عزلاءامام سطوه بقلم مريم غريب
رب تبقي كويسة !
و صدح فجأة رنين هاتفهها لتخرجه من جيب سروالها الواسع و ترد دون الحاجة لرؤية إسم المتصل
فادي ماتخافش يا حبيبي أيوه إحنا عند الدكتور طيب طيب خد العنوان !
و فيما راحت سمر تلقن أخيها عنوان العيادة ذهب فكر عثمان للبعيد و هو يرمقها بنظرات ذات مغزي
ثم أخذ يتساءل في نفسه
مين فادي ده يمكن هو ده إللي مراد قال عليه كانت نازله فيه حب يعني هو خطيبها بس إزاي مافيش في إيديها دبلة ! و كمان دي بتقوله يا حبيبي الله علي براءتك يا سمر كنت بدأت أصدق !!
و قطع تفكيره خروج الطبيب من غرفة الكشف
هررلت سمر في إتجاهه هاتفة
دكتور ! لو سمحت طمني أختي فيها إيه
الطبيب و هو يزم شفتيه بأسف
للآسف شكي كان في محله إلتهاب رئوي حاد و للآسف أكتر حالتها إتأخرت !
سمر و قد إرتعشت ساقيها من الصدمة و إلتوتا من تحتها ليمد عثمان يديه نحوها و يسندها بسرعة قبل أن تقع
بينما
سارع الطبيب بالقول
إهدي إهدي ماتقلقيش في علاج إن شاء الله هي عمرها لسا 10 شهور يعني سهل تدخل حضانة هنعملها جلسات أكسچين من إنهاردة و مش هتخرج من هنا قبل إسبوع أو إسبوعين حسب إستجابتها للعلاج
سمر بوهن
إعمل أي حاجة يا دكتور إعمل أي حاجة بس ملك تبقي كويسة !
الطبيب بأدب
تمام يا أنسة أنا هخلي المساعدين هنا يجهزوا كل حاجة و هننلقها للحضانة علطول بس معلش يعني هتحطي خمستلاف جنية برا تحت الحساب
جحظت عيناها و هي تتمتم بذهول
خمستلاف جنية تحت الحساب طيب هما من أصل كام
من أصل عشرتلاف حضرتك اليوم في الحضانة بالمبلغ ده طبعا بالآدوية و العقاقير و خلافه
بهتت سمر و عجزت عن الكلام ليأتيها صوت عثمان قائلا بهدوء
ماتقلقيش ماتشيليش هم حاجة يا سمر أنا هدفع الحساب كله !
إلتفتت سمر إليه في هذه اللحظة لتكتشف أنه لا زال يسندها
ما كادت تبتعد عنه و تستقيم في وقفتها إلا و سمعت صوت أخيها الغاضب آتيا من الخلف ينادي بإسمها
سمر !
يتبع
يانهار أزرق ! .. قالها مراد بصيحة ذاهلة و تابع
عملت كده قبل فرحكوا بإسبوع جالها قلب تعملها إزاي بنت ال دي ! .. ثم تساءل بإهتمام
طيب و إنت عرفت إزاي الحوار ده
عثمان و هو يشعل سيكارة بحاجبين معكوفين
أبدا .. في الفترة الأخيرة لاقيت أحوالها معايا مش متظبطة . مابتقابلنيش كتير . مابتتصلش بيا و الكبيرة بقي !
مراد بإصغاء
إيه
عثمان و هو ينفث الدخان من فمه بترو ثم قال
كنا بنتعشا مع بعض برا .. و إحنا بنتكلم . فجأة إتلغبطت و قالت إسمه بدل إسمي.
مراد بتركيز
ها و بعدين !
و لا حاجة بقي .. عملت فيها عبيط و فوتها . بس تاني يوم كنت مكلف واحد يراقبهالي 24 ساعة . هما يومين . قال جملته الأخيرة بتهكم مرير و أكمل
ماخلتهاش تحس بأي حاجة .. بالعكس . إتصرفت عااادي جدا . و زودت إهتمامي بيها كمان . مثلت كويس يعني .. لحد ليلة الفرح.
أه .. أكيد إدتها العلقة التمام.
عثمان بسخرية مرحة
إنت تعرف عني كده يابني أنا مابحبش العڼف . كل حاجة بتيجي معايا بالحب.
ضحك مراد من قلبه ثم قال
ماشي يا حكيم عصرك .. طب عملت إيه قولي
عثمان و هو يتأمل وهج السيكارة بين إصبعيه
ماعملتش حاجة .. مضيتها بس علي تنازل.
تنازل عن إيه !
عن حقوقها و عن حصتها في الشركة دي ما أنت عارف . أبوها ډخلها شريكة معايا .. بس أهو . أديها ماطلتش قشاية . و أنا خرجت منها كسبان و عوضت فلوس الفرح إللي عملتهولها.
مراد بإعجاب
معلم يا صاحبي .. معلم و منك نتعلم . شيطان بجد !
عثمان بضحك
جري إيه ياعم ! كلكوا ماعندكوش إلا الكلمة دي حتي صالح ماسكلي فيها.
آاااه صاالح ! كنت هتنسيني تاني .. هو عامل إيه دلوقتي أنا قريت الخبر من يومين !
عثمان بجدية
أهو كويس الحمدلله . إتصلت بأبويا من شوية و قالي إنه فاق إنهاردة الصبح .. إن شاء الله هخلص شغل
و هروح المستشفي أشوفه.
طيب هروح معاك بقي . لازم أزوره و أطمن عليه.
أووك .. شوية كده و هنقوم نروحله سوا .. ثم سأله
إنت لسا جاي إنهاردة صح
أنا جاي من عالمطار عليك علطول.
طيب أكيد جعان بقي و أنا كمان مافطرطش أصلا .. دلوقتي معاد ال يجي و هخلي سمر تطلبنا غدا.
مراد بإستفسار
و هو يشير بإصبعه نحو الباب
سمر دي السكرتيرة إللي قاعدة برا !
عثمان عابسا بإستغراب
آه .. بتسأل ليه !
أصلي بصراحة أول ما شوفتها إتصدمت !
إتصدمت .. ليه !
مش تيبك يعني . جايبلي بنت محجبة و لبسها واسع و مقعدها برا . حسيت إني داخل محل عبايات في التوحيد و النور .. و ضحك إثر جملته الأخيرة
بينما رد عثمان في لامبالاه
هنا مكان شغل يا مراد .. مش هاجيب نسوان حلوة ليه أنا جاي أشتغل مش جاي أعمل حاجة تانية.
مراد بجدية
لأ يا عثمان بصراحة البت حلوة أوووي و كده
. أومال أنا ليه قلت مش تيبك إنت متعود عالبجحين . إنما دي شكلها غير . رغم إنها كانت نازلة حب في التليفون برا مع واحد بس شكلها بردو آا ..
نازلة حب مع واحد ! .. قاطعه عثمان بتساؤل ليرد
أه . و أنا داخل عليها سمعتها بتكلم واحد و نازلة فيه حب . شكله خطيبها !
عثمان بوجوم
لأ . مش مخطوبة.
و إنت إيش عرفك
عثمان . بعد صمت قصير
مافيش دبلة في إيديها .. ثم تنفس بعمق و قال مغيرا مجري الحديث
المهم .. ماقولتليش أمك و أبوك عاملين إيه
مراد و هو يهز كتفاه بخفة
كويسين .. مارضيوش يجوا معايا قالوا قاعدين هناك !
إنتهي الدوام أخيرا .. و عادت سمر إلي بيتها
لم يكن يومها شاق ربما لأنه أول يوم ..
دخلت سمر إلي البيت و بدأت في صعود الدرج لتسمع صوت جلبة آتية من الطابق الثاني حيث يقطن العم صابر و زوجته السيدة زينب ..
صعدت سمر الدرجات المتبقية بسرعة حتي وصلت إلي الطابق المنشود
توجهت صوب هذه الشقة المفتوحة لتري أخيها واقفا هناك في الداخل
عرفته من ظهره و .. من صوته العال ..
لو سمحتي يا حجة زينب دي حاجة تخصني أنا أنا مش موافق . أنا حر .. قالها فادي بهتاف حاد و قد كان يحمل ملك علي ذراعه ..
إقتربت سمر في اللحظة التالية و تساءلت بقلق
في إيه يا جماعة في إيه يا فادي بتزعق كده ليه
12
مليونير مغرور !
إنتفضت سمر تلقائيا إثر سماع صوت أخيها .. فتخلصت بسرعة من أيدي عثمان اللتان تسندانها و إعتدلت في وقفتها ثم إلتفتت لتواجه فادي ..
كان وجهه قاتم الحمرة و قد أظلمت عيناه السودوان أكثر من شدة الڠضب رأته يقترب منهما بخمسة خطوات واسعة ثم يقف في مقابلتها هي مباشرة ..
إيه إللي بيحصل هنا .. قالها فادي بتساؤل حاد و أكمل بعصبية
إيه إللي أنا شفته بعنيا ده
سمر بإرتباك شديد
ف فادي ! مافيش حاجة يا حبيبي . إحنا كنا بنكلم الدكتور بس .. و أشارت إلي الطبيب الذي يقف ورائها و لكنها إكتشفت أنه ذهب !
ربما لم تفطن لذلك أثناء صډمتها بالمبلغ الذي يتحتم عليها دفعه من أجل رسوم علاج أختها ..
إنتبهت مرة أخري علي صوت أخيها و هو يسألها بحدة
مين ده !
نطق و هو يغرز نظراته المشټعلة بعثمان ..
فأجابت سمر بشيء من الإضطراب و هي توزع نظراتها بينهما
ده عثمان بيه يا فادي . مديري في الشغل ! .. ثم توجهت إلي عثمان مكملة التعارف
عثمان بيه . ده فادي أخويا !
عثمان في نفسه ده طلع أخووها ! .. لكنه لم يظهر أمامهما هذه الدهشة التي أحدثها تصريح سمر
بل قال بإبتسامة رزينة
أهلا و سهلا . إتشرفت بيك !
و مد يده للمصافحة إلا أن فادي رفضها و قال بتهكم واضح
أهلا . بس هو حضرتك بتعمل إيه هنا يعني مش فاهم !!
فاادي ! .. تمتمت سمر و هي تزجره پغضب ثم قالت بإبتسامة لتغطي علي وقاحة أخيها
عثمان بيه كتر خيره ماسبنيش و لا ساب ملك . أصر يجي معايا و هو إللي جابنا لحد هنا . تصور كمان إنه إتكفل بمصاريف علاج ملك طول ما هي هنا الدكتور قال إحتمال يقعدها إسبوع أو إسبوعين في الحضانة و اليوم الواحد بس بعشرتلاف جنيه !
فادي و هو يرفع حاجبيه بسخرية
و الله ! لا فعلا كتر خيره . بتقولي بقي اليوم بعشرتلاف و إحتمال تقعد إسبوع أو إسبوعين صح يعني فرضا لو قعدت إسبوع
لكن بمناسبة إيه هتعمل معانا كل ده أنا كان نفسي أشوفك من أول مرة سمعت عنك فيها عشان أسألك السؤال ده بس . بمناسبة إيه بتعمل معانا كل ده إيه إللي هيعود عليك من ورا ده كله
كادت سمر تتحدث ثانية لتوقفه عن معاداة الرجل الذي بيده مصير أختها لكن عثمان سبقها و أجاب بهدوء مع إبتسامة واثقة
أولا أنا دلوقتي بساعد ملك لوحدها . و أكيد أي حد مكاني مش هيشوف طفلة صغيرة بين الحيا و المۏت و مايساعدهاش . ثانيا أنا مش مستني حاجة من ورا إللي بعمله . أنا طبيعي بحب أساعد الناس بدون مقابل.
فادي متسائلا برعونة
بتحب تساعد الناس بالآلافات !
عثمان بغرور ممزوج بالتعال
الفلوس ماتهمنيش . عندي منها كتير أوي.
فادي بعدائية شديدة
أومال إيه إللي يهم سيادتك
و هنا تدخلت سمر بصرامة حادة
خلاااص يا فآاادي ! إنت بتحقق معاه بدل ما تشكره . هو مش مجبر يساعدنا و لا يهدر فلوسه علينا علي فكرة .. ثم خاطبت عثمان بتهذيب
أنا آسفة حضرتك بالنيابة عن أخويا . هو مايقصدش و الله . كل الحكاية إنه مستغرب بس من كرمك الزايد . و بصراحة هي حاجة غريبة فعلا
إنك تدفع كل المبلغ ده عشان أختي !
إبتسم عثمان و هو يرد بإسلوبه الفاتر علي الدوام
قولتلك قبل كده يا سمر إني إعتبرت ملك زي بنتي . أنا حاببها و حابب أساعدها . أما بالنسبة لمسألة الفلوس فالمبلغ ده بسيط جدااا بالنسبة لي . مش هيأثر معايا أبدا إطمني.
سمر بإبتسامة خفيفة
ربنا يزيد حضرتك . و بجد أنا مش عارفة أشكرك إزاي و لا أوفي جمايلك إزاي !!
عيب يا سمر . هتزعليني لو قولتي كده تاني !
لأ خلاص . أنا مقدرش أزعل حضرتك طبعا.
أنا ماعملتش حاجة . ده شيء طبيعي جدا أي حد مكاني كان لازم يتصرف كده.
سمر بإمتنان صادق
بردو شكرا يا عثمان .. شكرا علي وقفتك جمبي أنا و أختي . شكرا علي معاملتك الطيبة و أخلاقك العليا معايا.
أومأ عثمان بإبتسامة رقيقة و هو يضحك و يسخر منها في قرارة نفسه أخلاقي العليا ! فريال هانم كانت هتفرح أوي بالكلمة دي ..
العفو يا سمر . ده واجبي .. قالها عثمان و هو يشمل فادي بنظرة خاطفة
كان الأخير يرمقه بنظرات عڼيفة و لكنه آثر الصمت لإدراكه أن شقيقته محقة إنهم بحاجة إليه بالفعل أو بالأحري بحاجة إلي أمواله
لذا أطبق فادي فمه و لم يعد يفه بكلمة أخري من شأنها أن تسيئ إليه فقط ظل يحدجه بتجهم ممزوج بالحدة
بينما يتظاهر عثمان بعدم ملاحظته و هو يتصرف بغرور متعمد ناجم عن نشآته الثرية المتغطرسة ...
في قصر آل بحيري ... تلج صفية إلي غرفتها و هي في حالة صعبة للغاية
منذ أن تركته و غادرت المشفي كلها لم تستطع منع دموعها من الهطول حاولت ضبط نفسها لكنها فشلت لدرجة أنها أخذت سيارة آجرة لتصل إلي هنا و تركت سيارتها مصفوفة هناك بالكراچ
خشت أن تقود و هي بهذه الحالة فيقع لها حاډث كما صار معه ..
ألقت بثقلها فوق سريرها الكبير و قد أخذ منها التعب خلال الساعة الماضية كل مأخذ
جلست صامتة و المرارة ترشح من تقاسيم وجهها المتقلصة واصلت
البكاء دون توقف
لينفتح باب الغرفة فجأة و تدخل فريال دون إستئذان ..
لم تحاول صفية إخفاء محنتها عن أمها بل أنها مدت إحدي يديها بإتجاهها تمط أصابعها و كأنها تتمني لو أنها طويلة بما يكفي لتجتاز المسافة بينهما فكم هي بأمس الحاجة لحضنها الآن و بصورة شديدة اليأس ..
رمقتها فريال پصدمة و هرولت نحوها بسرعة أمسكت بكتفيها و هاتفة
صافي ! مالك يا حبيبتي في إيه أنا شفتك و إنتي راجعة بتاكسي و كنتي بټعيطي و إنتي داخلة البيت . إيه إللي حصل يا صافي
صالح يا مامي ! .. نطقت صفية بصعوبة و هي تشعر بالغصة تكاد ټخنقها
لتستوضحها فريال بتوجس
ماله صالح
صفية بنشيج متقطع
ق ق ل ع د دبل ته . فس خ خ خ طو بت نا !
فسخ خطوبتكوا ! .. تمتمت فريال بذهول ثم سألتها بحدة
و عمل كده ليه
صفية و هي تعتصر عيناها من الدموع بشدة
الدكتور صارحه بكل حاجة إنهاردة . شرحله حالته . أول ما عرف إتحول .. مابقاش صالح إللي أنا أعرفه . قال كلام كتير . و شكك في عثمان إنه كان علي علم بإللي هيحصله . و لما إتضايقت و شديت معاه شوية لاقيته بيقلع الدبلة و .. و بيقولي مش عايزك !
و راحت تجهش بالبكاء أكثر علي صدر أمها بينما إنزعجت فريال لاسيما من الجزئية التي تخص إبنها ..
لكنها تمالكت ڠضبها
سريعا و
أخذت تمسد علي ظهر صفية و هي تقول بصوتها الرقيق اللطيف
طيب خلاص . خلاص إهدي يا حبيبتي . هو أكيد مصډوم و في حالة عصبية من ساعة ما عرف .. سيبيه شوية بس و هو لما يهدا أكيد هيندم علي كل إللي قاله و هيطلبك عشان يعتذرلك كمان.
أنا بحبه يا مامي ! .. قالتها صفية بلوعة و عڈاب و أكملت
عمري ما قلتله بحبك . بس أنا بحبه و الله .. مش عايزاه يسيبني حتي لو ماقامش علي رجليه . هفضل معاه.
تنهدت فريال و ربتت علي كتفها بحنان قائلة
إن شاء الله هيقوم علي رجليه . و مش هتسيبوا بعض !
عودة للمركز الطبي الخاص ... غادر عثمان منذ قليل لينفرد فادي بأخته أخيرا
لكنه لم يتكلم معها في الحال بل إنتظر حتي إطمئنا علي ملك و شاهداها داخل سرير الحضانة الصغير تأخذ أول جلسة علاج ضد الإلتهاب الرئوي الحاد الذي أصابها مؤخرا
كانت نائمة كالملاك فيما سحب فادي أخته من ذراعها إلي الخارج ليحدثها ..
فهميني بقي من فضلك .
إيه إللي حصل بالظبط .. تساءل فادي بعصبية خفيفة
لتجيبه سمر بهدوء و تعقل
ماحصلش حاجة يا فادي . زي ما قولتلك بس عثمان بيه لما عرف إن ملك تعبت أوي أصر يجي معايا و يودينا بنفسه للدكتور.
فادي پغضب
و هو ماله و إنتي بتحشريه فينا ليه كنتي إتصلي بيا أنا أولي . ماكنتش هعرف أتصرف يعني !
سمر پغضب مماثل
كنت هتصل بيك و إنت في الإمتحان كنت هتسيب إمتحانك و هتجيلنا
أه . قولتلك قبل كده خدي بالك من الراجل و ماتخليهوش يتعود عليكي . بس إنتي بتفوتي كلامي و بتمشي إللي في دماغك !
كفاية بقي يا فادي . دماغك بتقفل علي حاجات مش منطقية و كل شوية بتعيب في الراجل و كلمته بإسلوب وحش لما كان هنا . ده جزاؤه إنه حب يساعدنا هي دي شكرا إللي المفروض نقولهاله
فادي بإنفعال شديد
معقولة واحد غني زيه يساعد ناس زينا بالطريقة دي بالمبلغ ده حتي لو عادي . هنرد عليه بإيه في المقابل إيه قيمة الحاجة إللي هنقدمهاله بالظبط عشان نوفي الدين إللي علقھ في رقبتنا تقدري تقوليلي إيه أغلي حاجة عندنا ممكن نقدمهاله !!
شخصت إليه ببصرها محاولة فهم ما قصده !
حدق بها هو الأخر بتحد منتظر إجابتها بينما شعرت بالغثيان حين أدركت فجأة ما رمي إليه
تطلب الوقت بضع دقائق قبل أن تتمكن من الكلام ..
إنت . إنت قصدك إيه ! ..تساءلت بتقطيبة عميقة
ليرد فادي لاويا شفتاه بإبتسامة تهكمية
قصدي إللي فهمتيه بالظبط يا سمر.
إتسعت عيناها و جحظتا من الڠضب فصاحت و الكلمات تخرج كالقنابل من فمها
إنت مجنوون ! فعلا مچنون . إزاي بتفكر كده إزاي عقلك صورلك الحاجات دي إنت متخيل إني ممكن أبيع نفسي بالرخيص كده
فادي بصلابة
ده شئ بديهي يا سمر . أي بني آدم عادي هيفكر ليه واحد زي ده مهتم أوي كده بعقد حياتك و بيستغلها.
بيستغل إيه يا مچنون إنت ! و هيعوز يستغلني ليه أصلا ده راجل مش محتاج واحده زيي يستغلها . في آلاف غيري بيترموا تحت رجليه كل يوم في مستواه و أحلي مني كمان . هيبص لواحدة فقيرة و عادية زيي أنا ليه ما ترد !!
ما هو الممنوع أحيانا كتير بيبقي مرغوب يا سمر . و الصندوق المقفول دايما بيثير الفضول و واحد زي ده أكيد طول الوقت بيدور علي حاجة جديدة
تسليه.
سمر و هي تهز رأسها بعدم تصديق
إنت أكيد جرى لعقلك حاجة . مش عايز تفهم . مقتنع بس بأفكارك الموسوسة . عارف لو ت آا .. و قطعت عبارتها فجأة ثم أدارت عينها معبرة عن ضيقها و هي تقول
أنا بكلم مين الكلام معاك بقي ممنوش فايدة أصلا !
مچنون ! تمتمت لنفسها ثم ولت تاركة إياه واقفا بمفرده و ذهبت
مع هبوط الظلام .. يتسرب ضوء القمر عبر الغيوم و أغصان الشجيرات الكثيفة
بينما تشق سيارة مراد طريقها في الممر المرصوف بالأحجار الملونة و المؤدي إلي باحة أفخم قصر بمدينة الأسكندرية ..
أخذ مراد حقيبة ظهره الكبيرة التي يحمل بداخلها ملابسه و أغراضه ثم ترك سيارته للبستاني يصفها بالكراچ و إتجه إلي باب البيت ..
إستقبلته إحدي الخادمات بالداخل ليقول لها بإسلوبه الخفيف
معلش يا قمر . ممكن بس توصليني لأوضة عثمان بيه ! أصلي من زمان و أنا بتوه جوا البيت ده.
ضحكت الفتاة الحسناء برقة ثم قالت بإبتسامة
طبعا تحت أمر حضرتك . إتفضل معايا.
تبعها مراد متبخترا برشاقة في خطواته إتخذا المصعد المغلف بالخشب المصقول الأنيق ليصلا في غضون ثوان إلي الطابق الثالث ..
خرجت الخادمة أولا و راحت تؤشر له نحو غرفة عثمان و هي تقول
بص حضرتك . أوضة عثمان بيه إللي في الوش علطول دي . مافيش حد ساكن في الدور ده غيره أصلا.
مراد و يهز رأسه بتفهم
تمام فهمت .. ثم قال بإبتسامة مداعبة
شكرا يا قمر.
ضحكت الفتاة ثانية و لكن ضحكتها هذه المرة كانت أكثر خجلا فإستدارت و إنصرفت من أمامه مسرعة ..
تنهد مراد بحيوية ثم توجه صوب غرفة صديقه ..
بعد طرقة واحدة أدار المقبض و دفع الباب و دلف و هو يصيح بمرح
صاحبي يا صاااحبي . صديق السوء جالك يا حبيبي !
دوت ضحكة عثمان المجلجلة من داخل قاعة المرحاض ليتتبعها مراد و يذهب إليه و هو يبتسم بشدة
بينما يقول عثمان
أهلا يا صاحبي . و أنا أقول إشعاع الأفكار القڈرة ده جالي منين . أتاريه
من طلتك البهية.
في هذه اللحظة وصل مراد عند عتبة باب المرحاض ليقف هناك يقول بسخرية
إشعاع أفكار قڈرة و مين ده إللي بتفكر فيه بقذارة يا صاحبي !
فيما أدار وجهه قليلا نحو صديقه ليجيب بنبرة خبيثة تشتعل حماسة
سمر !!!
يتبع ...
13
حالة عصبية !
أدار وجهه قليلا نحو صديقه ليجيب بنبرة خبيثة تشتعل حماسة
سمر.
مراد عاقدا حاجبيه في إستغراب
سمرا ! سمر مين .. قصدك سمر إللي بتشتغل عندك !
أومأ عثمان دون أن يتكلم ليرمقه الأخير بدهشة قائلا
إنت بتهزر ! صح
بهزر إيه ياض إنت إنت تعرفني بهزر في حاجات زي دي
لا ما بصراحة أنا مش مصدقك يعني . فهمني لو سمحت عشان أنا توهت منك عالأخر .. إنت قصدك إيه بالظبط !!
أشاح عثمان عنه و شرع بغسيل وجهه بقطرات المياه الدافئة
أغلق الصنبور بإحكام حالما إنتهي ثم تناول منشفة صغيرة من إحدي الرفوف الجانبية
أخذ يجفف وجهه بها و هو يمشي عائدا إلي غرفته متجاوزا مراد الذي لم يتوقف عن النظر إليه بذهول ..
إنت يا عم إنت ! .. صاح مراد و هو يتبعه إلي الداخل
إستني هنا . رد عليا مش بكلمك !!
عثمان بضيق
عايز إيه يا عم
فهمني قصدك إيه !
تنهد عثمان و هو يلقي بالمنشفة
علي كرسي محاذي لسريره
ثم قال و هو يتجه صوب غرفة الملابس خاصته
قصدي كل خير يا مراد . البت غلبانة و أنا حابب أعطف عليها.
مراد بسخرية و هو يجلس علي طرف السرير في إنتظاره عودته
لا يا شيخ ! بقي حابب تعطف عليها بردو !!
عثمان بضحك من الداخل و هو يرفع نبرة صوته قليلا
يابني و الله زي ما بقولك كده . هي محتاجة فلوس عشانها و عشان إخواتها . فأنا قلت واجب عليا أساعدها.
إخواتها أنا فاكر إنك قولتلي عندها أخت صغيرة بس !
لأ ما أنا نسيت أقولك بقي.
مراد بفضول
نسيت تقولي إيه
عاد عثمان في هذه اللحظة و قد إرتدي فقط سروال منزلي مصنوع من القطن الكحلي ..
فاكر الواد إللي جيت قولتلي عليه كانت نازلة في حب .. قالها عثمان بتساؤل و هو يقترب ليجلس بجانبه
ليجيب مراد بعد برهة
أه فاكر . ماله ده يعني !
عثمان بإبتسامة مرحة
طلع لا خطيبها و لا حبيبها.
يا راجل أومال طلع إيه خالتها !!
عثمان بضحكة صفراء
هيهيه ظريف أووي .. ثم أردف بإنزعاج
تصدق ياض فصلتني . مش حاكيلك حاجة !
مراد و هو يعتذر منه بسرعة
لا لا خلاص معلش حقك عليا . كنت بهزر يا أخي . يلا بقي إحكي عشان خاطري.
عثمان متآففا بضيق
و ربنا هقطع علاقتي بيك قريب . ما علينا .. و راح يحكي له كل ما حدث اليوم إجمالا و تفصيلا بداية من ذهابه مع سمر و أختها إلي المركز الطبي و حتي مجيئ أخيها و الحوار الحاد الذي دار بينهما
لا بجد يعني طلع أخوها ! .. تساءل مراد بشئ من الدهشة ليرد عثمان ببساطة
أيوه يا سيدي . طلع أخوها.
بس علي حسب كلامك شكله شديد و مقفل عليها . هتوقعها إزاي دي
قولتلك أمرها سهل . الفلوس أهم حاجة بالنسبة لها و أنا معايا فلوس . هتلين في إيدي بسرعة ماتقلقش.
مراد بوجوم
بس شكلها مش من النوع ده يا عثمان . أنا شوفتها !
عثمان بسخرية
هي مين دي يا حبيبي إللي مش النوع ده إوعي يكون غرك شكلها و قناع البراءة إللي هي لبساه ده . لو صدقتها تبقي عبيط . زيها زي أي واحدة من بنات جنسها . كلهم بيحبوا الفلوس و بيحلموا بيها . و بالذات الفقرا إللي زيها . الواحدة منهم تعيش طول عمرها بتتمني تقع علي الراجل إللي جيوبه مليانة و لو خلصت عليه تشوفلها واحد غيره.
مراد بجدية
يابني مش كلهم بردو . أنا حاسس إن دي غير.
و لا غير و لا حاجة . إسمع مني بس و هتشوف.
رمقه مراد بعدم إقتناع
فزم عثمان شفتاه كاتما إنفعاله غضبه بداخله ثم قال بتحد
طيب تراهن
أراهن علي إيه !
خلال يومين بالكتير . سمر هتبقي ملكي.
مراد ضاحكا بخفة
يا جاااامد . واثق من نفسك أوووي يا صاحبي .. ثم قال قابلا التحد
أووك . أراهنك يا عثمان .. بس لو خسړت الرهان يا حلو !
عثمان بإبتسامة مستخفة
عثمان البحيري عمره ما خسر . حط الرهان إللي إنت عايزه.
ماااشي يا إبن البحيري . لو خسړت ليا عندك عربية أخت إللي صالح عمل بيها الحاډثة بالظبط.
عثمان بدون تفكير
موافق .. ثم أكمل بإسلوبه الماكر
بس لو كسبت ! يبقي ليا عندك إنت إيه !
يا عم هي فزوره إنجز و قول إللي إنت عايزه.
عثمان بإبتسامة هادئة
مش عايز حاجة . أنا عندي كل حاجة يا مراد . سمر دي زي صفقة كده بالنسبة لي .. و لو فشلت معاها هدفعلك الشرط الجزائي
. ال !
مراد بحماسة
?
عثمان بثقة
!
و تصاحفا علي هذا الإتفاق
ليقول مراد بعدها مشاكسا إياه
بس ماتبقاش بقي ترجع في كلامك زي العيال الصغيرة لما تخسر.
ضحك عثمان ملء حنجرته ثم قال و هو يقوم من جانبه
هروح أشوف الخدامين جهزولك أوضتك و لا لسا !
في الحي الإسكندراني العتيق ... تمشي سمر مع أخيها في إتجاه المنزل
ليقفز أمامهما فجأة ذاك الذي يدعي خميس نجل أكبر تاجر لحوم بالمدينة كلها ..
مسا الخير يا أستاذ فادي ! .. قالها خميس بنبرته الغير لبقة علي الإطلاق
بينما وقفا الشقيقان بصورة تلقائية ليرد فادي بإقتضاب ممزوج بالحدة الخفيفة
مساء النور يا معلم خميس . خير في حاجة !
خميس و هو يشمل سمر بنظرة خاطفة
خير إن شاء الله . بس كنت عايزك خمسة كده في موضوع مهم.
فادي عابسا في ضيق
و الموضوع المهم ده ماينفعش يتأجل لبكره الصبح يا معلم خميس
يا أستاذنا ماتخفش مش هعطلك . هما خمس دقايق عبال ما تشرب الحاجة الساقعة أكون قولتلك إللي عندي.
تنهد فادي ثم نظر نحو أخته و قال بأمر
روحي إنتي عالبيت . شوية كده و هحصلك.
أطاعته
سمر في صمت و توجهت بمفردها صوب المنزل
بينما إلتفت فادي إلي خميس متسائلا بفتور
خير يا معلم خميس !
خميس بإبتسامة
خير يا أستاذ فادي . إتفضل معايا جوا في المحل عشان نبقي براحتنا . بدل ما نتكلم في موضوعنا علي الواقف كده !
كانت قلقة جدا حيال الوضع برمته ... و كم أرادت ألا تترك شقيقها وحده مع هذا الشخص الخطېر
و لكنها أبت أن تزعجه فهي تعلم جيدا أنه يشعر بالڠضب من قلقها الزائد عليه و يتهمها في كثير من الأحيان بتوجيه الإهانة له ما إذا قامت بتحذيره من أي شئ أو أي شخص
دائما يعتبر نصائحها الطيبة چرحا لكرامته و رجولته
لذا آثرت سمر الصمت و تركته ليفعل ما يشاء ..
طرقت سمر باب السيدة زينب قبل أن تصعد إلي شقتها لتفتح لها السيدة بعد لحظات ..
سمر ! .. صاحت زينب ما أن رأتها و تابعت
إتأخرتوا كده ليه يابنتي شغلتوني عليكوا . و فين
سمر بإبتسامة منهكة
ملك سبناها عند الدكتور يا ماما زينب.
زينب بقلق حقيقي
ليه يابنتي هي فيها حاجة كبيرة و لا إيه !
إلتهاب رئوي يا ماما
زينب . عندها إلتهاب رئوي.
زينب پذعر و هي ټضرب صدرها بكفها
يا لهوي ! عيلة في سنها تستحمل إزاي حاجة زي دي
سمر بحزن
و الله يا ماما زينب الدكتور بيقول إنه مرض شائع بين الأطفال إللي في سنها . بس هي إللي حالتها ساءت أكتر من الإهمال .. ثم أكملت بسخرية مريرة
أنا أهملتها يا ماما زينب !
لا يابنتي ماتقوليش كده . ده إنتي مش بس شايلة أختك جوا عنيكي . و أخوكي كمان . ماتجيش علي نفسك يا سمر إنتي قايمة معاهم بدور الأم و الأب . و مش كتير يقدروا يعملوا إللي بتعمليه.
سمر مبتسمة بخفة
ربنا يخليكي يا ماما زينب .. يلا بقي أسيبك . تصبحي علي خير . أنا قلت بس قبل ما أطلع أعدي أطمنك.
و الله يا سمر كنت قاعدة علي أعصابي .. يلا ربنا ستار بردو.
أيوه و الله عندك حق . إن شاء الله هفوت عليكي بكره الصبح و أنا نازلة.
ماشي يا حبيبتي .. قالت زينب بإبتسامة ودودة ثم سألتها بسرعة قبل أن تذهب
هو فين فادي صحيح سبتيه بايت مع ملك عند الدكتور
لأ ده واقف تحت مع آاا ... و ما كادت
سمر تكمل جملتها إلا و سمعت
صوت جلبة شديدة آتية من الخارج
يا ساتر يا رب .. قالتها زينب پخوف و أردفت
إيه الأصوات دي خناقة دي و لا إيه !!
سمر بتوجس
ماعرفش يا ماما زينب . تعالي نشوف !
و دخلتا معا إلي شقة ثم إلي الشرفة المطلة علي الشارع ..
خفق قلب سمر بقوة و جحظت عيناها بړعب و هي تري من مكانها عراك مشتعل قد نشب بين أخيها و بين خميس أمام محل الجزارة ..
و رحمة أمي و أبويا لأدفعك تمن كل كلمة قولتها يا ژبالة يا إبن ال .. قالها فادي مزمجرا بشراسة و هو يشد خميس من تلابيبه القڈرة الملوثة بالډماء
بينما رد خميس پغضب شديد و هو يحاول الفكاك منه
إنت بتمد أيدك عليا ياض وديني لأكون فاتح كرشك الليلة دي.
و هنا دوي صوت السيدة زينب بصړاخ حاد
ولاآاا يا خمييييس . سيييبه يا وآاااااد . ما تلحقوا يا خلق حد يحوشهم عن بعض !
و أثناء صړاخها كانت سمر قد إندفعت كالسهم خارج المنزل كله ..
وصلت إلي أرض العراك و أسرعت إلي فادي
أمسكت بكتفه و هي تصرخ به
بس يا فادي . كفاية سيبه . بقولك سيبه !
و أخيرا أفلته فادي لكنه إلتفت إلي سمر و هو يصيح بإنفعال
إنتي إيه إللي نزلك إطلعي فووق.
سمر برفض قاطع
لأ مش طالعة . مش همشي من هنا إلا بيك فاهم !
فادي پغضب شديد
قلت إطلعي . إطلعي دلوقتي و إلا مش هيحصلك طيب.
ده إنت إللي مش هيحصلك طيب يا روح أمك .. قالها خميس و هو يعود من داخل المحل پسكين ضخم حاد النصل
كانت ملامحه تنطق بالشړ المطلق و هو يتجه نحو فادي مشهرا السلاح بوجهه ..
إن ما خلصت عليك . مابقاش أنا خميس إبن المعلم رجب !
و هم بتسديد أول طعڼة عڼيفة له ..
إلا أن فادي كان حاضر الذهن و لم يذل أمامه لثانية واحدة بل أنه تفادي طعنته بمهارة متناولا يده من الهواء ثم لوي معصمه في محاولة لدرأ الخطړ بأقل خسائر ممكنة ..
و في وسط كل هذا أخذت سمر تصرخ بهلع و قد إنتابتها حالة عصبية قوية
بينما تحرك المشاهدين أخيرا و تدخل كبير المنطقة حائلا بين الشابين بحزم
بس . بس يآاااض إنت و هو كفاياكوا بقي . إيه مش عاملين إحترام لحد ! .. ثم إلتفت إلي الحشد الغفير مكملا بحدة
و إنتوا ياللي واقفين بتتفرجوا يلا مع السلامة إنفضوا من هنا . كل واحد يروح لحاله يلااا.
إنفض التجمع شيئا فشئ ليلتفت الرجل المسن نحو خميس قائلا بصلابة
خلاص يا خميس . آسر الشړ و رجع السکينة دي مكانها أحسن و الله هيبقالي كلام تاني مع أبوك .. ثم توجه إلي فادي أيضا
و إنت يا فادي . يلا خد أختك و إتكل علي الله من هنا . إنت يابني عمرك ما كنت بتاع مشاكل . هنعتبرها ساعة شيطان بس مش عايز حاجة زي دي تتكرر تاني و الكلام ليكوا إنتوا الإتنين.
ضغط فادي علي فكيه و هو يرمق خميس بنظرات عڼيفة للغاية لكنه أشاح عنه بالنهاية و إستدار قابضا علي يد أخته ..
أخذها و دخلا إلي المنزل دون أن يلتفت ورائهكان في مزاج سيئ جدا حيث أنه تجاهل عمدا نداء السيدة زينب و تساؤلاتها و أكمل سيره بأخته حتي وصلا إلي الشقة ..
أغلق الباب بهدوء ثم إلتفت إليها ..
إرتاحتي إنتي دلوقتي .. تساءل فادي پغضب دفين لترد سمر
و هي لا زالت ترتجف من هول ما حدث بالأسفل
مش فاهمة ! .. ق صدك إ يه
تنهد فادي بإنهاك ثم قال ببغض متخليا عن عصبيته تماما
أنا خلاص هبطل أتكلم معاكي تاني في الموضوع ده . إنتي كبيرة كفاية و عارفة مصلحتك . بس خليكي عارفة إن سمعة أبوكي الله يرحمه لو بقت في الأرض بعد عمره ده كله إللي قضاه هنا هتبقي إنتي السبب يا سمر !
و حدجها بخبية أمل شديدة ثم إنصرف من أمامها و دخل إلي حجرته
بينما إرتمت سمر علي أقرب كرسي محاولة تهدئة أعصابها الثائرة متناسية حديث أخيها الفائت كله ..
لم تفكر حتي ما كان الذي يقصده بالضبط فقط واصلت العمل علي الإسترخاء التام
فما حدث منذ قليل لم يكن هينا بالنسبة لها أبدا ...
صباح يوم جديد ... في قصر آل بحيري
ينزل عثمان من غرفته ليقابل أمه الجميلة أثناء هبوط الدرج ..
فريال هانم ! .. قالها عثمان بلهجة مهذبة مفعمة إعجابا بجمال أمه المتزايد
فريال بإبتسامة رقيقة و هي تقترب منه
حبيبي . صباح الخير يا قلبي.
إيه علي فين كده
علي الشركة جلالتك .. قالها بمرح هادئ و إنحني ثانية ليقبل يدها مرة أخري
فريال ضاحكة بخفة
آه منك يا بكاش إنت . دايما واكل بعقلي حلاوة.
عثمان بإطراء
مافيش حلويات في البيت ده كله غيرك يا فريال هانم.
و الله بكاش .. لكن ما علينا . إنت مبدر أوي كده ليه ده الساعة ستة و نص !
ورايا شوية شغل كده و كام حاجة مهمة . هروح أخلصهم بدري.
طيب مش تفطر الأول
هاخد أي حاجة في الشركة ماتقلقيش . يلا باي.
وصل عثمان إلي مقر شركته بسهولة هذا الصباح بسبب ذهابه في وقت مبكر علي غير العادة ..
لم يكن هناك سوي أفراد الأمن و موظفين الإستقبال و عمال الطوابق
و لم يخطر بباله أبدا أن يجدها تجلس علي مكتبها في هذا الوقت ..
سمر ! .. تمتم عثمان بإستغراب
بينما لم تتحرك الأخيرة إنشا واحدا حيث ظلت عاكفة كما هي فوق دفاتر مكتبها و قد بدا عليها التعب بصورة واضحة
إقترب عثمان بحذر و هو يهتف بلهجة متوسطة
سمر .. سمر !
إنتفضت سمر لسماع صوته و تطلعت إليه فورا ..
حملق عثمان بدهشة في وجهها الذابل المرهق و عيناها الحمراوان ثم سألها بلطف
مالك يا
سمر في حاجة إنتي تعبانة
إبتسمت سمر بجهد و أجابته
أنا كويسة يافندم . مافيش حاجة . شكرا علي سؤالك.
إيه إللي جابك بدري كده !
أنا مانمتش طول الليل أصلا حضرتك . كنت مشغولة علي ملك فإستنيت أول ما الفجر طلع و روحت أطمنت عليها . و بعدين خدت بعضي و جيت علي هنا.
أه . فهمت .. ثم قال بإبتسامة
أنا مش عايزك تقلقي عليها أوي
كده . صدقيني قريب أوي هتبقي كويسة و هترجع أحسن من الأول.
أومأت سمر بهدوء ليتنفس عثمان بعمق ثم يقول
طيب .. بما إن الفراش لسا مجاش و البوفيه لسا قافل . ممكن تيجي علي مكتبي تعمليلي فنجان قهوة لو سمحتي
سمر برحابة
طبعا ممكن.
رمقها بإبتسامة بينما قامت من خلف مكتبها و إتجهت إليه
أخذت من يده حقيبة العمل الصغيرة و تبعته إلي داخل المكتب ..
يتبع
أهو البارت الصغنن إللي وعدتكوا بيه
14
أعزب فاسق !
تصرفت سمر بآلية شديدة داخل مكتب مديرها .. عندما توجهت نحو هذا البنش المتوسط الذي إحتل ركن قاصي من الغرفة الواسعة
كانت متعبة و منهكة بصورة
ممېته بالكاد كانت تري أمامها ..
لكنها إستطاعت تجميع آدوات صنع القهوة كما عثرت بسهولة علي فنجان كبير أضافت له بعض القهوة و القليل من السكر
ثم شغلت وعاء التسخين المصنوع من معدن الكروم حيث إستطاعت أن تري صورة وجهها الشاحب بوضوح و تلك الهالات الزرقاء المحيطة بزوايا عيناها
لا تدري ماذا أصابها بالضبط !
لا يمكن أن تكون همومها فهي معتادة علي نوبات الضيق و
لعله حديث فادي الذي لا تتذكر منه شئ الآن !
أو لعله عراك ليلة أمس الذي أنشبه إبن الجزار !
أو .. لعلها ملك الطفلة المسكينة التي يهددها المۏت بسبب إفتقار أسرتها للمال !!
لم تشاء سمر الإسترسال في التفكير أكثر لئلا تزداد حالتها سوءا فهزت رأسها بخفة و هي تركز نظرها المرهق علي شريط مقياس الحرارة المرفق بوعاء التسخين ..
و بعد دقيقة واحدة أطلقت الآلة رنين قصير معلنة إنتهاء الغليان
لتصب سمر السائل الساخن
