بقلم ايه حمام

بس هي أكيد متعرفش الحقيقة
بعد يومين سمعت حد بيخبط على الباب بحسب ليلى وكنت خارجة أفتح لها لكن طلع هو "
نعم 
ممكن أدخل 
لاء  
آية أنا عارف إنك بتحبيني ف علشان خاطري ممكن تسمعيني
وبعدها إعملي ال عايزاه
"إتحركت شوية علشان يدخل كنت حاسة زي ما يكون فيه حاجة غريبة! 
بعد ما دخل مسكت الموبايل وبعت رسالة ل ليلى تيجي بعدين دخلت له الصالون"
إتفضل إحكي  
أنا آسف  
آسف! 
بجد والله!! 
آية أنا عارف إني غلطت بس  
بس إيه هتقول إيه أنت مش بس خذلتني أنت وجعتني وكسرتني  
أنت فعلا أثبت لهم إنك زيهم بس أنا مالي
ليه تدخلني في وسطكم أنا مكنتش أعرفك قبل ما تتقدم لي  
كنت بسمع عن الجروب دا والجامعة كلها كانت عارفة قد إيه هم مش كويسين  
بس لما إتقدمت وبابا سأل عنك وعن أهلك وخلاني أقعد معاك مكنتش أعرف إنك كدا يا شيخ دا آخر جملة بابا قالها قبل ما يموت كان إنك تحافظ عليا ومتوجعنيش لكن أنت ما شاء الله بجد عملت عكس كلامه تماما  
أنا مكنتش بحبك في البداية لكن مع الوقت حبيتك  
وأنا كمان حبيتك وال كان مغيرني الفترة الأخيرة هو تأنيب الضمير ولما بعدت عن الجروب دا هددوني كتير
كنت

بحاول أعمل حاجات تكرهك فيا وتسبيني قبل ماهم يبعتوا لك حاجة متفتكريش إن دا كان سهل عليا وعلى قلبي بالعكس والله  
هيشفع!! 
تفتكر وجعي كدا راح!! 
أنا كنت رهان في لعبة رخيصة زيك يا حمزة  
وبقول لك أهو براڤو عليك كسبت الرهان لكن خسرتني وياريت تطلقني في أقرب وقت  
آية أنا آسف ومستعد أعتذر لك طول عمري بس بلاش بعد هديكي وقتك لحد ما تهدي أنا عارف إن كل دا من ور ا قلبك
وكمان أنت عارفة ماما بتحبك إزاي ولو مش علشانها ف علشاني يا آية علشان حبنا
"كان هيخرج لكن سمعت صوت الباب خرجت أفتح وأنا دموعي على وشي كانت ليلى
دخلت أول ما شافت حمزة لكنه بص لي وقرب  جامد وبعدين خرج بهدوء فضلت واقفة ببص على طيفه لحد ما نزل ليلى وخلتني أعيط علشان أرتاح "
إنا متلخبطة يا ليلى مش قادرة أكرهه ومش قادرة أرجع له بكل سهولة كدا أنا عايزاك تقوليلي إن دا كابوس وخلاص هصحى منه
"فضلت  لحد ما هديت ونمت بس كان فيه شيء قالقني فيه وجع في قلبي حاولت أنام غصب عني علشان أفصل  
صحيت قرب العصر فتحت الموبايل لقيت فويس نوت منه فتحتها وسمعت صوته
آية أنا عارف إني قولتها كتير بس أنا آسف مكنتش أتمنى إن كل دا يحصل مكنتش أتمنى إني أوجعك بالشكل دا مكنتش عايز نوصل للنقطة دي عايزك تعرفي إني حبيتك حبيتك بجد وكان أكتر حاجة وجعاني في بداية جوازنا هو تعاملك معايا بحب وخداعي ليك لكن حقك على قلبي أتمنى تسامحيني وتغفري لي بحبك يا آية
صوته ونبرته قلقتني خرجت من الشات بتاعه وحاولت أرن على مامته لكن مكنتش بترد شوية ولقيت ليلى جاية لكن ملامحها بتقول فيه حاجة وفعلا
قبضة قلبي كان ليها سبب قومت لبست بسرعة ونزلت معاها روحنا المستشفى لقينا أهله واقفين قدام أوضة العمليات شوفت مامته وهي واقفة منهارة روحت لها وأنا حاسة إني بتحرك من غير روح "
هو هيكون كويس صح!
"أخدتني في  بعد سؤالي وقعدت تعيط فضلت أدعي ربنا يكون بخير
الحب شيء متعب أوي
أول ما ليلى جت وقالت لي أنه عمل حادثة وهو مروح من عندي وأنا حاسة إني السبب رغم كل ال عمله لكن مينفعش يجراله حاجة لازم يكون كويس مينفعش يسيبني لوحدي من غيره  
فضلنا مستنيين حد يخرج لحد ما خرج الدكتور وقال ال خلاني أتمنى لو عمري كان انتهى قبل اللحظة دي"
البقاء لله شدوا حليكم
"صوت عياط صريخ باباه وعمه بيتخانقوا مع الدكتور ومش مصدقين مامته ال مستحملتش الخبر ووقعت على الكرسي ليلى ال قربت 
معرفش إزاي فات كل الوقت دا وأنا قاعدة في بيت باباه ومامته وعزاه شغال أنا منطقتش من وقت ال حصل مش فاكرة ال حصل بعدها مش فاكرة خرجت إزاي أو حضرت الجنازة إزاي كنت بفتكر آخر مرة جالي فيها بفتكر آخر فويس له وهو بيقول لي أنه بيحبني أنا رافضة الواقع ورافضة كل الحياة كنت عايزة أروح في شقتنا لكن مرضيوش كنت بنام علشان أشوفه في أحلامي علشان أقول له يرجع علشان أقول له إني آسفة وإني مش قادرة ولا هقدر أكمل من غيره أنا كدا مش بقا ليا حد!"
السلام عليكم يا حمزة يارب تكون في الجنة ومرتاح
"كنت في المقابر بعد ما بدأت أقدر أخرج لوحدي 
قعدت جنب المقبرة لمستها بإيدي وأنا بتكلم ودموعي بتنزل
قولت لك إنك وجعتني وكسرتني يا حمزة لكن وجعي وكسرتي المرة دي أكبر من ال فاتت  
طب ليه مستنيتش أقول لك إني مسامحاك أو لاء ليه تخليني أحس إني السبب في إنك تعمل حادثة ليه تخليني رافضة الحياة من بعدك حتى من بعد كل ال حصل  
أول مرة أصدق إن الحب لعنة فعلا لعنة وصابتني وصابت قلبي ال لسة عايزك قلبي ال هينفطر من الحزن والوجع على فراقك يا حمزة! 
أنا آسفة آسفة يا حبيبي وأتمنى يكون معادي أنا كمان قريب علشان وحشتني أوي  
بحبك يا أغلى عليا من نور عنيا
"وف عز الكلام سكت الكلام
وف عز الآمان ضاع مني الآمان!"
آية حمام