بقلم ايه حمام
هو الرز عامل كدا ليه
معلش يا حمزة سرحت شوية ف الشعرية إتحرقت
دي مش أول مرة
بتعلم يا حمزة وقولت سوري كان غصب عني
تتعلمي إيه بقالنا 5 شهور ولسة مبتعرفيش تطبخي فيه ست بيت كدا أصلا
حمزة أنت ليه أوڤر كدا مش أول مرة علفكرة ولو مش عاجبك هقوم أعمل لك غيره
ولا غيره ولا زفت وعلشان مش أول مرة ف أنا زهقت
''قام من على السفرة ودخل الموضوع ميستاهلش كل العصبية دي هو عارف إني لسة بتعلم ومبعرفش أعمل رز لكن بحاول كل مرة علشانه لكن لكن هو مش بيقدر دا لميت الأطباق تاني وحاولت أهدى وعملت الكيك ال بيحبه ودخلت الأوضة''
عملت كيك بتحبه ممكن تدوقه
بلاش لا يكون محروق هو كمان أو جيباه من برا ما أنت لسة بتتعلمي!
''هو ليه رد كدا الجملة وجعتني حتى لو أنا فاشلة بس مكانش مفروض يرد بالطريقة دي فين جبر الخاطر غصب عني عيني دمعت من سخريته سيبت الطبق جنبه وخرجت روحت الأوضة التانية
فضلت صاحية للفجر بعدين قومت أصلي وصحيته جه من الصلاة دخل ينام من غير ما يكلمني
قرأت أذكار الصباح وورد القرآن بعدين قومت أجهز له هدومه والفطار قام لبس وفطر ومشى وكلامه كان محدود
هو أكيد كل دا مش بسبب الرز أكيد فيه حاجه تانية مغيراه من ناحيتي حاولت أفكر في طريقة أصالحه بيها حتى لو مش غلطانة بس أنا مش هستحمل نعيش بالشكل دا بعت له ماسدج إني رايحة المول وروحت جبت له ساعة شيك وجيت جهزت البلكونة بطريقة لطيفة واستنيته لما جه''
الحمدلله على سلامتك
الله يسلمك
غير هدومك وصلي المغرب وتعالى البلكونة
''دخل يغير هدومه من غير ما يرد وأنا دخلت أستناه في البلكونة لحد ما حسيت بيه قرب'
إيه رأيك
بقالنا كتير مقعدناش كدا وكمان جهزت فيلم كرتون جميل وجايبالك هدية وبقول لك متزعلش حقك عليا لو زعلتك
آية أنا مش في المود دا أنا جاي من الشغل تعبان ويادوب أتغدى وأنام
''لتاني مرة يكسر لهفتي حاولت أمنع دموعي وأتعامل بهدوء روحت ناحيته ومسكت إيده وسحبته يقعد''
طب تعالى بس أقعد وإحكيلي تعبان من إيه و كدا وصدقني هتكون كويس
''فضل باصص في عيني بصة قلقتني حاول يقوم تاني لكن وقفت قصاده أمنعه''
حمزة مالك بجد فيه إيه هو أنا عملت حاجة مزعلاك مني للدرجة دي
معملتيش يا آية بس بجد محتاج أنام
وأنا محتاجة نقعد سوا يا حمزة أنا دماغي هتنفجر من كتر التفكير في تغيرك معايا
يعني هو لما هقعد معاك دلوقتي هترتاحي يا آية دماغك هترتاح مهم عندك راحتك ومش مهم خالص أنا تعبان أو زي الزفت
والمفروض لما تتعب تحكيلي وتشاركني علشان أنا مراتك ودا من حقي إنما متعاملنيش كإني نكرة دوري كله زي الجارية أنضف وأطبخ
مينفعش لما يكون فيه حاجة تتهرب منها بالنوم
أقول لك مش نايم أنا نازل
''وقبل ما أرد عليه كان سابني ونزل قعدت أعيط هو معقول يكون مش بيحبني!!
طب ممكن يكون !!
أسئلة كتير بتدور في مخي ومش لاقية لها تفسير
قعدت مستنياه لحد الساعه 11لكن مجاش المفروض إن بكرة الجمعة ومعزومين عند مامته!
بعد حوالي ساعتين لقيته جه ودخل نام علطول
فضلت كدا لحد ما نعست صحيت متأخر لقيته بيجهز علشان يروح يصلي الجمعة"
صباح الخير
صباح النور
هنروح عند مامتك الساعة كام
الساعه
ومش هنتأخر هناك علشان عندي مشوار مهم باليل
مشوار إيه
مشوار
حاضر يا حمزة
بس أنت بقيت كويس
وإتأخرت ليه إمبارح
أنا هنزل علشان ألحق الخطبة
سلام
''بصيت على طيفه وأنا عاجزة عن كل شيء بعد شوية قومت نضفت الأوضة وأخدت دش وعملت فطار
لما جه قعدنا نفطر بعدين قومت لميت الأطباق وغسلتها ورتبت المطبخ وجهزنا وروحنا
طول ما إحنا في العربية مكنش فيه كلام لكن لما نزلنا ودخلنا مسك إيدي معرفش ليه محسيتش بأي إحساس وقتها على عكس كل مرة كنت بكون فرحانة وكعادتي في الفترة الأخيرة فضلت قاعدة بفكر في الحالة ال وصلنا لها أنا وهو مكنتش آخدة بالي من كلامهم لكن فوقت لما مامته حطت إيدها عليا''
ها معاك يا ماما
معايا إيه بس دا من ساعة ما جيتي وأنت سرحانة
مش سرحانة ولا حاجة يمكن بس علشان منمتش كويس
هو الواد دا مزعلك في حاجة
لاء أنا بس ممكن أروح التواليت
''هربت منهم ودخلت فكرة إنه مبقاش بيحبني بقت بتراودني كتير غسلت وشي من الدموع وحاولت أبان طبيعية وخرجت لكن مامته كانت واقفة قدام الباب''
خدي هنا فيه إيه أنت تعبانة
لاء أنا كويسة
آية أنت عارفة إنك زي بنتي وأكتر ولا لاء
وملامحك بقا بتقول إن فيك حاجة إحكيلي يا حبيبتي يمكن أساعدك
يا حبيبتي يا بنتي! إهدي طيب
ماما ممكن لو سمحتي نخرج من هنا أنا حاسة إني مخنوقة
طب إستني هجيب شنطتي وأقول لهم ونخرج إمسحي دموعك بس وإستنيني
حاضر بس لو حمزة سألك قولي إننا رايحين مول أو مشوار ضروري
حاضر يا حبيبتي
''خرجنا قعدنا في كافيه هادي "
ها إحكيلي بقا مالك
مش عارفة بس ممكن أسألك سؤال
أكيد
هي الواحدة
تعرف المشكلة وتحلها
ولو هي مش عارفة المشكلة
إيه بينك وبين حمزة يا آية
''رغم إني عارفة أنه غلط أبوح بأسرار بيتي لكن هتجنن لو مشاركتش حد ال جوايا "
حاسة إن حمزة مبقاش يحبني
يوه!
متقوليش كدا يا بنتي لو مش بيحبك كان هيتجوزك ليه
معرفش يمكن كان إعجاب وإختفى
أو يكون حب غيري دلوقت
هو حد قال لك حاجة أو أنت شوفتي حاجة
لاء
يبقى تستهدي بالله وتمحي الأفكار دي
'كنت لسة هرد لكن لقيته بيرن قولت لها هخرج أرد عليه "
أنت لسة مخلصتيش أنت وماما
لاء خلاص راجعين دلوقتي
طيب روحي معاها وأنا هبقا آجي آخدك باليل
هو أنت فين
قولت لك الصبح إن عندي معاد باليل
طب أنا عايزة أروح بيتنا يا حمزة تعالى وصلني الأول
مش هلحق يا آية
وأنا مش عايزة أقعد عند حد يا حمزة أنا مصدعة جامد وعايزة أنام
خلاص أطلبي أوبر
أوبر!!
سلام يا آية
''قفل!
هو أنا ممكن أصوت بجد
دخلت قولت لماما إننا هنمشي خرجنا ووإحنا ماشيين حسيت إني دايخة أوي وبعدين معرفش إيه حصل
فوقت بعدها لقيتني في أوضة غالبا في مستشفى!
شوية ولقيت ماما دخلت "
مبارك يا حبيبتي أنت حامل
بس الدكتور بيقول إن واضح حالتك النفسية مش كويسة ودا غلط عليك وعلى الجنين
حامل!!
أهه يا نور عيني
حمزة عرف
برن عليه لكن موبايله مقفول
طب أنا عايزة أروح البيت
خليك معانا النهاردة على ما حمزة يرجع
لا معلش في شقتي هرتاح أكتر علشان خاطري
حاضر يا آية ال يريحك يا
''مشينا وصلتني وطلعت معايا وأقنعتها متقولش ل حمزة دلوقتي وإني حابة تكون مفاجأة له والحمدلله إقتنعت
