صرخه علي الطريق بقلم ډفنا عمر
أختي عشان يعوضني مۏتها قلبي بيتقطع يا رضوان ومش عارفة حتي أواسيها ازاي.
بس انتي مؤمنة وموحدة بالله وعارفة انه له حكمته في كل شيء حد عالم الغيب
ونعم بالله يعني تفتكر لو جربوا تاني ممكن يخلفو طفل سليم..
هو صعب علي ربنا
حاشا لله.. طبعا لأ
يبقي خلاص سلمي أمرك للي ما يصعب عليه شيء اللي خلانا نعرف ان جسار ابننا بعد كل السنين دي قادر يرزقهم.
كفكفت دموعها وقد بثها بعض الأمل عندك حق يا رضوان.. وانا هفضل ادعي ليل نهار لحد ما ربنا يتقبل مني..
أيوة كدة يا ست الكل.. هي دي الروح اللي كلنا محتاجينها.. ربنا بجبر خاطرنا ويفرحنا قريب.
منذ اقتراحها الذي فجرته بوجهه منذ يومان وهو يشعر بالصدمة نحوها ويتجنبها قدر استطاعته..كيف تفكر بتلك الطريقة هل تريد فراقه لتقود تجربة زواج أخرى مع غيره وتنجب أطفال أصحاء! الغيرة والحزن يمزقانه لمجرد الفكرة ما باله بالفعل! لا لن يسمح لها..هي له وحده.. إن لم تنجب منه فلترضي بقضاء الله كما رضى هو رغم حاجته إليهم.. لكنه لن يحتمل فقدانها مهما كان الثمن.
أما هي كل تفكيرها منصب عليه لا عليها تريده أن يحقق حلم العزوة التي يتمناها ولو من غيرها فليتركها ويبحث عن أخرى ويتولاها الله بعدها.. لن تتحمل ان تشاركه فيه واحدة وهي على ذمته..
محت دموعها وذهبت إليه عازمة على حسم الأمر بينهما وأصرارها علي الطلاق مهما كلفها ذلك.
يا تري فكرت في طلبي
قالتها بجمود يناقض غليانها ليرمقها بجمود مماثل وهو ينسحب من محيطها دون اكتراث.. لتقبض ذراعه قبل أن يذهب صائحة بحدة جسار انا مش بهزر أنا عايزة اطلق وكل واحد فينا يروح لحاله.
حاله!
قالها وزجاج نظرته الجامدة يتشقق ويبرق ويشتعل شرر غضبه المكبوت منذ يومان الحال ده اللي هو ايه بالظبط إنك تتجوزي غيري وتخلفي ولاد مش مشوهين وتعيش حياتك هو ده حالك اللي بتتكلمي عنه يا شمس! ده اللي انتي عايزاه فعلا وهتقدري تعمليه
رغم إنكسارها تمسكت ببرود وجهها وقټلت بنبرة ثلجية دي حاجة تخصني لوحدي.. اتجوز او لأ هيفرق معاك ايه
ثم نظرت له بنظرة مهتزة عكست مشاعرها الحانية المهم انت تتجوز غيري وتحقق منها حلمك وتعمل عيلة مش ده كلام الدكتور ياجسار قال طول ما احنا سوا مش هنجيب ولاد كويسين.
رمقها مليا بنظرة مبهمة ثم قبض بغتة علي ذراعها پعنف ألمها مع صوته الحاد مالكيش دعوة بيا أنا راضي وعلي چثتي حد غيري يلمسك انتي هتفضلي مراتي وعلى ذمتي لحد ما اموت فاهمة!
اطلقت عنان بكائها أخيرا على صدره بعد تمسكه وإعصاره الذي كان خير دليل على حبه الجارف لها ليتلقى بكائها بصبر وتركها حتى أفرغت ما بداخلها وهدأت فأرقدها بين ذراعيه
وهي كطفلة صامتة مستسلمة قبل أن تهمس لو سبتك عمري ما كنت هتجوز.. أنا اقترحت كده عشانك.
لثم أناملها واحد تلو الأخر قبل أن يرد همستها
للمرة المليون بقولك اني راضي.. و متأكد إن ربنا هيعوضنا..و كفاية عليه عرفت أهلي و بقى ليا عيلة تخصني..و الحمد لله علي حكمته..
نظرت له بدهشة انت بجد مش ناقم علي اللي بيحصل يعني و لا مرة قلت في نفسك ليه بيحصل معايا كده ولا قلت اجرب مع غيرها واجيب ولاد
و الله ما حصل و لا
هيحصل..أنا مؤمن بقضاء ربنا.
ابتسم
هرد عليكي بطريقتي لتبتسم و هي تتلقي سيل عاطفته وارتشفته قطرة قطرة وداخلها تحمد الله انه تمسك بها ولن يتخلي عنها و اخيرا تخلصت من أكبر كوابيسها أن يتركها يوما.
بعد مرور قرابة الأربع سنوات..
نديم.. تعالى هنا كمل أكلك تعبت ماما معاك..
صاحت سارة وهي تركض وراء طفلها الأول لاهثة ليأتي أدم من خلفها بالراحة يا سارة ازاي تجري كده انتي ناسية انك حامل في الشهر الخامس
تذمرت بضيق أعمل ايه يا أدم ابنك شقي اوي إن ماكنتش اجري وراه عشان ياكل مش بياكل خالص.
غمغم بربتة حانية طب هاتي وانا هخليه ياكل وانتي ارتاحي..ثم صاح علي طفله ديمو..تعالى لبابا حبيبك ولا مش عايز تروح لجدو وتيتة بكره..
هرول عليه الصغير وراح يلتهم الطعام بعد أن حصد وعدا من أبيه بزيارة والدي أدم في اليوم التالي..
ابتسمت وهي تطالعه مستكين علي قدم أبيه هاتفة شوفت الندالة بيسمع كلامك وأنا لأ كاني شفافة.
شاكسها ده من الهيبة حبيبتي.
رفعت حاجبيها بعدوانية قصدك ايه شايفني تافهة
قهقة ولكز وجنتها ماتزعليش انتي عسل.
هزت رأسها وهي تبتسم له وسريعا ما غامت عيناها بشرود ليلاحظها متسائل سرحتي في ايه
في أخويا جسار وشمس صعبانين عليا اوي يا أدم تلات مرات تحمل من أول جوازها وينزل الجنين مشوه أخرهم من سنة أنل قلبي بيتقطع عشانهم.
تنهد مشاركا إياها مشاعر الحزنوالله انا كمان بزعل عشانهم بس هنقول ايه ده نصيب ومكتوب يا سارة ولازم يرضوا بقضاءه.
ونعم بالله ربنا يقر عينهم ولو بطفل واحد سليم.
والله ما بعيد علي ربنا.. انتي ادعيلهم..
مش ببطل دعاء يا أدم ربنا عالم.
ربت على كتفها وتمتم يبقي تفائلي خير ياحبيبتي..
ثم لثم خد ابنه بحنان مع قوله شايفة ديمو شطور ازاي خلص طبقه كله وجدو أمين هيتبسط منه خالص.
ابتسمت وجذبته إليها لتعانقه مين حبيب ماما
الصغير وهو يشير لنفسه أنا..
طب ليه بتتعبني أنا والنونو..
نقل بصره بين أمه وبطنها وقال نونو هنا
أيوة بس لسه هيكبر.
شرد الصغير يفكر بعمق ليغمغم أدم الذي يراقبه باستمتاع أكيد بيتخيل البيبي في بطنك دلوقت.. فكرني بمشهد فيلم الحفيد عارفاه
ضحكت قائلة طبعا فيلم الحفيد كله علامة ماتتنسيش في طفولتنا كلنا..
نهض من جوارها متأهبا لرحيله طب أنا نازل المكتب يا سيرو عايزة حاجة
لا ياحبيبي سلامتك ماتتأخرش بالليل.
حاضر يا قلبي.. سلام.
في إحدي دور الأيتام!
بابا جسار جه.. بابا جسار جه.
هكذا تقافزوا الصغار وهم يهرولون نحوه وقد أتاهم محملا بالهدايا گعادته متلقفهم بذراعيه ليصيح أولهم ابن الستة أعوام فين ماما شمس مش جت معاك ليه
هتف بنبرة حانية ونظرة فخر منحها لصغيره ماشاء الله ياشيخ هادي.. خلاص تاخدوا الهدايا الأول وبعدين تسمعني القرآن بصوتك الجميل.
بدأ جسار يوزع عليهم هداياه ثم لاحظ غياب إحدى أطفاله فقال أمال فين اختكم دارين
نكسوا رؤسهم بحزن فانقبض قلبه قائلا ايه يا ولاد مالكم هي دارين تعبانة
قال أحدهم وأكبرهم عمرا لا يا بابا بس في ناس جم أخدوها من تيتة صفاء وقالوا هتعيش معاهم على طول وتبقي بنتهم.
تجهم وجه جسار بحزن وهو يفقد أحد أبناؤه كما يعتبرهم وسريعا ما غادرهم متوجها لغرفة مديرة الدار
السيدة صفاء..
السلام عليكم.
رفعت وجهها عن إحدى الملفات المشرعة أمامها مجيبة تحيته بود وابتسامة بشوش و عليكم السلام ورحمة الله وبركاته يا سيد جسار.. اتفضل..
غمغم وهو يأخذ مكانه قبالتها صحيح يا مدام صفاء في أسرة أخدت دارين تعيش معاهم
ابتسمت وأدركت سبب تجهمه أيوة.. أسرة محترمة وربنا مش كرمهم بولاد كفلوا دارين و أخدوها تعيش معاهم.
طب و حضرتك ضامناهم يعني افرضي عاملوها وحش وأذوها نفسيا زي ما ساعات بنسمع..
أخبرته بهدوء و ليه يعملوا كده و هما محرومين من الضنا أكيد هيعوضوا بيها النقص اللي في حياتهم ويتقوا الله فيها..
ابتسم بمرارة و هو يتذكر معاناته الشخصية و قال مش يمكن الأم ربنا يكرمها وتحمل في طفل و بعدها تعامل المسكينة وحش و تحسسها بالغربة!
عدلت نظارتها الطبية غليظة الإطار فوق أنفها قائلةحسب علمي ان مستحيل يخلفوا لأن في موانع صعبة عند الزوجين يعني اطمن يا سيد جسار و بعدين انا بتابع حياة الأطفال حتى بعد خروجهم من الدار وبكتب شرط اساسي في التعاقد بنا ان لو ثبت اي ضرر للطفل أو الطفلة من حق الدار تستعيده لكنفها تاني..و هما وافقوا و مضوا على الشرط.
رمقها بشرود ومقطفات مما عاشه تغزوا خياله لتستطرد بقولها انا كمان بحب كل أطفال الدار ومتعلقة بيهم جدا ولو مالقيتش ان العيلة اللي بتيجي تكفلهم كفء و يستحقوا مش بوافق اطمن يا سيد جسار.
هز رأسه بتسليم وقال طيب ممكن اعرف عنوانها فين عشان أسأل عليها
أومأت
له بترحيب أكيد طبعا ثم رمقته بتقدير وقالت بصراحة ربنا يجازيك خير انت ومدام شمس على اللي بتبذلوا عشان الولاد سواء ماديا أو معنويا..
تمام بنظرة غائمة صدقيني اللي بناخده من الأولاد دي أكتر بكتير من اللي بنمنحه ليهم يا مدام صفاء..
و واصل قبل مغادرته عموما حضرتك كمان بتقدمي ليهم كتير ربنا يقدرنا كلنا نرعاهم و نوصلهم لبر الأمان.
اللهم امين.
غادر الدار و الضيق يعتصر قلبه و يدميه و صغيرته دارين ربما تعيش نفس ما عاشه هو من قبل وهو يتسول الحنان مما ظنهما
أبويه ليتها ضلت مع من تتشابه
ملامح أقدارهم بذات التفاصيل و المعالم أيتام مثلها لو بيديه لما سمح لأحد صغار بمغادرة الدار هناك يرعاهم كما يجب ماذا عساه بفاعل حين ينفرط عقد ترابطهم و يذهب كلا منهم لمصيره وحياته!
تنهيدة حاړقة زفرها جسار وهو يقود سيارته نحو عنوان الصغيرة ليقرر شيئا بضميره جعله يقف ويصف السيارة ويبتاع شيء ما ثم يعود مستأنفا القيادة لوجهته
مين يا رحيمة
أجابت الأخيرة على سيدة المنزل بقولها
ده واحد بيقول جاي من طرف الدار يا ست ياسمين هانم..
اقبلت السيدة رامقة جسار بفضول قائلة تحت أمرك أي خدمة
جسار بتهذيب أنا أسف للإزعاج بس انا جاي اشوف دارين.
رمقته بريبة ما تعلمه أن الصغيرة ليس لها أقارب فترجمت ريبتها بسؤال ايوة وحضرتك مين وتقرب لها ايه
بابا جسار
ركضت الطفلة من خلفها عابرة الباب بينهما لترتمي بين ذراعيه هاتفة بحماس وترحيب صادق وحشتني اوي يا بابا جسار.. انا دعيت ربنا بالليل أشوفك عشان كده انت جيت.. هصلي واشكر ربنا كتير أوي..
تلقفها معانقا إياها برفق وهو جاثي أرضا ثم نظر للسيدة متمتما أنا أسف لحضرتك بس اسمحيلي اكلم دارين شوية هنا في الجنينة قدامك واطمني أنا مش غريب عنها زي ما سمعتي أنا في مقام والدها..
حدجته السيدة ياسمين مليا وقيمته بنظرة ثاقبة غير غافلة عن عناق الطفلة له بقوة وفرحة واضحة فاطمئنت له ومنحته
سماحها طيب حضرتك تقدر تتفضل هنا وتتكلم معاها براحتك ثم نظرت للخادمة قدمي ضيافة مناسبة للبيه يا رحيمة.
هذب شعرها برفق وهو يقول عاملة ايه ياحبيبتي مبسوطة هنا الناس اللي هنا بيعاملوكي كويس في حد زعلك منهم
نفت الصغيرة لا محدش زعلني خالص يا بابا.. ماما ياسمين و بابا حسن بيحبوني و بيعاملوني كويس.. مفيش حاجة مضايقاني غير اني مش بشوف اخواتي في الدار وحضرتك انت و ماما شمس و تيتة صفاء.
ملس جسار على رأسها بحنان و قال متزعليش يا حبيبتي أنا وماما شمس هنزورك هنا دايما أما اخواتك في الدار أكيد في طريقة تشوفيهم بس لازم تستأذني بابا و ماما الجداد ثم التقط الحقيبة من جواره و قال انا جبتلك حاجات حلوة زي اخواتك ثم احضر من جيبه هاتف صغير و قال و هو يرصد المحيط حوله خدي يا دارين ده تليفون عليه رقمي ورقم تيتة صفاء..أي حاجة وحشة تحصل معاكي و تضايقك لازم تعرفينا و احنا هنساعدك.. فاهمة حبيبتي
أومأت الصغيرة أيوة يا بابا فاهمة طيب حضرتك هتيجي تاني تشوفني
هاجي إن شاء الله.
قال أنا همشي دلوقت وقريب جدا هاجي أزورك مع ماما شمس اتفقنا
أتفقنا يا بابا جسار.
مين هيدي حضڼ لخالو
هرول عليه الصغير نديم ابن شقيقته ملبيا نداءه فالتقطه جسار بلهفة حانية وهو يقول روح خالوا اللي كبر وبقي راجل كبير..
ثم. راح يدغدغه ليقهقه نديم وسارة تأتي من خلفه متدللة عليه يا سلام هو نديم بس اللي وحشك يعني
ابتسم ولمعت عينه بحنان وبسط لها ذراعه الأخر لتسكن صدره بدلال ازاي بقا ده انتي وحشتيني جدا جدا عاملة ايه يا قلب اخوكي وأخبار البيبي ايه
الحمد لله ياحبيبي فينك وحشتني اسبوع بحالو غايب عننا.
معلش مشاغل والله وجوزك عارف حتى اسأليه
والله قولتلها يا متر.
قالها أدم مستأنفا بترحيب نورت الدنيا يا جسار.
ده نورك. انتي و سارة وديمو.
فين شمس
عند خالتي جمانة أصلها تعبانة شوية.
ألف سلامة عليها كويس انك عرفتني عشان ازورها.
واستطردت أنا هروح اعملك أحلي غدي بأيديا إياك تقول امشي أحسن ازعل منك.
تبسم لها بمحبة لا اطمني يا قلبي انا اصلا مفرغ اليوم كله ليكم عشان
يا سلام عليك أيوة كده..خلاص هروح ابدع واعملك الأكل اللي بتحبه عشان عيونك..
عيني عليا اللي اتهريت بانية ومكرونة..
قالها أدم ليشاغبها قبل أن تذهب فلكزته بكتفه طب استر على سيرو حبيبتك..
ياروحي ده لو عملتي عيش وجبنة راضي وعاجبني
ضحك جسار شاطر ياجوز اختي لحقت نفسك.
منا لازم امشي الدنيا انت في الأخر ساعتين وماشي وانا اللي ممكن أنام في الصالة يا ابو نسب.
شهقت سارة باستنكار وتعليق مضحك بقي كده طيب جهز نفسك هتبات في الصالة الليلة.
قهقه هو وجسار ورحلت عنهم وهي تحدج زوجها متوعدة له وراحت تعد وليمتها بينما ظلوا هما يلاطفان
الصغير ريثما تعود.
عاملة ايه دلوقت يا ماما
بخير ياشمس اطمني وارجعي بيتك بقي بقالك يومين سايباه وقاعدة معايا.
لازم اطمن عليكي الأول.
ربتت علي كتفها أنا بقيت بخير باحبيبتي.. الليلة تتصلي بجوزك يجي ياخدك ماشي
أومأت لها حاضر يا ماما هو قالي هيقضي يومه كله عند سارة
عشان نديم وحشه اوي.. هقوله يعدي عليا بالليل.
كسي وجه جمانة الحزن فلمحته شمس و قالت ماما أحنا بخير اطمني.. الحمد لله رضينا بقدرنا سوا ومرتاحين مټخافيش و متزعليش
رمقتها بتردد ثم حسمت أمرها رغم انها صعبة
عليا وقلبي بيتقطع عليكم انتم الاتنين بس لازم اقولهالك تاني سيبيه يابنتي مادام مفيش امل وكل واحد فيكم يشوف حاله مع حد تاني هو يخلف من غيرك وانتي تخلفي من غيره.
تدفقت الدموع بعين شمس قولتهاله يا امي كتير ورفض الفكرة واتمسك بيا وقال انه راضي..وادني حملت تلات مرات وبيطلعوا مشوهين خلاص يا ماما مابقيتش قادرة اتحمل مۏت ولادي اللي مش بلحق اتهني بيهم وجسار كمان نبه عليا مش أفكر أحمل تاني لانه تعب من الصدمات و مشاوير الدكاترة.
نظرت جمانة لابنتها پألم وقلب منفطر و لا حيلة لها بشئ ثم أخذتها في عناق احتوتها به مغمغمة ربنا قادر يا بنتي يعوضكم ويرزقكم من عنده.
تنهدت شمس وهي تسلم أمرها لله قائلةونعم بالله يا ماما
يتبع
الفصل التاسع عشر
من رحم الحياة دائما ما يتمخض الأمل.
مهما سبقته دموع الخيبات.
بعد أربعة أشهر!
طمني يا أدم سارة ولدت
هلل الأخير بفرحة الحمد لله أختك بخير وجابت والد جميل و قمر زي خاله.
زفر جسار براحة الحمد لله كنت خاېف عليها اوي حملها المرة دي كان متعب.
اه والله غير حملها في نديم خالص يلا اهي قامت بالسلامة.
جسار حمد الله على سلامتها انا لو اعرف انها هتولد الفجر كنت ماسبتهاش..
والله ولا أنا كنت اعرف.
هي الولادة كده بتكون فجأة المهم انها قامت بالسلامة..ويتربي في عزك يا أدم.
الله يعزك يا جسار.
روح انت بقا خليك معاها وانا هجيب شمس مراتي واعدي عليكم.
في انتظاركم.
بسم الله ما شاء الله.. زي القمر
قالتها شمس وهي تحمل الرضيع لتتسائل بفضول
هتسموه ايه يا أدم
جسار.
تفاجأت شمس وزجها بتسمية الصغير علي أسمه بينما منحت سارة أدم نظرة حب وامتنان لاقتراحه هذا ليواصل
أنا سميت نديم علي أسم بابا و كنت ناوي لو ربنا كرمني بولد تاني هيكون علي أسمك يا جسار.. أنت أعز شخص عند سارة وانا كمان بعزك زي أخويا.. ودي اقل حاجة اقدمهالك.
وكمان جسار الصغير طالع شبهك انت يا قلب اختك.
صاحت بها سارة ليمزح أدم طب ياريت على الأقل اضمن انه هيبقي حليوة ومدوخ البنات.
قهقهوا ليضم زوجته مازحا اسكت يا عم أدم مراتي بتغير عليا وهتجيبلي الكلام ما صدقت تنسي الماضي المخجل بتاعي.
كمم أدم فمه ملوحا بمرحخلاص يا متر هسكت اهو مش عايزين مشاكل.
شاركتهم شمس المزاح والضحك لكنه وحده كان يدرك حزنها العميق الذي تحاول إخفائه عنهم.. فقال وهو ينهض للرحيل طب نمشي احنا بقى عشان هنريح شوية في البيت وبعدين اخد شمسي ونسهر برة.
سارة أيوة ياعم يا متدلع و رايق و انا قاعدة هنا وسط العباسية دي..
بلاش قر على أخوكي يا بت انتي أحسن يحصلنا حاجة..
ثم تمتم بحنان مبروك ياحبيبتي و حمد الله على سلامتك..
الله يبارك فيك و يسلمك من كل سوء يا جسار..
شمس حمد لله سلامتك يا سيرو ترتاحي بقا و هكلمك بالليل.
من يراه وهو يحتوي كفيها بهذا الحنو وعيناه تلمع بحبه الجارف يظنهما مازالا في أول عهدهما ولم يمضي على زواجهما عدة سنوات يشاركها ألمها ومع هذا يجب يمدها بقوته حين يوهنها الضعف.
ايه رأيك في المكان ده عجبك يا شمسي
جابت سريعا بعينها حولها ثم نظرت إليه بنظرة عميقة هي تفهم أن جسار يحاول التهوين عليها يعلم ما تكابده حين ترى رضيع يولد بين ذراعي والدته تحتاج تلك العاطفة حد المۏت في سبيل تحقيقها ولو لحظة واحدة ثم ټموت.
المكان جميل وعجبني اوي ربنا يخليك ليا يا حبيبي.
هكذا حاولت مكافأته بجملتها مخبئة حزنها بين ضلوع خافقها فلا ذنب له ولها بما يحدث لهما.
بفكر هديتي هتكون ايه لجسار الصغير تفتكري اجيبله ايه
بادلته حماسه باقتراح ومض بخاطرها ايه رايك انا وانت نفتح حساب باسمه ونحطه مبلغ فيه وبعد كده بابا وماماته يضيفه في حسابه هما كمان وكله هينفعه هو وأخوه لما يكبروا
راقه كثيرا فكرتها فكان رده حماسي الله عليكي يا شمسي فكرة ممتازة وعجبتني خلاص بكرة نعمل كده.
إن شاء الله يا حبيبي.
مرت لحظات بينهما يغلفها الصمت حتى قطعه جسار بهمسه شمس حاولي تتقبلي نصيبنا مش كل اما تشوفي واحدة ولدت تحزني كده على نفسك لازم تكوني راضية من جواكي عشان ربنا يراضينا لما نصبر ونحتسب.
ترقرق ليل عيناها القاتم وتكثفت دموعها رغما عنها هي لا تعترض لكن تشتاق من يحاسب أنثى على شوقها الفطري لقطعه
من حشاها تناديها ماما! تلك الكلمة السحرية التي تنبت بقلبها براعم السعادة.
بحاول يا جسار بس ڠصب عني بحزن انا في النهاية بشړ وليا طاقة.
واستطردت پخوف لم يترك خاطرها لحظة واحدة وانت لحد امتى هتفضل صابر خاېفة يجي يوم يفيض بيك و...
قاطعها بعتاب و أيه أسيبك اتجوز تاني تفتكري جوزك وحبيبك ممكن يتخلى عنك
تساقط خيط رفيع من دموع مقلتيها الحبيسة دون رد ليرفع كفيها القابعان بواداعة بين كفيها ثم انسحب معها عائدين لمنزلهما فهناك يعرف كيف يزيل عنها غبار الحزن بموجة عشق حاني لا تنضب فتغفوا على صدره منهكة من
وصالهما راضية بتلك الهدنة لسانها لا يقف عن الدعاء سرا بأن تثمر إحدى لياليهما الخاصة معا نطفة تبث في قلوبهما الحياة.
بعد عدة أشهر
صباح الخير يا مشمش هتروحي معايا انهاردة عند جدي نادر ولا وراكي حاجة
معلش يا جسار مش هقدر أحس معاك عند جدو نادر حاسة اني تعبانة شوية
انعقد حاجبيه بقلق متسائل مالك يا حبيبتي أنا ملاحظ فعلا ان وشك شاحب شوية تعالي نكشف.
لالا اطمن ده شوية صداع هما السبب وبعدين سارة هتعدي عليا هي والولاد بعد العصر وأدم هياخدها من هنا بالليل تكون انت جيت من برة.
قولي كده بقى.. بتوزعيني عشان قعدة النميمة بتاعتك انتي وسارة.
قهقهت قائلة أموت في ذكائك يا متر..
قرص وجنتيها برقة وانا بمۏت فيكي أكتر ثم قال بعبث ماتيجي اقولك كلمة مهمة قبل ما انزل.
دفعته بدلال لا بالليل نبقي نتكلم براحتنا وبعدين مايصحش دلوقت
يا متر لأن سارة علي وصول.
غمز
لها بمشاكسة ماشي يا مشمش اهربي براحتك أصلك بقالك فترة كده رخمة ومزاجك مش حلو معايا خالص.
..قالها مازحا متأهبا للرحيل لتوقفه سريعا شاعرة بوخزة ضمير جسار استني.
نعم ياحبيبتي
أقتربت منه قائلة پخوف اوعي تكون زعلان مني بجد أنا فعلا مش مظبوطة معاك بقالي فترة بس بالله عليك تعذرني..
ابتسم بمحبة مبسطا لها الامر ياحبيبتي بهزر معاكي وبعدين انا مش ممكن ازعل منك ابدا يا شمسي وقمري سوا.
رمقته بحب ثم ابتعدت عنه قائلة اوعدك اعملك سهرة حلوة بالليل لما ترجع يا جسورة
لثم كفيها مغمغما وانا مستني يا قلب جسورة.
صاحت حين ميزت رنين الباب أهي سارة جت.
استقبل شقيقته بحفاوة يا روح قلب أخوكي نورتي الدنيا كلها..ثم تلقف من يديها جسار الصغير وراح يقبله ومن ثم حمل شقيقه الاكبرنديم وهو يقول ديمو حبيب خالو وحشتني خالص وأنا راجع هجيبلك حاجة حلوة.
خدني معاك يا خالو.
عاتبت سارة صغيرها نديم.. قولنا ايه مش وعدتني انك مش هتمسك في حد خارج وهتفضل مع ماما وخالتو شمس وتلعب مع اخوك
جسار استني بس يا سارة..ثم حدث الصغير.
أنا رايح عند جدو نادر عايز تيجي معايا فعلا
الصغير بحماس ايوة.
سارة بس ممكن يضايقك ياجسار ابني شقي اوي وعارفاه مش هيستر هناك.
ابتسم بتفهم ماتقلقيش ديمو مش هيتعب خالو..وأنا هاجي بدري شوية عشان اشوف أدم إن شاء الله..
شمس خلاص هنستناكم يا جسار اوعوا تتأخروا.
راقبتها بعين فاحصة وهي تصب لها بعض العصير ثم قالت
شكلك مش عاجبني يا شمس.
مش عاجبك ليه بقي يا ست سارة مالي يعني.
تفحصتها أكثر بعين خبيرة ثم صاحت بثقة كأنك حامل
ارتبكت وزاغت عيناها بتوتر نافية أنا لا طبعا انتي غلطانة انا مش حامل ولا حاجة.
شمس انتي مابتعرفيش تكدبي عليا ده واضح جدا لو ده حاصل ليه مخبية
أطرقت أخير راسها بعجز دامعة مستسلمة لفراسة سارة الاخيرة رابتة على ظهرها ليه مدارس يا شمس و ليه مخبئة حتى على جسار.
تماما بصوت باكي عشان هياخدني للدكتور يا سارة وياخدوا مني ابني..انا عايزة انسى ان ولادي بيجوا مشوهين هسلم أمري لله يمكن ينجي ابني المرة دي من التشوه أنا باخد علاجي وفيتاميناتي كلها هروح للدكتور ليه عشان يقولي هعملك إجهاض واقتل ابنك
وواصلت باڼهيار لم تعد تسيطر عليه سيبوني افرح وهو جوايا شوية واصدق اني هشوف ابني بخلقة تامة واخده في حضڼي واشم ريحته واشبع منها.
ثم استطردت كأنها تهذي عارفة أنا كل يوم بكلمه في بطني وبحكيله حاجات كتير نفسي اعملها معاه لما يتولد.. وبكلم ربنا كل صلاة فجر وابكي عشان يراضيني و يرزقني طفل سليم يقر عيني انا وأبوه المسكين ده ربنا حنين هيديني أنا حاسة بكده يا سارة صدقيني.
انفطر قلب ابنة خالتها لحال رفيقتها وهتفت بتأثر وشفقة ماشي ياحبيبتي ربنا إن شاء الله هيراضيكي بس لازم تكشفي يا شمس.
صاحت الاخيرة بعناد لأ مش هكشف هستني لحد الولادة وانا ونصيبي..
طب انتي في الشهر الكام
فاضل اسبوع وادخل في الرابع.
طب ازاي جسار معرفش وانتي...
أدركت خاطرها فقالت كل شهر بتعمد اروح عند ماما كام يوم هاك عشان كده مش أخد باله خالص.
فهمت.
ثم تنهدت بشفقة وهي تخبرهاطيب يا حبيبتي اقعدي بقي ارتاحي وماتتعبيش نفسك في حاجة
خالص.
حدثتها برجاء طيب توعديني ما تقوليش لجسار حاجة عن حملي
دلوقت
شمس انتي عايزة تفهميني انك هتخبي علي جوزك لحد الولادة انتي اسبوع بالظبط وبطنك هتبان يا بنتي.
لما يجي وقتها يحلها ربنا.
تنهدت بقلة حيلة ودعت الله سرا أن يجبر خاطرها بطفل معافى ولا تتجدد المأساة مثل ما حدث في المرات التالية.
رحبت إلهام بقدوم جسار وأبن شقيقته بحفاوة قائلة
يا أهلا بالمتر الكبير والقمر الصغير اللي معاه..
ابتسم لها بود ازاي حضرتك عاملة ايه.. ثم غمغم للصغير يلا يا ديمو قولها ازيك يا تيتة إلهام.
أزيك تيتة.
حملته بمحبة أزيك انت يا قلب تيتة..
ثم قبلت خده وأعطته بعض الحلوى التي تخص حفيدها.
سلم علي عمو جسار يا طارق
هتف بها توفيق من خلفهما مرحبا بجسار ثم قال هاتوا الولد العسول ده.. اسمك ايه يا حبيبي نديم
الله اسم جميل.. عندك كام سنةأربعة
توفيق ياااه ده انت كبير بقي.. طب تعالى سلم علي جدو نادر.
تلقفه الجد
وقبله بحنان مغمغم نديم شبه أدم اوي يا جسار.
فعلا يا جدي بس اخوه جسار الصغير طالع شبهي انا.
رائف
مازحا بعد أن انضم إليهم يبقي هيطلع واد مز وبتاع بنات يا كبير.
لكز جسار رأسه محذرا خليكم كده فاضحني في كل حتة مرة أدم ومرة انت. انسوا الماضي بتاعي بقى واشتروا عليا شوية.
قهقهة رائف ووالده والجد ليستطرد جسار فين مراتك اريج اسلم عليها يا رائف
جاية حالا..ثم صاح وهو يشير لها أهي جت علي السيرة.
أزيك يا آبيه جسار عامل ايه
الحمد لله يا أريج اخبارك ايه وجوزك عامل ايه اوعي يكون مضايقك ولا مزعلك
رائف أزعل مين يا كبير وصيها هي عليا مش العكس.
ضحكت قاىلة خليك ظالمني كده علي طول ده انا هادية خالص
طب عيني في عينك كده.
ضحكت
الحمد لله كويسة كانت هتيجي معايا بس اختي سارة زارتها والله.
خلاص تتعوض مرة تاني.
إلهام يلا ياجماعة الأكل جاهز.
توفيق محدثا جسار هات طارق عنك عشان تعرف تاكل يا ابني.
لا خليه معايا هعرف اكل ماتقلقش.
أريج طب عنك ياطنط هاتي نديم هأكله انا..
أخذته لتطعمه وانقضي الوقت سريعا مع عائلة الجد نادر ثم هاتفته شمس لقرب حضور أدم زوج شقيقته فغادر على وعد لهم بلقاء قريب.
وقفت بغرفتها لتأخذ خلوة خاطفة أمام المرآة قبل عودة زوجها راحت تنظر لموضع جنينها هامسة بخفوت وحشتني يا حبيبي انشغلت عنك اليوم كله ومش كلمتك زي كل يوم عمتو سارة كانت معايا تعرف انها دلوقت عارفة بوجودك لعلمك انت هتحبها اوي وهي كمان هتحبك..وبابا كمان هيحبك بس اوعي تزعل منه لأنه لسه مش عارف انك في بطن ماما أنا مخبياك عنه عارف ليه عشان محدش ياخدك مني ويقولي انك مشوة قلبي بيقولي انك هتتولد طفل جميل يا قلب امك ياريت تطلع شبه بابا بس لو جيت بنت اطلع زي عمتو سارة لأنها أحلي مني ماما مش جميلة بس بتحبك سواء كنت ولد او بنت أمبارح كلمت ربنا عشان يحفظك وحاسة انه استجاب قلبي بيقولي انك هتكون بخير..
شمس!
انتفضت بغتة على صوته بعد أن ظنته مازال بالخارج محدقة في وجهه بړعب جسار! أنت جيت امتى
رمقها بغموض ثم دنى منها وجذبها لتجلس فوق فراشها وراح يهذب شعرها برفق هامساأحنا عمرنا دارينا حاجة عن بعض يا شمس
أغرورقت عيناها وهمست سارة قالتلك
غمسها بصدره وجعل رأسها يعلو قلبه وهو يقول كان لازم اعرف منك انتي مش من اختي ليه يا شمس داريتي عني
أحاطت موضع طفلها بدفاع وجنون عشان لو روحت للدكتور هياخد ابني مني وانا مش هخلي حد ياخده ولا يأذيه.
ثم رفعت وجهها الباكي اليه تستعطفه عشان خاطري ياجسار سبني اكمل حملي من غير ما نروح للدكتور تعالي ننسي انه ممكن يبقي مشوه خلينا نستناه لحد ما يجي ونشوفه نفسي اشوفه واضمه لصدري زي كل أم خليني أكدب علي نفسي أنه بخير يمكن الكدبة تبقي حقيقة بس بلاش نروح للدكتور..عشان خاطري بلاش.
ظلت تتوسله برجاء فبكى وهو وهي مازالت تهذي برجائها ألا تذهب بها للطبيب..راح يربت على ظهرها برفق شديد لتهدا رعشتها حت
غفت بين يديه فأرقدها بحذر ثم ذهب ليصلي ويحدث ربه ساجدا عله يستجيب.
يارب أنا مش بعترض على قضائك وراضي وحمدك علي اللي تجود بيه بس من حقي اطمع في كرمك واتعشم في رحمتك يارب حتي لو مكتوب ان كل ذريتي تكون مشوهة..أنت قادر تغير قدري وتمن علي عبدك الضعيف بطفل سليم معافى..عشان خاطر مراتي المسكينة اللي هتتجنن وتكون أم يارب ضاقت بيا كل السبل والأمل في قدرتك مش ممكن يضيع أجبرني يا جبار السموات والأرض قر عيني بذرية سليمة تكون عزوتي في الدنيا يارب لا تردني خائب الرجا أنا ماليش غيرك أدق بابه واطلب منه حاجتي وعارف انك كريم ومش بترد محتاج يدق باب رحمتك
ظل يحدث ربه باكيا حتى فاض بمكنون قلبه
و بدعائه العفوي وهو ساجدا يبكي بشدة حتى ابتلت سجادته بدموعه ثم أنهى صلاته يه ويبثها دفئه حتى غفى هو الآخر.
بصعوبة كبيرة أقنعها أن تذهب للفحص لكن مع طبيب أخر.. وقفت ترتجف أمام باب العيادة وكادت تتراجع فعاق رحيلها برفق هامسا مش وعدتيني يا شمس
خنعت له ونظرت لموضع الجنين وربتت عليه كأنها تستمد منه قوة ثم دلفا معا ليعلما مصير طفلهما تلك المرة.
عيناه مصوبة بتركيز شديد على الشاشة الصغيرة التي تعرض مجسم افتراضي لأحشاء شمس طال فحص الطبيب وكل حين يعدل عويناته فوق انفه ويستأنف رصد ما يراه باهتمام.
ارتفعت عيناه بدهشة ألقت الړعب في قلب جسار وشمس التي ترجمت خۏفها لرجفة شديدة جعلت الطبيب يصيح بقلق أهدي يا مدام أرجوكي حصل ايه
ل
قالها وقلبه يخفق بقوة تستشعره هي برأسها المغموسة بصدره ليقول الطبيب الحقيقة اللي شايفه بيقول إن وصمت برهة قبل أن يستأنف ياترى مستعدين للي هقوله
تبادلت مع زوجها نظرات دامعة متوقعين ما سيقوله الطبيب.. نكست رأسها وتركت لدموعها العنان لتجحظ عيناها بغتة مع استطرداده المدام حامل في تلاتة.
حملق به جسار واتسعت عيناه بشكل مخيف غير مصدق وهو يهذي تلاتة بتقول تلاتة
الطبيب بإيماءة مؤكدا أيوة ولدين وبنت ما شاء الله.
راحت أعينهما تحلل التعبير المرتسم علي وجه الطبيب.. للعجب لم يكون قاطبا أو عابس أو متأسفا..بل يكسوا وجهه ابتسامة هادىة.
مشوهين
همستها شمس بصوت مبحوح ليجبها بالعكس انا مش شايف أي تشوه فيهم التلات أجنة زي الفل ومفيش اي تشوهات.
ريشة الذهول نحتت خطوتها عليهما غير مصدقين أنهم رزقوا بثلاثة أطفال أصحاء تلك المرة لتصيح شمس بشك متأكد يادكتور يعني ولادي مش بجد مشوهين التلاتة بخير.
وهنا راحت تضحك ثم تبكي بشكل أقلق جسار فراح يهدئها أهدي يا شمس عشان خاطري اهدي.
تشبثت بكفه وهي تهذي ضاحكة بدموع مش قولتلك يا جسار حاسة إن ابني بخير لأ مش ابني ولادي..ربنا عوضني بالتلاتة اللي راحوا مني .ربنا راضاني وحس بيا وجبرني.
قاطعها الطبيب بقلق علي فكرة توترك ده غلط يا مدام لازم تكوني هادية خالص ثم نهض ليجلس خلف مكتبه أنا هكتبلك على مقويات وفيتامينات قوية ما شاء الله دول تلات تؤام ولازم تتعذي كويس عشان حملك يكمل على خير.
وخط لهم أسماء الأدوية اللازمة ثم رحلوا ومازال الذهول يجثم عليهما ولا يصدقا ما حدث.
هنروح للدكتور جمال.
هتفوا بها في نفس التوقيت ليشد جسار على كتفيها حالا هنروح عنده ومش
هنقوله حاجة كأننا هنعرف لأول مرة
لحد ما نشوف هيقول ايه اتفقنا.
هزت رأسها بحماس باكي من فرط فرحتها اتفقنا.
رواية صړخة على الطريق
بقلم ډفنا عمر
الفصل العشرون والأخير
سماء الرحمة لا تزال تمطر بزخات العطايا
وتهدي ذوات القلوب البيضاء ندى هداياها.
عين الطبيب جمال تدور فوق الشاشة والذهول يغتال نظراته الفاحصة بقوة لتتدرج انفعالاته لفرحة طاغية غمرت وجهه وهو يهتف ويكبر الله أكبر بسم الله ما شاء الله سبحان من يقول للشيء كن فيكون اللهم بارك وتممها علي خير يا كريم.
حماس الطبيب وكلماته الصادقة كانت أكثر من كافية ليتيقن جسار وشمس أن رب العالمين اتم نعمته عليهما حقا ولم يعد في الأمر شك ومع هذا تسائل الاول فقط ليسمع بأذنيه بشارة
الطبيب كلام حضرتك بيقول إن......
قاطعه الطبيب بيقول إن ربك كريم ورحمته واسعة وتعويضه مالوش مثيل يا ابني.. مراتك أجهضت تلات مرات بس ربنا ادخرلها تلات تؤام أصحاء مرة واحدة.
البكاء الجارف كان سبيلهما الوحيد وهما يستقبلان تأكيد طبيبها على صحة أطفالهما الثلاث والفرحة أفقدتهما السيطرة على مشاعرهما التي فاضت منهما بقوة ما بين شكر وبكاء.
صدر كلا منهما ارتشف دموع صاحبه عبير فرحتهما فاح من قلوبهما وصوتهما يتحمد الله على عطيته الغالية.
كفاية يا ولاد بكتوني معاكم.
غمغم لهما الطبيب بعين مترقرقة تأثرا بحالهما وهو كان خير شاهد على ما كابدوه هذان الزوجان كي يصلوا لتلك اللحظة الفارقة بعد صبر ورضا وكلا منهما متمسك بأنامل الأخر زاهدين بفرصة إنجاب اطفال أصحاء لو كانوا اختاروا الفراق لكنهما صبروا وهاهي بشرى الصبر تكتسحهما بفرحة لا يساعها الكون بأكمله.
بس طبعا لازم نتابع أكتر من الأول عشان لا قدر الله لو ظهر أي علامات تشوة لأحد الأجنة نتخلص منه فورا ونبقي على السليم فيهم.
تبددت فرحتهما لينال منهما الخۏف والړعب فاستطرد سريعا يطمئنهم متخافوش يا ولاد دي متابعة روتينية وطبيعية عشان نطمن مش اكتر بس بإذن الله الشهور الباقية هتكمل على خير وربنا يقر عيونكم بيهم التلاتة..ألف مبروك.
وكتب لها بعض الفيتامينات وأمرها بالراحة والتغذية الجيدة والمتابعة كي يتعامل طبيا مع أي تطور.
حملها جسار برفق گ الماسة الثمينة ليرقدها فوق فراشها قائلا من هنا و رايح أوعي تتحركي يا شمسي شغل البيت كله
هجيب واحدة تعمله بدالك ماشي يا قلبي
ملست على سطح بطنها بابتسامة حانية قائلة ماشي.
واستطردت جسار أحنا مش في حلم صح في اتنين دكاترة أكدوا لينا اني هجيب تلات توائم ومش مشوهين مش كده يا جسار
أحتوى بكفه كفها القابع علي موضع أجنتهما وأخبرها مټخافيش انتي مش بتحلمي يا شمس ربنا عوض صبرنا و رضانا خير.. رزقنا بتلات ولاد يعوضونا مۏت اخواتهم زي ما قال دكتور جمال ربنا ادخرلنا فرحة كبيرة في الأخر.
انهمرت دموعها وغمغمت لصوت مرتجف مثل قلبها طب انا مش هنام.. افرض برضو كان حلم علي الأقل خليني عايشة فيه شوية.
اقترب وحاوطها بحنان هامسا غمضي عيونك واطمني..هننام وبعد شوية هنصحي أذا أراد ربنا وهتتأكدي انك مش في حلم.
تراخت أهدابها رويدا و سريعا ما غطت بنوم عميق كانت تحتاجه بشدة وكلمات الطبيبان بتوائمها الأصحاء تطوف في عقلها تبتسم رغم غفيانها يهمس جسار أحلمي يا حبيبتي حلمك خلاص بقى حقيقة وبحذر نهض من جوارها ليتوضأ ويصلي شاكرا ربه ويدعوه بنجاة صغاره
بدأت خيوط الشمس تنفذ إليهما لتبدأ شمس بإفاقة ثم أشرعت عيناها تستوعب ما حولها وبغتة تدفق لذهنها ما حدث بالأمس فأمسكت بطنها وهي تغمغم بما يشبه الهذيان أنا مش بحلم! الدكتور جمال قال اني هجيب تلاتة والدكتور التاني قال انهم مش مشوهين!
ثم راحت تنظر حولها بړعب ودون وعي دفعت زوجها الراقد جوارها پعنف صائحة جسار أصحى يا جسار.
استيقظ بفزع وهو يصيح في ايه يا شمس حصلك حاجة وجد وجهها غارق بدموعه باحتواه بين راحتيه پخوف بټعيطي ليه حبيبتي مش الدكتور قال التوتر غلط
غمغمت بخفوت حصل ايه امبارح هو احنا روحنا للدكتور طب قالنا ايه
ايقن شتاتها وظنها الخائڤ ان ما عرفوه بالامس كان مجرد حلم فابتسم ولثم بين عيناها مطولا ثم قال وهو يزرع نظرته القوية بمقلتاها ويحدثها بحنان احنا روحنا لاتنين دكاترة قالوا ان مراتي الحلوة هتجيب تلات توائم حلوين زيها
ومش مشوهين خالص بأمارة ما دكتور جمال بكى علشانا وقال هيتابعك لحد الولادة عشان يطمن وبعدها رجعنا هنا ونمتي في حضڼي وبعدين صحيتي دلوقت أتأكدتي بقا انه مش حلم
كانت عيناها متسعة ووجهه بفضول گ طفلة مبهورة بقصة يسردها لها أبيها..أخذت تضحك وهي تتمتم يعني أنا مش بحلم يا جسار! أخيرا هشوف ولادي واحضنهم واشم ريحتهم.
بإذن الله حبيبتي ربنا يقومك بالسلامة رفعت وجهها إليه طب هنفرح بابا وماما والعيلة كلها امتى
هنعزمهم كلهم عندنا بكره ونقولهم بس مش الخبر كله ازاي مش هنقولهم الخبر كله
يعني هيعرفوا انك حامل في طفل غير مشوة ووقت الولادة خليهم يتفاجئوا لما تولدي إن شاء الله بالتلاتة.. ايه رأيك راقها اقترحه كثيرا فصاحت
موافقة جدا.
خلاص انا هعمل أوردر بكل حاجة من برة هنحتاجها بكرة عشان انتي تقعدي وسطيهم زي الملكة متعمليش حاجة مفهوم يا مشمش.
ضحكت بدلال ممزوج بفرحتها مفهوم ياجسورتي.
حذرها بعبث محبب بلاش جسورتي دي لحد ما تولدي خليني مؤدب وماسك نفسي للأخر.
قهقهت عاليا فعاد وضحكتها الصافية يدوي صداها في قلبه وروحه وداخله يتضرع لله شكرا لما وهبه من سعادة كان ينتظرها ك ليلة العيد.
كلما أخبر جسار أحدا من عائلتيهما بحمل زوجته وصحة طفلهما يبكي ويعانقه بقوة الجميع كان قلبه يرتجف من سعادته بحمل تلك المسكينة التي صبرت كثيرا هي وزوجها من الله عليهم وروى قلوبهما بما تمنوا وسوف يحصون الساعات والأيام إلى أن يحين موعد قدوم صغيرهم العزيز..لا يعلمون أن مفاجأة اكبر تنتظرهم حين يبصرون الصغار الثلاث.
بعد خمسة أشهر.
ينهب جسار ردهة المشفى مجيئا وإياب حوله كل عائلته والجد نادر وأسرته هو الأخر حاضرون مترقبين ذاك الحدث الهام..الجميع يتضرع أن يقر أعينهما بطفلهما المعافى ولا يعلمون حقيقة ما ينتظرهم.
انفرج الباب فجأة ليهرول جسار علي الطبيب وخلفه أبيه أمين وعمه رضوان وولدي الأخير حمزة و ريان.
طمني يا دكتور جمال ولادي ومراتي بخير
ابتسم له الأخير الحمد لله بخير ربنا كرمكم بولدين وبنت زي القمر ومدام شمس بخير وهتفوق كمان شوية.
انحنى جسار يسجد لله ويشكره باكيا بانفعال كبير فربت على ظهره الطبيب بحنان أبوي ورفعه إليه وقال بما يجيش بصدره لأول مرة في حياتي علي مدار سنين ممارستي للطب اكون فرحان لحالة عندي بالشكل ده كأن ولادي هما اللي ربنا رزقهم يمكن عشان انا كنت
تركه الطبيب بعد أن فاض بعاطفته و دارت عيناه في وجوه أفراد العائلة وقرأ ذهولهم فابتسم متفهما صدمتهم وفرحتهم معا بالأحفاد..ثم تحولت مشاعرهم لسيل من المباركة والزغاريد والبكاء يعظمون عطية الله ويشكروا عليها.
ريان هتسموا الولاد ايه يا جسار انت وشمس
نظرت الأخيرة لزوجها بحب وقالت اللي يختاروا جوزي موافقة عليه.
صدح صفير مشاغب من رائف وريان وحمزة والجدة جمانة تعاتبهم بتحذير من بين بكائها الذي لم يهدأ
من فرط فرحتها اعقل يا واد انت وهو هتزعجوا أحفادي.
هتسميهم ايه يا روح ابوك
قالها أمين وهو يربت على ظهر أبنه الذي قال وهو ينظر لطفلته بحب البنت هسميها ريحانة.
لمعت عين أبيه بسعادة بعد أن صدق ظنه في ابنه ليستطرد جسار اما الولد الأول هسميه.!
وصمت وهو يدنوا من الجد قائلا نادر علي أسم الراجل اللي رباني وكبرني وحبني من كل قلبه.
ترقرقت عين الجد وعانقه بقوة عاجز عن قول شيء يشكره به ليعود جسار ويقف قبالة والده هاتفا أما الولد التاني هسميه.
قاطعه أمين سريعا لأ مش هتسميه الولد التاني بأسمي.
رمقه جسار بدهشة فاستأنف أمين وهو يقبض علي كتفيه العريض باحتواء حاني هنسميه يوسف ده الأسم اللي أمك ريحانة أختارته ليك يا جسار من زمان والقدر يا ابني ادخره أسم لأبنك ولحفيدها.
دمعت عيناه وعانق أبيه بقوة ثم كفكف دموعه مغمغما وهو يمازحه خلاص يبقي الولد الجاي هيكون على أسمك يا بابا
ولد جاي مين خلاص يا روحي شطبنا.
قالتها شمس بحمية وسط ضحكات البقية لتواصل الحمد لله دول فلتوا من التشوه وربنا سلمهم.. انا مش ضامنة الجاي يجي ايه أنا ممكن أخلف فار بعد كده.
دوت قهقهة الجميع بقوة على قول شمس المضحك العفوي ليمازحها جسار ثانيا بس انا عايز أمين يا مشمش.
طب رد علي ابنك ياعمو أمين أنا مش هتكلم..
ضحك الأخير ودعم ابنة أخيه مشمش عندها حق يا جسار احمدوا ربنا علي كده.
رضوان وربنا يبارك في ريحانة ويوسف ونادر ويتربوا في عزكم وينورا حياتنا كلنا..
سارة ومن دلوقت ريحانة بنت اخويا محجوزة لنديم ابني حمزة ونادر هاخده لبنتي اللي لسه هتيجي..
رائف طب سيبولي يوسف وانا هظبط مع مراتي يومين في الساحل واجيبله بنت.
لكزه توفيق على رأسه أختشي يا ولد عيب.
إلهام وليه ريحانة ماتاخدش طارق حفيدي.
سارة لا كده هنزعل مع بعض يا طنط..أنا حجزتها الأول..
صاحت عليهم صابرين والدة سارة وصوتها يشاطرهم الفرحة أهدوا ماتتخانقوش سيبوهم هما يقرروا لما يكبروا هيتجوزا
مين ويحبوا مين.. واحنا ما علينا غير نبارك حياتهم نقول مبروك.
نظرت شمس لصغارها بحنان طاغي وقالت بعاطفة جياشة صح ياطنط.. خليهم هما يقرروا حياتهم هتكون ازاي لما يكبروا.
بعد ست سنوات في فيلا أمين الرشيدي.
ريحانة حاسبي تقعي يا حبيبتي.
مش تخاف يا بابا مش تخاف.
يوسف برجولة مبكرة أنا واخد بالي من اختي هي ونادر اخويا يا بابا.
ومضت عين جسار بحنان شاطر ياحبيبي.
شمس جسار شوف اخويا حمزة فين عايزين نبدأ عيد الميلاد بتاع الولاد.
حاضر هتصل اهو.
أنت فين ياحمزة اتأخرتوا ليه
أجابه الأخير عبر الهاتف انا بالظبط عشر دقايق واكون وصلت يا جسار.
خلاص منتظرك..والولاد يا سيدي بيقولوا مش هنطفي الشمع غير لما خالو حمزة يجي..
حبايب خالو اللي وحشوني.
شمس صائحة من خلفه جسار ريان ومراته وولاده وصلوا وسارة وأدم وولادهم كمان وصلوا..و رائف اخوك وولاده ومامته وباباه كمان لسه جايين تعالي رحب بيهم عشان انا بعمل حاجة.
حاضر رايح ارحب بيهم
ذهب ليستقبل جمعيهم فتسائل توفيق
فين بابا ياجسار اصله جالك من بدرى ومأخدش علاجه
جدي هناك اهو مع بابا وعمي رضوان..لو ماتقلقش اخد علاجه كله انا خليته ياخده قدامي..
أريج طب فين التوائم وحشوني يا أبيه.
أشار لها هناك بيلعبوا مع الولاد خدي طارق ابنك واخوه يلعبوا معاهم على ما نبدأ الأحتفال.
ابتسمت إلهام كل سنة وولادك طيبين ياجسار..
غمغم بتهذيب وحضرتك طيبة اتفضلي هناك مع خالتو وطنط صابرين..وحضرتك روح عند جدو وبابا وعمي قاعدين في الناحية التانية.
ثم حدث أخيه قائلا تعالي معايا يا رائف عايزك
في حاجة.
معاك ياكبير.
راقبهما توفيق بعين غائمة و يبدو عليه الشرود لتلاحظه زوجته متسائلة
مالك سرحان في ايه
غمغم بتنهيدة قوية سبقت قوله بتعجب من حال الدنيا يا إلهام الطفل الرضيع اللي أهملناه ولفظناه من حياتنا سنين طويلة ومقدرناش نحسسه لحظة واحدة بحنان الأم والأب وعاش محروم وبيعاني بسببي انا انتي.. هو دلوقت اللي بيسأل علينا و واخد ابننا الوحيد تحت جناحه وعمله عزوة وبقت عيلة جسار الكبيرة واللي تشرف دي عيلة لأبننا ولأحفادنا حتى بابا.. كل أهل جسار بيحبوه و يسألوا عنه و بيوقروه و بقي كبيرهم.. بابا أكتر واحد حصد نتيجه تربيته لجسار يا إلهام عيونه بتلمع من السعادة والراحة وسط العيلة الطيبة والأصيلة دي وانا واكلني تأنيب ضميري وخجلي كل اما اشوف كرم جسار واهتمامه بينا ولد قلبه ابيض ونسي كل حاجة وافتكر بس تربية بابا له وطمرت فيه.
سريعا ما انتقل إليها ذات الشعور بالۏجع والخزي معا زوجها محق فيما قاله.. ليتهما منحوا جسار ما كان يحتاجه ويستحقه لو فعلوا لما تقزموا هكذا أمام أنفسهم وذبحهم ضميرهما لوما.
زحفت دموعها فوق خديها فازالها مع قوله
بس تعرفي إن لسه في حاجة حلوة نتمسك بيها احنا ندمنا أنا وانتي و حاولنا نعوضه يا إلهام كنا ممكن فضلنا زي ما احنا قاسين وبعاد عنه يمكن عشان كده ابننا
رائف سعيد وهو فرد وسط الناس دي ودي عبرة أخيرة تنضاف للعبر الكتير اللي أخدناها من حكاية الطفل اليتيم جسار اللي بعد حرمانه من الضنا ربنا كرمه بولاد وماحرموش من العزوة.
تنهدت بعمق وهي تكفكف باقي عبراتها عندك حق يا توفيق الحمد لله اننا فوقنا لنفسنا وقربنا من جسار وحبيناه بجد وربنا جازانا ان ابننا رائف مش هيكون وحيد بعدينا.
ايه ياجماعة واقفين بعيد ليه اتفضلوا
التفتوا لجمانة خالة جسار التي واصلت وهي ترحب بهما نورتونا والله.. جمعتنا مابقيتش تكمل من غيركم.. اتفضلوا..
تبادل توفيق وزوجته نظرة أخيرة قبل أن يتبعوا السيدة حيث تتجمع بقية العائلة.
اقترب سريعا حين لمح جسار ضيفاه قائلا بترحيب
يا أهلا بأستاذ حسن ومدام ياسمين نورتونا. ثم رمق الصغيرة بحنان أبوي حقيقي ازيك يا دارين عاملة ايه يا حبيبتي بقيتي عروسة ما شاء الله
حسن بفخر واضح لا وبنتنا متفوقة كمان يا استاذ جسار.
الأخير بامتنان غمر صوته ده بفضل ربنا ثم انتم يا أستاذ حسن اكيد وفرتوا لدارين الأجواء المناسبة عشان تتفوق.
واستطرد بترحيب اتفضلوا الكل منتظركم هناك وانتي يا دارين روحي لاخواتك في الدار هناك بيلعبو مع ولادي.
تمتمت ياسمين بعد ذهاب الطفلة عندنا ليك خبر حلو يا استاذ جسار.
حسن مؤكدا على قول زوجته فعلا عندنا خبر هيفرحك
جدا بما انك بقيت شخص غالي علينا ببشرك ان ياسمين مراتي حامل.
زوجان من المشاعر المتضادة اغتالوا دواخل جسار سعيد بحق لأن الله رزقهم من فضله وانقبض خافقه لمصير دارين المحتمل أن يكون نسخة مما عاشه هو.
ألف مبروك بجد فرحتوني بس... !
زوي حسن حاجبيه بس ايه يا استاذ جسار
هقولكم بس تعالو معايا ثواني نتكلم بعيد عن الزحمة
تابعه حسن وزوجته متوجسين مما يريده و ما ان اختلي بهم حتى قال بأكد تاني ليكم فرحتي بالخبر ده اكيد ده انا اكتر واحد ممكن يفهم احساسكم دلوقت وأكيد جزاكم لتربيتكم ورعايتكم لبنت يتيمة زي دارين وأسف جدا لأني هطلب منك طلب غريب شوية.
واستأنف تحت نظراتهما المتوجسة انا بستاذنكم تسيبوا دارين تتربي مع ولادي او حتى ترجع تعيش في الدار من تاني زي ما كانت.
دهشه جمة أصابتهما ليعبر حسن عن دهشته قائلا ليه بتطلب مننا نسيبها ايه سبب طلبك ده مش فاهم
بدا كأنه يسترجع أطيافا مؤلمة لماضية وما عاشه من غربة وحرمان ثم غمغم يوضح لهما أسبابه لأن اما يجى طفلكم بالسلامة للدنيا هتتغيروا معاها مش هتحبوها ولا هتكون من أولاوياتكم زي ما كانت مع الوقت هتحسوا انها بقيت عبء عليكم وبتاخد حق طفلكم وهتأذوا مشاعرها وټجرحوها وتسببوا ليها ألم نفسي. سيبوها من دلوقت افضل وانا ومدام صفاء مش هنقصر معاها.
همت
ياسمين بالرد عليه ووجها يعكس استنكار واضح ليقاطعها صړاخ دارين و دون شعور هرولت تلقائيا على الصغيرة رغم خطۏرة ذلك علي حملها لتتفقد دارين.
ذهول حقيقي أصاب جسار وهو يرى لهفتها هذه..لقد خاڤت حقا علي طفلته لم يرى بخۏفها الآن سوى أم حقيقية مڤزوعة على طفلتها راقب من بعيد عناقها لداراين وهي تطمئن عليها بعد سقوطها وبعد اطمئنانها عادت لجسار و حدثته بشيء من الحدة اسمع يا استاذ جسار كلامك ده كله خيال و افتراض مالوش أي أساس من الصحة دارين دي بنتي ومش هسيبها لحد ما اموت واللي هايجي إذا ربنا أراد هيبقى اخوها او اختها ومعلش مش هسمح لحضرتك تشكك في حبنا ليها تاني او تدخل في حاجة زي دي.
تعجبت ياسمين لرؤية ابتسامته بعد هجومها الفظ عليه وهو يهتف بعد اللي شوفته بعيني دلوقت بقولك أسف يا مدام ياسمين فعلا الناس مش كلها زي بعض دلوقت اتأكدت ان دارين فعلا مع اب وأم بيحبوها من قلبهم وبيراعوا ربنا فيها.
حسن داعما لما قالته زوجته لا اطمن يا استاذ جسار دارين من يوم ما دخلت حياتنا وهي غيرتها للافضل اديت للأيام طعم ولون ومستحيل نتخلى عنها حتى لما ربنا يكرمنا هي وش الخير علينا وهتفضل مكانتها محفوظة.
اخيرا اطمأنت روح جسار أن مصير الصغيرة لن يكون مثله لقد حظت بأفضل مم تمنى لها.
دوى شدو الصغار والكبار بأغنية عيد الميلاد متحلقين حول ريحانة ونادر ويوسف مع أقاربهم وأولاد الدار ثم نفثوا بقوة ليطفئوا الشموع بين تصفيق عائلتهم الحماسي لهم وبدأت تنهال الهدايا عليهم وعين جسار وشمس تتأملان صغارهما بحنان جارف..ثم انقسموا لمجموعات متبادلين الثمر والضحكات.
الجد نادر و حوله أمين ورضوان وتوفيق..
وحمزة وأدم وجسار بينما انضم رائف لصديقه الأقرب عمرا وطباعا ريان..
أما النسوة جمانة وصابرين وإلهام أجتمعوا بطاولة اخرى و السيدات الصغار سارة وأريح وزوجات حمزة وريان تجمعوا حول شمس لتبدأ الثرثرة متندرين بما يفعله صغارهم وكلا منهم متشبعة بتجربة امومتها.
بينما الصغار بصوب اخر يلهون بمرح وصخبهم وضحاكتهم المحببة تزرع الفرحة في قلوب الجميع.
دثرت أطفالها الثلاث جيدا وابتعدت بحذر ليقابلها جسار عند باب الغرفة رامقا صغاره بحنان هامسا حبايب بابا لعبوا كتير
انهاردة.
ردت و هي تطالعهم بعاطفة مماثلة فعلا عشان كده ناموا قبل حتى ما يفتحوا الهدايا بتاعتهم.
مغمغما انتي كمان تعبتي اوي انهاردة يا شمسي في تحضيرات عيد ميلاد ولادنا.
تعبكم راحة يا حبيبي الحمد لله كان يوم جميل وكل العيلة ماشية من عندنا مبسوطة.
ابتسم برضا الحمد لله ربنا يديم علينا عيلتنا الحلوة.
رفعت رأسها تنظر إليه بحب جارف ثم حاوطت وجهه براحتيها هامسة مبسوط بعزوتك اللي اتمنيتها ياغالي
امسك إحدي كفيها برفق الحمد لله ربنا رضاني وعوضني أنا خلاص يا شمس مبقتش افتكر اصلا اللي عانيت
منه.. كأن كل الآسى والحرمان اتمسح من عقلي أنا دلوقت جسار أبو ريحانة ويوسف ونادر..
ليه دايما بتقول أسم ريحانة قبل الولدين
ومضت عيناه بحب لأنها أمي يا شمس بنتي ريحانة واخدة كل ملامح ماما.. حتى اما بشم عبير امي فيها.
سبق قولها له تنهيدة ربنا كبير يا جسار أما بيعطي بيعطي بدون حساب عوضك حرمانك من مامتك بولدين وبنت تشبهها في كل حاجة.
غامت عيناه وهمس بتفكر ممزوج بشروده في حكمة ربه لما آل إليه حاله
تصوري يا شمس لو كانت ماما عايشة وشافت ولادي انهاردة وهما مالين الدينا حوالينا بضحكهم ولعبهم سبع سنين عدوا وكل يوم بحس روحها بتحوم حواليا بتزورني في احلامي كل ليلة كأننا على معاد محدش فينا بيخلفه بغمض عيون وعارف اني هشوفها وصدقيني لو قولتلك بحس بلمستها بتطبطب عليا..ريحانة عايشة جوة قلبي.
ترقرقت عيناها لفيض مشاعره وهو يبوح لها بما في صدره ثم تمتمت بحنان
حكايتك بدأت پصرخة وخوف طفل رضيع على الطريق لا حول له ولا قوة..بس انتهت بفرحة
بينما زوجته تحدثه اغمض عيناه ليختزل طيف والدته الذي مر بمخيلته يشاركهما اللحظة ريحانة هنا..دائما هنا.. بعد لحظات عاد ينظر لزوجته بنظرة خاصة تخصها وحدها ثم تبدلت حالته و دنى منها وعيناه تنضح بعبث
مشمش تيجي اقولك كلمة سر
ضحكت ثم هتفت له بدلال كلمة واحدة بس يا جسورتي
اشتعلت روح العبث به أكثر وهو يشاكسها
عيب عليكي يا شمسي هو في حد مستفيض في الكلام والشرح قدي .
تمت بحمد الله
