بقلم ايه حمام
وقالت مش هتعرفه بعد ما نزلت فات ساعتين بعدين سمعت صوت الباب بيتفتح فضلت قاعدة على السرير متحركتش دخل هو غير هدومه وكان باين إن موده كويس جه قعد على السرير وفتح موبايله ''
حمزة
نعم
هو إحنا هنكمل كدا!
كدا إزاي
يعني أنت يعتبر مش بتتعامل معايا بقالك فترة بتخرج كتير أنا كإن مليش وجود في حياتك
حمزة أنا مبقتش حاسة بالأمان!
علفكرة ال بنمر بيه عادي بيحصل في أي بيت
لاء مش عادي ومش دا ال كنت عايزة أسمعه
إحساس إن فيه واحدة تانية في حياتك دا مش عادي إحساس إني دايما خايفة دا مش عادي إهمالك ليا مش عادي إنك تسيبني وتنزل كتير دا مش عادي أنت مبتكملش معايا نقاش كامل كل ما أعمل حاجة بتكسر فرحتي هو أنا مقصرة في شيء
طب لو مبقتش تحبني وحبيت واحدة تانية عرفني قل لي إني كنت سبب في ال وصلنا له دا
هو مش قبل ما نتجوز قلت لي إنك بتحبني من زمان طب الحب دا فين إحنا بقالنا كام شهر وحياتنا بقت تعيسة!
رد عليا وقل لي
''مردش عليا حاول ياخدني في لكن مبقتش أحس بالدفا والأمان فيه سحبت نفسي منه وقومت نمت على الكنبة صحيت تاني يوم لقيتني على السرير وهو مش موجود خرجت لقيته مجهز فطار على السفرة
دخلت لبست وبعت له إني رايحة لواحدة صاحبتي ورنيت عليها وعرفتها إني جاية لها "
وحشيني عاملة إيه
الحمدلله
مالك يا آية
أنا مخنوقة أوي يا ليلى
بسم الله على قلبك يا حبيبتي إهدي بس
أنا عايزة أتطلق من حمزة
ليه بس هو عمل حاجة
أنا مش هقدر أكمل معاه مش دي الحياة ال اتمنيتها
بس أنت بتحبيه
مردتيش ليه روحتي فين
ال واجعني إني لسة بحبه بس أنا مبقتش مرتاحة معاه
طب أنت قولتي له على موضوع الطلاق دا
مش هقدر
ليه
علشان أنا حامل
حامل!!
''قاطع كلامنا صوت أكتر من ماسدج فتحت الموبايل وكانوا فيديوز من رقم غريب فتحت أول فيديو وياريت ما فتحته كنت بسمع ال فيه وأنا قلبي بينهار مش مصدقة ال بيتقال فيه فوقت على ليلى وهي جامد وبتحاول تهديني "
أنا هروح يا ليلى
آية استني متمشيش كدا
معلش عايزة أنام
طب استنى هرن على ماجد يوصلك
''قعدت مكاني تاني وهي كلمته ييجي يوصلني
وفعلا جه ووصلني نزلت من عربيته كان في نفس وقت نزول حمزة من عربيته ماجد سلم عليه وبعدين مشى سيبته واقف وطلعت قبله "
أنت مش قولتي إنك رايحة لصاحبتك
ما أنا كنت عند ليلى
وإشمعنا ليلى
يعني إيه
يا ترى كنت رايحة علشان ليلى ولا علشان حبيب القلب الأول
أنت مش محترم
علشان أنت عارف كويس إن من يوم إنفصالي أنا وماجد وأنا وهو بقينا ولاد عم وأخوات زي زمان وهو حب ليلى وإتجوزها وأنا إتجوزتك ومبقاش بينا حاجة
''سيبته من غير ما أسمع كلمة منه ودخلت الأوضة حسيت بيه دخل ورايا "
أنت بتعملي إيه
باخد بيچامة علشان هنام في الأوضة التانية
ودا ليه إن شاء الله
آه هو أنا مقولتش لك مش إحنا هنتطلق
'قرب مسك دراعي جامد وإتكلم'
هو أنت مالك هاا
إمبارح تقولي كلام أهبل والنهاردة تقولي طلاق بتخططي ل إيه
سيب ايدي
وأهو علشان كلامي ال كان بالنسبة لك أهبل ف أنا هتطلق
وإياك شوف
وأنا مش هطلق
ليه تكونش بتحبني وأنا معرفش!
وآه أحب أقول لك إنك لو مطلقتش من غير مشاكل هضطر إني أرفع قضية خلع تصبح على خير يا حبيبي
''شديت إيدي منه وخرجت روحت الأوضة التانية
مكنتش قادرة أعيط هو ميستاهلش إن صحتي ونفسيتي تتدمر بسببه أنا بس ال صعبان عليا هو ابني ذنبه إيه أنه هييجي لدنيا يلقا مامته وباباه منفصلين!
فوقت من شرودي على صوت الموبايل برنة ليلى "
عملتي إيه أنت كويسة
الحمدلله قولت له يطلقني ولو رفض هرفع قضية خلع
هو عارف إنك حامل
لاء
طب هتفضلي كدا لحد إمتى
معرفش ال عرفاه إني عايزة أبعد عن البني آدم ده مبقتش طايقاه
طب إهدي ونامي دلوقتي وإن شاء الله خير
حاضر تصبحي على خير
وأنت من أهل الخير يا عيوني
''قفلت معاها وحاولت أنام بعد صراع طويل مع أفكاري ودماغي "
صباح الخير الهانم هديت ولا لسة مستمرة في سلسلة النكد
لما جوزك يكلمك تردي عليه
ممكن تسيبني ومتلمسنيش تاني
جهزي نفسك علشان معزومين عند ماما النهاردة وعمي ومراته وولاده هيكونوا هناك
مش عايزة أروح في أي مكان روح أنت
آية أقسم بالله بلاش تختبري صبري وإتعدلي معايا وإدخلي البسي يلا
''دخلت لبست وحطيت في شنطتي حاجتي كلها جهزت وخرجت له من غير ما أتكلم ركبنا ووصلنا هناك كانوا كلهم موجودين سلمت على مامته بعدين سابتني وقامت تجهز الأكل حاولت أفكر هخرج إزاي من غير ما حد يشوفني بعت ماسدج ل ليلى تحجزلي في بانسيون يكون مش معروف أوي وتجيبلي لبس وتبعتلي عنوانه إستغليت
عامل إيه مع مراتك يا حمزة إوعى تكون مزعلها!
هي قالت لك حاجة
لاء بس الست في الفترة دي محتاجة اهتمام ونفسيتها تكون كويسة يا حبيبي
فترة!!
فترة إيه!!
هي مقالتش لك إنها حامل
حامل!!
''خرج يدور عليها ملقهاش حاول يرن لكن محدش بيرد وبعد محاولات رن تاني وبلغوه إن صاحبة الموبايل في المستشفى "
إيه ال حصل وجت المستشفى وأنت هنا إزاي
أنت إيه ال جابك ال حصل لها دا بسببك طلقها وإبعد عنها بقا
بسببي إيه وبتاع إيه ما تفهميني ال حصل خرجت ازاي أصلا علشان تعمل حادثة
كانت عايزة تهرب منك بعد ما عرفت حقيقتك
حقيقة إيه أنت بتقولي إيه هتفضلي تنقطيني بالكلام كدا
حرام عليك ليه تعمل فيها كدا تعرف إنها حبتك بجد طب تعرف إنها كانت حامل حسبي الله ونعم الوكيل فيك
''قاطع كلامها خروج الدكتور من الأوضة وراحوا علشان يتطمنوا''
هي كويسة!
حضرتك زوجها
أيوا
للأسف فقدنا الجنين وفيه كسر في دراعها الشمال وكدمات
إن شاء الله تكون كويسة أهم حاجة الراحة وحالتها النفسية
أنا هدخل لها
آية
ابني يا ليلى
قدر الله وما شاء فعل يا حبيبتي
أنا عايزة أمشي من هنا
''قاطع كلامنا دخول حمزة مقدرتش أستحمل أشوفه هو السبب في ال حصل لي "
إطلع برا مش عايزة أشوفك
آية إسمعيني
بقول لك إطلع وطلقني خلاص مبقاش فيه شيء يربط بيني وبينك
خليه يمشي يا ليلى
حمزة لو سمحت
فات حوالي شهر مامت حمزة لما عرفت جت تشوفني وحاولت تخليني أتخلى عن قرار الطلاق
