طفلة اسرت ظابط بقلم إسراء إبراهيم

يساعدنا نسافر اسكندرية وهناك نبدأ من جديد وكدة كدة مالناش حد هناك يعني جدي مش هيشك اننا روحنا هناك اصلا ايه رأيك
وداد بعقل احنا هنبقي نجدنا اه بس سيبنا ورانا الهم كله لحضرة الظابط جاسر اكيد جدك مش هيسيبه خصوصا بعد ما يعرف انكم متجوزتوش ولا حاجة
زهراء بحزن عندك حق يا امي بس طب هنعمل ايه 
وداد بتنهيدة سيبيها علي ربنا وان شاء الله ربك هيحلها من عنده
............................ 
كان واقف جاسر بيعدل هدومه لما دخلت عليه جيهان امه اللي باين عليها الغرور شوية من طريقتها
جيهان بابتسامة اممم ده انا قولت انك نايم بما انك يعني اجازة
جاسر بابتسامة انا فعلا اجازة بس عندي
مشوار مهم لازم اروحه يا ماما
جيهان بتكشيرة نعم مشوار ايه بقي ده ازعي تتأخر علي معادنا بليل يا جاسر وتحرجني مع خالتك نادين
جاسر بضيق يا ماما حضرتك عارفة اني مش هحضر حتس لو كنت فعلا اجازة وبعدين انا قولتلك رأيي بمنتهي الصراحة واني مش موافق علي الجوازة دي فياريت متضغطيش عليا لاني مش حابب ازعلك مني
جيهان بانفعال يعني ايه يا جاسر انت عاوز تحرجني مع الناس وبعدين لحد امتي هتفضل عازب يعني انا عاوزة افرح بيك يا حبيبي
جاسر بتلقائية اولا انا مقولتش لحضرتك تعزميهم ثانيا انا مش موافق علي نيرة لشخصها اولا وده لانها مافتخة زيادة عن اللزوم وثانيا لان حضرتك مش عاوزاني اتجوز لانك عاوزة تفرحي بيا زي ما بتقولي لا انتي عاوزة تضمني بس فلوس جوز خالتي مش اكتر ولان هو ده اللي يهمك وانا بقي في الحالتين مش موافق يا امي
جيهان بغضب انت اتجننت يا جاسر بترفض عشان اسبابك التافهة دي اولا وايه يعني البنت منفتحة وبتلبس براحتها اومال عاوزها تلبس ايه طرحة مثلا 
هنا افتكر جاسر زهراء بشكلها البريئ واللي يخطف رغم انها محجبة لحد ما انتبه لكلام جيهان امه اللي كملت كلامها بغضب ثانيا بقي ايه يعني لما افكر في مستقبلك ومستقبل العيلة مش دي سنة الحياه وبعدين دول من عيلتنا يعني هما اولي
جاسر بيأس بقولك ايه يا ماما ياريت تسيبيني عشان مشغول وبليل ربنا يسهل بس موعدكيش اني اجي
جيهان بغيظ ملشي يا جاسر بس لو مجتش هبقي غضبانة عليك واعمل بقي اللي يريحك ها
مشيت جيهان وكان متابعها جاسر ومن جواه مضايق من تفكيرها الغير سوي وبعدين اتنهد بقلة حيلة وخد موبايله ومفاتيحه وخرج
.......................................
دخل جاسر مطبخ الفيلا وهو باين عليه الضيق وكانت متابعاه جميلة وتبقي المربية بتاعته وهو بيقعد بغضب
جميلة بابتسامة خير يارب يا تري اتناقرتو علي ايه انهاردة
جاسر بضيق انا مش عارف هي عاوزة مني ايه طول
عمري وهي عمرها ما فكرت تيجي تقولي انت فيك ايه ليه دلوقتي مهتمية بجوازي انا عارف انها عاملة عالفلوس والنسب اللي هي بتتمناه بس ده مش هيحصل
جميلة بحنان يا جاسر مهما حصل ومهما عملت اوعي تنسي ان دي امك اينعم هي صعبة شوية بس والله مع الوقت هتلاقيها بتلين وهتعملك اللي انت عاوزه هي بس بتبقي عاوزة كل حاجة تمشي زي ما هي عاوزة
جاسر بانفعال وانا بقي مش انسان الي من وقت موت بابا وانا بحاول اتأقام معاها واحاول اقرب منها بس هي كل مرة بتبعدني
جميلة بحب وماله جرب مرة واتنين وعشرين انت بس حاول متحسبهاش كدة وبعدين وفيها ايه لما تبقي عاوزة تفرح بيك ده انا نفسي مستنية اليوم ده يا واد انت
جاسر بابتسامة منا خلاص قررت اتجوز
جميلة بفرحة بجد يا جاسر نويت تتجوز نيرة بنت خالتك
جاسر بتكشيرة نعم لا طبعا اتا هتجوز بس مش نيرة يا دادة هتجوز بنت تانية ومش زي ما انتي فاهمة دي بنت كدة ليها ظروف معينة هبقي احكيهالك بعدين عشان متأخر دلوقتي
جميلة باستغراب نعم وده يبقي جواز ايه ده بقي اللي اعرفه انك يا هتتجوز يا مش هتتجوز لكن ايه الجواز اللي كدة وكدة ده 
جاسر بضحك لا متخافيش هتجوز بجد بس الفرق اني مش عشان بحبها ولا هي بتحبني قولتلك يا جميلة هفهمك بعدين انتي مستعجلة علي ايه بس
جميلة بصدمة جميلة حاف كدة ده انا معرفتش اربي يلا يا واد انت من هنا واه بقولك صحيح اسأل قلبك وصلي واستخير ربنا قبل اي حاجة واللي يقولك عليه اعمله علطول وميهمكش حاجة
جاسر بابتسامة متقلقيش يا دادة عملت كدة طبعا تربيتك بقي يلا عاوزة حاجة
جميلة بحنان عاوزاك طيب يابني روح ربنا يريح قلبك ويوفقك لما يحبه ويرضاه يااارب 
جاسر براحة امين ياب مع السلامة يا حبيبتي
جميلة بحب في رعاية الله وحفظه يابني
..................................
زهراء بصدمة اييييه نتجوز انت بتقول ايه يا عمو الظابط انت
جاسر بضيق ممكن تقعدي كدة وتسمعيني الاول انا فكرت كتير وهو ده الحل الوحيد اولا لان جدك لما يتأكد اننا اتجوزنا فعلا هيبعد عنكم وهيشيلكم من دماغه ثانيا بقي لانكم حتى لو سافرتو او هربتو زي ما انتي بتقولي هو مش هيسكت هيفضل يدور عليكم لحد ما يعرف طريقكم انا بالنسبالي مش فارقة لو عاوزين موضوع السفر ده تمام بس انا بفكر فيكم انتو انا عن نفسي اعرف ازاي ابعدو عن طريقي وهو اصلا مش هيقدر يفكر يتكلم معايا خصوصا بعد ما سأل عليا وعرف انا ابقي مين
زهراء كانت ساكتة وباصة لامها اللي حركت راسها بتفهم ليها وكأنها بتأكد كلام جاسر وبعدين ردت هي علي جاسر
وداد بتنهيدة احنا موافقين يابني انت عندك حق مهدي مش هيسكت وهيعرف يجيبنا بس انت ذنبك ايه في كل ده احنا مش عاوزين نبقي جايين عليك
جاسر بجدية انا وعدتكم اني هقف معاكم وانا مبخلفش وعدي يا طنط وداد ومتقلقيش يا انسة زهراء ده مجرد جواز علي ورق عشان محدش يفكر يقربلك او يأذيكي
زهراء بدموع واستسلام تمام اللي حضرتك شايفه
جاسر بتردد تمام انا هكلم المأذون يجي ونكتب الكتاب بس يعني في حاجة احب اوضحها ليكم
وداد بابتسامة اتفضل يابني احنا سامعينك
جاسر بهدوء انا والدتي من النوع الصعب شوية يعني من النوع اللي بتبص للماديات والطبقات وكدة يعني
زهراء بحزن قصدك انها مش هتوافق بجوازك من واحدة زيي مش كدة 
جاسر بهدوء مش كدة
بالظبط هي كانت عاوزاني اتجوز بنت خالتي عشان يعني مستوي والدها كويس وعشان الورث فيما بعد وكدة
انا بس
طالب منكم
انكم متضايقوش
منها لو قالت اي حاجة لانها في الاول هتبقي رافضة ده
وداد بقلق طب يابني معلش مش ممكن متعرفهاش يعني احنا ممكن نقعد هنا بعيد عن اي حد ومتقلقش محدش هيعرف حاجة
جاسر بثقة مع احترامي لحضرتك يا طنط بس زهراء هتبقي مراتي تحت اي ظرف ورغم اسباب جوازنا لكنها مراتي فانا محبش ومقبلش اني اتعامل كأني عامل حاجة غلط ومخبي احنا هنتجوز وحضراتكم هتعيشو معايا في الڤيلا ودي الاصول ولا ايه 
وداد بفخر تسلم اللي ربتك يابني ربنا يباركلك انا دلوقتي اتأكدت ان الست والدتك لا يمكن تكون وحشة جايز هي باصة لمصلحتك بس من وجهة نظرها لكن انها تبقي وحشة لا معتقدش لانها مكنتش طلعت راجل زيك
جاسر بسخرية كان نفسي اقولك عندك حق يا طنط بس للاسف انا اللي ربتني دادة جميلة للاسف امي مكنش عندها وقت تربيني انا هعرفكم عليها وصدقوني هتحبوها اوي
زهراء كانت متابعة كلام جاسر وقلبها مقبوض وخايفة اوي من اللي جاي كانت حاسة انها خرجت من حرب عشان تروح حرب تانية بس للاسف المرادي حرب هي مالهاش يد فيها ولا حتي طرف فيها وكان متابع سرحانها جاسر اللي كان بيخطف نظرات ليها وهو عارف اللي بيدور في عقلها كويس وشفقان عليها
............................
بليل كان داخل جاسر وماسك ايد زهراء اللي كانت بتترعش في ايده وكان حاسس بيها جاسر فضغط عليها عشان يطمنها