طفلة اسرت ظابط بقلم إسراء إبراهيم

وحست هي بيه وكانت جاية وراهم وداد اللي كانت بتدعي ربنا ان الموضوع يعدي علي خير رغم ان نظرات كل الموجودين
كانت غير مبشرة وخصوصا نيرة بنت خالته
جيهان باستغراب ايه ده مسن دول يا جاسر وانت ماسك ايد البنت دي كدة ليه 
جاسر بابتسامة باردة دي المفاجأة يا ماما انتي لحد انهاردة الصبح كنتي بتقوليلي انك عاوزة تفرحي بيا انا بقي حبيت افرحك واقولك اني اتجوزت البنت اللي بحبها
شهقة خرجت من الكل بصدمة وخصوصا جيهان اللي قامت بغضب
جيهان بانفعال نعم انت بتقول ايه يعني ايه اتجوزت وازاي ومن غير حتي ما تعرفني خلاص مبقاش ليك ام بتروح تخكب وتتجوز من دماغك 
جاسر ببرود والله انا راجل واعمل اللي انا شايفه صح وبعدين لو كنت جيت قولتلك كنتي هترفضي فعان كدة انا اتجوزت واديني بفرحك اهو
جيهان بغضب قصدك تحطني قدام امر واقع انت قاصد تحرق دمي ومين دي وجايبها من اي مصيبة
جاسر بانفعال لو سمحتي يا امي ياريت بلاش تقولي كلام ملوش لازمة واعرفي ان زهراء مراتي وانا لا يمكن هسمح ان حد يهينها
قعدت جيهان بصدمة والكل قام مشي بغضب ما عدا نيرة اللي كانت بتبص لزهراء بحقد وزهراء خافت من نظراتها ولقت نفسها بتبت في ايد جاسر اللي بلع ريقه بتوتر
جاسر بهدوء يلا يا حبيبتي تعالي يا طنط وداد هعرف حضرتك اوضتكم
فين
جيهان بصدمة انت اكيد اتجننت يا جاسر لا يمكن تكون بتتكلم جد انا لا يمكن هقبل البنت دي انت فاهم
جاسر ببرود براحتك بس زهراء مراتي فياريت تتعاملي معاها باحترام زي ما هي اكيد هتحترمك يلا بينا
طلع جاسر ب زهراء وامها وكانت متابعاهم جيهان بغيظ وجميلة بقلق
كانت واقفة زهراء بخوف وسط الاوضة بعد ما سابها جاسر وراح يوصل امها اوضتها فكانت بتبص حواليها بخوف لحد ما شافت صورة جاسر عالكومود فراحت عندها ومسكت الصورة وبقت تدقق في ملامحه وبعدين ابتسمت بس اتنفضت ورمت الصورة لما سمعت صوته من وراها
جاسر بابتسامة اتمني ان اوضتي تكون عجبتك
زهراء بتوتر هو انا ممكن انام مع ماما في اوضتها 
جاسر اضايق لانه افتكر انها خايفة منه
جاسر بهدوء علي فكرة انا لا يمكن هقربلك يعني متخافيش مني بس انتي قدام امي مراتي اللي بحبها فازاي هتنامي في اوضة تانية 
زهراء بسرعة لا مش قصدي انا مش خايفة منك انا خايفة من مامتك
جاسر بابتسامة انا مش عاوزك تخافي طول منا جمبك واوعدك ان محدش هيقدر يضايقك ابدا طول منا موجود
زهراء بتردد بس يعني انت هتسيبني وتروح الشغل وانا وقتها مش هحس بالامان
جاسر ابتسم بتلقائية وفرح اوي لانها اعترفت انها بتحس بالامان في وجوده وزهراء اتوترت اول ما كزت غي ابتسامه جاسر ودورت وشها
جاسر بابتسامة اممم طب نحلها ازاي دي خلاص ايه رأيك تيجي معايا الشغل
زهراء بلهفة بجد هو ينفع تاخدني معاك الشغل والله مش هعمل صوت
جاسر ضحك بصوته كله ووقتها زهراء اتوترت وحست ان قلبها بيدق وهي بصاله
جاسر بضحك تعرفي انك طفلة اوي حتي كلامك اطفالي خالص
زهراء بتكشيرة قصدك ايه علي فكرة بقي انا عندي 19 سنة
جاسر بابتسامة علي فكرة انا اقصد ان دي حاجة حلوة يعني معني انك طفلة يعني نقية مش خبيثة فهمتي
زهراء بابتسامة بعد ما فهمت بجد اسفة معرفش انك تقصد كدة انا فهمت غلط احم هو انا هنام فين اصلي عاوزة انام اوي
جاسر بثقة عالسرير ده طبعا متخافيش انا هنام عالارض
زهراء بحزن انت بجد هتنام عالارض طب كدة ضهرك هيوجعك 
جاسر بابتسامة متشيليش همي انا انتي يلا روحي غيري ونامي
زهراء بابتسامة ماشي تصبح علي خير يا عمو الظابط
جاسر برفعة حاجب استني هنا ايه عمو الظابط دي انتي مراتي يا بنتي لو امي سمعتك كدة ولا اي حد والله هيبقي عيب في حقي قوليلي جاسر بس ماشي
زهراء بتلقائية طيب ماشي يا جاسر
جاسر بابتسامة روحي يا زهراء الله يهديكي انا مش عارف انتي طلعتيلي منين وناوية تعملي فيا ايه
تاني يوم فتح جاسر عنيه لقي زهراء قاعدة جمبه عالارض فاتخض
جاسر بخضة ايه يا زهراء ده حرام عليكي خضتيني في حد يقعد لحد كدة
زهراء بتلقائية منا كنت مش عارفة اصحيك بقالي ساعة وانت نايم في عالم تاني اصلا
جاسر بتنيهدة انا فعلا نومي تقيل شوية كان في حاجة ولا ايه
زهراء بتردد اصل دادة جميلة خبطت وقالتلي ان مامتك مستنيانا عالفطار وانا خوفت انزل لوحدي فقولت اصحيك
جاسر بهدوء طب هاخد دش وننزل علطول
زهراء بتلقائية تمام هحضرلك الهدوم يلا قوم بقي
جاسر بابتسامة انا كدة هصدق اني متجوز بجد كمان هتحضريلي الهدوم
زهراء بقصد وهي بتغمز بعنيها ايوة اصل امي كانت بتقولي دايما ان جوزك لازم تراعيه واعرفي انه مسئول منك وهتتسألي عليه وانا بعيدا عن ظروف جوازنا بس انت جوزي ولازم اراعيك
جاسر بابتسامة جذابة اممم انتي بتروديهالي يعني ماشي يا ستي عرفت انك انتي كمان متربية زيي
زهراء بتردد جاسر هو يعني لبسي كدة كويس بالنسبة لوالدتك ولا هتعلق عليه
جاسر بابتسامة وهو بيقرب من زهراء انتي جميلة في كل حالاتك واوعي تلبسي او تعملي اي حاجة عكس طبيعتك لمجرد انك ترضي اي حد ماما لما تعرفك كويس هتحبك رغم اي حاجة وبعدين انتي قمر اصلا في كل الاوقات
زهراء اتكسفت وبصت بعيد بخجل طب انا هروح بقي احضرلك الهدوم
جريت زهراء وكان متابعها جاسر
بسعادة واحساس حلو اوي
اول مرة يحسه
عالسفرة كانت قاعدة وداد قدام جيهان اللي كانت بتبصلها بهدوء عكس ما كانت امبارح
جيهان بابتسامة احنا امبارح اتعرفنا غلط عشان كدة قولت
نتعرف كويس
وداد بابتسامة
اهلا بيكي يا
ام جاسر ما
شاء الله ابنك ونعم الاخلاق ربنا يحميه
جيهان بغموض اصله متربي كويس بصراحة مش انا اللي مربياه دي جميلة ست فعلا اسم علي ما يسمي
وداد برزانة مش مهم كدة او كدة هو ابنك وابنها واحترامكم واجب عليه انا عارفة انك مكنتيش راضية عن جواز ابنك من بنتي بس والله رغم اننا ناس مش من مستواكم بس الحمد لله عرفت اربي بنتي كويس وانتي هتشوفي بنفسك
جيهان بجمود اكدب عليكي لو قولتلك اني متقبلة بنتك بس انا فكرت كتير ولقيت اني في حياتي مش بعمل حاجة غير اني بتصرفاتي ببعد ابني عني دايما فكفايا كدة وطالما هو مبسوط معاها خلاص مش مهم
ابتسمت وداد براحة وفي نفس الوقت كانت واول ما وصلو للسفرة اتفاجأت جيهان بزهراء وهي بتقرب عليها وبتبوس ايديها باحترام
زهراء بابتسامة صباح الخير يا ماما اسمحيلي اقولك يعني يا ماما
جيهان بابتسامة باردة طبعا صباح النور يلا اقعدو
جاسر بابتسامة المأذون كلمني وهيبعت القسيمة انهاردة يا طنط وداد
وداد براحة طب الحمد لله يا حبيبي
جيهان بابتسامة ايه رأيك يا جاسر نعمل فرح بما انك معملتش عشان حتي نفرح كلنا
جاسر بابتسامة عندك حق يا امي فكرة جميلة خلاص حضري انتي كل حاجة وظبطي الدنيا
زهراء بقلق مش لازم يعني انا عاوزة فرح
جيهان بابتسامة ازاي لازم نعرف العيلة كلها ان جاسر اتجوز ولا انتي مش عاوزانا نفرح
زهراء بسرعة لا مقصدش خلاص اللي يريحكم
خلص جاسر اكله وقام فبصتله زهراء بخوف من انه يسيبها لوحدها بس
جاسر بابتسامة انا طالع اوضتي يا جماعة يلا يا زهرتي