .
محمد وعليكم السلام ازى حضرتك يا بشمهندس
أحمد تمام والله ازيك انت يا بنى
ويسلم أحمد على محمد ويجلس معه ...
محمد الحمد لله كويس اتمنى انى مكنش ازعجت حضرتك
أحمد عيب عليك تقول كده انت زى مالك .
محمد ده العشم بردو ...المهم انا عايز اكلم حضرتك فى موضوع ممهم بس اتمنى ان حضرتك تاخده بصدر رحب ومتزعلش
أحمد بقلق خير يا بنى فى ايه قلقتنى
محمد ان شاء الله كل خير هو الموضوع بخصوص دكتورة سمية
أحمد بخضة سمية مالها خير
محمد حضرتك متقلقش والله هى كويسة جداالحمد لله انا كنت عندها فى القاهرة وهى ماشاء الله عليها متقلقش حضرتك بس ...
أحمد بحزم متنطق بس ايه يا محمد
محمد احنا انفصلنا يا باشمهندس كل واحد فينا راح لحاله
أحمد نعم ازاى ده حصل وامتى وازاى من غيرما اعرف
محمد بصراحة انا جايلى عقد عمل برة وعشان اتثبت قدامى سنتين لازم اقعدهم متواصلين وهو بصراحة ميتفوتش مستقبله كويس انا كلمت سمية فى الموضوع وهى رفضت جدا وكمان انا عارف رأى حضرتك
أحمد كمل يا دكتور
محمد انا قولت لسمية ده مستقبلى ياما نتجوز ونسافر يا اما تستنينى لحد مرجع
أحمد وطبعا سمية رفضت
محمد ايوة
أحمد يعنى مستقبلك اهم من بنتى يا دكتور
محمد لا والله يا عمى
أحمد بجدية وصرامة عمى دى معدتش تتقال انا المهندس احمد الفيومى ولو نسيت افكرك يا دكتور محمد ياريت تكون صريح معايا اكتر من كده
محمد بصراحة يا باشمهندس انا هكون صريح مع حضرتك اكتر من كده ..هو بالاضافة للموضوع ده ..فى حاجة اهم ...انا مرضيتش اظلم سمية معايا..ممكن يكون الكلام جارح لحضرتك بس ..انا مبحبش سمية ولا هى بتحبنى ..انا بحب بنت عمتى وكنت خاطبها وسمية عارفة كده معرفش منين ..انا وهى فكرنا كتير اننا هنكون بنبى بيت من التعاسة فهيقع قبل ما يتبنى ..فقررنا ان كل واحد يروح لحاله
أحمد طيب سمية دى يا دكتور مش خطبتها من بيت وله راجل
محمدبخجل ايوة
أحمد يعنى يوم متسيبها مش تروحلها القاهرة لا تيجى على بيتها وتكلم الراجل صح ولا انا غلطان
محمد صح يا باشمهندس لكن والله انا كنت فى القاهرة بسبب العقد وموضوع سمية ه صدفة ..وانا اول موصلت جيت لحضرتك على طول عشان انا محترم البيت اللى اخدت سمية منه ...انا اسف ارجو من حضرتك متزعلش منى لانى بجد بعتبر حضرتك زى والدى الله يرحمه
أحمد ينظر له نظرة ذات معنى وانا كمان كنت بعتبرك ابنى ...انا مش زعلان منك يا دكتور بسبب حاجة واحدة بس تعرف ايه هى . اقولك ايه هى
محمد ينظر له باستغراب سمية
أحمد ايوة سمية مستغرب ليه اوى كده ..هى كلمتنى كذا مرة انهاا عايزة تنفصل لكن كنت بقولها محمد راجل وشاريكى كانت بتوافق لكن كنت بشوف فى عينيها الف لا ليك يا محمد ..انت متفرقش مع بنتى ولا هى فرقت معاك عشان كده انا مش زعلان كل شئ قسمة ونصيب ...
محمد حضرتك هتفضل والدى وسمية واخواتها اخواتى يا عمى
أحمد انا والدك تحت امرك لكن ولادى ملكش دعوة بيهم واولهم سمية يا دكتور ولا انا غلطان ..الاصول اصول
محمدباحراج شديد اكيد يا باشمهندس بلغ سلامى للمدام والباقى عن اذن حضرتك
أحمد خاليك قاعد يا بنى ملحقناش نقعد مع بعض
محمد مرة تانية ان شاء الله عن اذن حضرتك
أحمد طيب اتفضل يا بنى ..
محمد خليك قاعد مستريح انا هارف الطريق كويس السلام عليكم
أحمد وعليكم السلام ...
وخرج محمد ليترك أحمد فى حيرة من أمره ...يظل أحمد جالسا حتى تاتيه مها ....
مها هو محمد مشى
أحمد ........
مها احمد ..احمد ...
أحمد ها ففى ايه
مها سلامتك يا حبيبى بقولك محمد مشى
أحمدبسخرية ايوة مشى ...ذهب ولن يعد
مها فى ايه هو قالك ايه
أحمد ليه مقولتيليش يا مها
مهابارتباك اقولك ايه بس
أحمد تقوليلى على انفصال محمد وسمية يا ام سمية
مها سمية قالتلى مقولكش ومحمد هو هيفاتح معاك الموضوع وهيحكيلك
أحمد يعنى انا اخر من يعلم ..والله واستغنيتوا عنى بدرى
مها باكية يا حبيبى متقولش كده معاش ولا كان اللى يزعلك ويستغنى عنك ربنا ميحرمناش منك بس سمية محبتش تزعلك ومقدرتش تقولك هيا لتزعل وانا كنت هقولك لكن قولتلى انه كلمك فقولت تيجى منه هو معلش والله متزعل منى يا أحمد مكنت اقصد ازعلك بجد
أحمد خلاص يا مها ... انا قولت بردو سمية مش مظبوطة بقالها كام يوم كل لما اكلمها صوتها ميعجبنيش ..انا معرفش انا لو رالى حاجة مين هيوقف لها ويكون ضهرها ..
مها بتوسل ودموع يا أحمد مية مرة اقولك متقولش .....كده حرام عليك.... قلبى مش مستحمل .....ربنا يخليك ليا يا احمد وميبعدنيش عنك ولا يبعدك عننا ....ربنا هو الحافظ يا حبيبى ومادام ربينا اولادنا صح ان شاء الله متخفش عليهم ....ربنا يخليك ليهم
أحمد الحمد لله ربنا يكرمهم ويأجرنا خير بتربيتهم ...بس سمية انا خايف عليها يا مها ...بنتك مش اد اللى حواليها ...انتى فاكرة موضوع ابن الوزير ده هيعدى على خير ...تبقى بتحلمى ...ولسة الدنيا مخبية كتيرر اوى .....وبكرة تقولى أحمد قال
مها ربنا يخليك ليها وميحرممهاش منك
أحمد انا هروحلها بكرة باذن الله اطمن عليها وممكن ابات هناك واعمل الجلسة واجى ان شاءالله
مها خير معملت ..اجى معاك بقالى كتير مشفتهاش
أحمد لا خليكى يا مهاالولاد محتاجينك هنا اكتر ..المهم يلا قومى انا تعبان ومحتاج استريح شوية
مها طيب يا حبيبى اللى انت عايزه ...انا مصلتش لسة يا احمد متيجى تصللى بيا بقالك فترة مصلتش معايا
أحمد ربنا يباركلك يا مها الحمد لله ان ربنا رزقنى بيكى ...يلا يا ستى قومى بس عدى الجمايل ماشى
مها مالك علمك ماشى يا حبيبى ...يلا
يذهب احمد بصحبة زوجته ليؤديا فرضهما .....فى ولاية فى ولاية كونيتيكت حيث يسكن هناك آسر بقرب جامعته ومحبوبته كان يجلس بغرفته فى شقته التى يستاجرها له والده ويقطن معه صديقه السورى الطبيب المتخصص فى جراحة القلب ويحضر رسالة الدكتوراة ولكنه يكبر آسر بعامين ولكنه يتميز بالجمال الشامى فهو طويل نحيف نوعا ما وعيناه قطعة من البحر وشعره بنى وناعم جدا وبشرته بيضاء.
باسل شو بك يا زلمة
آسر مفيش بس بفكر بس لانى هرجع مصر خلال اسبوعين تلاتة واجة مكنتش ع البال او ع الخاطر
باسل فهمتك هلأ انت عم تفكر كيف را تتركها لميرنا مو هيك
آسر هو مش ميرنا بس بصراحة ميرنا والرسالة وكده
باسل طيب لا تقلق ان شا الله ربك بيسرها
آسر ان شاء الله خير من حق انت عملت ايه فى موضوع رسالتك هتناقشها امتى
باسل والله مو اقل من سنة لانه الرسالة بدها حالات اكتر وكمان لازم اروح مشفى الدكتور مجدى يعقوب واقابل حالات من عنده هى شئ مهم بالرسالة الدكتور دانييل نصحنى فيه
أسر انت بتهزر يا بنى الدكتور دانييل اخد جايزة نوبل ..هيوصيك بمجدى يعقوب ...اى نعم هو الدكتور مجدى من اعظم جراحين القلب فى العالم لكن للدرجة دى
باسل واكتر شوى كمان باينك مو تعرف اشى عنه بيكفى عمليات ذرع القلب اللى بيسويها ونسب نجاحها وكمان عامل مركز للقلب فى اسوان الكل عم يحكى عنه هون..عن جد نفسى اكون متله
آسر يا سيدى ربنا يكرمك ان شاء الله انت تستاهل كل خير
فى القاهرة فى مقر الحزب الحاكم كان يوجد الوزير قدرى عليان ....
المسؤل ابنك ده بوظ الدنيا خالص يا قدرى ياريتك تتصرف بسرعة
قدرى عليان يا فندم هو غلط وهينال جزاءه انا لا يمكن اتدخله عشان يطلع منها ...ده مش انا يا فندم
المسؤل يا قدرى بيه انت هتتشال فيها من الحزب يعنى لا كرسى مجلس شعب ولا كرسى وزارة وده الكلام اللى عندى اتصرف يا اما حضر نفسك للاقالة
قدرى عليان ازاى بس انا خدمت البلد كتير والحزب كمان
المسؤل موضوع ابنك كده هيفتح حاجات كتير مقفولة من زمان والدنيا هتقوم علينا اكتر ما هى قايمة ...فلازم نامن نفسنا حتى لو هنخسر حد من رجالتنا يا قدرى فهمت
قدرى عليان طيب ادينى فرصة افكر
المسؤل ادامك لحد بكرة تيجيلى وانت مقرر هتعمل ايه
قدرى حاضر يا فندم .بعد اذنك
البارت ال 28
فى منزل خليل حيث حل المساء عليهم الجميع يجلس فى شرفة المنزل يتبادلون اطراف الحديث .....
سمية عمو خليل ممكن اطلب طلب ..يعنى هو صغير ..بس كبير شوية
خليل صغير ..بس كبير شوية ..مين اللى دخلك طب ...المهم ..خير
سمية بصراحة كده كنت عايزة انزل اشترى شوية حاجات كده بكرة ان شاء الله وكنت عايزة اخد نغم معايا
خليل يعنى بردو نويتى على اللى فى دماغك
سمية تنظر ارضا بحزن لازم امشى ..لازم
أميرة متفهونى فى ايه نية ايه ومشيان ايه
خليل سمية عايزة تسافر البلد بعد بكرة
أميرة متعجبة نعم تسافرى ومحاضراتك
سمية معلش يا طنط بس فرح ملك قرب اوى وانا لازم انزل بردو ومى ان شاء الله هخليها تجيبلى محاضراتى من المكتبة واى حاجة هسال عمو خليل ..ده الماستر بتاعنا
أميرة براحتك يا حبيبتى ..عقبال فرحك انتى ومحمد
نغم لا يا مامتى فرحها ايوة ...بس محمد لا ..
أميرة انتى سخنة يا نغم ولا تقلتى فى الغدا ....
نغم غدا ايه وعشا ايه يا ماماتى ..يا سيادة الدكتورة أميرة ...سمسمة فركش هى ومحمد
أميرةتنظر لسمية بقوة وتعجب نعم.....هو ايه اللى بيحصل
سمية يا طنط خير محصلش حاجة كل الموضوع ان انا ومحمد انفصلنا كل واحد فينا راح لحاله ...الحمد لله على كل حال
أميرة نعم ليه ايه اللى حصل وامتى وازاى معرفش يا سمية
خليل اهدى يا اميرة بس .الموضوع لسة امبارح وكمان انتى مشغولة عندك اممتحانات ومحبيناش نقلقك بس يا حبييتى
أميرة طيب يا سمسمة انا هنشغل عنك يا بنتى ..يعنى لو جيتى فضفضتى ده مش هيريحك يعنى
خليل ينظر لامير نظرة ذات معنى خلاص يا أميرة اللى حصل حصل المهم يا سمسمة انزلى انتى ونغم بكرة بس يا انا يا اميرة اللى هنوديكم .ونجبكم ..تمام
نغم سمية تمام
سمية طيب استئذنكم انا
نغم على فين بأى لسة الساعة 8
سمية معلش يا نغم عشان اصحى بدرى بس اشوف اللى وريا وكمان عندى شوية حادات عايزة اخلصها قبل ما انام
أميرة اتفصلى يا سمية اطلعى براحتك يا حبيبتى ..
سمية جزاكم الهى خيرا عن اذنكم
خليل اذنك معاكى ...
تصعد سمية لغرفتها وتاخذ دوائها ..فانتظامها فى الدواء والغذاء ونظام حياتها بدأ يقلل من تعبها وبدأت تشعر بتحسن فى حالتها التقطت سمية هاتفها لتتصل بأحدهم .....بينما كان يوسف يوصل مى رن هاتف مى ...
يوسف مين
مى دى سمية بنت عمى وممكن ارد صح
يوسف يا عينى لسة فكراكى ردى ردى بدل متقفل
مى السلاااااااااااام عليكم
سمية وعليكم السلام ورحمة الله وبركاته ازيك يا مى
مى زعلانة منك جدا والله خالص
سمية لا حول ولا قوة الا بالله يا بنتى هو انا كل ما اكلمك تقوليلى كده ههههههه
مى طبعا وبعجين ده انتى شمتى يوسف فيا ...بيقولى هى لسة فكراكى ردى
سمية نعم وايه اللى عرف خطيبك بيا
مى يا بنتى ده انتى بنت عمى وكمان طول ما احنا قاعدين لازم اجيبله فى سيرتك
سميةباحراج ماشى بنت عمك لكن بتجيبى فى سيرتى لا مينفعش خالص
مى انتى بتستهبلى يابنتى عادى انتى بتتكسفى اوى ع فكرة
سمية طيب لينا كلام فى ده بعدين ...المهم ..انا عايزة انزل بكرة استرى شوية حاجات فاضية
مى لو مكنتش فاضية افضالك ....اكيد ان شاء الله فاضية ..على كام بأى
سمية ربنا يعزك يا مى ان شاء الله على 4 كده
مى نعم 4 ايه يابنتى
سمية لا يا دوب علشان نرجع بدرى ان شاء الله ومنتاخرش
مى طيب ماشى يا ستى على راحتك ...اى خدمات تانية ..اقصد اى جمايل تانية
يوسف بصوت هامس سلميلى عليها
مى محركة رأسها لا
يوسف بصوت هامس لا بجد سلميلى عليها يا رخمة يا اما هتى الموبايل وانا هسلم عليها
سمية لا متشكرين يا ستى منستغناش بس انا عايزة اروح مولات كويسة وفيها حاجات كويسة جدا كمان
مى ماشى حاضر
سمية انتى
