تعالي الي جحيمي بقلم اميرة الشافعي
المحتويات
نشوف هنروح معاك امتي لعيلة ماجي احنا متجمعين اهو في الحنينه
جمال بسعاده عشر دقايق واكون عندك يا عمي
هز نور الدين راسه وهو يفكر ثم خرج الي الحديقه
راي مي تهم بالانصراف هي وصديقتها فقال
ايه ده يا مي عاوزه تجيبي صاحبتك عندنا وتمشو من غير ما نتعشي سوا علشان تقول ان قرايبك بخلا
اميمه مبتسمه خلف نقابها لا حضرتك ابو الكرم بس احنا لينا مواعيد
شهد لاميمه ولا مش هتعرفي تاكلي معانا علشان النقاب ادخل انا وانتي ومي جوا
اميمه مازحه لا مټخافيش عليه المنتقبات بيعرفو يتصرفو كويس
بعد اقل من عشر دقائق وبعد ان وضع عبده الطعام وجلس الجميع يتناولون طعامهم
عدا شهاب الذي قال انه يشعر بالشبع
جاء جمال وجلس مازحا سلامو عليكم قال نور الدين اقعد يا جمال دي مي وصديقتها ما فيش حد غريب
بعد قليل قال لجمال
جمال بتلقائيه لأ انا ممعيش رقم مي
نور الدين امال ضړبت عليك ازاي علشان تروح توصلها الصبح ارتبك جمال وانتبه شهاب
وفؤجئت مي بتصرف عمها
فقال جمال مرتبكا ما سجلتوش وبدا العرق يظهر على وجهه
فصاحت مي طب فين سكني يا جمال
تعرف تقول في شارع ايه
جمال قريب من الشركه انا قابلت مي وانا رايح الشركه الصبح
مي بغيظ واتحايلت عليا اركب وقلت ابقي لسه زعلانه لو مركبتش
هنا نظر لها شهاب پغضب وقال وتركبي ليه حتي لو ده حصل
نور الدين ولا كلمه خلاص
جمال بخجل وارتباك علي فكره انا كنت بقصد قابلتها بالصدفه
بس انت فهمت غلط يا شهاب
شهاب وهو ينظر لجمال پغضب ولا كلمه زياده يا جمال
غير جمال الموضوع وقال هيه هتيجوا امتي تخطبولي بقي
فوجئ الجميع بلوجي التي جائت تصيح وهي تحمل ليمونه وتنظر اليها بذهول
مامي مامي البراد الصيني وقع مني اكسر بس الليمونه دي كانت محطوطه فيه ووقعت سليمه ما انكسرتش البراد كله انكسر والليمون شاطره ومش انكسرت
وسط الڠضب
العارم ضحك الجميع
الفصل الرايع عشر لاول مره
بعد ان ضحك الجميع علي كلام لوجي وخصوصا شهاب الذي ضحك عاليا فنست مي الجميع واخذت تنظر اليه بذهول فلاول مره تسمعه يضحك بهذا الشكل منذ ان تعرفت عليه
ازداد شبابا ووسامه ولم تستطع مي اخفاء اعجابها به
نظرت إلى اميمه التي قالت لها بهدوء
يلا يا مي اتاخرنا ومدام عايده ممكن تعمل لنا مشكله
نهضت مي واقفه ثم قالت لنور الدين عمو نور الدين ممكن تسمحلي اروح شغلي اصل اميمه ولولو بيخرجو الصبح وانا لو قعدت هزهق من القعده لوحدي
نظر اليها نور الدين لبرهه وهي تنتظر الاجابة والموافقة الي ان قال
صحيح يا مي انا كبير العيله والمسئول عنها
لكن انتي ليكي زوج والزوج له حق القوامه علي زوجته المفروض با حبيبتي تستاذني من زوجك
وافقت اميمه وقالت صح لسان حضرتك يا عمي
اخدت مي تفرك كلتا يديها باحراج اتستاذن شهاب امام الجميع
نظرت إلي وجهه فرات اساريره منفرجه فمنذ قليل كان يضحك من كلام لوجي
فقالت بصوت منخفض ممكن اجي الشغل
تمهل شهاب قليلا ثم قال طيب
شكرا قالتها مي مقتضبه ثم قالت يلا يا اميمه
نهضت اميمه وهي تنظر إلى الساعه وتقول ياه ميعاد الدار عدي يا مي يلا بسرعة
قال جمال طيب اوصلكم في سكتي منا مروح
مي باصرار لأ شكرا هناخد تاكسي
نهض شهاب من مجلسه وقال انا هوصلكم
نظر نور الدين لشهد وتبادلو ابتسامه ذات معني
قالت لوجي بتوسل اجي معاكي يا خالو اجي يا مي
شهد بردع طنط مي يا لوجي عيب تقولي مي
لوجي اوصل طنط مي مع خالو
شهد خدها معاك
يا شهاب واكلها ايس كريم
وبالفعل خرجت لوجي تجري تسبقهم الي السياره
جلست بجوار اميمه في الخلف
وجلست مي بجوار شهاب
لوجي ضاحكه خالو هتجيب لطنط مي ايس كريم كمان
شهاب بتساؤل ايه رايكم تاكلو ايس كريم مع لوجي
فيه هنا
مكان بيقدمه هايل
مي لأ معلهش اصلنا اتاخرنا قوي
هز راسه موافقا لكنه اوقف سيارته امام بنايه عاليه بها مول كبير ونزل ليبتاع الايس كريم من النوع الفاخر لمي واميمه ولوجي
اميمه بتحفظ شكرا ليه تعبت نفسك
شهاب بهدوء مافيش تعب
اخدت مي الايس كريم الخاص بلوجي وفتحته لها ووضعته بغلافه بحيث تظل ملابسها نظيفه واخذت لوجي تلتهمه بسعاده
نظر اليها شهاب وقال
ما بتكليش ليه
مي اممم انت مجبتش لنفسك ليه
شهاب بابتسامه صغيره لأ ني مش عاوز
قالت مي انا كمان مش هقدر ثم استدارت وناولته لاميمه وقالت لها شيليه معاكي علشان لولو
عند بوابة الدار فوجئت كلا منهن ان البوابه اغلقت
كادت اميمه ان تبكي و قالت الحقي يامي قفلو البوابه
مي بحزن مدام عايده هتعملها حكايه ومعملناش تصريح
نادت اميمه يا داده يا داده
اقتربت العامله من البوابه وقالت ابله عايده منبهه منفتحش البوابه بعد الساعه حداشر
تدخل شهاب وقال لو سمحتي روحي قوليلها شهاب نور الدين عاوزك
اطاعته العامله وبعد قليل حضرت تحمل مفتاح ادارته في سلسلة كبيره مربوطه بالبوابه
ودخل شهاب تتبعه اميمه ومي وهم يشعرون وكانهم اطفال اصطحبهم والدهم للمدرسه
اصطحبتهم العامله لمكتب مديرة الدار
طرق شهاب الباب فقالت بصرامه اتفضل
احم السلام عليكم
انا شهاب نور الدين
عايده غني عن التعريف يا فندم بس المواعيد بتاعت الدار
شهاب يقاطعها انا مبسوط من نظام الدار والمحافظة على النظام ثم اخرج دفتر شيكاته وقال تسمحيلي اتبرع بمبلغ لاصلاحات الدار
كادت عايده ان تطير من الفرحه بمنحة شهاب للدار
ثم قالت طيب حضرتك تقرب لمين فيهم
شهاب بهدوء مي نور الدين بنت عمي وخطيبتي
عن اذنكم وانصرف تتبعه نظرات مي المذهوله واعجاب عايده والعامله
قالت اميمه ممكن اطلع يا مدام اوضتي
عايده بترحيب طبعا اتفضلو اتفضلي يا مي
في طريقهم الي غرفتهم
قالت اميمه مازحه اتفضلي بعد ما كنا مطرودين عند البوابه بركاتك يا شيخ شهاب
علقت مي ضاحكه لا شيكاتك يا شيخ شهاب
وفي غرفتهم قابلتهم لولو متجهمه
اميمه بحنان مالك يا لولتي
مي بود زعلانه ليه يا لولو
لولو پغضب انا مش ساكنه معاكم ولا ايه انتو بتنسوا ان احنا تلاته ورايحين جايين سوا مقلتوليش اخرج معاكم ليه مش قد المقام
مي بحنان انتي ماكنتيش هنا واحنا لو مش بنحبك ماكناش جبنا لك دي دي مش اي ايس كريم دا من بتاع الاكابر يا بت
ومن الشيخ شيبو بذات نفسه
جذبتها لولو بغيظ وقالت هاتي ليكو نفس تهزرو وما ان مسكتها حتي قالت دي ساحت
مي واميمه بصوت واحد من رميتنا علي البوابه
نامت مي قريرة العين سعيده انها ترضي بالقليل من حنان شهاب عليها
وهو كان لطيف معها وصديقتها والفضل يرجع لله ثم لذكاء عمها نورالدين
في اللحظه التي كان
فيها الجميع
سعداء كان هناك اخرين ممن يطلق عليهم شياطين الإنس وما اكثرهم انهم دائما ضد سعادة الاخرين فالحقد ينهشهم نهشا
وعندما يجتمع مثل هؤلاء لن يكون الا الحديث الخبيث والفعل المقيت
وهؤ لاء يمتصون سعادتهم وامنهم وامانهم
وما اجتماعهم الا للمكائد وما اعتصامهم الا للاذي
انه جمال ونديم اللذان جلس سويا في النادي
كان جمال هادئا يتحدث بمزاح
دا لولاش بنت شهد ضحكتهم وانا انتهزتها فرصه
نديم انت طري يا صاحبي وهتضيع كل حاجه من ايدك
جمال باستياء بلاش زن علي دماغي يانديم شهاب عمره ما اذاني والبت طيبه بجد وبعدين بنت عمي برده
نديم بسخريه بنت عمك ال ادتك
وبكده نور الدين وشهاب وهيه هيبقو قوه عظمي وابوك وامك واخوك بيجو مصر ضيوف دا انا بتهيالي نسوا العربي يا جدع
فوق لنفسك يا جمال انت صعبان عليه قوي
جمال بملل خلاص بقي انت هتفضل تندب زي الغراب انا مش ناقص قرف يا نديم قوم روح وخلصني من الزن بتاعك
نديم يصطنع الحنان اسمع كلامي دا انا بحبك
ابن عمك متعقد من البت ال فرقعته قبل كده صح
جمال صح
نديم بخبث
نخليه نشك فيها بس المره دي نلعبها صح
نديم بابتسامه ماكره مش انت يا جمال
حدغيرك انت مبتشفش افلام اكشن يا راجل
جمال دا مش اكشن دا شړ
نديم انا هقوم امشي دلوقتي وطول الليل هفكر والصبخ هطلعلك
بالحل ال هوه يلا سلام
جمال بارهاق انا كمان هروح حاسس اني تعبان قوي
في اليوم الثاني
في المانيا
داخل المستشفي حيث كان اسامه يبتسم لامه وهو يبدو عليه التعب اثر اجراء الجراحه
نادره حمد الله علي السلامه يا حبيبي
اسامه بضعف الله يسلمك يا ماما احنا في بلاد بره صح
نادره صح يا حبيبي
اسامه اه ياني طب انا عاوز اتفسح واتصور
ضحكت نادره وقالت يا تك ايه يا
دي الواد انت في ايه ولا في ايه
اسامه بضيق ما هو زمايلي مش هيصدقو ان انا جيت هنا
طب صوريني بتليفونك اعملي حاجه يا ماما اقف جنبي يقف جنبك ربنا
نادره انت بتشحت يا بني ما تنام وتهدي
كلما حضر الطبيب الذي لايتحدث الا الانجليزيه بجوار الالمانيه
حاول اسامه التحدث معه بلغته الركيكه فلا يستوعب الطبيب ما يقوله
الطبيب Sorry
اسامه لامه مش عارف انجليزي
نادره مبتسمه هوا برده ال مش عارف الله يهديك
اسامه طب متقوليش لهم اني كويس
علشان اقعد يومين اتفسح قبل ما نرجع
كل الممرضات بالمستشفي اصبحن يحبون اسامه لظر فه وبعض الكلمات الانجليزية التي دائما يرددها لانه لا يعرف غيرها
جلست مي علي مكتبها تراجع بعض الحسابات علي جهاز الكمبيوتر الخاص بها والموضوع بعنايه امامها فوق المكتب
سالتها بسنت خلصتي يا مي
مي مبتسمه ثواني واخلص
حضرت مي الي العمل بعد ان دخل شهاب مكتبه فلم تراه او يراها هذا اليوم
قالت بسنت طيب خلصي لشهاب بيه عايز الحسابات دي ضروري
حاضر قالت لها مي وهي تسجل في سجل امامها
تمام كده خلصت اتفضلي
حملت بسنت الملف ودخلت الي شهاب
وقالت اتفضل يا فندم
شهاب بجديه شكرا
واخذ ينظر إلى الحسابات الدقيقه ثم قال
ممتاز وناولها ملف اخر وقال دا كما راجعيه لو سمحتي
بسنت بابتسامه هادئه بس دا شغل مي كله مش انا ال عملاه هيه ال بيخص الحسابات بتعمله
شهاب بهدوء وشبه ابتسامه هيه جت
بسنت ايوه يا فندم
طيب ابعتيهالي
بسنت حاضر
خرجت بسنت وقالت لمي
الشغل حلو قوي وعجب شهاب بيه
وعلي فكره عاوزك
مي بارتباك قال تندهيلي
بسنت بابتسامه ايوه
مي بضحكه طفوليه لبسنت شكرا
طرقت مي الباب ثم دخلت
لتنظرالي
شهاب الجالس خلف مكتبه وقالت حضرتك عاوزني
شهاب اتفضلي واشار لها بالجلوس
جلست مي ولا تدري لما تشعر بالارتباك وهي مع شهاب تنتظر ان يقول لها ماذا يريد
فقال عمي بلغني اقولك ان اسامه بخير وحالته مستقرة وعمل العمليه من يومين
مي بابتسامه الحمد لله
هيرجع امتي
شهاب اخر الاسبوع صمت برهه ثم اضاف
بس دا معناه كمان ان فرحنا قرب جدا
تلون وجه مي باللون الاحمر القاني من الخجل والتوتر فبماذا تجيبه علي ما قال
ظلت صامته
نظر اليها وقال عندك اعتراض
مي بحشرجه في حلقها احم حم انا قلت رايي لعمي نور الدين
شهاب بهدوء وهو يتامل تعابير وجهها
ممكن اعرفه
مي بصوت منخفض احنا متعرفش بعض كويس لسه وانا يعني اقصد مش واخدين علي بعض و ومش هينفع
شهاب طيب ليه لما سالك عمي مخترتيش جمال ممكن اعرف
مي بضيق ممكن ما اجوبش
ابتسم شهاب وقال بصوت حاني ممكن تجوبي
مي بخجل طيب انا كنت هقول جمال مش لاني معجبه بيه ولا حاجه بس لانه كان هيبقي فرحان لو ارتبطنا نظرت له بحزن واضافت عكسك تماما
شهاب بلهجه آمره كملي
مي بتوتر لكن عرفت بالصدفه انه مش مستقيم
شهاب بتساؤل بمعني
طرقت بسنت الباب لترتبك مي اكثر ودخلت
لتقول
مندوب شركة المجد للاستثمار العقاري بره
بيقول عنده عرض ممتاز ما يتعلقش بشغلنا صحيح بس حضرتك هتنبهر لما تشوفه
شهاب بضيق اعتذريله مش هقدر اقابله النهارده ثم اشار الي مي الجالسه امامه وقال عندي مقابلة
ضخكت بسنت وقالت حاضر يا فندم
ثم خرجت
نظر اليها شهاب وقال اخر جمله سكتنا عليها لما قلت لك بمعني كملي
كان مستمتع بارتباكها بالخجل البادي علي وجهها وبصيقها من الحديث
قالت بترد د بمحض الصدفه وبين ملفات الشغل وقبل اليوم ال اجتمعنا فيه مع عمو نور الدين شفت له صوره مش كويسه مع بنات علشان كده وصمتت
شهاب بجديه علشان كده بس اخترتيني
طب ما يمكن اكون زيه
مي بسرعه وبلا تفكير
لأ طبعا
ابتسم شهاب وقال ليه الثقه دي
مي بهمس لان انت مابتعرفش تحب ابدا
نهض شهاب من مكتبه ووقف مقابلا لها وفجاه انحني ليلتقط يدها ويرفعها لتنهض وقال بصوت منخفض ابدا
مي بهمس ابدا
لم ټقاومه انما اغمضت عيناها وهي تفكر
تعجب شهاب من صمتها فهمس مي
لم ترد
فتحت عيناها ببطئ حينما سمعت ضحكته
وما ان راته الا وحاولت الخلاص من بين يديه
وقالت سبني ارجوك
تركها لتترنح ثم ابتلعت ريقها وخرجت مسرعه تتابعها عينيه الباسمتان
خرجت مي وهي هائمه ثم جلست علي مكتبها تحدثها بسنت وهي لا تسمع ما تقوله ولا ترد عليها
خبطت بسنت كفها بالاخر وقالت لا حول ولا قوة الا بالله
في فيلا نور الدين
جلست شهد تداعب لوجي
وفجاه شعرت بالغثيان والتعب فقامت مسرعه الي دورة المياه
ويتكرر عليها الامر المره تلو الاخري
الي ان نامت علي الاريكه دون حراك
جرت لوجي الي جدها وصاحت وهي تبكي
يا جدو الحق ماما بټعيط
ترك نور الدين الكتاب الذي كان يقرئه واسرع الخطي ليجد شهد في حاله مزريه
فقال مالك يا شهد مالك حبيبتي
قالت بضعف اكيد ميكروب في معدتي مش قادره يا عمو ثم اضافت او يمكن برد
انا مش قادره اتحرك ثم مسكت معدتها وصاحت اه
نور الدين لا كده لازم دكتور
اتصل بشهاب وقال الو
شهاب ايوه يا عمي
نور الدين بسرعه ياشهاب اطلب الدكتورنادر يبعت لي دكتور باطنه شهد تعبانه قوي
نهض شهاب فورا من مكتبه وقال بړعب مالها شهد
اخبره عمه فقال طيب هجيب الدكتور وجاي
خرج مهرولا من المكتب
فقالت بسنت خير يا شهاب بيه
شهاب انا مضطر امشي يا مدام بسنت لان شهد تعبانه وهجيب لها الدكتور
نهضت مي واقفه وقالت شهد تعبانه ممكن اجي معاك لو سمحت
شهاب بجديه طيب بسرعه
استقل سيارته وطلب الدكتور نادر فاخبره انه سيحضر الي الفيلا بسيارته بعد عشر دقائق
جلست مي بجواره صامته الي ان وصلا الي الفيلا ودخلا مسرعين
الفصل الخامس عشر خطوبه من جديد
اصر نور الدين ان تخرج معهم مي لانه عزمهم علي طعام الغداء
واصرت هي ان تعود الي سكنها
الي ان قال شهاب تعالي احنا خلاص عرفنا الحل بتاع مدام عايده
مي بهدوء معلهش انا مش هقدر لاني مصدعه شويه
شهد پغضب مصطنع خلاص لو مي مجتش مش هخرج اصلا صح يا لوجي
لوجي پغضب طفولي لأ هنخرخ ثم مسكت في ملابس مي واخذت تتوسل اليها
علشان خاطري يا طنط
شهاب بجديه طيب يلا
شهد بحنان حبيبي يا شوبا خدمي في عربيتك
وانا وعمو ولوجي هنمشي وراكم بعربية عمو نور الدين علشان السواق يسوق بشويش
شهاب بتعجب ليه كده هنروح كلنا بعربيه واحده
شهد بتافف يووه اسمع الكلام بقي
شهاب طيب يلا يا مي وخرج يتبعه الجميع
استقل سيارته
وبجواره مي
واستقل الاخرون سياره اخري وقالت شهد للسائق يلا اطلع لو سمحت
نظر نور الدين بتعجب لشهدوقال متسائلا ليه صممتي نروح بعربيه تانيه العربيه كانت هتكفينا كويس
ابتسمت شهد وقالت بمكر لسه بدري عليك يا عمو
نور الدين مش فاهم
شهد بابتسامه مي وشهاب فرحهم بعد ايام ولحد دلوقتي بيتعاملو رسمي جدا مش شايف مي متحفظه معاه ازاي دا انا
بتهيالي بتتكسف تاكل ادامه بص بقي يا ابو الانوار يا حبيبي انا ف دماغي خطه
نور الدين ضاحكا دا انتي داهيه يا شهد
شهد مازحه مش كده والله
احنا هنعمل حركه ونسيبهم لوحدهم ونبعد عنهم ايه رايك
صاحت لوجي التي تنصت الي كلام امها
ماليش دعوه
انا عاوزه اقعد مع خالو ومي
شهد بتمثيل ما عندهمش شيكولاته يا عيني بس احنا هناكل شيوكولاته وهما لأ
لوجي ببراءه خلاص يا مامي مش عاوزه اقعد مع خالو مامي حبيبتي بس
امام فندق شهير وقفت سيارة شهاب تتبعه سيارة نور الدين وترجلو جميعا
سبقت شهد قائله حبيبي انا هحجز الترابيزه لاني عارفه الاماكن لحظة
واحده
دلفت بسرعه الي الداخل
بينما قال شهاب طيب انا هركن العربيه في مكان كويس لحسن كده ملطش
ساعده العامل بالفندق علي ركن سيارته في مكان آمن بين صفوف السيارات الاخري
وعاد فلم يجد احد دلف الي الداخل فسال العامل فين ترابيزة المحجوزه لعيلةنور الدين اشار له العامل ذو الملابس الانيقه الفاخره التي تليق بذلك المكان الفخم الي ركن قصي وقال المدام حجزت هنا يا فندم
سمع رنين هاتفه ليجد اسم شهد فاجاب
انتو فين يا شهد اختفيتو فجاه كده ليه
شهد ضاحكه
بص يا شيبو انا حجزت وقعدت مي علي الترابيزه بتاعتكم ومشينا لان لوجي عاوزه كنتاكي
شهاب بضيق ايه يا بنتي احنا مش خارجين سوا
شهد ما تضيعش وقت يا شهاب البنت قاعده لوحدها وافرح يا معلم عمو دفع الحساب
شهاب لشهد عيله رخمه
شهد شكرا حبيبي علي المدح واحنا هنرجع لوحدنا مترتبطوش بينا
شهاب بضيق ممكن مي تتضايق كده
شهد بمكر طبعا لو قعدت تحكي معايا اكتر من كده هتتضايق بالله عليك ابسطها ومتضايقهاش يا شهاب دي اول خروجه ليكو يلا سلام
شهاب بضيق وهو يغلق هاتفه اوف من حركاتك يا شهد
جلست مي مضطربه الي ان رات شهاب فاطمانت قليلا
جلس شهاب في المقابل لها وبينهما المنضده
مي بتساؤل فين عمو وشهد ولوجي
شهاب بجديه بياكلو في مكان تاني
مي وهي تهم بالنهوض طب يلا نروحلهم
اشار لها لتثبت مكانها وقال
خلاص مافيش مشكلة احنا هناكل ونقوم ظهر القلق جليا علي ملامح مي وربما الضيق فوجودهم كعائله هي اعتادته ام وجودها معه مباشرة وضعت يدها علي جبينها بحركه تلقائيه
شهاب باهتمام تعبانه
مي بهدوء شوية صداع خفيف
شهاب طيب بعد الغدا هخليهم يجيبولك حاجه للصداع
اشارت مي براسها بابتسامه هادئه
شهاب بجديه انتي متضايقه علشان لوحدنا
مي بصراحة مش كده بالظبط بس انا بحب ابقي مع العيله
شهاب بابتسامه ماكره بس في الاخر انتي هتبقي معايا لوحدي لازم تتعودي
صمتت ولم ترد انها بالفعل خجوله
شهاب بتساؤل حاسس انك متضايقه ممكن اعرف السبب
اغروقت عينا مي بالدموع الساكنه التي تابي ان تسيل انما تمنح عيناها لمعه حزينه
فقالت بصراحة الموضوع كله مضايقتي
البدايه غلط مش معقول النهايه تكون كويسه
شهاب بتساؤلممكن توضحي اكتر
مي بضيق انا اتحطيت في موقف وحش جدا لما عمي قالي اختاري
انا كنت احب ال ارتبط بيه يختارني مش انا ال
شهاب بتفهم ال حصل حصل واحنا بنبدأ
مي بحزن بنبدأ ازاي انا عمري ما نديتك باسمك الا يوم ما جمال اټجنن في الشركه
ابتسم شهاب لكلامها وقال كملي
مي لو سمحت اطلب من عمي ياجل موضوع الفرح ده شويه انا كلمته ورفض لكن انت اقوي مني وممكن تاثر عليه
لوسمحت لو سمحت واڼفجرت بالبكاء الصامت
بالفعل تاثر شهاب فقال مي مفروض انا مخرجك تنبسطي مش ټعيطي
مي بصوت مخڼوق انا بضحك مع زميلاتي ولوجي وشهد وعمي بس انا من جوايا تعبانه قوي يا شهاب صمتت وقد ادركت انها نطقت اسمه ببساطه كما لم تفعل من قبل
شهاب بهدوء وتعقل شوفي يا مي الموقف في الاول كان صعب علينا كلنا
بس بمنتهي الصراحة انا مش متضايق دلوقتي ومفيش اتنين هيرتبطوا الا بامر الله يعني ربنا مقدر كده فاهمه
وانا دلوقتي مش متضايق ومبسوط بارتباطنا جدا وبشوف فيكي الصفات ال كنت بتمناها هاديه ذكيه متدينه واحيانا مجنونه نظرت له بذهول فاضاف
مبتسما وعلي فكره بقي انتي قلتي اسمي قبل كده ودلعتيني كمان
نظرت له متعجبه من كلامه فقال ضاحك وهو يغمز بعينه
يوم ما كلتي مصاصه ولب وقلتي لي ازئز يا شيبو
اڼفجرت مي ضاحكه وهي تداري وجهها بيدها فتلون وجهها باللون الاحمر
كذلك ضحك شهاب لضحكها
قالت بطريقه طفوليه بس انا ماكنش قصدي ادلعك انا كنت عاوزه اضايقك والله
شهاب طيب نطلب الاكل بقي اكيد جعتي
مي طيب
شهاب طيب تحبي تاكلي ايه
مي بابتسامه هاكل من ال هتطلبه انت
شهاب بابتسامه الواقع ان احنا الاتنين هناكل من طلبته لينا شهد
نادي شهاب النادل ووضع امامهم طعام
شهي من
الاسباجتي والشركسيه بصدور الديك الرومي وقطع الخبز والارز بالخلطه مع لحوم بارده وسلطات متنوعه ومقبلات رقائق من لفائف الاسبرنج روز واصابع البطاطس الشهيه مع عصير العنب الذي يحبه شهاب وجمال
كان الطعام مشهي وموضوع بعنايه شديده
اخذ شهاب يلف المعكرونه الاسباجتي بسلاسه علي شوكته وياكل بمهاره
وتمنت مي ان تاكل منها ولكنها خاڤت الا تستطيع ان تفعل مثله
فاخذت تاكل ببطئ وحذر الارز مع قطعه من اللحوم البارده
فقال شهاب ما بتاكليش مكرونه ليه انا عارف انك بتحبيها
مي ضاحكه اه بس اكلها مشكله دي اكلها وانا قاعده مع لولو واميمه بس
قطعت قطعه من اللحم بالشوكه فقال
كلي علي راحتك يا مي
مي مبتسمه علي فكره انت مره قلت لجمال انت بقيت بيئه وبتاكل زي الحواري
شهاب علي فكره بقي انتي مركزه قوي علي كل كلمه قلتها
شهقت مي وقالت بغيظ مستفز
وضحك شهاب لانه اغاظها ليذوب الجليد رويدا رويدا ويشعر كلا منهم بالالفه تجاه الآخر لتحمل ذاكرة كلا منهم لحظات حلوه قضوها سويا بود وسعاده
بدأ شهاب يستعيد توازنه ويعود لنفسه مره اخري
اما مي فرغم كل الظروف وفوق كل الظروف هي عاشقه غارقه حتي اذنيها في حب ذلك الشخص الذي يحمل بداخله كل المتناقضات الغاضب الحنون الجاد المازح الكاره المحب والعدو الحبيب
ابتسمت الدنيا لكلامنهم بعد ان عاندتهم كثيرا
بعد ان انهو طعامهم نظر لها بحنان وقال
لسه مصدعه
مي باسمه لأ
شهاب فعلا
مي لأ والله بقيت كويسه
شهاب بحنان تشربي ايه
مي بهدوء شاي
امر بما طلبت ثم قال لها هاتي دبلتك
مي متعجبه ليه
شهاب بس هاتيها
خلعتها وناولتها له فمسكها بين اصبعيه وقال
ضحكة مي ليست فقط التي ارتسمت علي وجهها انما هي انطبعت داخل اعماق قلبها
مي بابتسامه اقبل
بس هنعيد كتب الكتاب ازاي
شهاب بلمحه حزينه معاكي حق
بس ان شاءالله هعوضك
لولا حيائها لصړخت انا احبك
هكذا كان ينتفض قلبها معلنا بداية سعادته انها هنا تجلس مع زوجا محب يدللها ويعتني بها
مي هامسه الحمد لله
ادخل دبلته في اصبعها
برفق فقالت له
ممكن دبلتك
فعل شهاب ما طلبته ليعدا المشهد من جديد
ولكن شتان
شتان بين الحب والكراهيه بين الرضا والحقد
بين الحزن والسعاده
خرج سويا بعد اكثر من ثلاث ساعات مرت كالدقائق
يستقلا سيارته من جديد ويقوم بتوصيلها الي مقر سكنها
شهاب اظن لسه بدري مش هضطر اقابل مدام عايده ثم اضاف مازحااليس كذلك سيدتي
مي ضاحكه تقلده لا يا سيدي لا زلت اتلقي معاملة جيده بسبب ذلك الشيك الموقر
ضحكو مره اخري وعند دار المغتربات
وقف بسيارته لتنزل هي وتتجه الي البوابه بينما اقتربت فتاه صغيره تحمل ورود من النوع البلدي وقالت ورده يا بيه
ابتسم شهاب للصغيره وقال هاتي الصحبه كلها ومنحها مئة جنيه فكادت الطفله ان تطير من الفرحه
ترجل شهاب من السياره ونادي مي
استدارت فاشار لها بالعوده لتفاجئ به يمنحها تلك الوردات الجميله
تهمس بخجل شكرا يا شهاب ربنا يخليك ليا وتحمل ورداتها وتسير بهدوء
اما في الفيلا فجلس الجميع علي مقاعد وثيره وامامهم منضده عليها الطعام الذي طلبته لوجي والشيكولاته التي تعشقها وبعض العصائر
قالت شهد وهي تضع قطعه من الدجاج في فمها تفتكر هيبقو كويسين وهيتلحلح كده يا عمو
نور الدين يحتسي العصير هنعمل لهم ايه اكتر من كده هما احرار بقي
لوجي ببراءه وعلي جانبي فمها اثار الشيكولاته مي وخالو ما كلوش شيوكلاته لوجي بس
صعدت مي الي غرفتها وهي تميل بالورود
وتغني
الورد جميل جميل الورد
الورد جميل وله اشكال
لولو وهي تهز كتف اميمه بصي شوفي ال انا شايفاه مش دي مي بتاعتنا ولا انا بتهيالي
اميمه ضاحكه استني اما نشوف موضوع الورد ده ايه كمان
مي بطريقة مضحكه سالخير عليكو يا بنااااات
اميمه لا تعالي احكي لنا الحكايه
مي ولا حكايه ولا روايه انا راحه اناااااام واحلم واراجع الكلااام
اميمه مالك زي السكرانه كده كلام ايه
مصمصت مي شفتيها وقالت احلي كلام يا اومو بالحق وفردت كف يدها اليمني قائلهمش انا اتخطبت
لولو متعجبه لا اله الا الله
البت اټجننت فهمي نظمي رسمي
في النادي جلس جمال مع ماجي التي كانت ترتدي ملابس ضيقه قصيره وتضع المساحيق علي وجهها
ماجي بغلاظه خلاص كلامك دا ما
بيجيبش معايا نتيجه فاهم ماعتش هتاكل بعقلي حلاوه
جمال والله قلت لعمي وقالي حدد ميعاد
علشان نيجي بس في موضوع شاغل بالي يا ماجي ومتضايق منه
ماجي بسخريه ايوه اخترع
حجج
جمال بحزن شقي العمر هيروح وهتتجوزي واحد مفلس يا جوجو
شهقت ماجي وقالت لأ كله الا
كده
جمال بضيق عمي وشهاب هيكحوشوا علي الشركه بفروعها وانا هبقي ولا حاجه
ماجي مش فاهمه
قص عليها شهاب قصة اسهم مي وان شهاب تزوجها ليكون ليستحوذ علي كل شيء
ضحكت ماجي وقالت الموضوع مايبقاش كده يا جيمي
انت مش بس تفرقهم لأ انت لازم تتطير البت دي والقسمه بدال ماتبقي علي اربعه تبقي علي اتنين
جمال بضعف ازاي
ماجي بمكر ازاي بقي سيب الموضوع ده عليه بس لما نتخطب الاول وادخل بيت العيله يا جيمي وساعتها انت بقي تريح نفسك خالص من التفكير يا حبيبي
عموما تقدرو تيجو بكره تقابلو دادي
جمال مش تساليه الاول
رن هاتف جمال فاذا به نديم
جمال عاوز ايه يا غراب البين
نديم وهو يجذب نفس من سيجارته انا هنا عند فيلتك ومعايا الحل ال قلت لك عليه
يلا تعالي
جمال بضيق مش فايق للوك لوك بتاعك يا نديم
ماجي بدلال عموما انا كنت ماشيه يا جيمي ممكن تروح ولا اقولك ما تطلب صاحبك وتيجو نفكر سوا
جمال بوجه متجهم وكانه يحمل حمل كبير من الاسي علي راسه
لا انا مش قادر يا ماجي انا ماشي
تبعته بعيناها الي ان انصرف واتصلت بهاتفها باحد الاشخاص تحدثه قائله
ايوه مشي خلاص اعمل بقي ال اتفقنا عليه
ثم ضحكت ضحكه ماجنه وقالت لأ مش فاضيالك انا قريب قوي هبقي في اكبر عائلات البلد
لا ما انا تقلانه عليه قوي دا لو حس اني لينه معاه عمري ماهيدخل المصيده
وانت كمان واحشنى قوي علي فكره
لآ انت ال في القلب يا حبي
سلام لحسن ريم صاحبتي جايه عليه
مع السلامه
في المستشفي العالمي
ماما ماما نادي اسامه علي نادره النائمه علي سرير مقابل له
نادره بنعاس نعم يا اسامه
اسامه هنروح امتي
نادره بمحبه بعد بكره ان شاءالله
اسامه بطيبه تعرفي يا ماما ان شهاب دا طيب جدا دا انا كنت فاكره غلس قوي وانتوك بس طلع طيب قوي
ال يا ماما ممكن لما اروح اطلب منه يديني البيجاما بتاعته اصلها مريحه قوي
ضحكت نادره وقالت يا بني دا انت كنت عامل فيها زي بهلول
اسامه بضيق بس انا زعلان يا ماما منك
نادره ليه
اسامه عمي نور الدين يقولك هنعمل الفرح بعد وصولنا وانتي توافقي من غير ما تقولي له اتفق مع اخوها
ضحكت نادره
وقالت يا بني انت عامل عمليه انت في ايه ولا ايه
اسامهاسكتي يا ماما كل ما افتكر المستشفي المعفنه ال جبسولي فيها رجلي
ببقي عاوز اقطعها
الله يهديك يا بني
انما المستشفي دي كفايه بس ممراضتها الواحد يشوفهم يطيب
فاكره شوقيه الممرضه ال كانت بتصرخ وتقول بالدور
شوقيه دي لا زم تيجي هنا تعمل قرص
نادره تنظر لابنها ذو الروح الجميله الذي رغم علاج القلب المكثف الذي يتناوله ووضعه الحرج دائما متفائل و مستبشر
انه قليل الشكوي رغم بشرته الباهته باستمرار وشفتاه الذين فقدت لونها الاحمر
نتيجه
للمرض الا ان من يجلس معه دائما يكون مسرور ولا
يشعر بتلك المعاناه
في حجرة شهاب جلس علي سريره وهو ينظر الي دبلته ويحركها في اصبعه بسعاده
لقد بدأ يستعيد ذاته من جديد
لطالما كان مرحا سعيدا قبل ان ټخونه خطيبته السابقه لتجعل منه صوره زائفه غير حقيقته
فهل استعاد نفسه حقا ام ماذا تخبئ الأقدار
الفصل السادس عشر قال احبك
في ظلام الليل استيقظت اميمه من النوم
لتدخل المرحاض
لكنها سمعت همهمات في الحجره اقتربت من زر الكهرباء وانارت الحجره لتتفاجئ بمي الساجده علي سجادتها الصغيره في جانب قصي من الحجره
وقضت حاجتها ثم توضات ونوت اقامة صلاة القيام مثل صديقتها
كانت مي تشكر الله علي نعمه عليها وعلي انه استجاب دعاؤها وفتح لها قلب شهاب
وتدعو لاخيها بالشفاء التام
انهت صلاتها بركعه وتريه
وسلمت
لتجد اميمه تنظر لها بمحبه
اميمه تقبل الله
مي بوجل منا ومنك حبيبتي
ممكن بقي اعرف السر قالت اميمه
مي بتساؤل اي سر
اميمه باسمه السعاده ال ډخلتي بيها قبل ما تنامي والورد البلدي والنوم علشان تفكري
مي باسمه اميمه هو انا لو قلت لك اني بحب شهاب قوي يبقي حرام
اميمه ضاحكه لأ طبعا دا قمة
الحلال لانه زوجك انا كنت متاكده ان ربنا هيسعدك انتي صنتي نفسك يا مي وصبرتي تنتظري الحب الحلال الطاهر فاكيد ربنا هينولهولك
استنشقت مي الهواء وقالت انسان جميل جميل في كل حاجه
اميمه يا عيني يا عيني
بس انتي طبعا عارفه ان الزواج اشهار واعلان وحتي لو مكتوب كتابكم فيه حدود لحد ما تدخلي وراسك مرفوعه
مي بثقه طبعا يا اميمه لأ مټخافيش عليه وبعدين حبي لشهاب حب متعقل
مش شغل عيال يا اميمه
اميمه
بمحبه
بقولك يا ميوش انا مسافره انا مسافره يومين كده اشوف اخواتي وارجع ان شاء الله
مي بودتروحي وترجعي بالسلامة يا حبيبتي يعني انا ولولو بقي هنبقي سوا
متتاخريش علينا يا ايمي
في الصباح استيقظت اميمه وايمي لتنصرفا سويا كلا الي وجهتها
سارت مي الي الشركه وصعدت لمكتبها
تعجبت ان بسنت لم تحضر باكرا كالعاده
واخرجت مصحفها الصغير لتقرأ فيه كعادتها
حضر بعض العملاء لمقابلة شهاب الذي لم يحضر بعد وجلسو بانتظاره
تعمد احدهم وهو مندوب شركة ما
متابعة القراءة
